الغاليات بغيت أتخبركن شو تحط لعيالكن وبناتكن أكل للمدرسه خاصه إذا كانت الاستراحه على فترتين
اللحين في رمضان تكون فتره وحده
بس بعدين على فترتين
شو نوع الاكل اللي تحطون لهم
مثلا ولدي اسويله اللحين صمون زعتر ومرات كاكاو والجين ما يطيع ياكله
طبعا عصاير وشبيس واحيانا بسكويت
واللحين طالعلي يريد اندومي للمدرسه يوين شاف رباعته ياكلون اندومي
شو رايكن وكيف احط له الاندومي في صندوق الغداء ؟بس ببرد وبعدين الصندوق بلاستيك مب زين نحط شي حار فيه
بقولكن الاسئله باختصار
1-نوع الاطعمه للمدرسه الفترة الاولى؟
2-نوع الاطعمة في الاستراحه الثانيه؟
3- الطريقه المثلى للحفاظ على الاطعمه حاره للمدرسه؟
ومشكورررات
وطبعا عصير مانجا >> هو يحب المانجا وايد
وبسكوت او كاكاو >> واحيانا تحطله المنتج اليديد مال كورنفليكس اللي شرات الكاكاو ماعرف كيف اوصفه بس وايد اوك
وطبعا دبة ماي .. وشيبس
كل شهر نشتري بالكراتين يعني كرتون عصير كرتون شيبس وجذيه لين ما يخلص
شوفي النودلز فعلا ياخذونه للمدرسه انتي لازم ساعه قبل موعد الباص اتسوينه له ويوم يبرد حطيه في الانش بوكس عادي يكون برد مع البلاستيك مب مشكله واليهال يحبون الاكل البارد
انا غير النودلز بنتي تطلب معكرونه بالليمون يعني معكرونه مسلوقه وعليها رشات ليمون
وتطلب سندويش همبورغر او نقانق
وكله طبعا تقليد من الي وياها وانا اسويه لها
ممكن اتسوين له ورق عنب لو يحب اوملفوف او كوسا يكون بارد ليله قبل اتسوينه عادي والصبح ياخذه وياه
يعني باختصار اكل البيت
والله افيد لهم من ناحيه
واخر تقليد لبنتي امس اتقولي ماما لا تحطين لي عصير كابرسن الكل يحطون العصير في المطاره انا بعد ابا ههههه
خذي الطبقات الاستيل الي العمال يحطون اكلهم فيه
مشكووورة الغاليه وأنا اسوي جذيه
بس كل مره ايبلي شي يديد
وأول ما كنت احط له بطاطس(شبيس) بس يوم صرت احط له صار ما ياكل السندويش
بالنسبه للعصير لاتعطينها كابرسن بو زين لانه شراب مش عصير حاولي تعطينها أي شي يكون مكتوب عليه عصير مثل لاكنور
برق لمع
مشكورة الغاليه على ردج
والله هذيله العيال ميننبنا
ما نعرف شو نسويلهم ويم نسويلهم ما يعيبهم
بغيت اسألج وين نحصل العلب اللي تحفظ الحرارة
وهل اتي احجام ولا لا يعني تدخل في سنطه الاكل
المشاركة الأصلية كتبت بواسطة بنوتة العين 
مشكووورة الغاليه وأنا اسوي جذيه
بس كل مره ايبلي شي يديد
وأول ما كنت احط له بطاطس(شبيس) بس يوم صرت احط له صار ما ياكل السندويش
بالنسبه للعصير لاتعطينها كابرسن بو زين لانه شراب مش عصير حاولي تعطينها أي شي يكون مكتوب عليه عصير مثل لاكنور
برق لمع
مشكورة الغاليه على ردج
والله هذيله العيال ميننبنا
ما نعرف شو نسويلهم ويم نسويلهم ما يعيبهم
بغيت اسألج وين نحصل العلب اللي تحفظ الحرارة
وهل اتي احجام ولا لا يعني تدخل في سنطه الاكل
تي احجام تلقينها في اللولو سوبرماركت
بالنسبه للسندويش ممكن تسوينلهم سندويش جبن أو لبنه مع زيت زيتون وزعتر أو سندويش تونه .
أما الوجبه الخفيفه حطيلهم الجزر الصغير (Baby carrot ) وعندج بعد العنب الأحمر والأخضر واااايد مفيد .
أما بالنسبه لحفظ الحراره ، مافي أحسن من coleman ( الحجم الصغير ) وايد ممتازه وسهلة التنظيف وتستخدمينها طول العمر .
وهذي صورتها …..
