بنات انا بدخل بالموضوع وبعطيكم موقف صارلي قريب
كلنا نعرف عن الصدقة،،، وان الانسان لو تصدق بماله الله ابدله عن هذا المال خير
بعطيكم موقف صارلي وتوه من يومين
قبل الموقف بشرحلكم شي بسيط
الحمدلله انا ملجت قريب والله رزقني بريال صالح وفيه الخير وطبعا عطاني مهري
بس نسيت اني اتصدق من هذا المهر،،،، ما ادري كيف راح عن بالي،،،، وحسيت انه مب متبارك واحس اني صرفت بس ما خلصت الي علي
قبل يومين او 3 ايام تذكرت هالشي ونويت اني اتصدق بالي اقدر عليه،،،، شوفو بس النيه بالتصدق شو سوت
طلعت السوق ويا اخوي كالعاده وعطيته مبلغ وقلتله هذا المبلغ تاخذ منه كذا لك حلالك والجزء الثاني اباك توديه الهلال الأحمر وتدعي حق المتبرع بدون ما يشك اني انا الي تصدقت
وبعدها بوم رحت السوق ادور فستان مع اني ما كنت متوقعه اني بحصل الي بخاطري وبالسعر الي اباه
والحمدلله تيسرت اموري في هذيك الطلعه ولقيت الفستان والحمدلله وانا كنت ناسيه موضوع الصدقه خلكم وياي ها
وامس رحت ودفعت قيمة الفستان ورجعت البيت
شوفو بنات شو صار اليوم
اتصل فيني اخوي وقالي اعتبري الفستان هدية من عندي والليلة بتوصلج قيمة الفستان الي دفعتيها وناوي بعد ياخلي شنط الزهبه
شوفتو كيف؟؟؟؟؟
اول شي قبل لا اتصدق كنت متبهدله ومتضايقه وخايفه انه مهري ما يكفي
عقب الصدقه اتيرست الامور الي كنت خايفه منها
وفوق هذا رجعلي مبلغ ولو بسيط من الي دفعته
وعشان جذيه خواتي لا تنسون تتصدقون من الي عندكم ولو بجزء بسيط نحن نشوف هالجزء بسيط لكن عند الله عظيم وعند المحتاج يسد يوعه بها الجزء
ودعواتكم لي يا بنات
اللهم صل على محمد وعلى آل محمد كما صليت على إبراهيم وعلى آل إبراهيم وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد