صار لي فتره ما دشيت المنتدى والله اني مقصره..
بس كتبت قصه قصيره اتمنى انها تنال اعجابكم..
..وراح اسعد بمشاركاتكم وتعليقاتكم..
ترا هذي اول اعرض فيها قصه قصيره..
وما راح اجزئها بنزلها بارت واحد..قرائه ممتعه اتمناها لكم..
راعيه الفتاكي.
قصة قصيره ..
صباح يوم مشرق على بيت بو فيصل…بيت يتوسط مجموعه كبيره ومختلفه من الاشجار والنباتات..شجره مانجا كبيره على الجانب الايمن من البيت..ما شالله شاله من خير الله الكثير..وشجر اليمون والشخاخ(ثمره حامضه يا سلام لما تاكلونها مع شوية ملح يممممي) وما شالله كل شجره جنب شجره واغصانهن مترابطه ..
فجاه يطلع راس ولد من بين الاغصان..ولد صغير عمره 12 سنه ابيضاني بس ينعرف شرير من عيونه .. يحاول يمد راسه ويحركه ويتلفت وكانه خايف احد يشوفه..يمد يده من ورا ويحرك الغصن اللي جنب اذنه متضايق منه لانه ما يخليه يركز على الاعداء!؟(اعداْء؟؟؟)
سالم بصوت واطي من خلف الجدار :حمود؟ حمود؟ تشوف حد؟ …حمود ويهد
حمود يختفي راسه من بين الاغصان ويبان في الجهه الثانيه لسالم ربيع حمود و بصوت معصب بس واطي :شووه؟شو عندك تتحرطم ما خليتني اركز.؟
سالم مركز وياه:حد هناك؟
حمود يحاول يتفكك من الاغصان ومعصب وعلى السايلنت يهز راسه
سالم:انزل انزل لا اطيح ما فينا يشوفنا بو ضروس الحين انزل
وفجأه يطلع راس ثاني من على الجداروبصوت عالي ويخوف :شو تسوووون؟
حمود من الخوف طلعن عيوونه على برا ورجع على وراى من الصدمه وتوه بيطيح ويمسكه الرجال من كندورته من ظهره وسالم ركض وسحبووووه حمود على داخل..
حمود يحاول يتفكك من اللي ماسكنه من ورا ويلفه الريال مجابلنه
ينزل احمد شوي ع تحت ويمسك حمود من كتوفه :شو تسوي فوق جدارنا؟هاه؟…تسرق من الشيير؟(الشجر)
حمود ماد بويهه على جدام :لا انا مب حرامي
احمد(22 سنه):عيل شو مفيزربك فوق الجدار لو طحت وسويت لنا مصيبه شو بيخلصنا من هلك والا من الشرطه؟..هاااهه؟
حمود يرص ببوزه شرق وغرب:فجني ابا اروح
احمد وسع بعيونه :خيييررررر؟
حمود ببرائه :بروح بيتنا بعد شوه؟
احمد:لا والله؟؟؟
حمود:عيل شوه.؟ شو تبا؟
احمد:انت ولد منوه؟
حمود باستهبال:ولد ابويه
احمد يحاول ما يخنقه:اتحراك ولد امك؟ها ها هاه ااااه!!
تنكت حضرتك(يمسكه من كندورته من حلجه ويسحبه على ورا وجدام)ولد منوه انته؟
حمود اتضايق:اوووووف ولد جاسم
احمد يوقف هز حمود ويحيس بعيونه يتذكر:..جاسم؟
اهاااااااا جاسم المطوع اللي فآخر البيوت؟
حمود مكشووووف:هيه هوه لا تخبر ابويه الله يخليك(حليله برئ)
احمد يرد يهز حمود واوني انا الكبير :عيل شووووو تسوي فوق الجدار؟؟؟ هااااه؟شووو ميلسنك؟؟؟هااااه يوووم انك تبا شي وررااااااه ما تي ادق باب البيت هااااا؟
وحليلك يا حمود اسميك طحت بيد واحد ما عنده كان كاني ماني
يركض من داخل البيت ولد بعمر حمود:احمد
حمود يشوف عدوه؟؟
احمد:تعال تعال…..تعرفه هذا؟
راشد يحاول ما يضحك:لا طبعا ما اعرفه
حمود رفع حواجبه
احمد يسحب حمود على برا البيت وراشد يتكركر وراهم
احمد يفره على خاري وبتهديد :اننننن شفتك مره ثانيه واقف على جدارنا او حتى خاطف من عدال بيتنا تشوفهن ذنيك هاذيلا بقطعهن وبفرهن للقطاو
حمود يرتب نفسه ومعصب من احمد واخوه راشد اللي هو عدوه وما يدانيه
حمود:مااااااااالت عليك
احمد انصدم وجنه حد رش عليه ماي ويربع وراه :يلعـــ *****يــــ****حماااااااررر وقففف
وحمود طـــــــــــــــــــــــــــــــــــار من الدعنه
راشد ربعان وراهم..
….
وبنفس البيت يطلع راعي البيت بو فيصل ويلتفت يحاول يشوف عياله احمد وراشد :وين سارو؟
…..
حطت سلة الملابس الرطبه على الارض وبدت تنشر الملابس مع خدامتهم تساعدها… كندوره بيضه وفانيله..وسفره..وهيه مبتسمه..
وفنص الحاره مستوي سباق الهجن حمود واحمد وراشد
ما شالله عليه حمود سريع احمد امبونه متراخي بس شد حيله ويمسكه قبل ما يفتح حمود باب بيتهم
احمد مب رايم يتنصخ يشاهق:حمـ عنا سبا…(حمار عنابوك سبال)
حمود متروع بس مستقوي ويفجج عمره من احمد اللي ماسكنه بيد وحده ويحاول يتنفس :أوووف اوووه اوووه حسبي الله عليك ربعتنا الحاره كامله
حمود:فجني فجني
راشد وصل(تو الناس):احمد خلنا نرد هذا بيت اهلهم
احمد ولسانه وصل خشمه:ولـــــــــــــــــــــله ما اخليه اليوم لين اربيه حماااار
..
فاطمه سمعت حسوس خاري البيت رجعت الفانيله اللي كانت ما سكتها بيدها فالسله وتحط الشيله زين على راسها وهيه تمشي صوب البيت وتتحجب وتفتح الباب شوي تشوف اخوها المسكين فيد احمد ومب قادر يتفكك منه
تتغشى وتطلع وتركض لاخوها وبصوت حازم لأحمد:قوم قوم عنه فجه
احمد انتبه للحرمه المغشايه: خالتي
فاطمه:!!!!!!!
احمد:السلام عليج خالتيه
فاطمه:!!!!!!
احمد:هذا ولج مسكته يالس فوق جدارنا ما ادري شو عنده لو طاح الحين فبيتنا الشرطه بتسويلنا سالفه
حمود يفتح عمره من احمد ويلف ورا اخته فاطمه
فاطمه :حمود؟شو تسوي فوق بيت العرب؟
حمود:والله ما اسوي شي بس يالس اشوف ..اشوف..
(مكشفوووف. .)
فاطمه تمسكه من اذنه وتيبه على جدام وتكلم ااحمد:شوف شغلك وياه..
احمد استغرب
وحمود يربع ورا اخته بسرعه:والله والله بقول الصدق
احمد مب فاهم
فاطمه ترده على جدام :شو تسوي فوق بيت العرب؟
حمود ياشر على راشد: كله منه
راشد فتح عيونه
احمد يلتفت على راشد :هاه؟
فاطمه تمسكه من اذنه:مب عيب عليك ترد الغلط اللي سويته على غيرك
راشد انكمش ويهه من نظرات احمد
حمود متألم من اذنه :أي اي فطوم والله كله من راشد هوه السبب
احمد:رشوووود؟؟ ما قلت انك ما تعرفه؟
راشد يرد خطوه لورا:هاه؟ ..اااا أا ا ااااممم لا مب جذيه…انا ما شفته زين من قبل.أأأأأأأه هذا حمود ربيعي..ههههه حمود؟..هههه حمود ربيعي هذا
احمد معصب يتقرب من راشد :عيل ورااك ما رمست ؟
راشد يبلع ريجه
فاطمه لأحمد:اخوي
احمد يلف عليها :هاه خالتي
فاطمه قمة الاحراج بس كاتمه عصبيتها:انا مب خالتك ..شوف اخوك وتفاهم وياه (تدفر حمود عليه)وهذا بعد ..لا تسون فضايح..الخلق يطالعون..حمود ربع ساعه والقاك فالبيت
وتدخل فاطمه البيت واحمد مستغرب بصوت واطي:بسم الله شو فيها امه معصبه جذيه؟
احمد يمسكهم باثنينتهم من كناديرهم ويسحبهم للشجره اللي على زاويه البيت وايلسهم بالقو
حمود: اي شوي شوي عليه
راشد: احمد احمد والله مب جذيه السالفه
احمد ايلس مجابلنهم ويضرب كل واحد بكس على راسه:حمير…فضحتونا عند الناس شو فيكم ؟الحين تخبروني السالفه
حمود:اخوك السبب
راشد:انا؟
احمد لراشد:جب
حمود لراشد:هيه انت السبب(لأحمد:رشود اخوك فالمدرسه …(سكت)
احمد :شو قال؟
حمود بثقه بس خانقته العبره:يقول..يقول
راشد متلوم وصد على تحت
حمود يشوف احمد:مب لازم تعرف
احمد:عيل كيف بنحل الخلاف امبينكم
حمود:خلاص مب لازم..هوه اللي باع الاخوه
راشد متلوووووم:حمود
حمود:….
احمد لاحظ ان في الموضوع ان
راشد:حمود
حمود يلف عليه:انا ما اريد ارد ربيعك مره ثانيه..
راشد ::
احمد منصدم من كلام حمود(شكله صدق متضايق من اخوه):حمود..راشد بترمسون والا لا؟
حمود يوقف:خل اخوك يخبرك انا مب مجبور..من رخصتك والسموحه على الكلمه المساعيه (مالت عليك)
احمد يوقف:ايلس برمسك
راشد يوقف:حمود والله اسف
احمد يطالع اخوه
حمود كاتم عصبيته:بروح البيت اختيه بتنازعني ان بطيت
احمد ما انتبه ان الولد يقول اختيه:برايك روح عند امك الحين بس تفاهموا انت وراشد
حمود يلف على احمد :امي متوفيه الله يرحمها
ويكمل طريقه
احمد تلوم فيه ويلف على راشد:عيل من هذيج اللي طلعت لنا؟؟ ماب امه؟
راشد:لا هذي اخته العوده
احمد:يالفشله
……….
فاطمه يالسه على باب الصاله وعيونها على باب الحوش وحاطه ايدينها على ويهها وتراقب
يدخل حمود البيت وتشوفه اخته وتقوم تمشي صوبه
بعد ما سكر حمود الباب يشوف اخته تمشي صوبه وشكله متأثر ينزل راسه على تحت ويكمل مشي..وقفت فاطمه وحطت ايديها على خاصرتها
حمود:أسف فاطوم مب قصدي
فاطمه تهدى شوي وبصوت حازم بس هادي:شو كنت تسوي فبيتهم؟
حمود:هذا راشد يالس يغلط عليه عند ربعاتنا فالمدرسه
فاطمه:يسبك شوه؟
حمود:لا مب مسبه..بس من يومين كان دوري اشرح الدرس..ويوم بديت تم يتطنز عليه ورباعتيه يتضاحكون.وعقبها فالفرصه بعد ما سده فالصف ..انا ما رمسته وما قلت له شي بس تم يزيد ما ادري شو ياه مره وحده واليوم قالي سالم ربيعي ان راشد يقولهم اني ديايه وما اروم اسير بيتهم سرت ويا سالم بيت راشد عشان اراويه اني مب متروع ولا راشد يهمني بس ما وحت هجم عليه خوه وفهمني غلط انا بس كنت ابا اراوي سالم اني مب متروع واروم ادش بيتهم وبس هذا اللي صار
فاطمه:والحين؟
حمود :ما شي..خلاص انا تاسفت من اخو راشد وخلاص موول مب طايح بيتهم ولا حتي بمر ناحهم.
