شحالكم؟؟
بدخل فالموضوع ع طول
حطي نفسج مكان البنيه وعطيني رايج
وحده من اهل ريلي عرست قبل شهر تقريبا وردت بيت اهلها من ثالث يوم العرس للاسف اكتشفت انها ريلها فيه الصرع
خواتي الحين البنيه ف بيت اهلها وطالبه الطلاق واهل الريل مايبون يطلقون لين ترجعلهم كل درهم انصرف عليها وعالعرس
البنيه ماعندها لاهي ولا اهلها
والحييين مايعرفون شو يسوون؟؟!!
حرررام عليهم غشوا البنيه واهلها الله يكون ف عونها ويعوضها خير ويشفي الولد
بصراحه انا بجد مصدوووووومه مب قادره اصدق واااايد غامضتني
ادعووووووووووووووووولها ان الله يفرج كربتها ويشفي كل مريض بهالمرض
وعطووني رايكم
كيف بتعيش وياه ،، احليلها انغشت الله يكون بعونها
وتحاول انها توقف وياه يمكن حالته تتعدل
والله يعينها
المرض ابدن مب عيب
العيب الكذب والخداع في هالامور
ماعليه تسير المحكمه وتشوف شو يقولون
وانا لو منها بشوف لو مرضه يتعالج كان بها لان عندنا واحد كان ينصرع وعقب تشافى
بس لو بيطول وبيأثر عليه لا
وخصه
مثلا
لو بمكان عام بمستشفى بسوق
هي بنت شو قدرها تتحمل النتايج عقب
يعني بدال ماتحصل ريال يداريها تحصل ريال اداريه وتخاف عليه
الموضوع كبير بس يباله دراسه قريبه لحالة الريال وبعدين اتخاذ القرار المناسب لصاحبة الموضوع
لان الزواج عشره عمر مب يوم أو يومين… شو ذنب هالبنيه والله كسرت خاطري..
الله يساعدها ويفرج همها.
الله يعينهم الصراحه
المفروض توصل القضيه للمحكمه
حتى لو فيه الصرع
ترى الصرع مب مرض خطير خليها تقرا عن المرض وتتفهم وضعه
أدري بتقولين ماخبروها وغشوها
اذا ياها واعتذر لها وبين موقفه خلاص اختي الصرع لاهو مرض بنتقل لها ولا شي
ويا الوقت بتعرف كيف تتعامل وياه
والطب تتطور ويا الادويه بتخف نوبات الصرع
موفقه اختي