اشحالكن حريمات وامهات ان شالله مرتاحات..
بغيت اللي عندها خبره اترد على استفساري…؟؟
بنتي ماشالله عليها عمرها سنتين ونص والحمدالله عودتها على سيرة الحمام وانتوا بكرامه وطول النهار ما البسها الحفاظ الا وقت النوم…بس هاي هي المشكله اني ابا اعودها اتنام من دون الحفاظ… بس كيف ..كيف يا امهات عودتن اعيالكن على سيرة الحمام في الليل طبعا من لبس الحفاظ؟؟؟؟
اول شي قبل لاتنام بساعه او اكثر عطيها الرضعه ومن عقبها ماشي…. لاتشربيها شي واذا عندت تبا تشرب عطيها اشوي مب رضعه والا كوب لالالاااااا اشوي….
قبل لاتنام وديها الحمام….. ونوميها……. بعد ماتنام بساعتين شليها ووديها الحمام وحطيها اول فتره ما بتستوعب شو السالفه لانها نايمه بس حاولي اتشرين عليها اشويت ماي وعلى طول بتبول……
وبعدين الفجر نشوي وديها<<<< اهم وقت اذا نسيتيها يمكن اتبول وانت لاحظي اي وقت اتبول فيه الفجر….. انا عودتها على الساعه 3 لانه اذا تأخرت احصلها امخلصه وبايله فالفراش…..
والصبح بعد اول ماتنش على طول وديها لاتتأخرين وتقولين لا بترجع اتنام لانه احيانا البوله اتنششهم الصبح…
هي فتره وبعدين بتتعود انها اتنش اتصيح وقت ماتبا اتسير الحمام وبعدي كل ماكبرت بتستوي خلاص اتسير ابروحها….
انا ولدي لين الحين ما يرضى يقعد على ………ما يعرف بس يوم اخليه من غير حفاظة وويسويها يتم يناديني
ما ما يع ماما يع
لو عندج طريقة افيديني بها لانه زوجي يباه يتعود على الحمام