خواااااتي… ساعدووووووووني…
مخي موقف ما اعرف شو اسوي ولا كيف افكر….
البارحه صار موقف بيني وبين ريلي انصدمت عقبه صدمت حيااااتي…
ما قدرت ارقد طول الليل اتجلب ويرن في ذنيه كلامه … ااااااااااخ
المهم.. ما بطول عليكم.. بس بليز شورن عليه شو اسوي..
امس ريلي راح دبي…اتصلتبه الساعه 9 ونص كلمني وقالي انه بيتعشى عند واحد اجنبي (اعرفه وجد قاعدين نتعشا معاه فالسفر).. الساعه 12 اتصلت ما رد بس دقلي بعد نص ساعه ومعاه هالاجنبي (وشكلهم طلعوا برا المكان اللي كانوا فيه لان كان صوت سيايير) وعشان ما اشك فيه عطاه التيلفون عشان اونه يبا يسلم عليه… المهم فليل تميت ادقله وادقله وادقه كسرت التيلفون…ما رد عليه ليييييييين 2 ونص… اول ما شل التيلفون قلته وبكل هدوء: قول الصدق ليش ما كنت ترد عليه شو كان عندكم…!!! اكيد فيه شي يخليك ماترد عليه.. قالي كنت ارمس مع الرياييل وما قدرت ارد ورد قال التيلفون كان عالصامت (وهالشي غريييب ان ريلي يسويه خص انه برا البيت) … المهم… انا طبعا قلته فيه شي مب طبيعي اكيد…. لاني اتصلتبك واتصلت بالاجنبي ومارد عليه…. من سمعني اني سويت هالشي عصب ونقع وتم يسبني ويسب هليه بكلام ما كنت اتخيل انه ممكن يطلع منه !!! وسكر عويهي…. اااااااااااااااخ يا قلبي والله مب مصدقه…
بعدها بكمن دقيقه طرشلي مسج انه ما يباني ارد البيت وانه بيطلقني !!!!!!!!!!!!!!!!!!!!!!!!!!!!!!!!!!!!!!!!
من بعدها اغلقت تليفوني لاني احس خلااااااص… حسيت انه ما يستاهل يكون ريلي …. قطع جميع السبل بسبه لاهلي …
هل فعلا الموضوع يستاهل انه يطلقني عشانه…. طيب انته بالاساس اذا ما ترضى عليه كيف تعطي التيلفون حق ريال يكلمني…!!! كيف ترضى نقعد نتعشى مع بعض !!!! وكيف وااايد اشياء !!!! ولا بس يباها حجه حق يفضاله الجو… !!!
انا مب من النوع اللي يترك بيته وقت الزعل والمشاكل.. وما احب ولا اخبر هليه بمشاكلنا…
بس هالمره غيييير… سبه هليه وسبه لابويه.. وابويه ريالن حشيم ما جد غلط في حقه في شي .. هليه كلهم يعزونه ومقدرين منه وهو مايستاهل الحشيمه …
ما اعرف شو اسوي… كرامتي ما تسمحلي ارد البيت واترياه يراضيني… وفي نفس الوقت ما اقدر اقعد بيت هليه مابا هليه يعرفون باللي صار لاني ما اباه يطيح من عينهم !!! الا اذا فعلا طلقني هذيج الساعه الموقف مايستحمل قعده…
شو الحل ياربييي….
ليش يا فلان لييييييييش.؟؟؟
منوه يستاهل تسويبي جيييييه؟؟؟ وعشان منوه ؟؟؟؟
معقول في حد في هالدنيا يعوضك بيتك وعيالك.؟؟؟؟
والله غريب امره … انا اللي واثقه فيه وبدال ما ألصق فيه وين ما يروح واغير جو معاه .. متنازله عن كل حقوقي عشان ما يحس اني ضاغطه عليه او مب مخليتنه يستانس مع ربعه …. افا يا بو فلان… هذا يزا الطيبه والاحسان !!!!! هذا يزا الثقه الزايده… !!!
موقفه وااايد يشكك… وانا ما اشوف عمري غلطانه يوم اتصلت بربيعه الاجنبي .. لانه اصلا ما عنده مانع في انه يرمسني.. وين المشكله؟؟
شورن عليه دخيلكن.. باجر بيرد من دبي وابا حل قبل لايرد…
ادري صعب تتخيلن الموقف… بس اعرف انكن ما شالله ماتقصرن فالنصايح .. وانشالله تهدني للحل الصواب….
ماعرف شو اقوول والله
بس دامه طلع مه اجنبي وفجأه قلب عليج وقعد يسبج ويسب اهلج وإنتي مب متعوده منه هالشي
اكيد ماكان صاحي يعني اكيد كان شارب ..؟!
إن بعض الظن اثم بس اتوقع
والله يهدييييييييه
سوفتي سول.. انا بعد كنت اقول هالشي .. كنت افكر انه تندم وفكر فالكلام اللي قاله اول ما سد التلفون بويهي.. بس يوم طرش المسج ويقول فيه انه بيطلق… حسيت انه يتريا فرصه حق يقول هالكلام…
الغلا… والله ما اقدر اخمن في هالموقف بالذات.. انا كنت اول زواجنا مثلج ازعل واسير بيت هليه ويرد يراضيني.. لين ما في مره من المرات خلاني قريب الشهرين بيت هليه ولا سأل عني.. انا اللي رديت له وكانت غلطت عمري لانه من عقبها قام يركب راسي وولا عليه من حد .. حسبي الله ونعم الوكيل…
وتقولين له اللي صار بس بدون ما تقولين انه سبهم حتى ما تزيدين الطين بلة وأكيد أبوج بيساعدج