ملابس الاولاد مب للبنات بنات راااك ابا مساعدتكم !!!؟؟ 2024.

هلا والله …….شحالكم بنات بغيت اسئلكم ترا انا راسي داااخ وادور على ملابس للاولاد احس كل المحلات اللي براك يركزون ع البنات اكثر بوايد عن الاولاد ………………. والله قهر انا بس عندي ولدين يعني بيبي شوب ومزر كير ونكست احسهم للبنات وايد حلو عندهم بس للاولاد ما شي انا هنيه ارمس عن اللي براك ….
ابا اشتري لعيالي يعني هم من 10 شهور الى ثلاث سنوات بليييييييز دلوني وانتو مب منقهرين مثلي احس كل المحلات مركزه ع البنات ……………………….خخ اين حقوق الاولاد خخخ

بليز دلوني لو عندكم اي محل غير بعد لو برا راك مثل الشارجه و عيمان ما شي حيله دلوني بعد …….

الصراحه بعد انا دورت وايد في بوظبي ووالشارجه وماشي عيبني …….ليش كله للبنات وبس ؟؟؟؟

دلوني بليز

الله يعينج انا بعد لاحضت هالشي و استانس ع ملابسهم لووووووول مادري ان شاء الله بحاول اسأل لج ^_^ و الخوات ما بيقصرن ^_^

انا سمعت عن فاين فير بس مادري اذا هو للطفال دون السنه و لا لأ أحس حلو عندهم ^_^ الصراحه ف راس الخيمه قلة هالمحلات لو ف الشارجه و دبي يمكن تحصلين ^_^ الله يسهل عليج

أنا نفسج الغالية..

يبت ولدين ورا بعض..

ونادر ما أحصل ملابس حلوة للأولاد..

روحي محلات بيبي شوب…لأن بضاعتهم تختلف من محل لمحل..

ومحلات سناء عندهم أشياء وايد حلوة للأولاد..

وبعد محل فاين فير في بوظبي..

والله يرزقج صلاح وطاعة أولادج..آآآمين

هلا الغاليه انا مثلج عندي 3 اولاد بس لبسهم كله من محل زاااارا في ميغامول الشارجه او ستي سنتر دبي
وعندج بعد محل نكست وايد اشيائه حلوه على العموم في الطابق الاول في الستي محل h&mاشياءه وايد راقيه وبعد في نفس الطابق محلrestوايد راقي وتقدرين اطقمينهم
اتمنى اني فدتج

هلا غناتي
انا بعد شراتج يوم كان عندي 3 أولاد احس ان اللي موجود فالسوق كله للبنات بس اللحين يوم يت البنوته صار العكس

لو تسيرين مركز صحارى مول امس انا مريت شفت اغلب المحلات مسوين تنزيلات وعندهم اشياء حلوه للأولاد