شحالكن خواتي عساني ما انحرم منكن … ما لقيت حد افضفض له وانا ادري انكن ما بتقصرن …
احس بفراغ .. انا ربة بيت وعندي ثلاثة يهال الله يحفظهم لي هم اللي يملون علي وقتي .. من ايي الليل احس اني وحدانيه ما عندي حد يسولف وياي بتقولون ريلي لكن الله يسامحه كله ينرفزني ويقهرني لمجرد انه يحب يشوفني متنرفزه … تعبت والله ما عندي بيت شرات اي وحده ولا عندي رفيجات ولا اهل اعتمد عليهم .. حتى اهل ريلي ضدي وما اعرف شو السبب كله يبوني اخدمهم بلا مقابل …
فكرت اهتم بعمري لكن ريليدايما يسد الباب في ويهي ياما بتحريض من اهله ولا ربعه … ماله كلمه في البيت بالمره … مع اني احاول دايما اني ارضيه في كل شي بس ما اعتقد يعيبه شي … لانه دايما يقول حظي وبختي .. عمره ما اهداني شي ولا حتى قال لي كلمه حلوة من عرست لين اليوم … اللي يقهرني ان اهله دايما يعرفون كل اخباري والبركه فيه .. وعيالهم ابد ما فيه اي احترام لي في اي وقت يبون يدقون الباب او يتصلون يبون شي واذا هزبتهم استوت مشكله .. مقهووووووره …
واسمحولي على الاطاله حبيت اختصر لكم معاناتي ..
ولاترمسينه حسسيه انج زعلانه منه وقعدي مع عيالج ..
هو انسان ومصيره يحس ..
وبيرجلج انشالله ..
و ان شاء الله الله يصلح احوالج و ايردلج ريلج مثل قبل…
عزيزتي
مثل هالمشاكل صارت وايد عاديه ويمكن في كل بيت مشكله شرات مشكلتج…
والسبب اجتماع اكثر من منطق وفكر واسلوب وعادات تحت سقف وااحد…
مب كل حد يفكر بمنطق… واغلب المشاكل سببها سوء الظن وعدم حسن التدبر…
بخصووص مشاكلج مع اهل الزوج…
حاولي تتقربين منهم اكثر وان اخطأوا لاتوقفين وايد على هذا الخطأ..
عديه ومرريه مرور الكرام…
انجح وسيله للتغلب على المشاكل العائليه والاسريه هي (سلاح الصبر + الابتسامه)
دائمـا حولي الكلمه الشينه اللي انعقت عليج لصالحج…
عزيزتي…
طبايع الشخص تختلف من بيئة لبيئه ومن بيت لبيت… قد يكون هذا ديدن اهل ريلج
سوء الظن وعدم الصبر …
الحل اذا لم يكن الزوج قادر على الاستقلال في بيت منعزل فالافضل الصبر ثم الصبر + حسن النيه
مرري التجريح مرور الكرام لانج ان دققتي ومحصتي مابتحصلين غير عوار الراس ونفسيه في الحضيض وهذا له مردود سلبي على علاقتج بعيالج وريلج…
بخصوص الزوج…
يمكن تمرون بمرحلة فتور العاطفه…
الحـب اذا ماحصل حد يرويه يموت…
لاتنتظرين ريلج يقولج اعملي وسوي…
انتي بادري… بالمقابل لاتنتظرين ان تكون هالبادره ذات صدى طيب في نفس الزوج
عسب ماتتعرضين للخيبه 
انتي جددي لنفسج ولـ ذاتج مب لحد غير..
اما الزوج التصرفات اللي كنتي تسوينها سابقا غيريها وسوي العكس
يعني جددي حتى اسلوبج واهتماماتج…
ودااايم خلي الابتسامه منوره ويهج لان المراة المبتسمه محل تفاؤل لدى الزوج..
لاتكبرين المواضيع ولاتعقدينها…
ولاتنسين دعاء…
اللهم اجعلني قرة عين لزوجي واجعل زوجي قرة عين لي…
ودائما الدعـاء بالهدايه والصلاح اقوى واسهل الطرق للقضاء على اغلب المشاكل
واذا عن اهله انا صابره … ووعنه هو انا مب مقصره في حقه بس هو يطلعني وحده جاهله وما اسوى شي عنده حتى جدام عيالي حاولت ان اغير اسلوبه ويا اليهال على الاقل ما شي فايده بس يحاتي متى بيشوف ربعه … واصلا اليهال انا اللي اطلعهم واشتريلهم … هو بس ابوهم عالفاضي
من ناحية اهله :خليهم لا ادزيلهم ويه يوم يقولولج شي ترا الحقران يقطع المصران سكتي وصبري وتحملي
ومن ناحية ريلج :انا مع كلام الخوات وزعلي عليه ولا ترمسينه خليه يحس بمكانج في البيت