فاطمه تحط يدها على كتف حمود:يمكن انت فهمت راشد غلط يمكن مب قصده
حمود:…..
فاطمه: سر داخل اتسبح وتعال ايلس عندي خاري (تبتسم:بناكل لقيمات
حمود يبتسم:انشالله
………………………………………
بو فيصل يالس على الارض ويشوف التلفزيون..
يدخل أحمد ويحب راس ابوه ويلس حذاله
بو فيصل :حبتك العافيه
احمد:وين راشد؟
بو فيصل|:توه دخل حجرته
احمد:ما ادري شو عنده ويا ربيعه
بو فيصل يعتدل فيلسته:شو فيه؟حد ضاربنه شوه؟
احمد:لالالالا مب مضارب ويا حد
بو فيصل:عيل اشو بلاه؟
احمد :لا ما شي ماشي..
بو فيصل:اشوه ماشي ماشي..؟؟ رااااشد راااشد
راشد طالع من حجرته:نعم بويه
بو فيصل:شو مستوي وياك فالمدرسه؟
راشد متلوم:ما شي
احمد:ما شي ابويه ما مستوي شي بلاك انته؟
بو فيصل:تعال ايلس هنيه جدامي اشوف
يلس راشد مجابل ابوه:….
بو فيصل بهدوء:شو هناك؟
راشد:..
احمد يحاول يهدي ابوه:ابويه ماب مستوي شي شو فيك هجت علينا
بو فيصل:انطم انته الحين ..وانته ..اقولك شو مستوي وياك فالمدرسه؟
راشد:غلطت على ربيعي..
بو فيصل:؟؟شوه؟مضاربين؟
راشد يتدارك الوضع:لالالالا ما اضاربنا بس ..بس
بو فيصل:ويبس…منوه ربيعك هذا؟
راشد:حمود جاسم
بو فيصل:المطوع؟
راشد:هيه
بو فيصل يوقف:قم اشوف قم
وينش راشد واحمد
بو فيصل:هذا يتيم ليش متنازع وياه؟
راشد:رباعتيه فالصف ما يلاعبوني وياهم يوم يشوفوني العب وياه
بو فيصل:خلهم عنك هذيلا ..هاذيلا مب ربع هذا ولد مطوع وهله ناس اخيار
راشد يريد ابوه يغير الموجه:احمد ضربه
احمد طفرن عيونه
وبو فيصل لف على احمد ابسرعه:شووووووه 0
احمد يلف بيدينه الثنتين/لالالالا مب ضرب سوالف سوالف
بو فيصل يمسك العصا زين…..
…………………..
الوقت سلم الشمس(قبل مغرب بشوي)صوب العزب..كلن فعزبته والبوش فكل مكان …
يالس فالكروزر والحزن كابت عليه…يضرب السكان بيده بحزن والم…وينزل بعد ما اخذ نفس عميييييق
يسكر باب الكروزر ويشوف الشمس اللي خلااص غابت…ويمشي ناح العزبه…..
الوقت ليل…..تطلع من باب الفله وتمشي بهدوء وسكينه صوب المظله…تيلس على الكرسي وتبتسم..
تمسك تلفونها وتقرر اتسوي اتصال:ألو
:الو مرحبااااااااا
موزه:هههه هلا والله شحالج؟
شيخه:الحمد لله تمام شحالج انتي؟
-:ابخير وسهاله علومج يالقاطعه؟
-:انا قاطعه؟حماره انتي كل يوم اكلمج تراني
-:ههههههههه
-:ما شفتج البارحه بيت فطوم ليش ما يتي؟
-:ماشي والله بس ما لقيت حد ايبني تعذرت منها
-:افا؟!!
-:ههه هيه والله محمد فالدوام وابويه فالعزبه تحيدينهم ما ايلسون الريايل
-:شيخه تتفلسف":هيه والله يقولج الريايل امبونهم جذيه حتى لو حبستيه فحجره تلقينه يحوس يحوس فيها ما ايلس فمكان وااحد
موزه:هههههههههههههههه يقطع ابليسج دوم جذيه انتي؟
شيخه:هيهيهيهيهيهييي شو موهقنا غيرهم؟
موزه:خخخخخ
بدخلت محمد اخو موزه:شو يضحكج خاري يسمعونج الخلق؟
موزه تروعت وتحط يدها على صدرها:بسم الله
شيخه:والخيبه
محمد يتقرب يبا يعرف شو سبب هالضحك..
موزه بنص عين تكلم شيخه:باي الحين بكلمج باجر
شيخه:اونهها..زين زين شرف اخوج هاه؟
موزه:ههههه هيه
محمد يلس عدالها:؟؟؟؟
شيخه :وهذا دوم قاطع اللذات؟
موزه مب قادر تكتم ضحكتها :هيه هيهيهي هيهيهيهيي
محمد جافت ايديه:بس مويز بس الخلق تسمعج ما تسكرين انتي؟
شيخه :ويهد ان شالله ويهد
موزه:بسم الله عليه
محمد:..؟؟؟؟؟؟؟؟؟؟؟؟؟؟؟هاه؟
شيخه:برايج ياختى برايج امبونه يكتم علينا سوالفنا ويقطعها الله يعينج مع السلامه
موزه:هههههههههههههههه مع السلامه
محمد:منوه ذي؟
موزه:ههه ههههه محد …. ربيعتيه
محمد :من بسم الله عليه هاااا؟
موزه:اها؟….اممممم الجلب!
محمد "جلب؟
موزه :اه؟هيه هيه…شاري اخوها جلب ويالسه تدعي عليه
محمد شد الانتباه اكثر:صدق؟شو من الجلاب؟وين هم يسكنون؟
موزه(انته يا المسكين):اه؟؟اااااممممم ما ادري ما ادري
محمد:وين؟ابا اشوف جلب اخوها جانه زين بشتريه
موزه:اممم لا لا (تقوم:بعدين بعدين ياالله باي بسير داخل
محمد:لحظه شوي
موزه ربعان على داخل
محمد(؟؟!!يكلم نفسه!!!) :جانه جلب زين سلوقي ابا اخذه
؟؟؟؟
فاطمه يالسه على الطاوله تقص السلطه والخدامه تحوث الجدر ويدخل حمود ماسك بطنه وعافس ويهه:يوعااااان
فاطمه تشوفه:ههههه زين خلص العشا سر خبر ابويه
حمود يرد يربع لى برا:ابويه ابويه العشاء زهب
بو حمود يالس على الارض ويقراء كتاب:زين
يلس حمود حذاله:شوتقراء(بفضول)
بو حمود يسكر الكتاب ويشل النظاره:كتاب علمي
حمود يرد مكانه
بو حمود:افا..شكله ما عيبك
حمود:اه؟اااا لا عادي تراه كتاب
بو حمود:بس كتاب عن كتاب يفرق الحين الكتب العلميه تنشط المخ اكثر من اي كتاب لكونها فيها تفكير اكثر وتزيد معرفتك اكثر
حمود زهقااان وبصوت واطي:يبالي اشل هالكتاب صوب رشود واخوه الثور فوقه
بو حمود:شو قلت؟
حمود"اه؟لا ماشي
فاطمه تدخل شاله العشاء والخدامه وراها:العشاء زهب
حمود:بسم الله بسم الله بموت من اليوع
فاطمه وابوها يبتسمون
…………………..
الصبح….فالمدرسه..يراقب ….
رشود:يا؟
سالم:لا
راشد يلس على الرصيف اللي داخل المدرسه
سالم:وصل
راشد يوقف:وينه وينه؟
سالم:اكوووه
راشد يمشي صوب حمود:حمود
حمود شافه:خير
راشد :بكلمك شوي
حمود حاس بوز: زين قول شو تبا
راشد:اممم السموحه مب قصدي انت ربيعي
حمود شاف الندم على ويهه راشد:….
راشد:………..
حمود:اوك اوك خلاص الامور طيبه
راشد تبسم:صدق؟
حمود:هيه خلاص يالله دق الجرس
ويكشخ راشد ويمشون داخل المدرسه
سالم:هووووووووووووووو
راشد وحمود يلتفتون
سالم/وانا؟
راشد وحمود"؟!!!!!!!!!!!!!!!!!!!!!
سالم يدفش عمره امبينهم:عنابوكم خياس مب ربيعكم انا؟
حمود وراشد:هههههه هي هيه
ويمشي الثلاثي المرح لداخل المدرسه
…………
يلس على المكتب وحط تلفونه على الملف ومسك تلفون المكتب:هات البريد
ويسكر السماعه ويشل الملف ويحط تلفونه على الملف الثاني وويمسك القلم ويبا يتصفح الاوراق..(راعي الكروزر)يدخل السكرتير ويحط الملف فوق الملف الثاني ما انتبه للتلفون وبدا يتصفح البريد ويوقع….
……………………..
فله عووووووده كشخخخخخه وراقيه صدج انها لهوامير….كبيره وفنانننننه…. باعلى الدرج تنزل حرمه عوده شوي بس تعرفون الفلوس تخلي الواحد صغير متكشخه وبنزولها تطلع الخدامه من ورا الدرج الدائري وتقول :مادم..مستر هزاء وينت تو ذا وورك
ام هزاع:اوكي وير از ميثاء؟
الخدامه الفلبينيه:أي دونت نو مادم
ام هزاع ترفع يدها تاشر للخدامه تروح ..
سارت الخدامه وام هزاع سارت صوب الصاله الفخمه ويلست حطت رجل على رجل ومسكت التلفون واتصلت:الو
ميثاء:الو هلا امي
ام هزاع:وين طلعت من صباح الله خير؟
ميثاء:امي تعرفين تراج قايله لج بسير المول مع صديقاتي
ام هزاع:وكل يوم هالمول؟حتى فالصبح؟
ميثاء:امي
ام هزاع:ساعه وحده بس
ميثاء :اوووف انشالله بس بسير بيت يدوه وبرد
ام هزاع:لا تتاخرين
ميثاء:انشالله
……………………………………..
ام محمد :محمد؟؟؟؟
محمد كان يشوف التلفزيون ويلف راسه على امه:هلا هلا بالغاليه هلا بامايه
ام محمد(!!!!!!!!!!)تيلس عداله:ليش ما سرت الدوام اليوم؟
محمد يبوس راسها:خذت اجازه اليوم يعللللني ما خلا منج
ام محمد تضربه على ركبته بحنان:شو تبا؟شو ميلسنك فالبيت؟
محمد:متملل من الدوام قلت بتيلس شوي فالبيت وعقب بسير اتحوط ..امايه..والله ملل
ام محمد تبتسم:بتشلني عند يدتك؟
محمد ما صدق على الله:هيه هيه يالله نسير
ام محمد:مووووزه مووووزه
محمد:اشش اشش شو تبينها؟
ام محمد:وابويه بتسير ويانا امبوني مواعدتنها اشلها ويايه يوم اسير
محمد بصوت واطي:لا لا خليها راجده برايها
وتطلع موزه لابسها عباتها:يالله امايه؟..محمد؟ ما داومت اليوم؟
محمد طلعن عيونه على برا :بسم الله الرحمن الرحيم شو مطلعنج؟؟؟؟؟
موزه!!!!!!:بسير ويا امايه بيت يدوه..!!!!
