اشحالكم عساكم ابخير !
في يوم 30/12/2010
اخوي عزّم وحجزلنا في مركب لـ20 شخص لرحلة بحرية في مرسى دبي مارينا وهي على اساس رحلة صيد ،، لكن الجو للاسف كان الموج عالي وما صدنا شي ،، وما اجذب عليكن يلسنا ميودين الصناننير يمكن ساعة وملينا ههههههه
المهم استانسنا بالرحلة لانها كانت عائلية اخواني خواتي 
اكثر من 200 صورة لكن كلها للاهل ونقيتلكم كم صورة تفي بالغرض
هذا مرسى نادي دبي لليخوت وهو فالمارينا
واحد من هالمراكب كان اللي حجزناه بس اكبر شوي
ومحدثتكم ومصورتكم 
الصالة
الدري اللي يودي للطابق الارضي اللي فيه الغرف والحمامات (الله يعزكم)
غرفة النوم الرئيسية
حمام غرفة النوم الرئيسية (الله يعزكم)
غرفة للصغارية شبريه دبل
حمام عام
الغرفة الثانية
فيها فتحة للسقف
يتبع >>
المطبخ تحت اخر شي
ونحن شلينا من البيت مشاوينا وعالمركب شي هندي يشوي فالمطبخ وطبعاً كانت سلطاتنا وعصايرنا معانا ،، لكن اللي يبا يحجز الاكل مع المركب ممكن ،، بس نحن فضلنا أكل البيت احلى
انتهينا
وسامحوني يمكن بعض الصور مب واضحه ومب حلوه ،، بس لأني ما حبيت اخلي التصوير يخرّرب عليّ جو الرحلة ،، فصوّرت أي كلام
وانتظروني في تقرير سفرتي للهند في صيف 2024
ذكرتيني والله كشخه كشخه الاجواء
وربي يديم عليكم هاليمعه و نرقب تقارير ثانيه منج
ما شاء الله شكل الرحله كانت رووعه.. الله يهنيكم
ممكن تحطين تفاصيل التاجير- ( السعر- اسم الشركه)
خلاص ان شاء الله بسأل اخوي التفاصيل وبحطلكم فالموضوع
بس اعتقد وايد شركات تأجر ومعروف وبنحصلون فالنت
بس ما عليه بتخبرلكم وبحطلكم البيانات ان شاء الله