الدنيا سهله بس أنتن الله يهديكن 2024.

السلام عليكم ورحمة الله وبركاته
خواتي راح ارمس معاكن برمستنا المحليه عسب تفهمن عليه

خواتي اللي أشوفه في هذا القسم وووووايد يعور قلبي عليكن
حريم مجروحات من الازواج حريم خيفات من الازواج لا يعرسون أو يخنون
بنات الموت عندهن العنوسه بنات خطيبها راعي بنات .

أختي عايشي نفسك فيما يرضى الله ورسوله

عيشي لنفسك لا تتعبين وراء الزوج طنشيه لا تسالينه أهتمي بعمرج خليج حلوه في نظر نفسج حبي نفسج حبي عيونج جسمج شعرج قلبج روحج حبيها بدعي في حبج لنفسج اهتمي بعمرج قبل لا تتهتمين بزوجج اذا زعل الرجال منج وأنتي هب غلطانه لا تسرين ترضينه خليه هو اللي يرضيج لا تهنين نفسج وتركضين وراه اغلي عمرج حتى يغلج ويشوفج جوهره ثمينه بسلوبها

خليج بنت فراش في فراشه وخزي عنج الحياء مع رجلج في الفراش أبدعي بصوت والغنج وليس البس والشموع أثبتي أنوثتج بكل عرق دم فيج خليه ينبض بلحب والشوق وليس الشموع والزهور .

والله انه تجيني رسايل فيه حريم مر عليها زواج فوق 14 سنه وحتى الحين تستحي ترقد مع رجلها الا واليت مبند لين متى في حريم جي بعدي الحياه حبي جسمج الرجال مايهمه الجسم الرشيق أو الضعيف أو المتين المهم عنده أنه يحس أنه مرغوب وبس

ثاني خلي رجلج طفل لو شفتيه يالس يشوف تلفزيون مرري اصابعج على راسه مسحه بسيطه وثناء له شرات ولدج بس لا تزودينها يعني شدي وارخي الحبل يعني اليوم كله خليج مطنشه بس لا تمدين البوز يعني عاديه مرتاحه واثقه من نفسج وقرارج ولبسج وشكلج يعني خلي الثقه في عيونج مرسومه ولاتسألينه وين سرت منو كلمت طنشي بس لعب معاه بضحكة بحركة خفيفه وشوفي شو يستوي فيه .

خواتي البنات اللي مخطوبات الله يخليكن لا تطحين على خطيبج بطلبات أو الاتصال كل مرة تغلي عليه مرات خليه هو اللي يتصل خليج ذكية ولا تسالينه الرجال اذا طنشتيه ولا سالتيه هو اللي راح يخبرج بنفسه بس خلج عندج اسلوب في درج موضوع يخليه يرمس بدون ما يحس وهذه أنتي يا حواء ومهاراتج

خواتي اللي تنتظر النصيب عليك بالاستغفار والصبر والانابة الى الله والخشوع والذل الى الخالق بأذن الله راح يرزقج ربي اللي في مناج ويالله يرزق كل وحده هني في لمنتدى زوج صالح تكونين قرة عينه ويكون قرة عينج .