محمد ْـ ْ:
ام محمد توقف وتاخذ عباتها من ورا الكرسي(يا ربي عل الحريم وقت الطلعه فجأه تلقاها تسحب عباتها من اي مكان بالبيت سبحان الله جنها مخششه عبايا بكل مكان طواري طواري مب طلعه)
محمد:يعني امبونكن بتسيرن بس انا الدريول؟
ام محمد:لا ابويه قوم قوم وصلنا
محمد:يالله زين سرنا
موزه:؟؟؟؟
……….فبيت الجده…
محمد يبوس راس يدته وعقبه موزه (ماشالله على جدتهم مع انها كبيره بس ماشالله بصحه زينه ويالسه تحت السدره فحوش البيت ..البيت شعبي وتراثي بعد ما بنى ولدها بو محمد الفله ما طاعت اتسير وياهم وتخلي بيتها وعندها ساكن ولدها خالد مع انه الصغير ..عمره 35 سنه وعنده بنت وو ولد ..)
الجده:حبتكم العافيه.
ام محمد:شحالج امايه؟
الجده:ابخير الحمد لله شحالكم عساكم ابخير اعنبوه من زمان ما شفتك ليش ما ييت عندي تسلم عليه؟
محمد:خخخ دوام يدوه شو اسوي اليوم خذت اجازه وقلت لاااازم اسلم عليج
ام محمد:الله يعطيج الصحه والعافيه..وينها عيل عفراء؟
الجده: توها جدامكم سايره بيت اهلها
ام محمد:هيه حليلها قلنا بنسلم عليها وعلى عييلها.
موزه:امايه بسير داخل انا
محمد:شو عندج داخل وحرمت عمج مب هنيه
موزه:وانت شلك؟
محمد:؟ ؟؟؟؟؟؟؟؟؟؟؟
موزه طااااااااف وتسير داخل
محمد"يـ..
ام محمد:شو تباها انته ؟
الجده:متريييشد يا الربع
محمد: ااااااااااااااااااي كلكن عليه عسب مويزوه؟
موزه ترد تطلع بسرعه وتسير صوب الباب الخلفي
محمد ياشر بيده على فوق:وين وين حوووووه وين بها؟
موزه تلف وتحط صبعها على خشمها وتكمل مشي سريع
محمد: اخخخخ يالقهر امايه اسميج بزيتيها عليه
ام محمد:هههه لا بزيتها ولا شي بكون بتسير صوب ربيعتها
محمد:شو يطلعها الحين فالشوارع ما لها ولي؟
ويقوم محمد ويمشي صوب موزه اللي قد ظهرت من البيت
الجده:اعنبوه تعاااال تعاال ما بتطير تعااال
محمد: ……………………….
موزه ورا الباب هيه وشيخه يسلمن على بعض ومشن بسرعه صوب الزارعه(زراعة بيت الجده مسويه له شبك ومغطيتنه ما ينشاف اللي فيها..ماشالله زارعه الجده من كل شي فيها نخل وليمون وتين وشخاخ وياسمين وفل و ورد بعد..
شيخه:ما ورا شفتج
موزه:حتى انا تولهت عليج
يلسن تحت اللوميه..
وتوقف السياره وتنزل منها ميثاء..
محمد يتاكد يشوف رقم السياره(ما يعرفها؟!
تشل ميثاء النظاره :مرحبا
محمد قلبن عيونه قلوووب :اه؟
ميثاء استغربت:مرحبا؟
محمد الاثول :هاه؟
ميثاء لاعت جبدها(شو هالغبي؟)
محمد*ـ* :من انتي؟
ميثاء:وين موزه؟
محمد:موزه؟..هااااااااه مويزوه؟ هنيه هنيه .قربي قربي داخل
ميثاء ترد النظاره وتدخل ومحمد يمشي وراها.
ميثاء ابتسمت يوم شافت الجده وتمشي صوبها وتبوسها على راسها
الجده ما شافتها ويوم لفت ميثاء تبسمت الجده:هلا بالميث هلا بالغاليه
ميثاء تيلس حذال الجده:شحالج يدوه؟
الجده:ابخير الحمد لله اشحالج انتي وشو امج؟
ميثاء:ابخير الحمد لله
ام محمد:شحالج امايه ميثاء؟
ميثاء:ابخير خالوه
محمد(واااا قلبي |…وااا عذابي من هاي اللي يعرفونها وانا الثور ما اعرفها؟)
ميثاء:وين موزه؟
ام محمد:"سارت خاري بتلقينها فالزراعه عند ربيعتها
ميثاؤ تقوم:عيل بسير عندها
محمد:*ـ* :انا بزجرها لج
ميثاء(صدج ثور):لا لا انا بسير عندها
محمد:لااااا والله استريحي انا بسير لها وبزجرها
الجده:يلسي امايه ميثاء بيزجرها محمد لج
ميثاء تيلس:انشالله
محمد:………..
ام محمد:محمد!
محمد يطالع ميثاء:هاه؟
ام محمد:سر زجر موزه
محمد انتبه :هاه. هي يالله يالله ساير
……..
شيخه: هههههههههههههههههههههههه
موزه: هههههههههههه الله يغربل سوالفج
شيخه:هههه ههههه يالغباء الحين انته ساير الدكان ما رد غير بمصيصه سوات نص
موزه: هههههههههههههه
شيخه: خخخخخخخخخخخخخخخخخخخخخخخخخ
محمد:موزه … موزه
شيخه وموزه مندمجات من الضحك
محمد يدور ويحوس ما شافهن
موزه:والحين ؟
شيخه:ماشي نفد زال بلاده يعله ما يهضل ان شالله(الدريول)
موزه:ههههههههه اسميج قصبتيه
شيخه:خخخخ خليه يزول بغى ينفد عمتيه مرتين بغى يدعم بها وحليلج يا عموتي يوم سلمتي
موزه:ههههه يوم سلمت هيه
شيخه:بسم الله عليها……. واا فديتا
محمد: حوووووووووووو
شيخه وزموزه بنتفضن من الخوف
شيخه:حسبببببببببببببي الله
موزه:شوه شوه؟
محمد يلف من ورا درام الماي
شيخه تتغشى بسرعه
موزه تقوم:شو يايبنك؟
محمد ما شاف شيخه :انتي شو ميلسنج هنيه وهناك ربيعتج
موزه(مستغربه:من ربيعتيه؟
شيخه توقف
محمد:هناك داخل ميثاء
شيخه ترص بضروسها
موزه:ومن قال انها ربيعتيه؟
محمد:يعللج الغباء سيري اتدورج
موزه تيلس وتبان شيخه وراها واقفه
محمد:000000000000
موزه:ما ابا
وتمسك يد شيخه وتيلس شيخه
موزه:سر سر داخل
محمد:تعالي برمسج شوي
شيخه:سيري سيري ما بياكلني القطو
موزه:ههه زين برد لج
شيخه:لا تيبينها وياج
محمد يسمع ومتخيتل
موزه تقوم:وعععععع من قال بيبها خمس دقايق وبرد لج
محمد:حووووووووووووو
شيخه: والخيبه (ياااااااااااااا فشلتي بصوت عالي بعد؟
محمد (انصدم منها؟؟؟؟؟؟؟
موزه:اوه اوه..يالله محمد
وتمشي محمد معصب يطالع شيخه بس شيخه شافته وسوت له طاااف
محمد:انا والخيبه؟
شيخه(ول)/: اممم؟(يعني هيه)
محمد فتح ثمه ليشه هاي جريئه وياه؟بس من جهة شيخه هذا اللي دوم يقطع سوالها ويا موزه وما يشل اخته يتلاقن
ويسير داخل..
موزه:هلا
ميثاء تتبزا تقوم وتسلم عليها:هلا والله بالموز هلا
موزه ما لها نفس:بروحه اسمي ملوع جبدي بعدج اتزيدينه بالموز؟
ميثاء:اه؟
محمد:والله ان الموز احلا
موزه:ما تقول مشغول؟
محمد :من انا؟
موزه:هيه فالسياره قلت عشر دقايق ونروح
محمد:لا لا لا لااا برايج يلسي لين بسج
الجده:تعالن يلسن هنيه تعالن
موزه:شيخه خاري
ام محمد:سيري زجريها خليها تي
محمد يلس عدال جدته
موزه:وهذا؟
محمد؟!!!!!!
ام محمد:هههههه محمد ابويه سر برايك
ميثاء الامور عندها طيبه ويلست
ام محمد:!!!!!!!!!!!!!!!!
موزه:انا بسير خاري
محمد يقوم بس ما يبا يسير: بتمشى خاري
الجده:سر ابويه حرك رويلاتك
محمد يطلع من الباب الجدامي
يرن تلفون موزه :هاه شيخه تعالي داخل سار محمد
شيخه :لا برايج بسير امايه سوت تلفون بسير صوبها
موزه ما تباها تسير:لييييييييييش؟
شيخه:بشوفج مره ثانيه انشالله برايج مستعيله
موزه:زين برايج عيل
وتيلس موزه:
ام محمد:ما بتي؟
موزه:لا امها سوت لها تلفون تباها
ام محمد:هيه حليها ..
ميثاء:شحالج موزه؟
موزه تشوفها بلا نفس:ابخير..
…………………….
احمد:هلااااااااا بو جاسم
محمد يلتفت ويبتسم:هلااااااا والله ب بوشهاب
ويتوايهون
احمد:وينك يا رياال من زمان محمد شافك
محمد:والله الا فالدار علوم؟
احمد:اتسرك الحمد لله اخبار الدوام؟
محمد:طيب الحمد لله شو الربع؟
ااحمد:ابخييير وسهاله من زمان ما يتنا الرمله؟
محمد:والله شو نسوي دوام اسميه يلنا يل
احمد:هههههه فيكم الصحه والعافيه..اشوفك تتمشى فحارتنا
محمد:هيه والله ياي من بيت يدتيه قلت يتمشى شوي فالحاره
احمد :تعال تعال قرب
محمد واحمد يتمشون صوب بيت بو فيصل ويسولفون وتمشون ………
محمد:اسميها الحاره لها طعم غير
احمد كاشخ :هيه والله غير الحاره تراثي تراثي
محمد:ههههههه هيه نعم
احمد: علومك؟
محمد:طيب الحمد لله ..دوام وهوامه ورجاد شو ابا بعد؟
احمد:هههههههه ما تبا تعرس؟
محمد:خخخخخخخخخخخ وانته؟ما ناوي؟
احمد:انا اصغر عنك انته عرس اول وعقب انا
محمد:والله ما ظنتي انك تحرس يوم بتلقا بنت الحلال بتعر س وما بتتريا حد
احمد:ههههههههههههه عيل تباني احرسك؟(يصفق بيديه)عزززز الله شوبت وانا مب معرس..
محمد:ههههههههههههه
…………………………..
