بنااات
شحالكن
بنات بلييييز شورن عليه بموووت من القهر انا طبعي وااايد حساسه بس هالشي صدق يقهر
الله يسلمكم بحكم ان عندي بيبي توه صغير ارقد في غرفه غير غرفة ريلي لان عليه دوام وان شي غثه يطير عنه النوم ويتعب المهم مكيف غرفتنا انا والبيبي مع انه يديد وماركه ماكمل شهر واخترب جان اقول حق ريلي بنرقد عندك اليوم قال اوكيه وشفته يايبله لحاف غير وفرش تحت(عالارض يعني) قلتله ليش بترقد تحت ارقد عدالي قال الكنديشن يضرب تحت ويعيبني وبعد الشبريه تسوي صوت واخاف اوعي الولد
انا طبعا طلعت علامة تعجب عوده فويهيه لان البارحه ياني الحجره ورقد عندي ونحن نرقد تحت وشفته رقد فوق قلتله ليش ماترقد عدالي قال ظهري يعورنيه يوم ارقد عالارض؟؟؟؟
حسيتووو بالتناقض يعني مبينه مايبا يرقد عدالي عصبت واااااااايد منه جان اقوله مب عساس ظهرك يعورك من رقدة تحت رد عليه جان يشل لحافه واييبه عدالي وقالي خلاص برقد عدالج انتي يايتنج الدوره وتتسببين جان انقهر اكثر قتله اسمعني انا مااقولك تعال ارقد عدالي اللي مايبا يرقد عدالي من خياره ونفسه امره لا يرقد جان يقول انتي صادقه فكلامج والا تسولفين (حسيتو يحسسني اني انا الغلطانه) جان اقوله تصبح ع خير ورحت الصاله تميت يالسه عقب رديت الحجره ويبت البيبي وهوه متلحف اونه راقد فالحجره ولا رمس وفرشت فالصاله فراش ويبت منز البيبي الصغير عندي
المهم هذا اللي صااار يابرودة اعصابه ولا حتى قال بسير براضيها باجر بقوله بسير عند قوم امايه وبيلس كمن يوم احسني هب طايقتنه اوف
والله احس من ربيت ابتعد عني لول يقول انا مااعرف ارقد بدون مااحضنج الله يالدنيا
شرايكم فاللي صار 
والموقف ما يستاهل انج تضايقين عليه او تروحين بيت اهلج
بس انتي حاولي تهدين نفسج وتريحين جسمج
والله يسعدج ويا ريلج ويطرح البركه في البيبي
والسموحه
الي صاار شي طبيعي بحكم انج ترقدين بحجره وهو بحجرة ثاانيه 00لكن الافضل انج
تعودينه انه يرقد معااكم والرياال على ماا تعودينه فديتج 0
الله ايسر امورج ويسخركم لبعض ياارب
مو تسوى مشكله على اى شي
كان يوم رقد على الارض بينتى له ان الوضع موقت
والمفروض ما تبعدين عنه ابد
خلي البيبى عندكم فترة وهو بيتعود
والله يعينج
احسني اريد ابعد عنه ومشكوره فديتج ع كلامج ومرورج
كيف ابينله ان الوضع مؤقت؟؟؟
وكيف اعوده يرقد عندنا وهوه دبية النمله توعيه من نومه الياهل لازم بينش فالليل وبيصيح
غناتي هذا طفلكم اثنينكم يعني لازم يتعود ع البيبي ،، وانتي لاتعطينه مجال ينام ف غرفه بروحه
راح يبتعد عنج ويتغير عليج لان كل واحد منفصل عن الثاني ف غرفه
الله المستعان تعوذي من البليس وردي نامي ف غرفه زوجج لاتسيرين بيت اهلج وانتي زعلانه منه او العكس
تقربي منه نصيحه من اخت لختها والله يوفقج فديتج والله
فتره وبتعدي الغلا