بغيت اسال الحريم الي ريايلهم عسكريين ..
هل عادي الحرمه تروح مع زوجها العسكري يوم يروح دوره او مهمه خاصه ولا ؟!
لان انا مب من الامارات ومتزوجه اماراتي .. فما اعرف اذا يصير ولا لا ..
لان مره سالت ريلي وقالي ما اتوقع يسير وضحك .. فحسيته يضحك عليه عشان ما اقوله ابي اروح معاك .!!
فيارييت تقولن لي هل يصير ولا لا ..
=)
بس أنا يوم أكلم ريلي في هذا الموضوع
إذا ياتـه دورة أو شي واضطر يسير يقولي باخذج معاي ^_^
الحمدلله
هاي دورات عسكريه وامنيه وين تبين تشلين بعمرج تسيرين بنص الرياييل خخخخ
لو يصير ياختي جان زييييييييييييييين بتشوفين كل حريم البلاد ناشبات في شنط رياييلهن مال الدوام وسايرات وياهم 
الا لو كانت دورات برا البلاد ومدتها طوييييييله تمتد بالسنين وفيها مرافق واحد ممكن انه يصير ليش لا
بس هالشي نادر لانه اغلبيه اللي يشلون اهلهم برا البلاد يكون على حسابهم الشخصي والله اعلم
لااانا ما اتكلم عن الدوره الي داخل البلاد .. طبعا الي برع البلاد .. يعني مثلا دوره 3 شهور او 6 شهور .. فقلت بسالكم اذا يصير ولا لا ..
لان هني اجوف واحد من اهلنا ياته دوره برع البلاد .. خذا اهله .. حرمته وعياله .. وواحد ثاني ياته دورة لغه .. ويالس يدور شقه عشان حرمته وولده ..
فقلت بسالكم اذا في الامارات غير ولا نفس الشي ..
واذا مثلا بيصير وبياخذج معاه على حسابه وشو لو كانت بلاد مثل سويسرا ما يجدر يصرف على عشا ليلة من حسابه الخاص لج فما بالج بشقة
هذا شيء الشيء الثاني ما بيجدر يطلعج ولا تقعدون مع بعض وايد لانه بكون مشغول طول اليوم
فليش تحملينه عبء ثاني ادعيليه الله يحفظه وان شاء الله يمكن بين فترة والثانية بكون معاه اجازة بي فيها لج وبيقعد معاج
بس والله قلت يمكن عادي , , لان دوراتهم وايد الله يهديهم == ..
يمكن من يوم ما تزوجنا اطول يلسه يلسناها متواصله مع بعض هي 5 شهور بس ! وصارلنا سنه وكم شهر ..
لاني سألت ريلي توو وقالي لا مايستوي
بس دورة لغه عادي..
وبعديين انتي من وين …؟
عسب ارد عليج واخبرج .. والسمووحه لو ماتبيين ؟؟