شحالكن بنات؟؟ ان شا اءلله كلكم بخير..
هذي اول مشاركه لي ..شفت تفاعلكم مع بعض ووقفتكم وقلوبكم على بعض وتخففون ع بعض ماشالله عليكم فحبيت اطرح مشكلتي اللي ماخذه تفكيري وهمي وألمي…
انا حبيت اعرف رايكم باللي استوا بي وهل أعتبر انا مظلومه والا لا..؟؟!!
انا مخطوبة من شخص لمدة سنتين ونص او اكثر وملجنا 7 شهور وكان يستوي من بينا ( زعل ) وسوء تفاهم بسييط لا أكثر.. يعني هالشي مب انه مأثر ومسويلنا مشكله او شي لااا مااايخصه
وعادي شي طبيعي ان اي اثنين لااازم بتستوي من بينهم مشاكل وخصوصا بعد الزواج تزيد المشاكل لن كل واحد من بيئه وشي طبيعي ان أطباعهم بتختلف ومع الوقت يتأقلمون مع بعض..
المهم سمعو شو اللي استوا…
كنا متزاعلين عادي يعني نفس اي مرة (اتغلى عليه شوي لني اباه يدلعني ويهتم فيا) من حقي صح 
المهم انا كنت مسافره وهو فالبلاد ونفس اليوم اللي برجع فيه (كنت مستااانسه اني برجع وبشوفه مشتاقتله) مطرش لي مسج انه هو بيسافر وبيلس اسبوع (كان بس باجيله اسبوع وبيداوم يعني من السفر لين مكان دوامه.. هو يداوم فبوظبي ونحن من اماره ثانيه) يعني ما بيرجع امارتنا
وللعلم ان هو كان مسافر ورجع اسبوع ويوم انا بيي (قرر يسافر عناد) يمكن لنه متزاعلين ويبا يعاند فيا عسب ما يشوفني
انا كنت اول شي عادي وحاطه فبالي اراضيه وارمسه يوم برجع البلاد واكيدانا راده بييني يسلم علي وعلى أهلي وجيه بس يوم طرش لي المسج انه (بيسافر !!!!) صراااحه متت من القهر … شو هالحركة الخايسة انا يايه وهو يسافر
يعني اشكرااااا مقصوده السفرة عناد .. وبالسيارة بعد مب بالطيارة…
يعني لو طيارة بنقول موعد ومادري شو اما سيارة يروم يترياني يوم ويسلم عليه ويرد يسافر هذا لو صدق قصده يسافر وما لحق عليه…!!!!!!!
(هو سافر لنه لو كان فالبلاد بيضطر انه ايي بيتنا يسلم عليه شي معروف اذا ما يا اهله بيقولونه ليش ما سرت غريبه واهلي عسب جيه سافر عسب يكون عنده عذر ماايي يسلم لنه نحن متزعلين ومابيي طبعن وسهل على عمره وسافر عسب ما ينحط فموقف انه ايي ونحن زعلانين او اذا مايا الكل بيستغرب ليش ما سرت وجيه ومن هالرمسه)
انا من القهر اللي فيا جان اطرش له مسج أتشره عليه اقوله
اشرد عني يوم بيي..انا ماروم اعيش مع واحد يعاملني جني عدوته مب حرمته … والله ما قصدت شي بس من القهر اللي فيااا ليش جيه يسوي….!! 
المهم رد طرش لي
هذا طبعي عايبنج مب عايبنج ما يهمني ….!!!!!!!!!!!!!!!!!!
استغرررربت ومن عقبها فريت فوني ولا تجرأت أطرش له شي
جنه حد صب علي ماي بااااارد (من الصدمه !!!!!!!!!!!)
تيبست فمكااني
ماعرفت شسوي
كنا برع سايرين مكان سياحي واهلي يتشرون كان اخر يوم لنا وبنرجع البلاد
ماقدرت اخبر امي
حسيييت بضيييج
تمييت اصييح طول الليل ما رقدت
وعقب سرنا المطار وردينا وخبرت امي بالسالفه وانصدمت
قالتلي ليش جيه يقول غريبه
قالت لا تطرشين له شي
قلتلها مستحيييل ما اتجرأ
مصدووومه منه!!!