شيخه:شوه؟
ام جاسم:الحين مب قايله ربع ساعه وبتين اكوه ابوج يدورج
شيخه:امايه انا بس من عشر دقايق من طلعت واكوه بيت يدوت موزه عدالنا
ام جاسم:عاد انا شو اسوي سيري يدورج
..شيخه خايفه وتدخل الصاله:السلام عليكم
بو جاسم:وين سرتي؟
شيخه:م مـ ماسرت بقعه
بو جاسم يقوم ومب بوعيه حسبي الله عليه يشرب حتى فالنهار
ويمسك بشيخه من شعرها وشيخه كتمت صرختها بسرعه ومسكت على يد ابوها اللي ماسك بها شعرها
بو جاسم:انتي لين متى بتمين تهومين؟هااه؟
شيخه:ما همت فجني ابويه فجني
بو جاسم يفرها بقو ويضرب راسها على الجدار
بو جاسم :اننن شفتج طالعه من البيت ريولج بحشهن لج حش فاهمه
شيخه تنزل على الارض وعيونها متروسه دموع بس ما نزلت ولا دمعه من عينها وتلف براسها على امها اللي كانت تشوف من برا الصاله وما قادره تساعد بنتها
شيخه تشوف امها وتنزل دمعة دم من بين شعرها وتمشي تتخطى خشمها ليت توصل فم شيخه وكل هذا ولا نزلت دمعه من عينها..وضعها صعب ابوها دوم فاقد وامها لا حول ولا قوة لها وتعودت على ضرب ابوها وسكوت امها.بس اليوم اللي ما يشرب فيه يكون وايد زين على حرمته وبنته وولده بس من يشرب هالزحير يعتفس.بس يوم تكون ويا موزه وفاطمه ربيعاتها تحس بالراحه وتاخذ راحتها وياهن ودايما ما تفارقها الضحكه…
……………..
بو هزاع قاعد بمكتبه..
يرفع السماعه:هات قهوه
ويمسك الملف اللي جدامه وينزله ويرد ياخذ تلفونه ويتصل:الو
بو محمد:الو مرحبا
بو هزاع:مرحبا بو محمد شحالك
بو محمد:ابخير الحمد لله
بو هزاع:شو صار بالموضوع؟
بو محمد:والله تبا الصدق يا خوي بعدني ما شاورت الاهل
بو هزاع:افاااا ليش لين الحين؟
بو محمد:انشالله قريب بنرد عليكم
بو هزاع:انت تعرف يا خوي ما بلقى اخير منكم ولا من بنتك لولديه هزاع
بومحمد:خير ان شالله..بييك الرد قريب ان شالله
ويسكر بومحمد ويفتح باب سيارته ويسوق السياره
يكلم نفسه فالسياره:الحين كيف بقنعها؟
ام محمد:والحين؟
بو محمد يحط غترته على الكرسي وايلس:ما ادري..شو اقولهم
ام محمد:بشاورها
بو محمد:لا تقولين لها
ام محمد:شوه ما اقولها؟
بو محمد:اخاف انهاما توافق وما فينها على المشاكل وياهم هذيلا ناس كباريه
ام محمد:عيل الحين تبا تقولهم البنت موافقه ونت مب مشاورنها؟
بو محمد:سيري سيري خبريها وان شفتيها مب موافقه اقنعيها
ام محمد:اذا ما طاعت مب بكيفهم
بو محمد:اقولج قومي سيري خبريها الحين انتي
………
ام محمد تدخل على موزه الحجره وتلقاها توها ظاهره من الحمام :موزه
موزه تشوف امها تفتح الفوده من شعرها وينفرد شعرها اسود طوييل يوصل لين ركبها وموزه تنشفه بالفوده:هاه امايه!
ام محمد تبتسم تمسك موزه من جتوفها وتيلسها على الكرسي وتمسك المشط وتسحي شعر موزه
موزه مستغربه
ام محمد:ما شالله موزه كبرتي
موزه انقلبت بطيخه:شو تقولين امايه؟
ام محمد تشوفها من المرايه وموزه بعد :اليوم يوج خطاب.
موزه فتحت عيونها…
ام محمد ما تبا تبين لها:وناس زينين
موزه مسكت المشط من يد امها وكملت اتسحي شعرها
ام محمد:انا اناغيج؟
موزه تلف على امها
ام محمد:شو رايج؟
موزه:مب قبل المفروض اعرف من هوه؟
ام محمد:أه؟..هيه…هزاع
موزه:من هزاع؟
ام محمد:أخوه ميثاء
موزه :شوووووووووووووه؟
ام محمد:بسم الله بلاج؟
موزه:مب موافقه
ام محمد:ليش؟ شو فيه رايل والنعم فيه
موزه:ومن اخته.؟مب ميثوه؟
ام محمد:انتي بتاخذين اخته لو هوه؟
موزه:مب موافقه
وبدخلت بو محمد:موزه
موزه اشارة مرور..تنزل راسها على الارض
ام محمد :بجهز الغداء لمحمد الحين بيوصل(تبا تشرد لوووول)
وتطلع….
بو محمد يلس على الكرسي:يلسي
تيلس موزه على كرسي التسريحه……………….
……………………….
هزاع ايلس بصدمه على الكرسي بالمكتب :شوووه؟
بو هزاع يقوم من مكانه وايلس مجابل هزاع المصدوم بالكرسي الثاني:شو بعد شوه؟بنت ناس نعرفهم مب اخير من هاللي تبا تاخذها؟
هزاع:بس ابويه
بو هزاع:انا كلمت الريال
هزاع: ليشششش؟ليش ابويه؟قلت لك ما بخذ غيرها
بو هزاع:الحين انته تبا تعصي امري..؟؟؟من بنته هالناس؟من وين ياياه؟وشو من القبايل؟
هزاع:انا هذا كله ما يهمني انا اللي يهمني اني احبها واباها
بو هزاع :حب ما حب هالحجي ما شي منه عقب الزواج بتحب حرمتك
يقوم هزاع:ابويه قلت لك م اريدها
بو هزاع يقوم:وانا اقولك بتاخذها يعني بتاخذها والا لا انت ولديه ولا اعرفك
هزاع مصدوم من ابوه:ابويه؟؟؟
هزاع:انا الحين مشغول عندي اجتماع ..بنتفاهم فالبيت
هزاع معصب بس كاتم ..ويطلع على خاري المكتب ويتوجه صوب سيارته ويركبها ويشغل السياره.يدور تلفونه فمخباه وفي السياره وما لقاه..: اووووووووف وين ذلف هذا؟؟اوووووففففف
ويسوق سيارته ….ما تذكر تلفونه اللي نسيه فالمكتب…
……قاعد بالكوفي ويشرب من القهوه اللي جدامه ويرجع الكوب وتيلس هيه:تاخرت عليك؟
هزاع :لا
حصه:شو فيك عافس ويهك؟
هزاع :ماشي
حصه:اتصلت عليك وما رديت
هزاع :نسيت تلفوني
حصه:حبيبي شفيك؟
هزاع :متضايق
حصه:افا متضايق وانا موجوده.عسى ما شر حبيبي قولي فضفض لي..
هزاع: ….
حصه:. …
هزاع:ابويه
حصه تتبزا:اشفيه عمي
هزاع:يبا ..يبا
حصه:شو هناك؟شو يبا؟
هزاع:يبا ايوزني
حصه مصدمه :شووووه؟
هزاع يتنهت
حصه:وانت شو قلت؟
هزاع:شو قلت بعد اكيد رفضت
حصه:انته ما خبرته عنا؟
هزاع:قلت له بس
حصه:ما وافق صح؟
هزاع:حبيبتي لا تزعلين منه بحاول وياه لين اقنعه
حصه:وليش مب موافق ع زواجك مني؟
هزاع:خلج منه الحين مب غصب اتزوجها
حصه تقوم معصبه:يوم يوافق ابوك تراك اتدله باب بيتنا تعال واخطبني من عمي فاهم
هزاع يوقف:يلسي الحين الناس اتطالعنا
حصه:مب يالسه ع اساس انك تحبني وتبانا تزوج شو تغير الحين؟
هزاع :يلسي خلينا نتفاهم انا ما قلت اني ما اباج انا اقول بقنع ابويه اول
حصه تشل شنطتها :عن اذنك..
هزاع:لحظه حصه لحظه
يلس هزاع بعد ما سارت حصه عنه:اوففف الله يسامحك ابويه..
………………….
محمد مصدوم :من؟مويزوه بتعرس؟
ام محمد:هيه بتعرس ليش مستغرب
محمد يلس :قووولي والله
ام محمد:بسم الله شو يحلفني
محمد: ومن هالمنحوس اللي بياخذها؟
ام محمد:وليش منحوس؟قول امه داعيه له
محمد:مب داعيه عليه؟
موزه نازله من الدري ويت عينها بعين اخوها وينش محمد :كووووللولولولللشششش
موزه معصبه :يعلك تغص
محمد غص :كحححح كححححح ححححح
محمد:والخييبه دعوتها مستجابه كحححححح
ام محمد:بسم الله عليك ايلس وانتي؟شو هادعاوي؟
موزه تيلس معصبه على القنفه..
محمد:مويزوه بتعرسين؟الللله..وبتيبين يهال؟ياسلام بيزجروني خالي؟اخخخخ اسميني بمرصهم تمريص
موزه:ما بعرس
محمد:همم؟
ام محمد:موزه؟
موزه:امايه قولي لبويه الله يخليج
محمد مب فاهم شي مثل الاطرش بالزفه
ام محمد:عيل ليش قلت له انج موافقه؟
موزه:انربط لساني يوم دخل الحجره عليه امايه دخيلج
محمد :شو هناك؟
ام محم:اوين ما تباه
محمد :من هوه اصلا؟
ام محمد:هزاع
محمد: من هزاع؟
ام محمد: وابويه هزاع ولد ناصر الـ*****
محمد فتح عيونه:هييييييييه مويزوه عنابوج حماره هذيلا هوامير
موزه:يعله يكون ملك انا ما اباه ما اداني اخته
محمد:انتي تعرفينها ما ادانينها؟
موزه:هيه مب هذيج اللي غديت اشلق يوم شفتها؟
محمد يتذكر الغزال اللي طلع م السياره :وااااااااعذابي هذيج اخته؟مويزوه بيييييييييييب لج الحين الخيزرانه ان سمعت انج مب موافقه تسمعين؟ امايه رد ابويه عليهم؟
ام محمد:بكون(يمكن)
موزه محرجه تبا تصيح وتقوم تربع على فوق ……..
……………………….
احمد:راشد
راشد:………….
احمد:راااشششدد
راشد يربع من ورا الشجر:هاااااااااااااااااه
احمد:سر زجر البشكاره اتنزل السامان من السياره
حمود وسالم يترابعون ويا راشد بس هم يكملون صوب احمد
احمد :هووووه هووووه حي حي حي
حمود :بوش جدامك؟
احمد:وانته لسانك دوم طويل؟
حمود:انا لساني مب طويل
احمد:شوي ايبنك بيتنا؟
حمود:والله انا ياي عند رشود مب عندك
احمد فاتح عيونه:اسميك ما تستحي (ويسحبه من كندورته ويفتح دبة السياره ويطلع كيس ويعطيه حمود ويهازب:سر وصله المطبخ يالله
ويكلم سالم:تعاال شل انته بعد
حمود يمسك الكيس ويتحرطم
احمد:دواكم مسودين الويه يالله شلو.راااااااشد لا تخلي البشكاره تيه ذيلا بيشلون السامان داخل اليوم
حمود وسالم يتطالعون وحمود يعمز لسالم ويفرون الاكياس ويربعون لبرا البيت واحمد :واا
ويبرع وراهم :تعالوا تعالو
يوقف عند باب البيت بعد ما طار حمود وسالم:ههههههههههههههههههههه صدق يهال
هههههههههههههههههههههههههههههههههههههههه
ويرد احمد لداخل …..
