في ميلس الريايل..
يالس نهيان..وعداله عمه. وعيال عمومه نهيان… وخال نهيان وربع انهيان ثنينه اعز ربيعه..هههه ملقط الفريج كله.. وهذا بعده ما كتملت شله نهيان..ووعدال نهيان من صوب اليمين يالس ابو مهره.. وخالد.. وعم مهره ابو خالد..واخو خالد محمد.. وربع خالد وخوال مهاري خليفه وخلف وطارق ومحمد.. ويد مهاري احمد وولد خاله مهاري. محمد.. ما شالله كلن الميلس مدعوس ريايل .. اول شي كانت الخطبه..قبل لا يوصولون الريايل على السريع.. وموافقه ابو مهاري .. وأول ما وصل المليج.. شل ابو مهاري.. نهيان وظهرها برع الميلس.. وقاله طوف جدامي. . وومعاهم المليج..نهيان شويه وبيطيح مغمي عليه من الفرحه.. مشوا صوب بيت قوم مهاري.. طبعا اول بيت قوم مهاري اول ما دشونه على اليمين الميلس وكان في الميلس.. مهاري.. وامها يالسه اتلبسها الفستان… الملجه.. كانت عاديه بس مسشوره شعرها ولا بسه فستان ..فوشي .. طبعا بس توب بدون ايدين.. وفيه رسم.وشج..وتكتمل الرسمه في التووره.وايد كان حلو وسمبل ورااقي… وكانت لابسه عدسات ملونه..وحاطه شحال.. شاخطتنه تحت عينها.. وروج وردي خفيف.. وطبعا ما لبست غير الساعه الي يابتها ام المعرس .. وكانت لابسه القلب الي يايبنه انهيان حقها الروزه مع الشغاب طبعا ما طاعت اتعق لانه هديه وايد غاليه عليها…وهي يالسه اترتب..في الميلس وتوهن الحريم واصلات واتسلم عليهن واقفه مع امها وام معرس.. ما تشوف غير ابوها ياي من بعيد ومعاه نهيان وواحد ما عرفت انه المليج واول ما شافتهم ربعت فوق…
ام مهره: مهره سيري داخل اكوه المعرس واحد من الريايل ياين صوبنا..
ام نهيان: شو يايبنهم يا خويتيه..
ام مهره: مادري يا الغاليه… وياهم ابو مهره بعد..
ابو مهره وهو داخل السلام عليكم ورحمه اللله
ام مهره+وام نهيان : وعليكم السلام… ورحمه الله
ام نهيان: اقرب داخل ابو مهره…
وو تنادي ام نهيان مهره: ومهره تزقرها…
مهره: عمتيه عمتيه انا هنيه فوق…
تركب ام نهيان فوق عند مهره..
ام نهيان: ااه يا ركبيه..يا بنتي ما اروم ارقى الدري..
مهره: وهي تضحك..ما عليه عمتيه بنتم في حجرتيه لين ما يسيرون
((يلست مهاري وعمتها في غرفتها .. وكانت مهاري اتري ام نهيان الذهب الي ياي من صوب خالتها وعماتها.. وعاد ام نهيان الي ما يعيبها اتقول الصراحه فيه.. بس الحمد الله عيبها كل شي. وظهرت ام نهيان من شنطها الجيك..مكتوب فيه مهره مهاري..ومعاه خمسين الف من عند ام نهيان.. مهره.. انا يمكن عقب اكون مشغوله ولا لا.. هاذا الشيك مهرج.. عقب سيري اصرفيه واتشري..واذا شي ناقصنج ترانا بنزيدج… ومهاري اطالع عمته مستحيه وقافطه الدموع في عينها.. موب رايمه.. تيود دموعها ..وتنزل الدموع على الخدوود.. وهاي الخمسين الف..من عندي.. حقج انتي… هديه..وويوم شافت ام نهيان مهاري اتصيح.. وقامت ام نهيان ولوت على مهاري وتمتن يتصايحن.. ام المعرس والعروس..
ام نهيان: الحمد الله ياربي يو رزقت ولديه ببنت شرات مهاري…
ومهاري : لاويه على عمتها وتصيح..
وفجأه في ينص الفلم الهندي الي مسوياتنه.. دق الباب ابو مهاري… وبسرعه ام نهيان لبست شيله عدل وعدلت البرقع.ومثت دموعها..