وعقب اسبوع رجع (طبعن ما رجع امارتنا) سار بوظبي لنه يدوام هناكي لن اليوم الثاني خلاص دوام..
مطرش لي مسج
( مساء الخير..شحالج..فلانه حبيت أقولج شي.. انتي بنت ناس والنعم وكل حد يتمناج..نحن صعب نعيش مع بعض ..نحن مب مرتاحين مع بعض ..فأنا اشوف ان مثل ما بدينا بالمعروف نطلع بالمعروف..انا ماقول انج الغلطانه ..يمكن أنا الغلطان..بس انا اشوف ان نحن ما نيوز لبعض)
عاد انا يوم قرييت المسج يتني الصدددددمه!!!!!!
ما كلف على عمره يتصل عالأقل !!!!!
ولا حتى ايي يتفاهم معايه
هالمواضيع ما تنقال بمسج
لازم اقل شي يتصل يتفاهم معايه
هو حتى ما ما فكر انه يتفاهم معاي
وايد عليه طرش مسج وخلاص..
يعني ماتصل وحاول يتفاهم ونتناقش ..يعني مثلا المفروض يتصل فيا و يقول نحن وايد نتزاعل وانتي في اشيا ما تعيبج فيني ومادري شو…اكيد اذا قال جيه انا بقوله خلاص انا ما بزعلك منك اذا هالشي ما يعيبك وما بنعاند فبعض وبسوي اللي يرضيك (أكيد بتنازل لني احبه وشارتنه وعشرة من بيننا)
لهالدرجه…شو اللي استوى.. ليش جيه وصلنا من عقب عشرة سنين..من 3 سنين نحن لبعض
كيف تهون عليه العشرة بهالسهوووله على شي تافه
يعني مب شهر شهرين ثلاث سنييييين ..!!!!
وكل حد واجهه ووقفو ضده اهله واهلي وكان يقولهم البنت ماعليها كلام ..اخلاق وبنت ناس والنعم بس نحن بيننا مشاكل ننفصل الحين احسن من عقب العرس واطباعنا غير عن بعض…
شو هالتفكير عيل لو كل واحد يطلق حرمته عسب المشاكل جان كل الناس تطلقت (لأن مافي اثنين ما تستوي من بينهم مشاكل واختلاف وسوء فهم) وهالأمور لازم تستوي فبداية الحياة الزوجيه وخصوصا اول 4 سنوات من العرس تكثر المشاكل لأن كل واحد طبعه غير عن الثاني وكل واحد من مكان ومن بيئه ثانيه ليين ما كل واحد يتعود ع طبع الثاني ولازم واحد من الاثنين بيبدا يتنازل عن بعض الأمور….
و أي حياه ما تخلو من المشاكل ( المشاكل يسمونها ملـــــح الحياه )
انا اقول شو هالمشاكل؟؟؟؟ زعل وعناد وخرابييط…!!!
هالشي لازم يستوي بين أي ثنين .. ولازم الاطباع بتختلف….
يلسنا 5 شهور بعاد عن بعض الكل يحاول يصلح من بينا اهله حاولو ووقفو ضده وزعلو عليه وكل شي لكن ماشي فايده..
واهله مب راضين عاللي يسويه لنهم يحبوني موت ويبوني وشاريني وما يبون يخسروني لا انا ولا اهلي..
وحاربو اخوهم عشاني..يقولون نحن ما نبا حرمة اخو غيرها ما بنحصل شراتها…(لني طيبة وحبوبه بشهادة الكل) والحمدلله
وعقب دست شوي ع كرامتي وقمت اطرش له مسجات حلوة وبأسلوب حلو واعتذارات(لنه الكل حاول معاي اني ابدا واطرش مسجات واحاول معاه شوي) وحاولت اتصل فيه كم مرة … مرة وحده بس رمت ارمسه و رمسته وقلت له هالاشيا لازم بتستوي وانا شارتنك واحبك ونحن من بينا عشرة..يقولي خلاص انا ماروم اعيش وياج..وعقب يوم قلتله ليش ومادري شو قال خلاص مب عشان مابا اعيش معاج بس خلاص لني شلت فكرة الزواج والارتباط من بالي ..انا خلاص ابا اعيش بروحي ..
عقب فخاطري قلت نعم!!!!!!!!!!
توه يتذكر انه مايبا يعرس الحين ويبا يعيش حياته!!!!