راشد؟!:وينهم؟
احمد يحط يده على كتف راشد:شل السامان داخل المطبخ
ويسير احمد داخل البيت وراشد يطالع دبة النيسان فاتح ثمه. ..كلها اكياس فوق بعض يا مسكين متى بتخلص اليوم؟!
…………
فاطمه يالسه تشوف التلفزيون ومندمجه فالبرنامج…
ويدخل حمود يضحك وماسك بطنه وتقوم فاطمه تيلس زين وتقول:ههه هههه شو فيك؟هههه خليتني اضحك وياك. هههه بسككك قول شفيك
حمود رما بنفسه على القنفه جنب فاطمه:هههه بطني هه اخخخ بطني
فاطمه:شو فيييك؟
حمود:ههههه شردنا عنه ههههه
فاطمه:شردت عن من؟
حمود:هههه احمد خو راشد
فاطمه:خو راشد…؟! هااااا راشد ربيعك؟
حمود:هيه يبانا نشل سامانهم داخل البيت وربعنا انا وسالم وخلينا رشود بروحه هههههههههههه
فاطمه:ههههه بس مب زبن جذيه لو ساعدته بتاخذ اجر
حمود:ههههه ما ابا اجر من ورا احمد
فاطمه:ههههههه استغفر الله العظيم
حمود يتذكر الربعان:ههههههههههههههههههههههههههه
………………..
موزه حاطه التفلون على ذنها وخانقتنها العبره:قلت لهم
شيخه:والحين شو ناويه تسوين؟
موزه:ما ادري شواخي ما ادري
شيخه:انزين انتي ما تعرفين يمكن الر يال زين
موزه:انتي شفتي ميثاء وتعرفينها زين ما تسمعينها كيف تتكلم عن اهلها..هذيلا ناس ما يعجبهم شي كيف تبينه هوه يوافق ياخذ وحده على قد حالها مثلي
شيخه:الدنيا مب فلوس يمكن هوه يباج
موزه:اه؟كيف يبان وهوه ما قد شافني حتى انا لو شفته جدامي ما اعرفه
شيخه:والله يا مويزوووه ما ادري كيف اساعدج؟
موزه:هي هيهيهييي شيخـــــــــــــــــه فكري ويايه كيف افتك من هالعرس؟!!!!
شيخه:امممم ما ادري موزه ما ادري انزين قولي لبوج ليش سكتي يوم قالج؟
موزه:انربط لساني وما رمت اقول شي
شيخه:يا ربي انا ما ادري ..انزين شو رايج؟سيري بيت جدوتج ويلسي عندها
موزه:هاه؟ايلس عندها؟
شيخه:هيه يمكن اذا شافج ابوج مصممه انج ما تاخذينه يخليج ويكنسل العرس
موزه :هزرج؟
شيخه:هيه يمكن ..ربج عاد
موزه:بحط ثيابي وبسير عندها
شيخه:وشو بتقولين لامج؟
موزه:بقولها ابا ايلس عندها
شيخه:بتوافق؟
موزه:اذا ما وافقت والله بشرد عنهم
شيخه تنازع:حماره انتي؟انا اقولج يلسي عند يدتج فتره لين يقتنع ابوج ما اقولج شردي.تبين اتسوين لعمرج مصيبه؟
موزه تصيح :شو تبيني اسوي ما اريده
شيخه:تعوذي من ابليس انتي وكلمي امج وقوليلها ابا ايلس بيت يدوه كمن يوم اريح نفسي وبرد
موزه:………..
شيخه:تسمعيني؟
موزه تمش دموعها:زين..
شيخه:وانا ما بخليج بتم عندج ع طول لين تهدين
موزه:ما اعرف شو بسوي بلاج يا شيخه
شيخه الكتكوته:شو بتسوين يعني؟جهزي الخبز والجبن ولا تنسين بطاطس عمان ولبن اب خلينا نطري الاجواء
موزه تضحك بصوت صياح:هه ه ههه ههه
شيخه تمسك على بطنها:يعت(يوعانه)اسسسس بسير المطبخ ادور لي شي برايج موزيز
موزه:ههههه زين برايج
شيخه تسكر السماعه وتسير المطبخ..
تفتح باب الثلاجه واتطلع البيض والجزر…
ام جاسم:شو تسوين شيخه؟
شيخه:يوعانه قلت بسوي بيض وجزر
ام جاسم:سوي لجاسم وياج ما طاع يتغداء
شيخه :انشالله..وينه؟
ام جاسم:يالس يراجع فحجرته
شيخه:تبين الصدق امايه ولج كل الكتب كلهن
ام جاسم:سمي عليه اعووذ بالله من الشيطان الرجيم
شيخه:ههههه صدق والله ليل ونهار مجابل هالكتب حتى انا ما درست مثله
ام جاسم:انتي امبونج مب فالحه..والا ما تودرين الجامعه وتيلسين مجابلتني هنيه شو بتلقين فالبيت؟
شيخه تحمس الجزر المبروش فالتاوه..:والله يا امايه اليلسه وياج اخير من الجامعه انا عارفه نفسي ما لي فالدراسه
ام جاسم:بس الزمن تغير يا بنتي ردي درسي
شيخه تحط البيض المخفوق على لجزر:فكيني امايه ما لي خلق ادرس..اقول وين ابويه؟
ام جاسم:تعرفينه العصر يسير العزبه
شيخه تغطي التاوه:اماي وبعدين ويا هالحال؟
ام جاسم فهمت عليها:شو تبيني اسوي به؟والله انه والنعم فيه بس من يشرب هالزحير يعتفس علينا
شيخه:والبارح؟
ام جاسم:ما يذكر شي
شيخه:امايه رمسيه
ام جاسم:تعبت من الحجي بس تعرفين ما اروم اناغيه وهوه شارب والا يوم صاحي ما يذكر شي امره ويقول ما سويت شي.حتى ما يعرف عمره يسكر والا لا هوه
شيخه:اوووف الله يبعده عن الربع
ام جاسم:ومن ضارنا غيرهم ..وكلت امري لله
شيخه ترد تفتح غطاء التاوه وتقلب البيض اللي صار يشهيييي…….
شيخه:جسوووووووم
ام جاسم تطلع برا المطبخ :جاسم
جاسم يطلع من حجرته (صف ثاني ثانويه) :هاه امي
ام جاسم:تعال ابويه شيخه مسويه بيض سر كل وياها
جاسم يعدل نظارته :يالله الحين بيي
شيخه يالسه تقص من هالبيض بالخبز وتاكل ويدخل جاسم:شوي شوي لا تغصين
شيخه واللقمه فثمها:تعال دكتور هنيه
جاسم يلس عدالها:قل اعوذ برب الفلق
وياخذ خبز وياكل ويا شيخه من نفس الصحن وهيه طفرن عيونها وتسحب صحنها وترفع راسها على صحنه
:اكووووه مالك
جاسم:وشو فرقت يعني؟
شيخه:لا لا انا حاطه فلفل قرون لز عني
جاسم يسحب صحنه عداله وياكل منه :فلفل؟! ما شفت بنت مثلج تاكل فلفل
شيخه ترفع حواجب :ومن متى انت تشوف بنات اه؟ثرك خطير(وتغصOـO
ويعطيها جاسم ذاك اليمع وتربع صوب الثلاجه وتشرب ماي
:أأأأأأأأأأأأأأأأأأأأأأأأأأأأأأأأأأأأأأأأأأه يالله يالله بغيت اموت
جاسم يعدل نظارته :من هالفلفل
شيخه تشوفه بنص عينO<
……………
فاطمه:يالله بويه زاهبه
بو حمود يطلع من الحجره ويشوف بنته لابسه عباتها ومتنقبه:وين حمود؟
فاطمه:خاري يتريانا
بو حمود يطلع سويج السياره من مخباه:يالله
ويطلعون ..وفي السياره……
حمود يالس جدام ومتسفر والكندوره نظيفه متكشخ الحبيب بسير كارفور
بو حمود:سجلتي كل اللي تبينه فاطمه؟
فاطمه:هيه بويه كل السامان حافظتنه
حمود كشخ :عيل ما بتضوين شي اليوم
فاطمه مغطت بوز
بو حمود:ههههههه لا فاطمه ما شالله عليها متنبهه اكثر منك
ردت كشخت فاطمه
حمود:زين ما عليه بتشوف بروحك اليوم
فاطمه ردت مغطت البوز وتعد على اصابعها بصوت غير مسموع..
حمود يلف براسه:هاااااااااااااااااه. شي نسيتي؟
فاطمه بكفها على ويه حمود ترد راسه ع جدام:لا ما ناسيه شي كله بيبه اليوم طالع جدام انت بس…..
رد يلس حمود زين:خخخخخ بنشوف
……………………
كارفور……………
بو حمود:فاطمه امايه يوم تخلصين من هالمحل تعالي فالكارفور الداخلي زين؟
فاطمه :انشالله ابويه
حمود:بيلس عندها
فاطمه:لا لا لا سر سر ويا ابويه
(حليلها بتدخل محل نسائي وهالثور راز ويهه)
بو حمود فاهم ويمسك حمود من يده ويسحبه وياه:بتخلص وبتي عندنا
حمود مسحوب وعينه على اخته تدرون اونه الريال ما يبا يخلي اخته بروحها….
……………
طلعت فاطمه بعد عشرين دقيقه وشاله اكياس وياها..
وتسمع صوت من وراها..
:يا حافظ ع الزين……
:شوف ..غزال ما شالله
فاطمه مرتبكه وتمشي بسرعه وتتلفت اتشوف اخوها او ابوها
بس الشباب الاثنين يمشون وراها
فاطمه من ارتباكها تدخل محل فيه شنط نسائيه وجواتي .. وتسوي عمرها يالسه تشوف الشنط بس عينها اتدور على ابوها و اخوها..
الشباب الاثنيه لفو للمحل من الباب الثاني وواحد منهم دخل اونه بيشتري يالس يطالع الاغراض
فاطمه ما شافته وتوها بتلتفت وجان يعطيها شنطه:هاي حلوه
فاطمه طاحت الشنطه اللي كانت ماسكتها من يدها وراعية المحل:لو سمحت استاذ ممكن تطلع برا المحل؟
:لا طبعا مب طالع انا ياي اشتري
فاطمه ارتبكت وقلبها تم يدق بالقو من الخوف..وتطلع بسرعه من المحل
راعيه المحل:كيف ممكن اخدمك؟
الشاب يوم طلعت فاطمه يطلع وراها مسوي طاااااف لراعية المحل..
