..
بداية مبارك عليكم رمضان ، وجعلنا الله وإياكم من المقبولين فيه ، واعاننا على صيامه وقيامه ..
خواتي في الله ، حبيت أقولكم حكايتي ، و الي فيها عظة وعبرة ، لكل بنت حبت شخص وما كتب الله
بينهم نصيب ، وعاشت حياتها على ذكراه تبكي وتندب حظها ..
اولاً اذكركم بقوله تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
فعلاً الله وحده العالم بكل امر هل فيه خير لنا أو شر ، ويقدر لنا الخير ، حتى لو ماكنا نبغيه وهذا من
رحمته تعالى فينا ، كما قال عليه الصلاة ولسلام ( راي إمرأة تحضن ولدها فيقول أرأيتم هذه طارحة ولدها في النار ؟طبعا يقولون لا ، فيقول رحمة الله أوسع للعبد من هذه بولدها)
سبحان الله ، ارحم فينا من امهاتنا ، امهاتنا الي مافيه حد ارحم علينا منهم ، الله ارحم سبحانه وتعالى .
نحن بشر ضعاف ، خاصة النساء ، نتبع عواطفنا ، ونعتقد ان الخير كله والحياة السعيدة ، والحب والراحة بأختيارنا نحن لأنفسنا ، ونحن أدرى بكل شيء ..!
للأسف هذا خطا كبير جدا ، نحن مانعلم الغيب ، و ما لنا الإ الظاهر ، وعلمنا على قدنا ، لو تركنا الله
واوكلنا لأنفسنا واختيارنا والله نضييييييييع نضيييييع و نهلك انفسنا بأنفسنا ..!
لكن سبحان الرحيم العليم القادر على كل شيء يحمينا حتى من انفسنا ، رغم معاصينا الله أكبر ما اجوده
واكرمه وارحمه ..
………
حكايتي : أنا بت قبلية مثل اي بنت ، احلم بشخص غير عادي ، فيه كل المميزات ، احلم بحياة زوجية كلها حب و رومانسية و هدوء ، واكون اسرة مع سخص احبه واقبله ويبادلني نفس الشعور ..!
في ليلة من الليالي حضرت زواج ، جت حرمه كبيرة ، سلمت علي وجلست تسولف ، وتقول انها تعرف
أمي الله يرحمها من زمان ، انا اول مرة اشوفها ، وهي من قبيلة غير عنا ، المهم رجعت البيت ، و
نسيت الحرمه ، مر يوم وثاني وثالث ، بعد ثلاث ايام بالضبط ، كنت جالسة بصالة البيت اشوف تي في
دق جرس الباب ، انا قلت بصوت عاااالي ميييييييييييييين ؟؟!!.gif "12 (85)")
مارد ، ورجع دق ، وقلت مييييييييييييين ؟! ومارد ، رحت اصحى اخوي نائم واقول فيه واحد عبيط يدق
الباب ومايرد علي ، قام اخوي وطلع يشوف ، والا حرمه مع ولدها ، ودخلهم ، وانا جررري على
غرفتي مافي اقابل الحرمه ، الا شوي ويجي اخوي ويقول تعالى الحرمه تبغاك انتي ، انااا ليش؟!
قال مادري ، رحت بسرررعة بدلت جلابية البيت ، ولبست تنورة طويلة ، و بلوزة ساترة ، وطلعت بدون
ميك ولا شئ ..!
إلا هي نفس الحرمة لي شفتها بالزواج ؟!!
قامت تسولف وتقول انها تحب امي ومعجبة بأخلاقي وووووو إلخ ..! و راحت لأخوي بالمجلس
وقالت انها بتخطبني لولدها الي جاي معها ؟؟!
وفضيييييحه وانا الي اصارخ من اليوم ميييييييييييين ميييييييييييييين ؟ طلع معرس جاي يخطب ^ــــ^
وحليلي مو جاي على بالي ابد ان الي يدق الباب معرس ولا كان صرت ارق من الورده ^ـــ^
…………….
المهم واخوي قال لهم اوك وقال للولد الحين اخليها تجي تشوفها ، لييييييييييه على كيفه اخوي بيفتك
مني وخبط لزق ، لكن الولد قال لالالالا ما ابغى اشوفها يكفى الوالده شافتها ..!
لكن اخوي اصر وجا يقول تعالى تعالي بسرعة بيشوفك .. قلت لالا حبيبي والله ما اطلع لو اش ؟؟!
قال حرام هذا صاحب فلان " اخوي الأوسط " نعرف اخلاقه ودينه والتزامه ..
المهم راحوا وقالوا ردوا علينا …
جاء اخوي الأوسط وفررررح لما عرف قال هذا فلان ما عليه كلام وقام يذكرني فيه ويقول هو الي شفناه انا وانتي قبل فترة بالمول ..!
ونا اااها تذكرت شفته كان يكلم اخوي ويطالعني من بعيد من غير اخوي ماينتبه ، كان فعلا ملتزم وملتحي وانا كنت بعد لابسه عبايه راس وجونتي و مغطيه ولا شيء واضح مني ..
قال اخوي انتي عجبتيه ، وبعدها امه شافتك بالزواج وجاء يخطبك ..!
