شخباركن ان شاء الله تمام ^^
انزين ندش في الموضوع …
انتي زوجه و ماما و موظفه و فوق هذا كله حامل و الحمدالله … عيل خبريني ؟؟
كيف تنظـمين و قتـج و ترتبـين جدولـج في امـور البـيت و الـزوج و الـعيال طبعا ما انسى كيف تخصصين وقت لج انتي الاهتمام بنفس يعني و هل عندج وقت من الاساس لعمرج !!
خصه لو كان دوامج من ساعه 8 صبح اليــن 4 العصر ..
كل وحده تشاركنا بجدولها و ترتيبها بتفصيل الممل عشان نستفيد منكم خواتي ^^
ومن الاهتمام يالله ازور الصالون مره في الشهر لا وانا متملله وماروم والله لولا مساعده الخدم جان اتخبلنا
بس بعــد لازم نرتب حياتنا انا مليت صراحه حتى الصالون ما اروحه احس انه ما عندي وقت كل شي اسوي في البيت بس بعد الصالون غير طبعا .. و لا جي طار الريل و استوت الخدامه هي راعية البيت .. الله يستر ..
ساعدونا بنات ..
مشكروه ام حمد ..^^
عندي بنت عمرها سنة وثلاث اشهر ما شاء الله عليها وحامل الحينه في الشهر الثامن واداوم من سبع ونص لين 2 ونص
بس بعد ريلي يداااوم في جزيرة داس يعني دوامه شفتاات اسبووع ومراات شهر يتم اهنااك
والصوالين يلا بالويكند ارووح
وعلى بنتي مسكينه اررد من الدواام تكون امي مغدتنهاا ومشبعتنها ومن ترقد ارقد وياها ومرات اخليها تلعب وانا اررقد
واداوم من 8 الى 4
وريلي دوامه نفسي
كانت طالعه روووحي
9 شهور رحت فيهن الصالون مرتين ولا 3 و كانوا عشان الأعياد بس
اسمحيلي الريال اللي ما بيستحمل الحرمة وهي حامل وتعبانه وبيطير
نفاد….. خله يطير
منو مستعده تتحمل تعيش مع ريال من هالنوع
اذا بتسوين وبتهتمين بعمرج سوي حق نفسج قبل الريال.. صح ولا لأ ^_^
بس الصراحه مليت !! احس حياتي قالبه فوق تحت موب عشان الريل بس انا اقصد كل شي عيالي بيتي نفسي يعني احس وااايد مقصره مع عيالي فديتهم وااايد علي احل واجباتهم و خلص وييين قبل العب معاهم اسولف معاهم اهتم فيهم اراعيهم و مذاكرتهم الحين يالله يالله احصل وقت عشان انام والبيت كله عل الخدامه حتى عيالي بصراحه اكلهم عل الخدامه و الله شي يضيق الخلق .. اللهم لك الحمد و شكر ريلي مقدر تعبي و مراعيني الحمدالله بس انا اللي ظايق خلقي ..
عشان جي حبيت اشارك معاكم في عمل جدول ينظم حياتنا و نشوف نفسنا شوي ..
اكيد في حــل ..
