حبيباتي بغيت رايكم
ولدي بيكمل سنة ومب متقبل الحليب الصناعي. انا فطمته لظروف خاصة
جربت اعطيه حليب فرش إلي بنكهة الفراولة وتقبله الحمد لله
بس اكثر من دكتور نبهني اني مااعطيه لين مايكمل سنتين
لانه الحليب الفرش ثجيل على معدة الياهل ويمكن مايتحملها وتسبب له حساسية ومغص وسوء هضم
قلت للدكتور ماحسيت الحمد لله انه تحسس
قال فيه يهال مع مرور الوقت يبدا بطنهم يتحسس وبييهم عسر هضم يوم بيكبرون
هو بصراحة شرح لي شرح طبي واقنعني. وقال صح مب كل اليهال بيتحسسون بس الواحد يكون بالسيف سايد وبتريا الياهل يكمل سنتين وايد احسن
الحين ماعرف الحل ويا ولدي. لازم يشرب حليب. عظامه بعدها تحتاج كمية كبيرة من الكالسيوم.
سويله مهلبه بحليب الاطفال يمكن ياكلها و يتقبلها
و ممكن تحطين للحليب منكهات تعطيها طعم الفراوله
الله يعينج الغلا و يطمن قلبج عليه
ومهما احاول اغيرلها عن النيدو ما تقبل
والحمد الله
حليب النكهات مول ما نصحوني قالولي انه فيه نسبة سكر وهذا الشي مب زين للياهل مع انه بنتي تقبلته بس الدكاترة منعوني
بالنسبة للكالسيوم الزبادي و الجبن و الروب ولا تنسين أهم شي وهو شمس الصبح.. ان شاء الله هالأشياء تعوض بس اهم شي شوفي الأسنان و المشي للياهل يعني اذا الاسنان تظهر بالعكس الحمد الله معناته ما عنده نقص في الكالسيوم وحتى إذا تأخر في المشي فأنتي حاولي تعوضين بالأشياء الطبيعيه
الله يحفظهم لنا و يقوينا على تربيتهم