اخواني تمدحوا فييييه كثييير كثيير انا تعلقت فيه ، انسان هادئ ملتزم خجووول كانت عيونه بالارض
وهو يخطب ، وتمنييييييييته يكون من نصيبي من قلب ..!
اتفقوا اخواني معه على كل شيء ، القاعة والملكة ، والتحليل الزواج والمهر والسكن وكل شيء ..!
وفجاااااة ابوي رفض ،رفض قااااطع عشان زوجته ما وافقت على الزواج ..
أنا تعببببببببببببت نفسيا ، اخوي حاول وحاول لكن ابوي ررررررررفض ، اخواني من ابوي وقفوا
في طريقي ، لأنهم حسدوني اياااه ..!
بكيييييييييييييت ودعييييييت الله كثييييييييير يجمعني فيه ، حاولت بابوي لكن رض وقال يكفي انه مو من قبيلتنا ..!
راح الولد وجاب شيوخ قبيلتهم ، و اخوه ، وكل عقلاء عشيرته ، و بعض من كبراء قبيلتنا له عشان
يتوسطوا عند ابوي ويوافق يزوجني ايااه ، لكن لا مجااال ابوي رفض ، جلس يبكي شيخ قبيلتهم عند
ابوي و يقول حرراام عليك وبعد محاولات قال اوكيه ..
فررررررررحت والولد فرررح وسوا تحليل زواج ، و قال بيسوي حفلة قبل الملكة يجمع عائلتي مع
عائلته عشان يتعارفوا على بعض .. وجلست افكر من وين اجيب فستان الشبكة ، وكيف راح اسوي
الموديل ..!
وصحباتي اتصلوا يباركوا لي ويسالوا عن اسمه وشغله وكيف تعارفنا ، وانا طااايرة فرح واقول لهم
عقبالكم ..!
……………
لكن اقدار الله فوق كل شيء :
ابوي ارسل للولد واحد من جماعته واصحاب الولد ، وقال له ابعد عنا ما نبغاك ، راااح الولد ولا عاد
رجع، مع انه كان دائم يسهر مع اخواني ببيتنا وانا مبسوووطة ..
بكيييييييييييت ، وانقطع الأمل بحياتي ، وكرررهت كل شيء ، صحباتي تزوجوا ، حتى بنات عمي
الي غااروا مني ، وقاطعوني لما نخطبت وسبوني وقالوا اش شاف فيها ، كلهم تزوجوا وحده ورى الثانية ..
سبحان الله انخطبت قبلهم ، و قلت لهم عقبالكم ، وتزوجوا كلهم الا انا ..!!!
مرت سنة واثنين وثلاث ، وكل وحده من معارفنا وصحباتي وعيال العائلة يتزوجوا ، مع كل زواج
اتذكر خطيبي ومميزاته ، وابكي واتحسر على نفسي ، واقول ليش انا يارب مع اني اكثر وحده ملتزمة
فيهم ، ولا بيوم غرة او حسدت احد او تلكت باحد مثلهم ابدا ..!
………..
جاء اخوي بيوم وقال لي يا تفاحة ، شفت فلان " خطيبي " بالحرم ، وكان معه ولد ، يالله تزززوج و
جاله ووولد ، وانا ما جاي نصيبي ، كان ممكن يكون الولد هذا ولدي انااا ..
مررررررررررت 6 سنوات ..
وانا اتحسر عليه واقول ما فيه مثله ..
و فاجاة جاي اخووي ويقول تفاحة ، فلان ملك وبتززززززززوج الثاااااااانية ، انا يالله معقوووول
الثااانية ، قال ان اهله زوجوه على حرمته وبينهم مشاكل ..
سبحان الله ، لو كنت انا مكانها وتزوجته ، وانا مريضة سكر ، كيف راح اعيش معه بمشاكله ، ومع
اهله ، وكيف اتحمل زواجه الثاني ، عرفت انه شخص اناني ، كل همه متعته ، ولا ارتاحت حرمته معاه
وانه تزوج بحجة انها سنة وهو ملتزم ..
عرفت اشياء كثيير ..
سبحان الله ، انا استخرت الله كثير زمان ، والله اختار لي يبعده عني ، الحمدلله ، كنت صغيرة وبرئية
وما راح اعرف اعيش معاهم ولا معاه .وهو اكبر مني بكثيير.!
طبعا كل هالخبار جتني بعد ما واضبت مده على قيام الليل ، وكنت اتحسر بيني وبين نفسي عليه ، والله
عالم بسرائري وحالي ، وابلي اخباره بعد انقطاااع عشان يريحني ..
…………..
بنات اعرفوا ان الخير كله بقضاء الله لنا وقدره ..
ودائما رددوا هالدعاء ( اللهم اصلح لي شاني كله ، ولا تكلني الى نفسي طرفة عين ) اللهم آمييييييين
ادعوا لي بالشهر الفضيل ان الله يرزقني يزوج صالح عاجلا غير آجل وجميع بنات المسلمين ..
استغلي هالشهر الفضيل وخلي عندج يقين انه الله بيستجيب لج … واتصدقي وقومي الليل
وسمعت مره في برنامج اشرف العسال اللي تبي تتزوج تقرا سورة مريم هذا والله اعلم
الله يكتبلج اللي فيه الخير الغلاا