المشاركة الأصلية كتبت بواسطة ذبحني الشوق.. 
هذا الرد جبته من موضوع من مواضيع البنات و كان ردها صح 100%
لعلمكن انه معضم البنات اللي يرمسن معرسين ما يدروون انهم معرسين !!
مرة حق فضوول انا و ربيعاتي اشركنا في موقع زواج بنك نيم واحد
كنا نسوي بحث عن الطلاق في الامارات كان مطلوب منا في الجامعه من تقريبا 4 سنوات
و طلعلنا موقع زواج و نحن لا مال جات و لا ماسنجر
سوينا ايميل و اشتركنا و كنا ندش من ماسنجر اون لاين يعني من موقع حتى ما حملنا الماسنجر
و شفنا بلاوي
واااااااايد معرسيين موااطنين من كل مكان في الامارات و من قبايل معروفه غير اللي دارس بره و يشتغل في مكان مرمووق
يدوروون علاقات ممكن 80% منها تؤدي لزواج و مب كبار من 25 و طالع و ربعهم اللي مجربين الموقوع هم اللي دلوهم عليه ها غير اللي داشين حق لعب
و اللي يكون توه بعده معرس ما كمل سنه ها غيرالعزابية والارامل و المطلقين و المنفصلين ( بعده ما طلق يعني بس بيطلق لو حصل اللي يبيه )
انصدمنا
سوينا شرات الاستبيان و راسلناهم وعرفنا و استنتجنا من ملخص تجاربهم انه
الريال ما بيسوي الشي او يدور الشي برع اذا لقاه فيج
ما يبا علاقه عالسرير بس و لا يبا كشخه و بس
لا, يبا ربيعه تسولف معاه حتى لو سوالف شبابيه
تكون مرحه تضحك تكون فهلويه
ذكية
شخصيتها قويه
وحده تفاجأة وحده تكون ماليه عليه حياته
من كل ناحية
وحده تكون واثقه من نفسها و مثقفه
لها راي و لها ذوق مب منقاده وراه
وحده غامضه يكتشفها كل يوم
وحده مهتمه بجسمها بأكلها بجمالها بدلعها و غنجها
و مب دوم كجابلتنه بميكب و صبغ الدينيا لا تكون طبيعيه رونقها طبيعي حتى لو تحط ميك اب يكون لايت
الشعر الغجري و اللبس الناعم ما يحبون المتكلفه في كل شي
وحده جرييييييئه بس بدلع
الريااال يبا انثــــــــــــــــى
مب حرمة و لا دلووووووعه شرات الياهل اللي ما يعتمد عليها لا
ترا الريال يمل من التقليديه يمل من الفراغ
من اللي تنام بدري
من اللي ما تسولف و كل سوالفها ابا و سوي و ودني
و فلانه قالت و علانه فعلت
و اللي ما تغير استايلها و اللي تستحي من الحركات الجريئة في غرفة النوم
لا تلوومن الرياييل لانهم يتحرون انكن ما ترومن تسون شرات فلانه اللي يرمسها
و لا علانه اللي معاه عالنت
لومن اعماركن قبل
نبشن فوووق تحت
بتلاقن شي انتن قصرتن فيه
انتن مب كاملات
و لا تقولن ما قصرنا
اكييد في شي
و لو ما كنتن مقصرات عيل اسئلي عمرج ريلج انغصب عليه
هل ييت على هوااه و لا على هوا امه و اخته ؟؟
و لو انصدمتي
تغيري
شوفي شو يحب من غير ما تسئليه انتي اعرفي لاحضي
و كوني شرات ما يحب خليه يحس بالتغيير من غير ما تتعمدين تلفتيه نظرة لا خليه بروحه يلاحظ
انا هالكلام ما جبته من فراغ
لا هالكلام جبته من واقع شفناه و قريناه و عرفناه
الله يخلي لي ابويه مرات يلفت نظري لاشيا ( خاااصه يوم ايون ناس يخطبون) و يفهمني بطريقه حلوة و غير مباشرة
مرات اكون في البيت يقولي ليش ما تسوين كذا او تغيرين كذا او تقرين عن كذا ( يقصد شعري ميك اب او لبسي )
يناقشني في مواضيع يقوللي عن اشيا مع انها اشيا ما تخص الحريم بس انا افهمه كون علاقتي فيه اقوى من علاقتي بامي ( كوني البكر فانا دلوعته )
يحاول يغير نظرتي لاشيا او يزرع فيني افكار و ثقتي في نفسي
انا حبيت افيدكن لا غير
يمكن تتحسبني جريئه
او تقولن انتي ما تعرفين و لا تحسين
او انتي على اي اساس تقولين جيه انتي ما عرستي و لا جربتي
و صح هالشي
بس انا سمعت الطرفين
و حبيت اراويكن كلام الطرف الآخر
اللي اهملتوه
ناعمة الهاشمي يعجبني كلامها
انسانه واعيه و اعتبرها قدوة
انسانه قمة في الروعه
هل سمعتن لها محاضرة او قريتن لها
انا اسمع من بنات عمي و من ربيعاتي المعرسات عنها و مرات من امي
بس كلامها درر
جربن روحن لها
اسمعنها
بدلكن و بتخبركن و بتقوللكن شو تسون
و اسمحولي لو احرجتكن و الله اني كتبت بدافع حب المساعده لا غير
جبت لكن تجارب اللي حوالييه
لا تحرجنـــــــــــــــي بلييز
و سلامتكن
يعنى اما ان الوحده تجبر نفسها لاشياء ناتقدر عليها او انه يلجأ للحرااام؟؟؟؟
ها مب حل عزيزتى
كل واحد لازم يكون عنده دافع ديني يمنع نفسه من الحرام والعلاقلات المحرمه مب لازم يشبع كل رغباته يقدر يصبر ويستعين بالله
من دون خيانه او يسلك طريق الحرام
حراام في بنااات والله في قمة الرووعه والجماال والاخلاااق وتلقينهاا مب متهنيه في حيااتهاا وزوجهاا يخونهاا << الرياايل انواااااع في منهم يقدر البنت ويخترمهاا وفي رياايل الله يستر عليه ويهديهم << حسبواا جم ( فـــــــي ) هههههه
انتي برووحج كلاامج درر << يعطييج العاافيه وان شالله ترزقيين بولد الحلاااال الي ما يشوووفج غيرج ياارب وتتهنيين ف حياااتج وترزقيين بالذريه الصاالحه يااااارب ..
واصلة نصيحتج ^_^
مع تحياتي
حياتي انجاز