بنتي مسجلتنها روضه اول حكومي عمرها ثلاث ونص اول اسبوع داومت عادي وفرحانه ولما توصل البيت تخبرني شو سوت وشو عطتها المدرسه
بس ثاني اسبوع وبالتحديد يوم الخميس مادري شو استوابها ماتعرف تتكلم فيها تأتأه اذا بتقول انا تقول ا ا ا ا ا انا ماتقدر تطلع الكلام الا بصعوبه حتى كل اهلي لاحظوا لما سرنا عندهم بالويكند
امس واليوم ماداومت لانها مرضت واايد ويتها حمى وطلع عندها اللوز
يمكن يكون التأتأه من اللوز؟؟ بس اللوز ياها يوم الاحد هالاسبوع بس
يمكن حالة نفسيه من الروضه بس هيه كانت مستانسه من الروضه
او يمكن حسد
مادري شو اسوي بتريى لين تخلص المضاد الحيوي ويخف اللوز واذا بعدها التأتأه بوديها عند مطوع واذا مافادها بوديها عند دكتور نفسي بس هذا اخر خيار وانشالله يفيدها
تعرفون حد من اليهال عنده تأتأه وكيف تعالج
كل اليهال اللي اعرفهم وعندهم تأتأه كان من حسد
لا تخافين ما فيها شي أن شاء الله
مرت عليه هالحاله مع بنتي الله يحفظها ويحفظ عيال المسلمين أن شاء الله
كان عمرها سنتين ونص ووحيده فاا دخلتها الحضانه
بعد فتره لقيت بنتي أتأتأ علشان تلفظ كلمه تاخذ فيها فتره .. خفت عليها وخذتها عند أخصائي نفسي للأطفال
شافها تم يضحك عليه قلتله البنت شوفيها ليش أتأتأ ما تروم ترمس
قالي في العالم أطفال بنسبة 5 % يتأتأون
ليييييييييش
لانهم معظم الأطفال إلي بنسبة 95% ما يفرقون في إلي يستجد في حياتهم
أما الأطفال إلي بنسبة 5% هم إلي يحسون بهالمستجدات
المهم بالنسبه لبنتي قالي ملاحظه مهمه في علاجها
أولاً
محد يعدل عليها غير الأم وتحاولين تخلينها تقول الكلمه وبعدها أتخلينها تعيدها وتصفقيلها وتشجعينها على لفظها من دون تأتأه وتقوليلها أنج أنتي ما فيج شي وشوي شوي بتتخطين هالمرحله وبتصيرين أشطر البنات
يعني هالله هالله بالتشجيع المستمر من الوالدين
ثانياً
مش مسموح حد يعلق على كلامها ولا يحاول يعدل عليها أو يزجرها أو ينهاها نهائياً
(فقط الأم لا غير )
خلال ثلاتيام بنتي رجعت طبيعي
بس يمكن ترجعلها مره ثانيه عزيزتي بس لا تخافين أتبعي هالطريقه وأن شاء الله خير
تنويه عزيزتي
تحملي تودينها عند حد خلال فترة العلاج لانهم بيتمون يعلقون على رمستها بحسن نيه
وهذا يدمر نفسية البنت وبتحس أنها ما تقدر تكون طبيعيه ..
أذكر أن هليه يقولولي تعالي وعقب ما يوعدوني ويخبرون البيت كله عن حالة بنتي أروحلهم
لان لوحد علق على بنتي بحسن نيه أدهورة حالة بنتي يعني لو كنت تقدمت خطوه برجع من تعليقهم 10 خطوات
فاااأحترسي عزيزتي
وأن شاء الله ما عليها غير العافيه .. وبعد الأحتياط واجب أن حبيتي تاخذينها لطبيب يكون أحسن
بالنسبه للدكتورغير متواجد في الوقت الحاضر .. هذا الكلام من 10 سنين .
ما قصرتي ام شيخه بس المشكلة ولد عمها بنفس البيت ودوم يعلق عليها
على فكره هي كانت تتكلم عدل يعني تعرف تنطق الكلمات بس الحين الله يعين واليوم داومت في الروضه اخاف حد هناك يعلق عليها نسيت ماخبرت المعلمه باجر بخبرها
المشاركة الأصلية كتبت بواسطة shahma 
ما قصرتي ام شيخه بس المشكلة ولد عمها بنفس البيت ودوم يعلق عليها
على فكره هي كانت تتكلم عدل يعني تعرف تنطق الكلمات بس الحين الله يعين واليوم داومت في الروضه اخاف حد هناك يعلق عليها نسيت ماخبرت المعلمه باجر بخبرها
عزيزتي بالنسبه لأي شي طارئ على الطفل مثل مرض بعيد الشر أو عاده سيئه مكتسبه
علاجها سهل في أول فترته بس بعد ما يطول ياخذله فتره لين يرجع الطفل مثل أول
التساهل في هالموضوع بالذات نتايجه وخيمه على البنت .. تحملي
بعدين موضوع ولد عمها .. تقدرين بنقول نرشيه بشي يحبه علشان نخليه ما يعلق عليها في فترة علاجها .. الأمور سهله عزيزتي
أنا بنتي كانت صعبه تنطق الكلام يعني ما كانت تقدر تقول جمله من ثلاث كلمات مثال
ماماماماماماتي … باباباباباباباتي
كانت تاخذ وقت لين تلفظ الكلمه بروحها كنت يوم أشوفها أقول في خاطري كيف بترجع تتكلم طبيعي
مع كل هالتأتأه
ولله الحمد والمنه أنتهت بعد ثلاثتيام .. بعدها خذت فترة شهرين تيها التأتأه وأنا تميت وراها لين راحت عنها بشكل نهائي
وكانت بنتي أداوم في الحضانه ورشيت اليهال كلهم في الحضانه والحضانه كانت 3 صفوف أعمارهم بين السنتين لين الثلاث ونص .. وكل يوم أعطي شيخه كيس فيه حلاوه أو دونات أو جبس أو بفك المهم أني ألفت أنتباه اليهال للي تيبه شيخه هب للي تقوله وتعرفين اليهال في هالعمر يشدهم إلي ينياب لهم ..المعلمه وايد أتفهمت وضع بنتي وساعدتني بفكرتيه ..
المهم عدت على خير وما حد علق عليها والتقدم في الشفاء بفضل الله كان سريع .