ام نهيان: اقرب اقرب يا بو مهره..محد قريب…
ابو مهره: قريب قريب..خلي مهره تتلبس وتنزل تحت ترا المليج يتريانا…
كان المليج يالس تحت مع نهيان وابو مهره…نزلت مهره وو ام نهيان ما سكتنها.. طبعا من ورا باب الميلس وافت مهاري على نهيان ..وكانت تتوقع انه ابوها الي بيب الدفتر عشان توقع بس نهيان الي ظهر جدامها…
اول ما شافت نهيان … الدموع في عينها ما رامت تمسك عمرها.. حط نهيان الدفتر جدامها…. ومهره كانت اتوقع.. واتصيح وام نهيان موب قادره تمسك عمرها تلوي على ام مهره ويتصايحن واول ما وقعت مهاري..يا ابو مهره وشل الدفتر وو حب مهره على راسها وبارك حق المعرس… وحب مهاري على راسها ومهره واقه جدامه شويه وبيغمي عليها موب مصدقه الحلم الي عايشه فيه.. حضن نهيان مهاري… وتمت مهاري اتصيح في حضنه..وهو يهدي فيها وياباركلها… وعقب ما خلصت المناحه… جان تسمع زغروده يايه من برع ونه خالتها شما الي اتزغرد ويصاصر نهيان مهاري يقول… هاذا موب صوت شما..
مهره: مادري يممكن خالته العورده..
نهيان اوكيك الحرم الحينه بين ..
مهره: وين بتسير..
نهيان: تبيني اتم لاوي عليج .. شو نحنا تماثيل بسير عند الريايل.ترا ربعي بيون..
مهره: اووكيك حبيبي..
نهيان : انا ما اروم اظهر من الباب الي جدام..
ام مهره: ولديه اظهر من المطبخ…
مهره: امي انا بروح استقبل خالاتي..دلي نهيان على الطريج..
ام نهيان: ولديه اكوه المطبخ… اشرب عصير ولا ماي قبل ال تروح الميلس عند الريايل..
ام مهره: تعال شو تبقي تشرب اي عصير..
نهيان: الله يخليج عمتي والله ما ريد شي… بس بظهر
((واتروح مهاري صوب الباب تستقبل خالاتها والمعازيم واتلحقها ام نهيان واقفه عدالها..وطبعا ..وصلن ربايع مهاري.. واستوت الحشره والدق واليوله..والصغاريه والي يرقص والي يرزف… وعلى الساعه 9 حطوا العشا حق الحريم واتعشوا..))
ام نهيان: وهي تزقر من بعيد..
مهره مهره.. ها عمتيه..
أم نهيان: توه نهيان متصل يقولج البسي عباتج واظهري من الباب الوراني واتغشي..
يباج في سيارته..
مهره: وين اظهر اخاف امي تعصب..ما عليج انا برمسها…
مهره: ربعت بسرعه فوق..ولبس عباتها ..وشيلتها وشلت شيله بعد عشان تتقشى عدل.. ظهرت من باب المطبخ قبل لا حد يشوفها.. وشافت نهيان..واقف عدال الباب.. في سيارته اليديه بي ام… ركبت مهاري السياره.. وشلت القشوه من على راسها… ولفت صوب نهيان ونهيان يطالعها..
نهيان: حبيبي ….. اريد ارويج شي..
نهيان يطلع موباله من جيبه..ويروي مهاري اول مسج كان بينهم في المانيا ويقراهن واحد واحد.. ومهاري بس اطالع نهيان والدموع في عينها ما تعرف شو اتسوي…واستوت الساعه 12 وياب نهيان الكيكه الي كان داسنها ورا.. ولبق شمعه 3 شمعات لانهم كملوا 3 سنوات.. ونفخوا فيها همه الثنينه.. وهم ياسين ياكلون..الكيك..
نهيان: حبيبي حطي صبج في نص الكيكه..
مهره: شو هذا بعد..
نهيان سوي…
مهره:واتحط صبعا في نص الكليك… وكانت اتحس بخاتم…
نهيان يساعدها ويظهره من الكليكه..وينظفه من الجوكليت..
نهيان عطيني ايدج.. مهره وهي ماده ايدها… ويلبسها الخاتم …. ومهاري اطالعه مبتسمه..
وهو يشل..
لكم برسل هديه حب.. اذا تقب هداياه..
هذي هديه من صميم القلب.. لكم بشرحه ما ياه..
انا وهذا في الملا اعجب.. محب صد واجفاه..
انا تراك انته لنا مطلب..ولا لك حق تنساه.
انا لكم برسل هديه حب.. اذا تقبل هدياه
………………………………………….. ………….
حقوق الطبع محفوظه… بقلم شوق دبي…
راسلوني على هذا الايميل.. اذا تبون تعرفون جديد شوق_دبي
[email protected]
يعني يا تتاخرين علينا في الاجزاء او تنزلينهن مره وحده:P
بصراحة
تسلميييييييييييين حبيبتي عالقصة اللي روحج احلى منها
وبعدين ابا اقولج سر بس لا تخبرين احد
قربي شوي بقولج لاحد يسمعنا
.
.
.
.
.
.
.
.
.
بصراحة
.
.
.
.
.
.
.
.
.
انتي الرومانسيه موب نهيان :22 (21):
لا والله القصة رومانسيتها وااااايد حلوه
والله اني خايفة من حلاة القصة ان البنات يصدقن ويسيرن يكلمن شباب خخخخخخخخ
ومشكوووووووووووره غناتي
مع محبتي لكم
ندا الروح
الصراحه عيبتني القصه
تسلم ايدج