بنتي عمرها 3 سنوات داشه الاربع والسنه ان شا الله بدخلها المدرسه بإذن الله …مشكلتي وياها بدت من يبت الاتوام وعمرهم الحين 12 شهر…وااااااااااااااااايد تتحرش فيهم وكل 24 ساعه صريخ ..والمشكله انها تشل اختها وانا عادي عندي بالعكس يوم اشوفها اقول لها ياسلام كبرتي يا فله(اسمها المفضل اللي تحبه ) حطيها على فراشها شاطره … وتسير عادي تحطها .. بس يوم تشوفني لاهيه عنها واكون متعمده تحطها بدفاشه وادزها دز … ما اقدر اضربها هالساعه لأني ادري اني بخرب اشياء وايد وخاصه ان اسلوبي وياها اسلوب الام الصديقه ما عاملها على اساس اني امها وبس وهي تحبني واااااااااااااااااايد حتى اكثر من ابوها وتخاف عليي من الهوا وعمري ما شفت حد من بعد امي وابوي يخاف عليي كثرها الصراحه مع انها صغيرة ..ويوم اسير عندها عشان اشوف شو السالفه تطالعني بطرف عينها مثل اللي تقول فخاطرها هل انا شفتها او لأ ..بس انا اطنشها .. واكلم اختها جدامها مع انها ما تفهم على اساس انها لازم ما تصيح وتكون شاطره نفس اختها فله ،وهي تسمعني ..
والمشكله الثانيه .. انها من علمتها تسير عزكم الله الحمام قامت تسير بروحها .. بس الحين لو شو يستوي ما تسير ..ولازم انا اوديها الحمام واشلح لها وايلسها بعد … لدرجه اني مرة عاندت وياها عشان تستسلم وتسير الحمام تصدقون انها بالت على نفسها :1 (2): …..
خبروني كيف اتصرف وياها .. وخاصه انها بعد مب اجتماعيه وما تحب تشوف حد غريب ..كيف بتكون فالمدرسه .. مع اني اطلعها وأوديها الالعاب … ومن تشوف ياهل واقف جدامها يشوفها وهي تلعب على طول تعصب وتخوز عن اللعبه وتخليها تشتغل بروحها ………..:1 (70):
كيف اتصرف وياها .. وخاصه اني انا عصبيه بس وايد امسك اعصابي وساعات ما اقدر الصراحه ..
ساعدوني
حاولي تشركيها تقريبا بكل شي من تنظيف اخوانها وغيره والله يساعدج
على فكره هم اتوام بنت وولد وتركز عالبنت اكثر من الولد .. والحين مستلمه الثنين .. تمسكهم من ريلهم عشان ما يتحركون .. انا ساعات اضحك يوم يفتر راسي …شو اسوي
انا عندي بنت 3 سنوات و ولد 6 شهور .. و نفس الحاله .. ما اعرف شو اسوي .. بعد انا وايد عصبيه ، ويوم اطلع من طوري اضربها ،بعدين اراضيها وافهمها انه غلط اللي تسويه فاخوها
ادري انها ياهل ما تفهم واني المفروض ما اضربها .. بس شاسوي
الله يعينا والله ..