مرحبا مليون لبنات المنتدي الغالي، مثل ما وعدتكم نزلت تقريري الثاني لمدينه العين ورحلتنا كانت لمده يومين بتاريخ 4-5- فبراير-2011 مع اهل رياييل خواتي الله يطول بعمارهم يارب وكل الشكر لريل اختي الكبيره بو عيسى وكل ما بغيت اخالف اوامره قال بخبر عليج الافغاني خخ لاني ريلي اهناك وتقاريري تختلف بالنسبه للاشخاص اللي اظهر معاهم يعني مع ربيعاتي غير واهل ريااايل خواتي واهلي فيه فن وطبعا مع الشيخ بو خالد ما يحتاي اني اقوله لكم
اهني اول ما وصلنا المبزره تقريبا على الساعه 11 الظهر
صور من غرف الشاليهات نحن خذنا بو غرفتين وصاله
المطبخ
غرفتي اختية خليتها تاخذ سرير كنج لانها حامل
وصوره للحمام (اكرمكم الله)
وهاي غرفتي لزيت ودزيت الشباري حذال بعض انا من ناحية اليمين وعيالي ف النص واختي ع اليسار عسب عيالي ما يطيحون ههههههه
مقتطفات من الشالية
اندومي لليهال تصبيره لين وقت الغدا
وهني نحن البنات وصحني اللي فيه صوص الطماط خخخخخ وايدي اللي محنايه اختي اللي مشخبطه فيه بس جذه
وكملنا الرحله لمنتزه العين للحياه البريه وما صورت وااايد اشياء لان نحن كنا واايد ماشاءالله ولازم امشي معاهم علا اضيع مع عيالي
مقتطفات من الحيوانات اللي ف الحديقه
وهني صور من عرض النسور والحباري والعرض كااان عجيب واظلمت الدنيا من بعد العرض
ومن بعدها كملنا الدرب لجبل حفيت ومن البروووده ما صورت شيء ووقت النزله صدعت ويتني لوووعه وماقدرت اكمل معاهم سيرة مكان الماي الحار
واهني بره الشاليه ثاني يوم الصبح فرشوا الشباب الحصير وقاموا يسوون الريوق ف الهواء الطلق مع حريمهم لحقت عليهم على اخر الريوق
وهذا كان ريوقي الكوفي من صنع ايد ريل اختي والريوق من صنع ايد اختي والبسبوسه سرقتها لاني ناشه متاخره شويه وماحصلت غير هاللقمه ولله الحمد
واحلى هنااااك مدينه الالعاب الهيلي صدق صدق روووعه وعدلوا فيها كل شيء ياااي ذكريااات ايام الطفوله ردت لنا ما صوررت وايد لان كنا نلعب الدخول ب 40 للشخص وحتى اليهال ياخذونهم على حسب الطول هب على العمر يعني بنتي عمرها اقل عن 3 سنوات ودفعت لها 40 وكل الالعاب مجانا الا كمن لعبه
حبيت هالصوره
وهالوحش مادري ساحر المهم بياكل اللي ما بترد على الموضوووووووووع
واتمني ان تقريري يعجبكم تقبلوا تحياتي مشوطه الزعابي
الله لافرق مابينكم ان شااء الله ، احلى شي يلسة الريووق 
يعطيج العاافيه ياارب
النسوررر روعه يوم كنت هناكي خفت وما قربت صببهم اتااري عادي اقرب
تصويرج وتعليقج حلووووو