بنات انا بشتكي لكم من سالفه مافارقتني من تزوجت للحين
انا متزوجه موظف ياربي لك الحمد والشكر الف مره
والله مايقصر وياي كل طلباتي مُجابه ومن اطلب الاقي اللي طلبته يمي << الحمد لله والشكر الف مره
بس اللي قاهرني ان الراتب مايجلس والله يأخذ اسبوع وثمن يخلص طيب طوووووول الشهر احنا ايش نسوي ايش نأكل ؟
طبعاا يأخذ سلف طوووووووووووووول الشهر علشان البيت والمأكل والمشرب والكهرب وغيره
طيب وبعدين ..؟والله مليت من الدين ..؟
وربي اللي أكله بديون مااحس بطعمه
انا ابي مثل الناس اللي راتبهم يكفيهم طووووول الشهر
يابنات والله مليت
ومن ينزل راتب الشهر الجـــــاي على طووووول تسديد جوال وتسديد الديوون ونفس الحاله مايجلس اسبوع
ومن ثـــــــــــــم نبدأ بالديون
يابنات ابي ارتب راتب زوجي
كيف اسوووووي مره حاولت ارتبه ماترتب على طوووول طــــــــــــــــار في الهوى
يعني الحين مثلا المطاعم مااروح لها الا في بدايه الشهر مع الراتب يعني بنص الشهر مثلاا مااقدر اروح كأني مقيده بسلاسل والسبب الراتب خلص
طيب يعني في بدايه الشهر مالي خلق او عندي اختبار ومااقدر اروح المطعم او السووق خــــــــــــلاص انساها والراتب الجاي اروح في بدايه الشهر
طيب وبعدين ..؟؟
بنـــــــــــــــات انا شكيت لكم كثيـــــــــــر ووجهتوني للصح
الله يخليكم ابي منكم العوووووون والمساعده بعد الله عز وجل
لين ماتنحل وتقضون الديون اللي عليكم
وراح ترد الامور شرات ماكانت
بس ياعيوني
يوم ان شاء الله اترد اموركم خففو فديتكم مايصير الراتب كله يروح وقت واحد
لازم تنظمونه وتحافظظون عليه
مثلا قعدي انتي وريلج قعدة مشاوره وتفاهمو وحطو حق كل شي مبلغ معين
وخلو مبلغ خاص حق الادخار هذا محد يقرب صوووبه
والباجي خلو حق كل شي مبلغ محدد
مثلا انتي لج مبلغ محدد لشرى وجي بدون مبالغه طبعا
وريلج هم بعد له مبلغ يحافظ عليه
ومبلغ حق غريظات البيت
وجي و
مبلغ حق الادخار
وصدقيني اموركم راح تتعدل
بس قعدوويا بعض وسووو اللي قتلج عنه
ماعليه الواحد اتمر عليه اوقات عصيبه لازم يصبر عليها ويفكر بعقله لحلها صبري حياتي
وبالتوفيج حياتي
بس من جد قعدت وياه وتكلمنا
تصدقين والله تجي اوقات بزور اختي بزور عمتي وابي اجيب لها هديه عمتي
والله من تزوجت للان ماجبت لها والسبب الراتب
وعمتي وعلي عليها قليبها طيب
جزاك الله الجنه وردك سليم وجاري التطبيق عيوني
توكلي على الله بالدعاء والاستغفار ان شاء الله تحصلون حل
قوله تعالى : فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا)
والصدقه تصدقي ولو بدرهم كل شهر وبأذن الله, الله راح يبارك لكم في مالكم,,
عَنِ الْعَلاَءِ عَنْ أَبِيهِ عَنْ أَبِى هُرَيْرَةَ عَنْ رَسُولِ اللَّهِ صلى الله عليه وسلم قَالَ
« مَا نَقَصَتْ صَدَقَةٌ مِنْ مَالٍ ….. الخ »
وحاولي ترتبين لك جدول من اول الشهر لـ اخره وان شاء الله مع الوقت راح يتنظم وضعكم؛؛
وربي يفرج همكم ويرزقكم من حيث لا تحتسبووون حبيبتي ؛؛
أختي أوصيج بالصدقـــة 
والله رزقكـم بيزيد وهذا الشي أنا جربته شخصيا
وصراحـة لو أعرف أقصر في حق نفسي و أتصدق
لإن أكون واثقـة ان رب العالمين لا يضيع أجر المحسنين
والبيزات ترد بروحها دبل ودبل ^_^
اتصدقي أختي وخليها شي شهري لا تستغنين عنه مهما كانت ظروفكم
وبتييكم بركـة في رزقكم ان شاء الله
وادعي رب العالمين يسر أموركم
خاصـة بقيام الليل
وأوصيج بهذا الكنــــــــــــــــــز ^_*
(استغفرو الله انه كان غفار ينزل السماء عليكم مدراراو يمددكم باموال و و بنين)
داومي على الاستغفار ولا تتعايزين أختي
والرزق بييكم من رب العالمين
ربي يسر لكـم
بس لاتسيرين مطاعم خلاص كنسليها شو بتسوين,,,,لأنه شي مب مهم عادي دايما الأكل خليه من البيت
والسوق خليه مررره بالشهر او الشهرين لما تكونين مجمعه مبلغ للمشتريات
بالنسبه للجوال قللوا مكالماتكم
يعني حاااولي وان شاء الله بيترتب الموضوع
هذا النصيب
الحمدلله على كل حال,,,دايما اتذكري ان في ناس ماعندهم نص اللي عندك مثلا,,,اتذكري حال اللي ماعندهم بيت يظمهم
وقولي الحمدلله ولاتتعبين عمرك بالتفكير
الله يرزقج