فاطمه تمشي بشكل سريع..والشاب الثاني يمسك الشاب اللي طلع من المحل بيده :خلها برايها
منصور:ما بخليها
صالح:يا ولد الحلال ما بتعطيك ويه خلنا نسير
منصور وعينه على فاطمه يفتح يد صالح ويمشي مطنش صالح ورا فاطمه صالح ربيعه رد يلس فالكوفي
احمد:السلامم عليك
صالح/وعليك السلام
احمد يلس:شفيك ترد بلا نفس؟ وينه منصور؟
صالح:صراحه زودها هالمره يلاحق بنت من دخلت المول
احمد :وما ايوز عن طبعه هذا؟
صالح:شو اسوي وياه؟والله انه لحقها ودخل المحل وياها وهيه لابستنه بس هوه مب سهل توه يمش وراها
احمد يقوم:قم قم خل ندوره ونيبه هذيج المره بغى ينحبس عهالسوالف
صالح:انا ما فيه تبا تسير له بروحك سر اكوه اتشوفه؟
احمد يلتفت ويشوف منصور واقف على باب محل نسائي..
ويقوم احمد ويسير صوبه
احمد يحط يده على كتف منصور اللي يدور براسه على فاطمه
منصور يلتفت:احمد؟
احمد:منصور وبعدين وياك؟تبا تسوي لنا مشاكل؟
منصور:يا اخي غزال والله ان عيونها تجتل
احمد:يا ولد الحلال فكنا تعال
منصور يسحب يده من احمد:اصبر انته لو تشوفها بروحك بتلحقها
احمد يعصب :منصور شو هالحجي؟يالله تعال
ويسحبه احمد لين الدرج المتحرك:عنبوه استح ع ويهك
منصور:وانا اشو سويت؟قلت برقمها اذا كلمتني ترا الامور طيبه واذا لا خلاص يا عمي
احمد :انت ما استادبت من المره القبليه المفروض منك تحمد ربك
منصور:اوففففف اسميك فظحتني
احمد منصور يتكلمون عند الدرج المتحرك وفاطمه تشوفهم وتطلع من المحل وتوقف تحرس اللفت عشان تنزل لخوها من كثر ما دخلت وطلعت من المحلات ضيعت الدرب ورقت فوق..
منصور شافها:احمد لحظه لحظه
احمد بسرعه وراه..
تدخل فاطمه اللفت وقبل ما يسكر يدخل منصور واحمد ارتبك ودخل بسرعه ما يبا يخلي هالزفت ويا البنت بروحهم
فاطمه عصبت من هالتصرف
منصور:انزين ممكن تاخذين رقمي؟
فاطمه مجبله اليانب الثاني واحمد يقرصه فكوعه
منصور:انزين على الاقل تكلمي ويايه ان اكلمج
فاطمه ما ترمس بس معصبه وتبا تصيح
منصور:ز…………………
احمد يرد بمنصور على زاوية اللفت:جب انته اسكت سمحيلنا اختيه هذا مينون
وينفتح اللفت وتطلع فاطمه بسرعه بغت تدعم الريال اللي كان واقف
منصور:قووووم
احمد:جب فضحتنا اسكت
فاطمه تمشي صوب كارفور وبنفس الوقت حمود يلاقيها:هاه خلصتي
فاطمه ما صدقت على الله تشوف اخوها وتحط يدها على كتفه :وين سرتو؟
حمود مستغرب|:شو فيج؟
فاطمه :ماشي ماشي يالله انسير عند ابويه
ومشوا على داخل كارفور..واحمد فاتح عيونه على وسع وثاغر بثمه(يفكر يا ربي شو هذا الي صار؟معقوله تكون اخت حمود؟عرفتني؟يا ربي شو المصيبه
منصور يطالع احمد:شو فيك؟
احمد انتبه:هاه؟
منصور:سحرتك؟واا قلبي حتى انا فوادي يعورني
احمد ما عجبه الكلام:اقول مش جدامي دام النفس عليك طيبه مش تحرك
منصور:؟؟؟؟!!!!!والغزال؟
احمد يسحبه صوب الكوفي:شرد خلاص دور غيره
منصور وحاط يده على قلبه ويمشي ويا احمد:اتصدق؟
احمد يوقف ويفتحه:شوه؟
منصور:امبين عليها بنت ناس وعرب
احمد:عيل مثل هال***** استغفر الله العظيم
منصور:زين برايك انا بروح
احمد شاك:وين بها؟مب متواعدين ندش الفلم؟
منصور:حاس عمري مب صاحي
احمد:شو فيك؟مريض؟
منصور:لا برايك(شكله منصور صدق مريض
احمد:شو يعورك؟
منصور:قلبي يدق بقو
احمد:هااااااااااااااااااااااه؟
منصور:ماشي ماشي برايك
ويسير منصور واحمد يرفع كتوفه ويرد للكوفي
………………….
هزاااع يالس على بونيت الكروزر وماسك غصن صغير يلعب به بيده ومجابل الشمس اللي بدت تغيب ومسويه وراها ذاك الشفق الاحمر منظر الغروب الرائع
…يفر الغصن الصغير بعد ما تنهد/اووووههه
يا ربي شو اسوي؟ابويه شكله ملزم…وحصه؟ما اقدر استغنى عنها..يا ربي شو اسوي؟
فجاة يقطع حبل افكاره رنت تلفونه..يطلع التلفون من مخباه ويشوف الرقم ويتنهد ويرد:ألو
ام هزاع:هلا ابويه هزاع
هزاع:هلا امايه
ام هزاع:البشاره العرب وافقوا
هزاع رفعن حواجبه :شوه؟
ام هزاع:اقولك وافقو
هزاع:امايه
ام هزاع:يا ولدي اسمع كلام ابوك البنت زينه وبنت عرب
هزاع:امايه مب كل مره نفس الكلام بس عاد قلت لكم ما اباها يعني ما ابها غصب؟
انزين يا بويه اسمع هالمره شور ابوك انته وعرس واذا ما تفهمتوا خلاف خير
هزاع:امايه انتي مب موافقه على حصه؟
ام هزاع:انزين شوه تباني اسوي ويا ابوك؟ابوك تراه مب طايع ما يبا ايودر بنت ولد عمه
هزاع:يا امي
ام هزاع :يا بويه تعال البيت خلنا نتفاهم الحجي فالتلفون ما ينفع
هزاع يسكر تلفونه ………..
ام هزاع تسكر التلفون:الله يسامحك يا بو هزاع زين جذيه كسرت بخاطره
……………….
بو هزاع:ومن تكون حصه هذي؟
ام هزاع:يا ولد الحلال عشان ولدك
هزاع:ابويه دخيلك
ام هزاع:انزين ابرايه ياخذ اللي يباها ويوزه ببنت ولد عمك
هزاع :شووووه؟لا ما اريد..ما اريدها ابويه انا بس ابا حصه
بو هزاع:…………………
ام هزاع:……..
هزاع:…………
سكتوا كلهم….
بو هزاع يفكر ..وام هزاع عينها على ولدها
وهزاع ينتظر الرد اللي يبرد له فواده
………………
ام محمد:وكم يوم تبين تيلسين عند يدتج؟
موزه:يومين بس
محمد :لا يكون تبين تشردين؟
موزه
o
ام محمد:وابويه عليك انا
محمد: هههههههههههههههه اسولف
موزه تمسك شنطتها وتوقف ولا فرحانه ولا شي ماغطه البوز…
ام محمد:وصلها وسر دوامك بطيت
محمد:انشالله..
……………………
فالسياره:اقول موزه
موزه بلا نفس:خير
محمد:اقول ميثاء ربيعتج كبرج هيه؟
موزه فاهمه عليه بس تبا تقهره:عرسها الاسبوع الياي
محمد ضرب برييييييييك
موزه:بسم الله بغيت تجتللللللللللللللني
محمد:قولي والله؟
موزه:ما بحلف شو يحلفني؟
محمد يسوق:خخخخ جذابه
موزه:والله ما اجذب عليك صدق بتعرس
محمد:له له له له..ليش ما قلتي لي قبل
موزه:وليش اقولك؟
محمد:قلت بقول لمايه تخطبها لي
موززه:لا استريح مب ساد اخوها وبعد انتا تباها؟حشى كملت
محمد:انزين انتي شو ياج عليه ؟
موزه:يا اخي مب داش مخي احسه عظم فبلعومي
محمد:وانتي شو دراج به؟اها؟
موزه:اوفففففففففف اسكت عني
محمد:زولي زين..انشالله عرسج يكون بعد شهر
موزه:فال الله ولا فالك الله لا يقول
محمد:خخخخخ ياااااا رب ويفضى البيت وارتاح منج
موزه:محمد يالله عاد عندك اخت غيري؟
محمد ما يبا يبن لها انها غاليه عنده بس يطفر بها:فككككه منج بفتح حجرتج على حجرتيه وبسويها سويييت كامل
موزه:يعللللللك تبا الفكاك ثرك
محمد يوقف السياره وصلوا:هيه ابا الفكاك منج يالله انحدري
…………….
شيخه:وصلتي؟
موزه:هيه انا عند يدوه من الصبح
شيخه:ما قلتي لي
موزه:التهيت ويا يدوه وحرمت عمي
شيخه:وشو الحين؟
موزه:ما ادري شيخه ابويه رد عليهم شو اسوي؟
شيخه:خلاص ابويه توكلي على الله
موزه:شوه.؟ما اريده ما اريده
شيخه:وشو بتسوين؟
موزه:ما ادري برمس يدوه وبشوفها
شيخه:زين والله بعده احسن هيه كبيره وبتنصحج..اقولج باجر الصبح بييج انا وفطوم
موزه:ما ترومين تين الحين؟
شيخه:بسم الله تبين ام الدويس تيني ؟
موزه:ههه من وين ام دويس هنيه شو هالخراف؟
شيخه:يا روح ما بعدج روح..بيج الصبح شو عايلنج انتي
موزه:زين اوك
شيخه:good night
موزه:good night
تمسح موزه على شعر عبد الرحمن ولد عمها اللي نام جدامها…:نمت؟
عفراء توايق من باب الصاله:رجد؟
موزه:هيه توه
تدخل عفراء وتيلس حذالها:تعبج؟
موزه:لا فديته رجد بسرعه وينها عواش؟
عفراء :راجده
موزه:هيه صح بتسير الروضه باجر نسيت
عفراء مبتسمه:عقبال ما نشوف عيالج
موزه :عفراء
عفراء:هلا
موزه:شو اسوي؟
عفراء:انتي ما تعرفين الريال..يمكن يباج ويعاملج معامله زينه
موزه:بس مب مرتاحه
عفراء:والله ما ادري شو اقولج..فهالامور ..فكري على راحتج
موزه:بس ابويه ما عطاني فرصه رد عليهم وانا مب موافقه
عفراء/أأه…والله ما اقدر افيدج تبيني اخبر عمج؟
موز:لا لا لا تقولين له افرقه يتهادون هوو ابويه تعرفينهم يوم متراضين عشر ايام متفاتنين
عفراء:والله بكيفج خليني اوصل عبودي داخل………
…………
الصبح بعد ما طلعت الشمس………..
بو هزاع:وين هزاع عيل؟
ام هزاع:تريق وسار صوب الجده العوده يبا يسلم عليها ومناك بيسير دوامه…
بو هزاع:قولي له خليه يتزهب بنسير نخطب
ام هزاع:بو هزاع..ولدك ما يباها
بو هزاع:خلاف بيغير رايه
………..
ينزل من الكروزر ويلقى الباب ملايم..يفتحه ويدخل:يدووه…..يدووه
خالد وحرمته يشتغلون..وعواش الصغيره فالروضه…
يربع عبد الرحمن صوب هزاع ويعرفه هزااع ويشله فوووق ويضحك عبد الرحمن..
