شحالكن خواتي ؟
اليوم بتكلم عن مشكلة تعاني منها فئة من البنات و ان كانت قليلة لكن موجودة 
شو رايكم في الأهل اللي يردون الخطاطيب بدون علم البنت ؟!
مع العلم ان الريال يكون محترم و خلوق و ولد ناس و مب ناقصنه شي بس حجتهم ان البنت صغيرة او تبغي تكمل دراستها او بعدها ما تفكر في الزواج ..الخ ؛ و من هناك البنت ما تدري عن الخطبة أصلاً !!
قال الرسول صلى الله عليه و سلم : "إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "
يعني فعلاً مب شي بسيط (فتنة في الأرض و فساد كبير) و الزواج استقرار للنفس و عفه و ستر للبنت خصوصاً في هالزمن اللي كثرت فيه الفتن و المغريات ، و الانثى بشكل عام عاطفية تحب حد يهتم فيها و يراعيها و يفهمها .. و طبعاً ما ننسى ان الزواج مسؤولية بس البنت ما بتوافق على الزواج الا و هي عارفه و متأكده انها قد هالمسؤولية لأن كل شي في الدنيا له مقابل و الحياة أخذ و عطى
مب حرام يقطعون نصيب البنت ؟! مب يمكن فعلاً تكون محتاجه للزواج ؟ و شو اللي يضمنلهم ان الفرصة بتتكرر في المستقبل ؟!
وحده من رباعتيه تعاني من هالمشكلة و انا طرحتها للنقاش و اتمنى تفاعلكن
بس الأهل ما بيردون الريال إلا خوفا ع مصلحة بنتهم ..
أما اذ كان من ناحية لي تقولينه انه راعي دين وخلق ويحطون حجج بسيطة عشان يردونه
فهالشي .. بيندمون عليه عقب …
وبعدين فالآآآآآخر الانسان ماياخذ غير نصيبه .. الطيبون للطيبات والخبيثون للخبيثات
الله يوفقنا ويوفقج ويوفق ربيعتج يالغالية ,,,
وتسلمين ع الطرح المميز .. لان بالفعل في بنات يعانن من هالشي ..
تقبلي مروري .. أختج
يااااااااااي نايس ^^
عالعموم اتمنى انه الاهالي ما يرفضون وايد لانه بصراحة اي شاب من شبابنا يوم ينرفض يكون رده :"خلوها تخلل عندكم" و بصراحة عنده حق خصوصا اذا كانت مواصفاته زينة و البنات يتمنونه!!!
الله يستر علينا و عاللي ياي و مشكوورة عالطرح المميز
اما بخصوص الموضوع وحجح اولياء الأمور ,انا اجد لبس لها مكان في هذا الوفت و السبب ان التعليم منوفر حتى في حالة زواج الفتاة , وهذا ليس عذر , الإنتهاء من الثانوية بعدها سن مناسب للزواج.
غالبا يعود رفض العريس لأسباب قد تكون غائبة عن الفتاة لأنها ما تعرف هذا الشاب فهم يسالون عنه وعن أهله ويعرفون سيرتة .
أخ البنت وأبوهاوأمها كل يسأل بطريقته الخاصة .لان مصلحة البنت أهم من كل شء والأهل الأن متعلمين ومثقفين ليس مثل الأمس.
تحياتي لكل من يقراء مداخلتي…