ولهالسبب ما ادري عن مدارس العين شي لان هذي اول مره ولدي بدخله روضه اولى وابي مدرسه نموذجيه بشرط تتوفر مواصلات لليحر
طبعا الخاصه مشكلتهم واايد اسمع مدرسات مصريات ومشاكلهن وزحمه لانه همهم الفلوس
والحكوميه الي عندنا تدريسهم زفت ماشي اهتمام وضرابه يهال بالباص يعني ماشي نظام
ابي تجاربكم بمدرسه نموذجيه بالعين وشو افضل المدرسات المواطنات او الوافدات؟؟:1 (28): :1 (28):
بعدين الروضات الحكومية من قال لج ان التدريس فيها زفت والله انها احسن عن الخاص بالف مرة بس فالحين يعلمونهم انجليزي ويكتبونهم وهم صغار وينهبون فلوسكم لكن اساليب ووسائل وانشطة تعليمية غير متوفرة في الخاص وحتى المعلمات في الخاص غير مؤهلات بعكس الحكومي كلهم بنات جامعيات تخصصهم رياض اطفال ومتدربات عل اساليب التعامل مع طفل الروضة وعندهم مشاريع للتنمية اللغوية وتدريب الطفل على تعلم الحروف وقراءتها وكتابتها والطفل في ثاني روضة يهيئونه للتأسيسي ويربطون منهج الروضة مع منهج الأول تأسيسي في الحلقة الأولى من التعليم الأساسي
ابي حكوميه او نموذجيه
بنتي في روضة حكومية وماشاءالله عليها تعرف تقرا الحروف وتكتب بعضهم
ودخلت ولدي روضة خاصة وللاسف عالفاضي ،، احين هو في الصف الاول واحس به توه تعلم الحروف ولا جنه درس في مدرسة خاصة كلها كتب وواجبات ،،، عالفاضي