انا حابة اعرف منو منكم ماسك ميزانية الماجلة في البيت انتي ولا ابو العيال ومنو يروح يشتريها ومن وين تشتروتها ؟
موضوع مطروح للاستفادة من خبرات الغير وارجو من الجميع المشاركة….
انا عني اكتب لسته الاغراض الناقصه، وبعدين نروح نحن الاثنين ونشتري الاغراض على حساب حبي طبعا
، واحب اشتري الاغراض من كارفور لأني احصل كل اللي ابيه…عن نفسي انا احب انا وريلي نروح مع بعض و مستحيل نروح الجمعية من دون ورقة تكون البشكارة كاتبتنها من قبل ونقسم المشتريات على شان نخلص بسرعة…ولا اذا راح روحا ايخبص الدنيا ويرد..
بخصوص المكان احسن مكان عندي هي جمعية الشارجة الرئيسية مع انها غالية وبعيدة علينا اشوي لأني من سكان عجمان بس شو نسوي اتوهقنا و خذنا اسهم من عندهم فنسير هناك عشان نستفيد…بس صراحة هي اغراضها وايد زينه ومرتبة وملمومة وكل شي بغيتيه عندهم..فقررنا انسويها طلعة عائلية كل اسبوعين مرة ناخذ العيال والبشكارة ونلعبهم ونتشرا وناخذ عشا ونرد جربناها كم مرة وعيبتنا السالفة فاعتمدناها الين مانمل..
انا وريلي… واذا كنت تعبانه الاغراض بسييييطه… يروح بروحه بس انا على الخط
واللسته في يده….. وانا اقوله وين الاغراض…ههههههه
وانا عن نفسي اروح الكارفور اللي في شارع المطار بس تعب عووود وزحمه…. واحيان اسير جمعة الزعاب سرييييعه كل شي قريب بس بعيده علينا…..
يعني أنا أكتب الأغراض ونسير مرات ويا بعض ومرات بروحي ،
والدفع كذلك ،
ونشتري من جمعية الإتحاد