اولا حبيت اهني كل وحدة قبلوها في التربية واهني عمري وياك
ابغيكم تساعدوني لاني انقبلت في التربية بس ما ادري
احس عمري متخوفة من المهنة انها تكون صعبة ومرهقة
لان جريب بعرس يعني في وقت المدارس
وبغي من المدرسات المتزوجات يفيدوني كيف يوفقون في حياتهم بين التدريس وحياتهم اليومية
ويزاكم الله خير
الله يسهل علي ان شاءالله واوفق بين البيت والمدرسه
السلام عليكم
أهلا بك أختي الكريمة لا تتخوفين ولا شي ثقي بربج أولا
وبقدراتج ونفسج ثانيا وربي بيعينج وبيوفقج إن شالله
ويا مرحبا بج .. ويانا في طاقم التدريس ^ـــ^
~::~
الله يكتب لنا ونتعين مثلكم يارب
عندنا اكثر من وحدة معلمات لكن ماشاء الله قدرن يوفقن بين البيت والمدرسة مع انهن امهات
لكن اهم شيء انك ما تنشغلين عن زوجج بامور المدرسة
حاولي انج تخلصين اكثر الشغل في المدرسة من تصحيح وتحضير وخلي الوسائل حق البيت
ولا ترهقينه بشغل المكاتب كل يوم اشتري لج كمبيوتر مع الطابعة والماسح الضوئي- سكنر- وحطيه في
بيت ريلج وبجذه ما بتنجبرين انج تظهرين كل يوم للمكاتب عشان التصوير الا اذا المدرسة وفرت لكم التصوير
هذا اللي اقدر افيدج فيه
وادعيلنا
التدريس مهنة صعبه اذا انتي صعبتيها
واذا انتي شفتيها سهله فنظرج بتسهل معاج باذن الله
لا توقفين عند كل مشكله تواجهج وتقولين انتي فاشله .. لأ
تعلمي من الخطا على اساس التطور وقولي في نفسج انا لازم اغلط علشان ارتقي..
اممم بخصوص الوظيفة والزواج مع الايام بتحسين انج تعودتي عنمط التدريس فبيكون سهل عليج ان شاء الله وبالتوفيق
اختي الغالية كل مهنة لها متاعبها والاهم انج تجعلينعملج لوجهالله وتبتغين الاجر والثواب لانج بتربين جيل من البنات وهذي مسئولية احنا لاحقين عالتعليم المهم الاخلاق والتربية اغرسي فيهم الدين والالتزام
الله يوفقج