ماشاءالله عليها معروفه بخلطاتها وافكارها وتجاربها اللي فادت وايد من البنات .. وحبيت اني افيدكم
صباح الفل…تفتكرواموضوعي اللي كان كورس عن الــ NLP ؟؟؟…بعدماتزوجت طبقت أشياء كثيرة بزواجي…وكانت زي السحرفي تأثيرها الحمدلله…..
قبل لاأبدأالتطبيقات رجاااااااااااء البنوتات لايقرواالموضوع…مولشي… بس أحسنلكم تظلوا ع السطحي …والعمق خلوه للمتزوجات…ملحقين عليه…
يارب ترزق كل بنوتة من بنات المسلمين بالزوج الصالح اللي يغنيها ويسترها ويكون سكن لها…عاجلاً يالله…اللهم آمين…
وهذي بعض تطبيقاتي…
قبل زواجي كانت ماما تقوللي يارنوخللي زوجك يتعود ع ريحتك وحرارة صدرك…وفهمتني اش تقصد…وفعلا طبقت كلامها وشوفوا اش صار…وكيف؟
– من أول زواجي بحياتي ماخليت زوجي ينام لوحدو…حتى لوماكان فيّانوم…أدخل معاه أنومو زي البيبي…بعدها أخرج…
اممممممممم!!!ماأدري كيف أشرحلكم….بس اعذروني كلوللتوضيح والافادة مو أكثرمن كذا….والله العالم…
كنت أخليه يحط راسو ع صدري أو قريب من صدري ( عشان يتعود ع ريحتي وحرارة جسمي)…
فاكرين ( الرابـــــــط)؟….أنا كنت أطبق هذي الخطوة…أخلي عقلو اللاواعي يربط بين ريحتي وحرارة صدري والنوم…
وبعدها شوفي كيف؟؟؟والله ماحيقدرزوجك ينام الا وانتي معاه……..لدرجة أوقات أكون مشغولة مع بنتي…زوجي يناديني يقوللي نوميني!!!
أول نتيجة لاحظتها….انو كان عندو أمسية شعرية بالامارات…وأنا كنت بالنفاس عند أهلي وماقدرت أروح معاه (بأول أيام ولادتي)….أتصل عليّا بأول يوم…يقوللي مني قادر أنااااااااااااام تعبت من السهر,,,ألقى الأمسية وجاء ع السعودية وهو مانام…الا ساعتين بس…
//// عندي زميلة تعاني من سفرزوجهاالمستمر…علمتها ع الطريقة….طبقتها معاه لمدة 8 شهور…بعدها سافر ع ××××× كالعادة مع أصحابو….تقوللي لما جاء الفجرالاهويتصل عليها يقوللها ماقدرت أنام اتعودت عليكي…بس طلع الصباح حجز…والظهر وهوبالسعودية عندها….رجع وساب أصحابو….رجع وهومرهق وتعباااااان من السهر////
طيب بس ننوم أزواجنا كذا من غير أي شي ثاني؟؟؟
لاياقلبي…فيه…وفيه أشياء كثيرة لااااااااازم تراعيها….
وهي انك فيـــــــن تحطي يدك قبل ماينام؟؟؟
أنا أقولك فين…
خللي يدك ع ظهروبين الأكتاف…وامسحي عليه بهذي المنطقة مسح خفيف ألين ينام….
أو
حطي اصبعك الابهام ع الجبين وحركيه بمسح خفيف ع الجبين وبين العيون…
أو
حطي يدك ع رقبتو من الخلف وكمان امسحي عليها….مسح خيف رقيق…وبحركة بطييييئة…
أو
خللي يدك ع كتفو من فوق وحركيها ( طالعة نازلة)…ع الرقبة والكتف…كمان بحركة خفيفة وبطيئة…
ليـــــــــــــــــــــــــه؟؟ ؟
باختصار..لأن هذي المناطق اللي ذكرتها هي اللي يحصل فيها التوتر…وشد الاعصاب…وعشان تزيلي التوتر…لازم تسوي هالحركة البسيطة عشان ترتخي الاعصاب…وعشان تشغلي العقل بشي ثاني يخليه يبعد عن التفكير والتوتر…
طيب…انتي ماعندك عشرين يد عشان تلمسي كل هالمناطق بوقت واحد….اش تسوي؟؟؟
لازم تعرفي منطقة التوتر عند زوجك…..لاتحتاري أنا أعلمك كيف….
اذا زوجك من النوع اللي فيه خطوط أفقيه بالجبين أو خطين طوليين فوق بين الحواجب…والجفون العلوية نازلة شوي ع العيون…ع طول اعرفي انها هذي منطقة التوتر…يعني ع طول حطي يدك هنا…
لاحظي أكتاف زوجك…اذا كانت مرفوعة شوي ع فوق…والمنطقة اللي بين أكتافوورقبتو مشدودة…فهذي هي منطقة التوتر…وخللي يدك ع هذي المنطقة…
أما اذا كانت أكتافوراجعة ع ورا….فمنطقة التوتربوسط الظهر وبين الأكتاف من الخلف…وع الرقبة من ورا…
أما اذا كان راسوراجع أو منحني للخلف شوي فمنطقة التوتر بالرقبة من الخلف…فخللي يدك ع الرقبة من الخلف…
وبكذاحيناااااااااام بشكل سريع ونوم عميق ومريييييح…
:22 (1):
ثاني تطبيق
كمان يرتبط بقانون الرابط
وقت ماأصحي زوجي من النوم….يقوم معايا ع طول ( ماشاء الله)…يعني مايتعبني وأنا أصحيه…
اش سويت…؟؟؟
الشخص لما يكون نايم….حاسة الابصارتكون معطلة…لاكن في حواس ثانية لسّا شغالة…وهي: السمع واللمس والشم…
أقرب فمي من أذن زوجي…وأناديه باسمو…دايما أقوللو بيبي…أقولها له بشكل وشوشة…هناأنبه حاسة السمع…وحاسة الشم نحنا منبهينا من الليل( لماأنومه وهو متعود ع ريحتي)…فأول ماأقرب منو ع طول يبدأيشم ريحتي…اللي تعود عليها…
ووقت ماأنادي عليه باسموأمرر يدي بشكل خفيف ع وجهو والمس كفوفه…هنا أنبه حاسة اللمس وكمان يحس بحرارة جسمي اللي اتعود عليها…
ووقتها ع طول يفتح عيونو ويبتسملي………………..وب كذا مايتعبني بالتصحية…رغم اني أول ماأتزوجنا كانت أختوتقوللي الله يعينك عليه ترانومه ثقيييييييييييل….
:22 (1):
ثالث تطبيق…
أوقات يدخل زوجك البيت وهو بعدة حالات مثلا: معصب,محبط,متضايق….كيف تتصرفي بذأه الوقت…
اذا جاكي وهو عندو مشكلة وحسيتي ان فيه شوية خوف…ع طول حطي يدك ع ظهرو وامسحي عليه بقوة…وابدأي كلميه…حتلاقيه ع طول اتطمن…
اذا جاكي وهو محبط وحاس بالفشل والخيبة…امسكي يده واضغطي عليها بين كفوفك …أو حطي يدك ع ركبته…اذا كان جالس…
اذاجاكي وهومتضايق وفيه حزن…حطي يدك ع كتفه واربتي عليه…
اذامربموقف ( يهزثقته )…أي موقف حسيتي ان ثقته انهزت منز…حطي يدك ع راسه…وحركي أصابعك بين شعره…
اذاحسيتيه محتاج عاطفة…والعاطفة اللي أناأقصدها هي عاطفة الاهتمام…وانه حاس انك مقصرة معاه…حطي يدك ع صدره…
اذاكان معصب لاااااااااااااااتلمسيه أبدا…..طالعي بعيونه…عشان تقدري تديري تصرفاته…بابدأي كلميه بصوت هادي ونبرة متوازنة…ووقت ماتكلميه اجلسي ع الأرض…وأطلبي منه يجلس …اذا جلس ابدأي حاكيه واتفاهمي معاه…
طبعا ذاه أمررسولنا الكريم…وذحين اكتشفوا بأوروبا ان الانسان اذا كان معصب وجلس…الدورة الدموية عنده تبطأوالضغط ينخفض ويبدأ الشخص يهدأ وضربات القلب تهدأ……بسبب القرف من الجاذبية الأرضية…وانحناءات الجسم…
سبحان الله ( لاينطق عن الهوى)…
طيب ليه اخترتنا هذي الأماكن مو غيرها؟
اذا حطيتي يدك ع ظهر أيّاشخص يحس انو فيه أحد معاه وانوله سند بالدنيا…
واذا كانت ع اليد فيها دعم وتشجيع لأن أفعال الانسان تكون باليد أو الرجل….فاذا لمستي الركبة والكف يحس بالتشجيع…
الكتف….فيه مواساة……………عشان كذا كان أنسب مكان للمواساة…
طيب الراس؟…دايما يقولوا تاج راسي….واللي معتز بنفسه يقول راسي مرفوع….فعشان كذاكان لمس الراس والشعرفيه بناء ثقة……
اما الصدر فمعروووووووف انو مكان لكل الاحاسيس والمشاعر…يعرف زوجك انك تحبيه بدون ماتفتحي فمك…
:22 (29):
التطبيق الرابع…
معروف انو أقوى تواصل بين أي شخصين…هو العيون….
ومنها نقدر نقول كلام…مانقدر ننطقه بالواقع…أصلا مانعرف نقوله….
طيب اش علاقتها؟؟؟؟؟؟؟؟؟
اذا حسيتي زوجك يبغى يعترفلك بشي مخجل….وحسيتيه خايف أو محرج يقوله…لاتطالعي بعيونه ….حاولي تتجاهلي انك تركزي فيهم…عشان يلاقي الجرأة بالاعتراف والحكي…
لكن لوطالعتي فيه…حتلاقيه يتلبك ويتلكك ولسانو ينربط وممكن مايكمل الحكي….وبعد مايحكيلك…حتلاقيه يتجنب يطالع بعيونك…..وشوي شوي يتجنب يحكي ويجلس معاكي…
لكن…اذا كان يبغى يقولك ع شي منو مخجل ولا شي…مجرد اعتراف بمشكلة يمر فيها (مثلا)…ركزي بعيونو…لأن هذي النظرة تعطيه التشجيع وانك مهتمة للكلام اللي يبغى يقوله…
هذي البعض من تطبيقاتي….أتمنى لكم الفايدة….
:22 (29): منقـــــــــــــــــــــــــــــــــــــــــــــــ ــــــــــــــــــــــــــول :22 (29):
يبغيلنا انجرب من هالحركات …
بس سالفه عقب بترقدين اليهال ولا ابو اليهال!
هههههههههههه
ويا حلاااااااااوة الحياه الزوجية بالتفاهم والحناان والحب
تسلمييين عزيزتي على نقلج
العمـر