قلت له فالمسج انت ظلمتي…
قال انا ما ظلمتج لني ماتهمتج بشي….
عقب رديت عليه قلت له انا يوم اقصد انك ظلمتني لنك خطبتني وفترة الخطوبة ما كانت شوي (سنتين ونص) وعقبها ملجنا وخليتني احبك واتعلق فيك وآخرتها تبا تنفصل عني بدون أسباب بس لنك ما تبا تتزوج والمفروض انك تفكر فهالشي قبل لا تاخذني مب الحين عقب خذتني وعلقتني فيك ….!!!!!!! ماعرف شو يرد علي…..
شوفو الحين اقرو ان كل مرة يتغير العذر..شوفو واحكمو…
الأسباب اللي ذكرها لي….(طبعن كله بالمسجات)
1_اول شي نحن بيننا مشاكل وايد وما نصلح لبعض..ويوم يلست اناقشه انه هالشي عادي وبالعكس نحن مابننا المشاكل اللي تتسمى مشاكل (مجرد زعل وخرابيط ولعب يهال) يعني مب المشاكل اللي تستوي بين الزوجين وضرابط وصراخ وجيه لاااااااااا مااااااايخصه….
عقب ما ماناقشته فهالشي بسالفة المشاكل..عذره
2_نحن اطباعنا غير عن بعض
وعقب ناقشته انه هالشي معروف وطبيعي ان اطباعنا غير عن بعض..لازم كل اثنين جيه وعقب يتأقلون ويتعودون ع أطباع بعض
وعقب ما ناقشته بسالفة الأطباع..عذره
3_ماقدر اعيش وياج
وعقب ما ناقشته (طبعن انا انسانه مستحيل اي ناس ما يرومون يعاشروني لني طيبه وحبوبه وصبوره وحكيمه ونصوحه وما بمدح عمري بس بشهادة الكل جمال وأخلاق ورزانه وبنت ناس والحمدلله )
وعقب ما ناقشته بسالفة انه ما يروم يعيش معاي..عذره
4_ شليت فكرة الزواج من بالي..خلاص انتي مافيج شي وانا مب لني مابا اعيش معاج انا لني خلاص ابا اعيش بروحي ومابا ارتبط بحد…!!!!!!!!!!!!!!!!!!!!!!! (لا تعليــــــق)
جوفي يعني كل مره شي كل ما أعطيه الحلول يطلع لي أعذار ثانيه
(يعني العيب والغلط مب فيني وحتى لو غلطت فأشيا خفيفه زعل ومادري شو تراني عطيييته لكل شي ألف حل بدال الحل الواحد يعني ماعنده عذر ابدا )
للعلم هو مب صغير ولا ياهل (عمره 27 وهالشهر بيدخل ال28 )
وانا عمري 23
وحاولت وحاولت بالمسجات يوميا..مسجات حلوه مب اني ايلس اضاربه واسبه وجيه لااا..اسلوبي كان حلو وهادي وكله تفاؤل
ويلست اعتذر مع اني ما سويت شي غلط
وما قصرت معاه بالمسجات الحلوة اللي تفتح النفس
لكن ماشي فايده…
كنت افهمه واحاول معاه ان هاي الحياه الزوجيه ولو خذا مليون وحده غيري لازم بتستوي مشاكل من بينهم وسوء فهم..المشاكل ملح الحياه…
لكن مب راضي يفهمني ولا يعطيني مجال..
