السلام عليكم ورحمة الله وبركاته…
خواتي عندي ولدي عمره 11 يوم… عنده إمساك تقريبا 8 ايام مدري 9 ايام… هو اول ما انولد سوى كاكا تقريبا ثلاث مرات الي اربعه…هاي يمكن اول ثلاث ايام… بس بعدين ولا شي…
يرضع طبيعي.. و كم مره عطيته صناعي… قلت يمكن حليبي ما يكفي.
ساعدوني بليز شو اسوي… و أدعو حق ولدي…
الله يحفظ عيالكم يا رب.
فديته الله يشفيه يارب
عطيه مرقدوش يمكن يساعده
وديه عند الدكتور يشوفه يمكن بيعطيه دوا او بيغيرله نوع الحليب الصناعي
لانه شي حليب خاص لحالات الامساك والمغص
الله يشفيه يارب
اختي لازم تودينه عند دكتور ولاتنسين تعطيه موية بكثرة والله يشافيه يارب
فديته الله يعافيه
وديه للدكتور لاتهملينه ولاتعطينه أي شي لين يقولج الدكتور لانه وايد صغير
ويمكن صح الصناعي هو اللي مسببله امساك وانتبهي للحليب لانه فيه انواع ماتسبب امساك
والله يخليلج اياه ان شاءالله
واااااايد 9 ايام مب زين … اكيد الحليب وقفيه لين يمشيه بطنه وبعدين غيريه
حبيبتى هالامساك اكيد من الحليب الصناعي لاترضعينه و ليش ما سألتي الدكتورة قبل ترضعينه الحليب الصنا عى ؟؟؟؟؟؟؟؟9 ايام وايدددددد
شكرًا خواتي ..جزاكم الله خير
الحمدلله مشى الحال و الحين بطنه زينه الحمدلله… خلاص بوقف الصناعي ان شاء الله.
شكرًا مره ثانيه