تتوقعون البيبي بعمر 8 شهور يحــس ؟؟ 2024.

السلام عليكم خواتي

عندي لكم سؤال واتريا منكم الاجابه،،،

مجرد احساس يراودني واريد اتاكد

بنوتي الحين كملت 7 الشهور ولله الحمد

ما دري ليش،،، عندي انا وعند اشخاص معينيين تضحك وتلعب ومزاجها راااااااااااايق

وما ادري ليش ويا البعض ،، لا،، تصيح ما تبا اتم عندهم ،، ماتباهم يشلونها ـ،،

حتى في بيت من البيوت (بدون ذكر صلة القرابه) استعجب منها ،، البنت مب طبيعيه ،، وانا اتوتر وياها

وفي البيت البنت هاااااااديه وتلعب ولا تصيح

وانا اقصد من الاحساس ،، هل هي تحس بالي يحبونها او الي يشلونها مجرد مجامله بس ؟؟؟

فديتها الله يكون في عونج

خخخخخخخخخخخخخخخخخخخخخخخخخخخخخخخخ
اهم شي نبا من بنتج خبز رقاق

حياتي مو جي السالفة
انا ولدي بعمر بنتج بالضبط
ونفس الهفات تيه
تخيلي مرات انا امه يصيح وما يباني
ومرات يحب اهلي ومرات لا
يعني اليهال هاييل مزاج
شراتنا احنا الكبار
وبعدين هي بسن تفرق فيه بين الغريب والقريب

لا فديتج الياهل ينكر . . يعني متعود ع ناس و ناس لا

حياااتو
السالفه ومااا فيها اليهال نوااتق مره هاااديين ومره يقهرون
بس بنتج طبيعيه لا تخاافيين عليها ولا تبينيلها انج متوتره خلج ريلكس مشاااعر الام تنعكس ع الطفل

ما ينعرفلهم لانهم مزاجيــــــــــــن هذا اللي لاحظته..
بنتي من عمر 4 شهور لين كملت 8 شهور كانت تذبح عمرها من الصياح لو شافت حد غير اللي فـ البيت..
الحين تتنقى اللي تباه تسكت وياه واللي تبا تصيح..
حتى انا احيانا ما تباني واحيان ما تبا ابوها..

الياهل اذا ماشاف ناس حواليه يستوحش واذا حد يديد يا بيشيله بيذبح عمره من الصياح من الخوف

يدتي الله يحفظها دوم تقولنا لا تحبسون عيالكم فالبيت طلعوهم عشان يشوفون الناس
خصوصا اول الشهور عشان يتعودون عالحشره + يتعودون عالناس …