هزاع يلاعبه…
موزه يالسه على السمه تحت اللوميه ووتطالع اللوميه وتلعب بقصتها
هزاع يتخبر عبد الرحمن:وين يدوه؟
عبد الرحمن ياشر ورا البيت :اناك
هزاع:ههه هناك ورا؟
عبد الرحمن:هيه موذي
هزاع:شوه؟
عبدالرحمن يبا يقوله موزي هناك بس هزاع ما فهم له
…ويمشي هزاع شال عبد الرحمن……….
………………………………
هزاع توه بيلف والا صوت الجده وراه:منوه؟
هزاع يلف ع ورا:انا يدوه هزاع
موزه تسمع الصوت وتربع على داخل وتنسى تلفونها مكانها
الجده تمشي :قرب قرب
وايلسون على السمه اللي كات موزه يالسه عليها..وتقوم الجده: بيب لك القهوه
هزاع: لا لا يدوه استريحي
عاد الجده كله ولا القهوه:الا قهوه هيه لا يطلع عبد الرحمن
هزاع مبتسم:انشالله
عبدالرحمن يشوف تلفون موزه:الو ..الو
هزاع كان يطالع اللوميه ويلف على عبد الرحمن:هم؟شو ماسك؟..اشوف..
ياخذ التلفون من يد عبدالرحمن ويطالع:تلفون ؟
يفتحه:ويلقى واجهة التلفون صوره غروب ويلس يشوف فالتلفون…
فتح الرسايل ولقى محادثه مع شواخي(اقولج موزه يمكن اتاخر عليج الساعه عشر بييج انا وفاطمه..زهبي البراتا والجبن.
موزه
بطن انشالله(ابتسم هزاع هنيه )
شواخي:وحليلي والله ان عورني بطني لارفس فبطنج
موزه:همج بطنج انتي ؟ومصيبتيه؟
شواخي:الحين هوه هزاع مب اخوه ميثاء؟انزين قولي لميثاء
موزه: انتي تفكيرج مب صاحي يوم تكونين يوعانه))
هزاع يوم انتبه للمحادثه صح عرف ان البنت اللي يباها ابوه له هيه موزه ساكنه هنيه بس اللي يعرفه ان ولد عم ابوه عنده فله ساكن فيها..
الجده تمشي ووراها الخدامه:يا مرحبا بهزاع
هزاع يحط التلفون بسرعه :هلا بج يدوه..
………………………………………….. ….
فاطمه:ما بتاخر ابويه
بو حمود:برايج امايه يلسي وياها واذا بغيتي تتغدين عندهم تغدي
فاطمه مبتسمه:وانا يهنيني الاكل بدون بو فاطمه
بو حمود:هههههه لا يسمعج ويسوي لج سالفه
فاطمه"ما جذبت امبونهم يقولن لك بو فاطمه ولين الحين حد من الناس يقولك بو فاطمه
حمود يطلع من المطبخ والصمون فثمه:يالله؟
بو حمود مستغرب:وين تبا؟
حمود:بوصلها
فاطمه:!!!!!!!!!!!!!
بو حمود:اكوووه بيتهم مجابلنا
حمود:حتى ولو (يمشي على برا:يالله
فاطمه وابوها مبتسمين وتمشي فاطمه:مع السلامه ابويه
بوحمود:الله يحفظج امايه
………………………
موزه منسدحه على ركبت شيخه وفاطمه تقشر لوميه وشيخه تمسح على شعر موزه بيد واليد الثايه تاكل براتا
موزه:ابا افهم الحين محد كثرج ياكل واضعف وحده فينا
فاطمه:ههههههههههههههههههههه
شيخه:تفلي عليه لا تنظليني
موزه:ههههه مب صدق فطوم؟
فاطمه:عيني عليج بارده شواخي
شيخه:تفلي عليه لا انتف لج قصتج
موزه تضحك:تف تف تف
شيخه:والله…تبيني اغدي متينه؟
موزه تقوم وتضحك:ههه تراني اقولج تاكلين وما يبان فيج
فاطمه تاكل اللوميه:هممممممم حامظه
شيخه :عطيني حمضتيني الله يلقعج
فاطمه تقص لها:اندوج لا اغص
موزه تلف عليهن زين:اقول
فاطمه وشيخه ياكلن اللوميه ويتحمضن:هممممم هممممم
موزه:شو الدبره؟
فاطمه:عرسي وتوكلي على الله
شيخه تدفر فاطمه بكتفها..
يرنن تلفون موزه فجاه مسج تفتح موزه تلفونها وتفتح عيونها على وسع. ..
شيخه امبونها مندمجه فاللوميه بس:شو فيج؟
فاطمه:شفيج موزه؟
موزه:مستحيل
شيخه "شو هناك؟من مطرش لج مسج؟
موزه:هزاع
فاطمه وشيخه يفكرن:من هزاع؟؟؟
موزه:هزاع
شيخه:منوه هذا هزاع؟
موزه ترص بضروسها:من غيره؟
فاطمه:ااااااااااااااه؟
شيخه:والعثره..من وين ياب رقمج؟
موزه منصدمه:ما ادري
شيخه الفضوليه :شو كاتب اشوف
موزه تقرا المسج لهن(السلام عليكم..انا هزاع سلطان..اخو ميثاء..اعتقد انج تعرفيني..حبيت اقولج اني ما اريد هالعرس..مثلج.فكنسلي الموضوع)
شيخه:مثلج؟
فاطمه:مثلج؟
موزه:شو دراه؟…………..من وين ياب رقمي؟
شيخه وفاطمه منصدمات مثل موزه واكثر
شيخه:وشو بتسوين؟
موزه:ما ادري
شيخه:ردي عليه
فاطمه:لا لا لا لا تردين
موزه تطالعهن
شيخه:ردي عليه وقوي قلبج
موزه:احسن ..عشان اقوله يكنسل هالعرس..حتى هوه ما يبا ليش عيل نعرس؟
شيخه: يالله يالله موزه كتبي كتبي
فاطمه:خليه يا بنت الحلال برايه
موزه تبدا تكتب فتلفونها وشيخه حاطه ويها فالشاشه ويا موزه..
فاطمه:موزه لا تطرشين له خليه
موزه:ليش؟ ابا اقوله يكنسل العرس
فاطمه:عطيه بو لابس..
شيخه:اخخ قهر..هاتي انا بكتب له..عيل يطرش لموازي انه ما يبا يعرس؟
موزه:تجذبين على من انتي؟انا بروحي ما اباه
شيخه:اه؟هيه صح
فاطمه:حقريه..
موزه:هزرج؟
فاطمه:هيه..بيستحي على دمه وبيكنسل..مب هوه الريال؟ليش يطرش لج مسج يقولج انه ما يبا يعرس؟يباها تي منج يعني؟اذا ما يبا يعرس ليش هله خطبوج له؟والا هوه لعب يهال؟
شيخه يالسه تحوس فتلفون موزه…
موزه:صح هوه الريال المفروض ما يخطب من البدايه اذا ما يبا العرس ليش يطرش مسج يقولي ..مثلج؟
شيخه:شوفي موزه..انتي متصله به
موزه تشوف تلفونها:شوه؟
فاطمه:شوه؟
موزه:حشى عليه ما اعرفه ولا اعرف رقمه
شيخه:شوفي اليوم الساعه ثمان ونص الصبح
موزه:الساعه ثمان ونص؟……يا ريال اليوم هنيه عند يدوه …اهااااااااااااااه نسيت تلفوني تحت اللوميه وبعدين يت يدوه تشل القهوه خاري ..
شيخه:هووه عيل محد غيره..كان عندج فرصه تشوفينه
فاطمه:وشو بتسوين؟
موزه معصبه :ليشي تعبث بتلفوني؟
وتمسك تلفونها وتكتب مسج واتطرشه..
فاطمه:انتي شو سويتي؟
شيخه فرحانه:عاشت عاشت عندج اياه
موزه:حقير…يتعبث بتلفوني وعقبها يطرش لي مسج يباني انا اكنسل العرس..والله براويك..
شيخه متحمسه:شو كتبتي له؟
فاطمه تهز راسها
موزه عيونها تحولن لبركان…………..
…………..
هزاع يالس فالمكتب وسمع رنة تلفونه مسج ويدور تلفونه بين الملفات ويلقاه ويشوف التلفون ويفتح عيونه منصدم؟!!!
(من انت عشان تتعبث بتلفوني؟..وعسالفة العرس مب انت الريال؟..ورا ما تكنسل انت العرس دامك ما تبا تعرس؟والا ريال اسم وبس؟)
هزاع انعفس ويهه وكتب مسج وطرشه
……..
شيخه ماسكه التلفون وعيونها عليه:بيرد بيرد الحين بيطرش مسج
موزه:ما بيرد خلي تلفوني وتعالي كلي براتا حشرتيني عسبه
ويرن التلفون مسج وتنقز شيخه:ما قلت لج
موزه تمطه من يد شيخه
وشيخه تمطه وتفتح المسج
موزه تمطه:هاااااااااااااااتيه تلفوني
شيخه:اندوج اندوج ما رمت اقراء شي
موزه انعفس ويهها:صدق لوح
فاطمه:شو سويتي انتي ليش طرشتي مسج من الاساس؟
شيخه:تبينها تسكت له عيل؟ قري شو كاتب
موزه:يقول(لا تغلطين ريال وغصبن عنج..وبعدين انتي اللي فاره تلفونج فالرقعه..)
موزه تكتب مسج وتطرشه.
شيخه مستغربه:شو كتبتي له؟
موزه :خليه يزول
فاطمه:الحين ما بتخلصين
………
هزاع ماسك تلفونه ويرن المسج ويفتحه(والله انا يوم حاطه تلفوني فحاطتنه فبيت يدتيه مب فبيتك,..وبعدين انا ما اباك يا اخي مب غصب الزواج هوه)
هزاع متنرفز:والله العظيم يا أدبج
يكتب مسج ويطرشه…
موزه تفتح تلفونها(الخميس الملجه مبروك)
شيخه: شووووووووووووووووووووه؟
موزه تصيييييح
فاطمه تهدي موزه:لا حول ول قوة الا بالله ..
موزه:بجتله بجتله والله ما اخليه
شيخه:…شو بتسوين وياه؟
موزه تمسح دموعها وتطرش مسج:والله يقهره
شيخه وفاطمه؟!!!!!!!!
…………….
هزاع مبتسم قصده من هالحركه انه ينرفزها
( يفتح تلفونه بعد ما رن المسج…
(الله يبارك فيك…ومبروك انت بعد )
هزاع يفر تلفونه على المكتب:اخخخ يالقهر شو هالانسانه ما تحس؟ما فيها دم؟والله صدق يبالها تربيه
……….
بعد تفكير…هزاع يقوم من مكتبه ويسير مكتب ابوه ويدخل على طول:ابويه
ابو هزاع يشوفه عن فوق النظاره:هاه؟شعندك؟
هزاع يدخل ابسرعه على الكرسي:انا موافق
بو هزاع يشل النظاره ما سمعه زين:يا ولد الحلالـ..شوه؟موافق؟
هزاع باصرار:هيه نعم موافق
بو هزاع تشقق من الفرحه:مبروك مبروك
هزاع:الخميس بنسير نملج
بو هزاع مستغرب الموافقه ومستغرب زود من استعجاله:انشالله بس شو غير رايك؟
هزاع يقوم:حسيت ان كلامك صح..يالله عندي شغل من رخصتك
بو هزاع:هههه برايك بويه موافق خير
ويطلع هزاع ..ويمسك بو هزاع التلفون ويتصل بحرمته فالبيت/:مبروك مبروك وافق هزاع
ام هزاع:صدق والله؟الحمد لله
بو هزاع:ما ادري شو غير رايه مره وحده دخل عليه المكتب وقالي انه موافق
…………….