ومره سرت عنده (طبعن من غير ما يدري) كانو اهله مرتبين كل شي عساس يشوفني يمكن يحن قلبه لنه مووول ما شافني ولا رمسني بس مسج وخلاص
علما ان هو ما غلط علي ابدا…
كان يقول البنت ماعليها كلام واهلها النعم فيهم
وقال ان انا مليون واحد يتمناني وان هو ما يستاهلني
وما سوه كل شي من بعيد لبعيد (سار المحكمه بروحه من غير ما اييبني لا انا ولا اهلي للمحكمه بس لنه ما يبا يدخلنا محاكم لنه مب هاينين عليه وهو وايد يستحي من اهلي ويحشمهم وما يبا يضرهم)
كل حد حاول يرده لكن ماشي فايده…
وللعلم ان هو اللي اختارني بنفسه (مع انه ما يعرفني ولا يقرب لي ) بس اخته اربيعتي من ايام اللاعداديه
وكان يحبني مووت وسوه وايد اشيا تدل على انه يحبني ويموت فيني
ماعرف ليش جيه يعذبني وتخلى عني لأتفه الأسباب
الله يسامحه دنيا وآخره
عذبني وصيحني وعقدني
الحيينه اللي اباه منكم يا بنات تقولون
هل انا انظلمت يوم تطلقت ؟؟؟؟؟؟؟
هل الاسباب اللي ذكرها اسباب مقنعه وكافيه تخلي الريال يطلق حرمته من عقب سنتين ونص خطوبة و7 شهور ملجه ؟؟؟؟؟
لا تقولون لي ( يمكن مسحور والا شي ) مافيه شي
ويوم يقولون له سير عند مطوع يعصب يقول مافيا شي ولا تيلسون تقول انا مسحور والا معيون هالشي بيبن فتصرفاتي وانا مافيني شي طبيعي.. (ها كلامه )
ولا تقولون يمكن عنده وحده او يحب وحده ثانيه او شي (مااااعنده) ولين الحين ما خطب
كملنا سنه من الانفصال
(يلسنا من غير ال7 شهور اللي مالجين فيهم 5 شهور زياده بس بعاد عن بعض..عسب يصلحون من بيننا لكن بدون فايده وانفصلنا ومر عالسالفه (طلاقنا) سنه )
ولين الحينه يبوني ويوم يشوفوني فمكان يتلومون ويصيحون ..واذا حد سألهم ليش اخوكم طلق البنت يقولون للناس هي ماعليها كلام ونحن نباها ولين الحين نباها وهي ماشالله عليها انسانه خلوقه ومافيها أي عيب بساخونا ما ندري ليش سوه فيها جيه وهو ما يستاهلها ونحن ما يخصنا فيه ولا بنخطب له وكيفه خل ياخذ هنديه احسن له لن هو ضيع هالجوهرة من ايده ويتمون يتمدحون فيني عند الكل… (الحمدلله)
ومره اربيعتي قالت لي ان اختها شافت اخته (اخت اربيعتي وايد تشبهني) اخته قالت لأخت اربيعتي انتي وايد تشبهين فلانه (اللي هي انا) وقامت تصييح ونحن للحين نباها وما بنحصل احسن عنها وحرام أخونا اللي سواه فيها ما تستاهل ..هذا غبي ومينون وين بيحصل احسن عنها..يسبون اخوهم عشاني..!!
شفتو كيييييف… (يعني أهله وقفو معايه وقفه لدرجة انهم يلومون اخوهم عشاني ويتلومون فيا مع انهم مالهم ذنب باللي استوى)
هم بغوني ولين اليوم لكن مب بيدهم شي..
هذي سالفتي باختصااااااااار (وايد اختصرت لني ماروم اكتب وايد تعبت واخاف تملون وما تقرون الموضوع كامل)
ولا تقولون لي اللي ما يباك ما نصيح نباه..اعرف هالكلام من غير ما تقولونه
ولا تقولون لا تشلين هم وعيشي حياتج ومادري شو (الحمدلله عايشة حياتي عالآخر واطلع وايي واسير وأسافر وأتشرا واكشخ واهلي فديتهم مب مقصرين ويايه من ناحية انه يطلعوني ويسفروني ويتشرون لي ويودوني واييبوني ومونسيني من كل النواحي والحمدلله..يعني مب مقصرة من هالناحيه والحمدلله ) بس هالشي فبالي دوم ما يروح عن بالي وهالشي الواحد ما ينسى حتى لو نسى اكيد بين وقت و وقت بيتذكر لنه صدمة عاطفيه كبيرة وجرح (الجارح ينــــسى بس المجروح ما ينسى)
والا تقولون انسيه وخل يولي وما يستاهل ومن هالكلام (مااااابااا اسمع جيييه لن خلاص مليت من هالرمسه وحفظتها)
ولا تقولون لي يمكن فيه شي بس ما يبا يقول (مرض او شي او شي داخلي او من هالقبيل) كل هالاشيا اللي بتتوقعوها وبتخمونها وكل اللي يخطر على بالكم نحن فكرنا فيها واهله وكل شي دورناله مليون عذر…مرض..عجز …ضعف اي شي… بس خلاص تأكدنا ان ولا شي من هذا بس مااايخصه ولا شي من هالقبيل
مافيه اي شي انسان عادي طبيعي بالعكس لنه قبل كان وايد يحبني ويموت عليه والكل ملاحظ من هالشي..اهله يقولون ان وايد يموت فيج عسب جيه الكل مصدوم ومحد مصدق شقايل انجلب جيييه…..
