أبغي خبراتكم أنا ولدي الحين عمره 3 سنوات مش راضي يسير الحمام جربت و ياة كل شي بس ما شي فايدة ما يسمع كلامي بليز ماميز الي استوالها ومرت نفس تجربتي تنصحني
اب اب اب
يعني خلي الولد على راحته واحيانن عقي عنه مب تين من اول مره واتعقينه عنه واتقوليله يالله جدامي الحمام
لا بين فتره وفتره دخليه الحمام
والله يحفظ عيالنا
يعني اكيد لازم بالتعبين وااايد بس النتيجه بتكون اوكيه لوول
طبعا تمي حفزيه باللي يحبه
يعني انا عن نفسي بنتي اتحب توم وجيري ولولوكاتي
فاقوللها لو ودرتي البامبرز بشتريلج هاف لولوكاتي
ورحت واشتريت حق بنات اختي هافات لولوكاتي
وبنتي شافتهم وغارت وتمت محتشره تباا مثلهم
قلتها لااااا هذا بس حق اللي يروحون الحمام وما يلبسون بامبرز
وبعدين تميت ع فليل احكيلها حكايات عن البنت الشاطره المأدبه
اللي تسمع الكلام واتروح الحمام وما تلبس بامبرز
وانها استوت كبيره وطول شعرها هههه ( لانه بنتي اتحب يكون شعرها طويل )
وانه امها وابوها يابولها هدايا وااااااااااااايد والعاب
وفالبدايه كانت مثلا اخليها اتروح الحمام وايلس وياها ويوم اتخلص اتم اصفقلها
واسير واخبرهم اقووللهم صفقوا لنوف راحت الحمام ويصفقولها واقوللهم قوللها شاطره الخ
وبعدين اتم اوقتلها يعني اذا راحت الحمام الحين بعد ساعتين اسألها اقوللها
قومي بنروح الحمام واتحاول ..
بتعبين من هالنقطه لاني تميت وايد اسألها واقوللها روحي واحيانا ما يطلع شي
بس الاهم من ها فهالمرحله بتعرفين كل متى ولدج يحتاي ولدج يروح الحمام
وأهم شي فالبدايه لا اتضاربين ولا اتنازعين ولدج اذا سواها فعمره
يعني نظره توحي بانج مضايجه اتكفي
وشدي حيلج وياها ….. لوول
وطبعا فالبدايه ع فليل تمي لبسيه بامبرز بس طول اليوم يكون بدون بامبرز
وخلاف اشوي اشوي اتودرينه طول عنه
وخبرينا عن تجربتج ان شااء الله اتكونين استفدتي لو 1 من كلامي
والسموحه
لا تلبسينها بامبرز طول النهار وكل 10 دقايق وديها الحمام ويلسيها وقوليلها اذا سويتي (….) بعطيج كاكاو أو شيء هي تحبه أو حلاوه…المهم
1_ اذا سوتها بالحمام على طول لازم تعطينها الشيء اللي وعدتيها اياه..
2_ لازم تودينها عن كل حد في البيت عشان يصفق الها ويبوسها ويقولها شاطره… كل ما تسويها بالحمام طوفيها على كل شخص بالبيت يصفق الها كتشجيع…
3_ بالليل لبسيها البامبرز وشوفي الصبح مسوية فيه شيء ولا نظيف لان بنتي من كثر ماتعودت بالنهار البسها بامبرز بالليل والصبح اشوفه نظيف لنها تعودت على الحمام…
4_ اذا حسيتيها تعودت على الحمام جربي مرة وانتي سايرة بيت اهلج وديها بدون بامبرز وكلميها طول الدرب قوليلها تبين تسيرين الحمام ولا؟؟ وأول ما توصلين بيت اهلج وديها الحمام واذا تعودت خلاص …بتغلط مرة مرتين بالاسبوع عادي المهم وانتي طالعة اذا ما لبستيها بامبرز خلي عندج بامبرز بالشنطة واذا شفتيها مستعيلة ما تقدر تصبر لبسيها بالسيارة خليها تسوي فيه وبعدين نظفيها بالمحارم وعلى طول فسخيه عنها انا جيه كنت اسوي لبنتي والحين الحمدالله ما تلبس مول وتعلمت تيود عمرها….وان شاء تفيد معاج هاذي الطريقة وخبريني بالنتيجة
انا علمت ولدى قبل السنييتين والياهل لاتقولون مايفهم يفهم واذكى عنا
ولدى الحين عمرة سنتيين وشوي بس احيانا يسووي الصغيرة على الهاف بس الكبيرة مستحيل دوم في الحمام
عكس الناس
والطريقه اللى سويتها مثل طريقة الخوات