ليلتي الرمنسيه تعالوا خذوا فكره 2024.

الله يسلمكم كنت فاضيييييييه وماشي شغل قلت ليش ماسوي ليله حلوه لريلي

فيلست اتريا ريلي متى بيطلع

وعقب ماطلع سيده رحت جمعت كل الاشياء : الي

بستخدمها كديكور من ورد وشموع وبلالونات وووو

وعقب بديت فالتنظيف

وعقب ماخلصت سرت عدلت الله يكرمكم عدلت فالحمال وحطيت الورد والشموع

وزهريه كبيره فيهاا ورد .. وكتبت كلمات حلوه عالمنظره ..

وعقب الصاله نثرت فيهاا الورد والشموع وبالونات ..

حتى المطبخ مانسيته لوووووووووول

ووصلت للحجره .. عدلت السرير ورسمت عليه بالورد قلب وداخله حرفي وحرفه وبالوسط هديه بسيطه له
وكم من دبدوب وقلوب عالسرير

وفالارض نثرت ورد وبالونات .. وحطيت شموع عا الارض ..

والشموع انا شاريه شرات كاسات حمر مرسوم عليهن بالذهبي شكلهن روعه

الواحد بـــ درهمين وااااااااااااو والبالونات يوم اسير اخذ لولدي اخذ بالونات من الي

مرسوم عليهن قلوب وهن الواان ومن كل لون تقريبا 12 بالون وكله بــ7 دراهم

واااااااو وعقب اطلعله البالونات والحمر احتفظ فيهن

وعقب ماخلصت من كل الترتيبات .. اخترت عبارات حلوه وسويتهن لريلي خلفيه عاشاشه الكمبيرتر ..

واتصلت اجس نبضه .. قال بتأخر .. قلتله عيل قبل لاتروح دق علي >> عسب اولع الشموع لووووووووووول

المهم عقب سشورت شعري وعملت ميكب خفيف ورج احمر فاااقع وتدخنت ودخنت البيت وتعطرت وووو ولبس قميص احمر قصيييييييييير

ويلست اترياا .. وبهاا الاثناء سرت المطبخ اجهز عصير .. الا اشوف ولدي مااااماااا ابا اسير الحماااااااااام ..

وااااااااااو لو شاف البالونات والشموع مابيرد يرقد .. قمت شليته عالحمال

وانا مغطيه عيونه وسويتله حليب ونيمته

وارتحت وقلت خلاص بسير اسوي عصير ..

وانا فالمطبخ طرشت لريلي مسج جاااااااااي ؟؟

مارد علي ..

اشوي الا اشوف الباب اتبطلع

وانا اقول منوووو >> يعني منو بيكون

وريلي يقول شو السااااااااااااالفه الليتات كلهاا مبنده الا ليت المطبخ

دش علي وانا جافطه يقلي شو السالفه ؟؟ قلتله ليش مارديت علي .. كنت بولع الشموع لوووووووووووووووول

وعقب ولعت الشموع وعفد ريلي عالسرير وخرب القلب !! وقال شو هذااااااا ؟؟ ما انتبه انه في ورد مجفف !! صج دفاشه لووووووووول ( فديته االله لايحرمني منه )

المهم يلسنا شوي الا وسوبر مان ماما بابا

شو هذا ؟؟ سنه حلوه ياجميم >> عباله حفله عيد ميلاد لوووووووووول

وعقب وما ادراكم ماعقب ..

يلسنا جمب كل شمعة نغني سنه حلللللللوه ياجميم ويطفيهاا

ونسير للي بعدهاا .. وعلى هاا الحال لين ماخلصن الشموع

وعقب يلس حذال الحمال !!!!!! شو تبا ؟؟ سنه حلوه ياجميم داخل

قلت له زين انت خلهن وسر العب فالبالونات وعقب بنسوي سنه حلوه ياجميم فالحمال ..

المهم ماصار الي الي بخاطره وخلصن الشموع .. قال يلا سيري هاتي الكيله

عطيته عصير قال ابا 3 >> ام بي سي 3

وعقب يلسنا نشوف 3 للفجر ..
وعقب وعيت شهودة عشان تكمل لووووووووووول

وتوته خلصت الحدوته ..

بالرغم ان الليله ماتمت مثل ماكنت ابا .. الا انهاا كانت كلهاا ضحكت وسواااااااااالف ويوم مابننساه ابدااااااا

يلا الحين كل وحده تخبرنا اذا صار لهاا موقف مماثل وتخربت ليلتهاا