لكن حس انه العرس قرب وانه بيرتبط ومسؤولية وهو يبا يعيش حياته ما يبا يرتبط بأي حد ..يبا حياة العزوبية والقهاوي ويلسة الشباب ..روحه قال بلسانه..انتي مافيج شي بس انا شلت فكرة الزواج من بالي…..!!!!!!
انا ما ابا اسمع هالرمسه الله يخليكم
بس أبا أسمع شي يرحني وأبا وقفتكم ويايه وتوضحون الغلط من منو…؟؟؟!!
وانا انسانه فاهمة وأعرف ان هذا قضاء وقدر وكل شي نصيب… وانا ماعترضت على قضاء ربي (اللهم لا اعتراض ) وأعرف ان تفكيري لا بيجدم ولا بيأخر بس ابا اعرف اذا انا انظلمت او لا عسب ارتاح اني ما سويت شي واني ما غلطت وان انا ما خسرت هالشي بيدي…..!
والحمدلله انا متقربه من ربي وانسانه مؤمنه وراضية بقضاء الله وقدره وأعرف ان هذا ابتلاء وان الله ابتلاني لنه يحبني ولنه يبا يقربني منه والحمدلله وايد تقربت من ربي وماودر الدعاء والقيام والاستغفار والصدقه ..يعني مب معترضه عاللي كتبه ربي بالعكس ربي يبا يسمع صوتي وانا ما بقصر بالدعاء…
عسب جيه كل هالاشيا انا عارفتنها وفاهمتنها واعرف ان كل شي قضاء وقدر وهاي كلها ابتلاءات…
يعني كل اللي بتقولونه انا عارفتنه عدل ومن سنه وانا كل يوم اسمع منه.. (هذا قضاء وقدر ونصيب وبيي الاحسن ولا تفكرين ومادري شو ومن هالرمسه..حفظت هالرمسه شرات اسمي)
انا هالرمسه سمعتها من الكل ..اهلي اربيعاتي وكل حد عسب جيه مابا اسمع نفس الرمسه تنعاد مره ثانيه …….
بس ابا اجابـــــــه لسؤالي………..؟؟؟
الحينه هل انا انظلمت معاه؟؟؟؟؟!!!!
هل هو ظلمني ( لنه خطبني كم سنه مخطوبين وعقبها ملجنا وخلاني احبه واتعلق فيه وأخرتها يتركني بدون اسباب او لاشيا تافهه زعل ومشاكل وخرابيط)
أحس اني انظلمت وايد وانه سبب لي الم كبييير وجرح ولليوم وانا مب ناسية هالجرح وأعاني منه..
صدمني صدددمه كبييرة..
(الصدمه العاطفيه وايد أقوى وأصعب من الصدمه الجسديه )
عيشني فعذاااااب…صيحني….ما خلاني ارقد الليل…تعب لي نفسيتي…
خلاني أكره الرياييل وأتعقد منهم…
خلاني أكره شي اسمه زواااج…
خلاني اعيش بهم وحزن….
خلاني احس ان الدنيا ما منها أماااااااااان..!!!
خلاني ما أثق فأي حد…..
و….. و ……….. و………… الخ
لكـــــــــــــن ما بقول غير
حسبــــــــــــي الله ونعم الوكيل
هو نسى ان الدنيا دوارة (يوم لك ويوم عليك) ..
الله يمهل ولا يهمل
كما تدييييييين تدااااان
انا ما أدعي عليه بالشر والايستوي فيه شي لا حشا عليه ماسويها لنه قلبي طيب…
(ترا انا عقب ما قريت الردود عدلت وايد فالموضوع وضفت وايد اشيا كنت تفكرون فيها وتخمنونها وضحتها لكم)
واللي كانت تقول لا تدعين عليه ومب زين ومادري شو
انا رديت كتب ان انا يوم ادعي ما ادعي عليه ان يستوي فيه شي لا بعيد الشر
بس كنت اقصد ان الله ياخذ لي حقي منه ( يتحسف عليه ويندم عاللي سواه فيا ويصيح من الندم)يعني مب شي ثاني..انا مب من طبعي اني احقد وادعي عالناس لا حشا عليه..
