شحالكن خواتي الغاليات
انا وايد ضايجه من الحاله الي انا فيها
.gif "12 (1)")
الغاليات انا ساكنه في شقه
وكل يوم الي تحتنا ايون ادقون علينا الباب ويقولون ان زاعجينهم
.gif "12 (89)")
المشكله انه بيوتهم خشب والصغاريه يوم يركضون اسون ازعاج للي تحتنا
والله اني طفرت والامريكان مايتفاهمون كلشي عندهم بوليس
والله اني ضايجه وعيالي كل مايركضون من الحره الي فيه اضربهم
.gif "12 (18)")
مب عارفه كيف اتصرف مع عيالي
والسموحه
امم كم عدد عيالج؟؟ يعني لو أكثر عن 2 حاولي ويا ريلج تسكنون مكان ثاني أو في الدور الأرضي مثلا …. ولو ما تقدرين طلعيهم وديهم يراكظون في حديقه لأنه الصغاريه فيهم طاقه ولازم يطلعونها … الله يعينج ..
للرفع
الله يعينج .. ويسكت عنكم هالجيران الأرف
والله الاجانب يوم اييبون كلاب الله يعزكم في الحدايق وعند بيوتنا محد يقولهم شي …. مكرهينا في عيشتنا ..
حبيبتي الشرطة شو بيسوون يعني ؟؟؟؟؟؟؟؟؟؟؟؟ما اعتقد انه الهم حق يشتكون … واذا عندهم عيال مابييونج يتشكون من الازعاج … ماعليج منهم ولا تضربين عيالج
حبوبه افرشي الأرض بسجاد وجي يعني !
بهاي الطريقه مابيمسعون صوت الركيض والمشي ^^
ممكن تاخدين عيالج وتوديهم ع الحديقة يفرغون الطاقة اللي عندهم
لاني الصراحة اعاني كمان من جيراني اللي فوق
دايما عيالهم ما يحلالهم اللعب الا بعد ما يجي زوجي من الدواام ويقعدوا يخبطووون بالاكوره ورجولهم وووو
والله ما ني عارفة بالضبط شو بيسوون
بس الصراحة وااايد ازعاج
معليش حبيبتي
بس حطي نفسج مكان جيرانك
وهل لما يجي زوجج من الدوام تخلين عيالج يلعبون في الشقة