السلام عليكم حبيباتي تعالو محتايتنكم شوي؟؟ 2024.

السلام عليكم ورحمه الله وبركاااااته ..

الغالياات مبروك عليكم عيد الاضحى المبارك وتقبل الله منا ومنكم صالح الاعمااال ..

ما عندي مشكله بس فيه خووف

الله يسلمكم من 3 اياام رمستني وحده من اهلنا ان واحد يباني وانا قلت لها رمسي اماايه

ورمست امايه وقالت لها الرياال واايد زين واخلاقه عاليه والحمدالله وما يهمه اي شئ المهم ياخذ وحده اخلاقها عاليه وانا والحمدلله بشهاده الجميع وبفضل من ربي اعرف رربي واخافه وواااايد ويا امايه وابوي الله يحفظهم وبارتهم …

المهم انا احاااااااااااااااااتي وااايد ومن النوع اللي يوسوس يعني هو من اماره وانا من اماره ثانيه يعني تخيلو افكر فابوي وامي وااايد انا اعطي ابوي الدوا واختي تعطي امي الدواء ومحد فالبيت يراعيهم شئ حريم خواني ومب مقصرين والشاهد الله الله يجزيهم خير يعتبرون امي وابوي امهم وابوهم ؟؟

بتقولوون وين المشكله افكر فالبعد وزيارات اهلي ..وانا الاماره ما اعرف فيها حد وما عندي اهل هناك اختي خوفتني قالت لي البعد …ما اعرف والله شوركم يالغاليااات ؟؟

هيه بعد هو اكبر عني ب 10 سنوات

هم ما يوو خبرو امي انه بعد العيد بيوون …ريحو قلبي احس مب عارفه افكر مع انه ما صار شئ وبعدهم ما يو
وبالعكس انا ابااا اعرس واعف نفسي وتكون لي اسره كاي بنت فالدنيا ..
حيااكم فانتظار ردودكم

مرحبا الساع الغاليه

الله يوفقج ياربيه ويفتح عليج من واسع ابوابه

اول شي حبيت اقولج صلي استخاره وشوفي شو الله

كاتب لج والله في الخير سويه ..*

في بنت شراتج جيه اعتماد هلها عليها وتقريبا مايرومون يسوون شي

دوون الرجوع لها يوم تقدم لها واحد اشترطت عليه اتعيش بيت اهلهــآآ

والريال كان متفهم وضعهــآآ ووافق على هالشي واسوت من بينهم النصيب وخذته

والله وفقهم وماصار بينهم اي خلآآآف ..

انتي شاوري الكل شوفي شور بيشورون عليج واتوكلي على الله الغاليه

وربي يوفقج ويرزقج من عنده يارب

فديت روحج يا قلبي واسعدني انج اول وحده ترد عليه وسواا شغل تهادو تحابو قرب القلوب من بعض تشرفت فيج الغاليه ..وان شااء الله الله بيكتب اللي فيه الخير ..

الله يوفقكم,,,,

لا اتفكرين بالسلبيات

وماشاء الله دام حريم اخوانج مب امقصرات لا اتحاتين تقدرين تتواصلين معاهم في مواعيد الدوا عشان تطمنين

خليهم اييون ومن عقبها صلي الاستخارة وبتتيسر الامور اذا الله رايده لج

والبعد عمره ما شكل اي سلبيات …..

مردج بتظهرين من بيت اهلج … سواء وافقتي على هالشخص ولا غيره ..

اتوكلي على الله وصلي استخاره ..واللي فيه خير لج الله بيقدمه ان شاء الله ..

يلو انتي اتمنى انج اتوافقين .لانه الزواج ستر للبنت ..

الله يوفقج ويشرح لج صدرج ويتمم لج نص دينج على خير

لا اتحاااتين حبيبتي .. هذي الدنيا …

اولا .. عن امج وابوج .. خواااانج موجودين وحريمهم ,, وانتي بنفسج قاايله انهم مب امقصرين انشالله فلا اتحاتين وااايد . .

وبخصوص فرق العمر .. عني اشوووفه عااادي مب واايد ..

استخيري وربي يتمم لج على خير