والله يعرف كيف ياخذ لي الحق منه من غير ما أدعي…
وأنا موكله أمري كله لرب العالمين وهو بياخذ لي حق
وموفضه أمري كله له..
( وأفوض أمري إلى الله إن الله بصير بالعباد )
بلييييز اللي عندها رد مب حلو والا يجرح بلييز تحتفظ فيه لعمرها
واللي واقفه ويايه وبتريحني ترد عليه
أتريا ردودكم خواتي ..لا تبخلون عليه..ساعدوني..وأوقفو ويايه
محتايه وقفتكم وايد…..
ويزاكن الله خير مقدما….
والسمـــــــــــــــــــــــــــــــــــوحه
وصلي اللهم وبارك على سيدنا محمد وعلى آله وصحبه وسلم أجمعين…
أستغفرك ربــــــــي وأتوب إليـــــــــــــك
و هو غلط بحقج صح وانا لو كنت بمكانج بتم مقهوره ليومج وخاصه اني من النوع الي ينقهر ويندم وايد .. لكن فكري وحطي ف بالج انه مايستاهل تسوين كل هذا بنفسج وتعذبين عمرج عشانه !!
شباب هالايام مستخفين ويتحرون بنات الناس لعبه بأيدهم يخطبون ويملجون وينفصلون .. الحياه حلوه عندهم !! دامك مب قد الزواج لا تخطب وتعلق بنت الناس وياك من البدايه ..
تقربي من الله اكثر فديتج وكثري من قرايه القرآن والله يطمن ويريح قلبج .. وكل مايطري الموضوع ف بالج اشغلي عمرج بأي شي واطرديه من بالج ..
والله يهون عليج ويوفقج و يعوضج بواحد احسن منه يااارب
المشاركة الأصلية كتبت بواسطة ^حلـى قلبـي^ 
و هو غلط بحقج صح وانا لو كنت بمكانج بتم مقهوره ليومج وخاصه اني من النوع الي ينقهر ويندم وايد .. لكن فكري وحطي ف بالج انه مايستاهل تسوين كل هذا بنفسج وتعذبين عمرج عشانه !!
شباب هالايام مستخفين ويتحرون بنات الناس لعبه بأيدهم يخطبون ويملجون وينفصلون .. الحياه حلوه عندهم !! دامك مب قد الزواج لا تخطب وتعلق بنت الناس وياك من البدايه ..
تقربي من الله اكثر فديتج وكثري من قرايه القرآن والله يطمن ويريح قلبج .. وكل مايطري الموضوع ف بالج اشغلي عمرج بأي شي واطرديه من بالج ..
والله يهون عليج ويوفقج و يعوضج بواحد احسن منه يااارب
فدييتج والله اني مب اني معذبه عمري خلاص ومادري شو
لا يمكن فالبدايه لن الصدمه بعدها
اما الحينه عادي
بس يوم أتذكر الموقف والسالفه احس بالقهر والظلم
والحمدله وايد تقربت من ربي واحس اني ارتاح أكثر
واللي مصبرني ان الله فوق وما ينسى حد
والله ياخذ لي حقي منه عاجلا غير آجل يارب
ومشكورة الغاليه عالرد
وربي يحفظج
بس تدرين يااارب يرزقج الزوج الصالح..وتوصله الاخبار ويصيح ندم عليج..لأن يبين من اسلوبج انج وحده عاقل وماعليج كلام..
أنتي سويتي الي عليج وحاولتي تصلحين بينكم وربج ما بينسى انج حاولتي تصلحين بينج وبين زوجج (سابقا)..
صدقيني اختي كما تدين تدان..حتى لو عرس يمكن ما يستانس ع الي سواه فيج..لكن انتي ربي يرزقج ويفرح قلبج يارب..ويعرف جيمتج حزتها..
حبيبتي لا تفكرين فالسالفه..ربي يهونها عليج يارب..
والله يعوضج بريال يحبج وتحبينه ويسعدج وتسعدينه
عسى ان تكرهوه شيئا فهو خير لكم
والله يوفقج