أنا عندي مشكلة ويا ريلي احس انها صارت تأثر عليه بدوامه
ريلي اول ما تزوجته امه قالتلي قبل الملجة ولدي مافي مثله اثنين بس عيبه الوحيد نومه ثجيل ..
طبعا يوم تزوجته فعلا نومه اثجل من الثجيل يعني حتى لو بطلت الليت وعليت على التلفزيون وسشورت شعري ما يحس
المشكلة اني ماخذتنه من 4 سنين تقريبا وكل يوم الصبح يوله ويا نشة الصبح وتقريبا يوميا يوصل الدوام يا متأخر يا يسرع سرعه جنونيه وهالشيء مضايجني وايد
اتبعت وايد اساليب لتقويمه الصبح من النوم وابتكرت وسويت وفعلت وعملت بس المشكلة اني انا بعد عندي دوام ولين اصحي بو الشباب ويقووم اكون انا اتاخرت على دوامي ومرات ما يرضى يقووم اودره واسير انا دوامي… طبعا هو يقعد يلومني ويحسسني اني انا المسؤوله عن هالشيء
وحده من خواتي قالت لي خلاص قوليله قوم ارووحك انا يزاي اوعيك واتاخر على دوامي واخر شيء لا شكر ولا حمد وفعلا نفذت هالكلام وفي النهايه قام يداوم يومين والثالث غياااااااااااااب
وحاليا مب قادره اتحمل هالوضع احسه وايد يأثر على دوامه مع ان ريلي ذكي وشاطر وقيادي بشغله بس كل رؤساءه يحسوونه مستهتر وتبون الصج عندهم حق
شوووووو اسووووووووووي وكيف اخليه يقووم الصبح بنشاط وايد كلمته في سالفة ان في الدوام بياخذون عنك فكرة وكل يوم قبل لا يرقد اقووله الله يخليك يوم اوعيك نش لدرجة ان نصحته يسوي حجامه وسواها بس مافي فايده
هل في حل لمشكلته والا افقد الامل خلاااااااااااااااااااااااااااااااص
امم انزين حتى الalarm (المنبه) بصوت عاااالي وحاد ما يصحيه؟؟
ماحبيت اطلع من دون مارفع موضوعج
عسى اخواتي يلاقون لج حل ان شاء الله
نفس اخويه الله يعينج صرآحة ..