حصه:شوه؟شو قلت ما اسمع؟
هزاع:صبري فتره بس حبيبتي وبعدين بفهمج
حصه:كيف يعني؟الحين انت وافقت خلاص؟
هزاع:هيه والملجه يوم الخميس
حصه اونها تصيح/لاااا حرام عليك
هزاع:حبيبتي والله بخليها تندم قد شعر راسها
حصه:لا تاخذها تباني اموت؟
هزاع:ما اقولج صبري انتي بس؟ بادبها بس وعقب بطلقها..
حصه:بتطلقها؟
هزاع:هيه..بخليها اسبوع واحد وبطلقها
حصه:حتى ولو لااا ما بااا ما باااا
هزاع:بس حبيبتي بس لا تصيحين
حصه:لااااااا حرااام عليك
هزاع:واذا خذتج عليها؟
حصه تهدا شوي:مم؟
هزاع لمعت فكره براسه:والله يخليج يا مويزوه تصيحين دم….حصه حبيبتي تنزلين على ضره؟
حصه:انا؟
هزاع:هيه..شهر واحد اضبط اموري ويا ابويه عقب العرس وبعدين نتزوج..شو رايج؟
حصه:واقهرها؟
هزاع:..ما بقول كلمه وحده
حصه كشخت بضروسها:اكيد بوافق حبيبي..
هزاع:يعلني ما خلا منج..ادريبج غناتي دايما فصفي..
حصه:ما عليك منها انا اللي بادبها لك
هزاع:لاااا خليها عنج فهالشهر يوم بتين انتي خلاص بتكون مادبه ولا بتسمعين لها حس
حصه تضحك
هزاع:..يا ويلج مني يا موزه
…………..
موزه:والله العظيم براويك يا هزاع الزفت ان ما ادبتك وعلمتك كيف تكون محترم وياياه ما اكون موزه بنتك يا بو محمد..
عفراء شافت موزه تقطب ملابسها وتتحرطم
عفراء:بلاج من امس الصبح وانتي تتحرطمين وتكلمين عمرج..كلمتي يدتج؟
موزه:لا ما يحتاي انا موافقه
عفراء:ها؟موافقه؟من متى؟امس تباغمين ما تبينه والحين انتي موافقه؟
موزه تسكر شنطتها:هيه موافقه..ويا انا يا هوه
عفراء:داشين سباق انتي وياه؟شو يا انا يا هوه؟
موزه تلبس عباتها:ماشي ماشي يا محمد؟
عفراء:هيه يالس ويا عموه خاري
موزه تشل شنطتها:يالله باي ادعيلي عفروتي
عفراء:هههه الله ينصرج على اعدائج
موزه:هيييه اعدائي كثري من هالدعاوي بحتاجها قريب
عفراء:ههههه مع السلامه سلمي على امج
موزه:يوصل
وتطلع موزه..وبدخلتها فبيت ابوها:السلام عليكم
بو محمد وام محمد:وعليكم السلام
بو محمد:فكرج بغير رايي يوم اتسيرين بيت يدتج؟
موزه:لا ابويه..انا موافقه خلاص
بو محمد وحرمته ومحمد انصدموا…
طلعت موزه على فوق
بو محمد:الحمد لله
ام محمد مستغربه:شو غير رايها؟
محمد يلس:ما ادري.غريبه
بو محمد:فكرت صح ..اكيد امايه اقنعتها
ام محمد:انت قلت لها؟
بو محمد:لا والله ما قلت لها…خبرت خالد اخويه بكون قالها
ام محمد:بكون
موزه تفر بشنطتها فوق الشبريه ويرن مسج وتفتح تلفونها(تعرفين اني موافق عناد فيج؟)
(ادري..وحتى انا موافقه عناد فيك)
(تراني بلعوزج)
(هذا اذا ما لعوزتك انا)
هزاع يرص بضروسه:خخخخخخ يالقهر ..اوووفففف متى بملج عشان اشوفها واطبعها لين العرس؟
……….
موزه بلا نفس تفر بتلفونها جنب شنطتها وترمي عباتها فوقه وشيلتها وتمسك فودتها وتدش الحمام…
(هزاع يكتب مسج ويطرشه(باقي عن الملجه ثلاث ايام)
…هزاع ماسك تلفونه ويتريا المسج…
موزه طبعا تتسبح ….
هزاع بعد ربع ساعه يكتب مسج ويطرشه
(بشوفج)
………..موزه…………….
خمس دقايق…
هزاع امبونه منسدح على شبريته بس يلس زين وكتب مسج وطرشه…وشكله معصب صدق
(ليش ما تردين اقولج بشوفج يوم الملجه)(؟
..موزه سمعت تلفونها..وسارت صوبه وشافت مسجاته..
ضحكت.هههههههه اهااااا الحين هذا اول طرف…حضرته ما يتحمل اللي يطنشه…اوك عيل طااااااااااااااف
…موزه تسير صوب التسريحه..وتسحي شعرها
…
هزاع عافس ويهه وماسك تلفونه :والله ان ما ردت يتصل
…
واحد..
اثنين…
ثلاثه..
ويتصل……………….
موزه انتفضت يوم شافت رقمه.:..بسم الله..شو يبا متصل هذا؟
وتبند موزه التلفون فويه..
هزاع يفر بتلفونه على الجدار من العصبيه:خخخخخو اله والله ..واللـــــــــــــــــــــــــــه العظيم ..يا ويلج مني يا موزه الزفته..
موزه من جهتها :احسن ..عشان يتادب ما يكلم وحده ما ما مالج عليها..
……………………………………..
هزاع يدخل حجرة ميثاء..وميثاء تروعت:بسم الله بلاك؟
هزاع:تعرفين رقم موزه؟
ميثاء :هيه عندي ليش؟
اتصلي عليها اشوف
ميثاء:بتازعني امايه ان درت
هزاع يلس على الشبريه :هاتي اقولج
ميثاء تقوم من مكانها وتعطيه التلفون:هذا هوه
هزاع يتصل:…
موزه شافت الرقم:لا اله الا الله…من اخوها لين حضرتها؟…..الو
هزاع:ليش اتسكرين التلفون فويهي؟
موزه انصدمت وميثاء انصدمت اكثر واكثر..
موزه معصبه:وشو تباني اسوي يعني؟ارد عليك؟صدق ما تستحس على ويهك
هزاع معصب:الحين انا اللي ما يستحي على ويهه؟
موزه:هيه انته
وتسكر التلفون..
موزه:شو هااااا؟
هزاع يسكر عيونه مرص بثمه معصب :والله
ميثاء:انت شو سويت؟
هزاع يوقف ويهدد ميثاء على اساس موزه: والله بخليج تندمين
ميثاء تروعت:انا؟شو سويت؟
هزاع يفر التفلون على الشبريه ويطلع
ميثاء:بسم الله حد يروع عروس؟…
وتر تكمل ميثاء اتشوف اكياسها وترتب اغراضها…
…………………
بو محمد يهلي ويرحب ومحمد وياه ويتوايهون ويا بو هزاع وهزاع..والحريم يدخلن داخل ويسيرون الريايل الميالس..
فوق………موزه لابسه فستان مكلي حلجه حرف vومن ورا مكشوف نص ظهرها جنه مرسوم على جسمها من كشخته وفاتحه شعرها اللي واصل ركبها من طوله وذاك المكياج اللي يجنن صدق مستويه مثل المكله من حلاتها..
شيخه:ماشالله عليج يا موزه غاديه قمر
موزه:مشكوره شيخه عقبالج
شيخه:يا اختي مب مصدقه..امس تقولين ما تبينه..
موزه:سكري على الموضوع
شيخه: فطوم؟ليش ساكته؟
فاطمه هنيه سرحانه تتذكر الموقف اللي مرت به البارح(ونرجع يوم ورا)
فاطمه طالعه من بيتهم ومتغشيه وماسكه صحن صغير مغطاي وتمشي صوب جارتهم ام سالم..
مب منتبهه من السياره اللي واقفه تحت السدره الكبيره اللي برا..منصور ما غيره..منصور لحق فاطمه ولين بيتهم بدون محد يلاحظ..يوم شاف فاطمه راده من بيت يارتهم نزل من سياره ومشى صوبها
منصور:السلام عليكم
فاطمه ما لفت عليه بس وقفت بعيد:وعليكم السلام
منصور:اختي بيت من هذا؟
فاطمه لفت تشوف اي بيت يقصد وعرفته بلعت ريجها وشبكت اصابع يدها مع بعض خايفه بس ردت عليه:بيت من تبا انت؟
منصور يبا يقول بيتهم بس اشر على بيت بو فيصل اللي مب باين زين لفاطمه:ذاك البيت
فاطمه:ما ادري شوف لك ريال وتخبره
ومشت فاطمه بس منصور تدارك الموضوع:لو سمحتي
فاطمه وقفت قبل ما تدش الباب
منصور:وهذا البيت؟
فاطمه:اي بيت؟
منصور:بيتكم من راعيه؟
فاطمه:الحين بطرشه لك
منصور تروع شوي بس:زين مشكوره
تدخل فاطمه داخل وتسكر الباب وراها وتفتح غشوتها لو تشوفون ويها يصب من العرق..صدق (شو يايبنه بيتنا هذا؟حسبي الله ونعم الوكيل)
منصور مب عارف ايتم عند البيت والا بروح؟!!
بين فكره وفكره يطلع بو حمود من البيت:مرحبا
منصور يتوايه وياه:السلام عليكم
بو حمود:وعليكم السلام ورحمة الله.شل الحال؟
منصور:ابخير الحمد لله..شحالك عمي؟
بو حمود:الحمد لله…منوه الريال؟
منصور:انا منصور بن غيث الا*******
بو حمود ما عرفه:والنعم
منصور:النعم بحالك عمي…
بو حمود:بغيت منوه؟
منصور :والله يا عمي ادور بيت سعيد بو فيصل الـ***
بو حمود:بو فيصل؟هيييه بويه اتشوف هذيج السكه؟
منصور يلتفت:هيه عمي
بو حمود:يوم تخطف منها سر يمين وخطف سييده بتلقاه ثاني بيت على يمينك
منصور:اه؟هيه هي زين عمي تعبتك وياياه
بو حمود:قرب بتقهوي
منصور:لا عمي مشكور جزاك الله خير.يالله من رخصتك
بو حمود:موافق خير بويه مع السلامه
……………………………….
نرد لموزه وشيخه وفاطمه يوم الملجه
شيخه تاشر بيدينه لفاطمه:حوووووووووو
فاطمه انتبهت:هاه؟شوه؟
شيخه :وين سرحتي؟
فاطمه :ماشي….مب مكان. بس مستغربه من تصرف موزه
موزه:انا ادري اني غلطانه…ولين الحين اعرف اني بندم
فاطمه:عيل ليش توافقين؟
موزه:هوه اللي بداه…وهوه بينهيه
شيخه وفاطمه ما فاهمات لها..
……….
ام محمد تدخل عليهن الحجره:موزه امايه تعالي الملا يبا يسالج
موزه تقوم ويرن تلفونها مسج(شو الراي الحين؟)
..موزه سوت طاااف ..ونزلت …..
وعلى الساعه عشر ونص..
روحوا المعزيم…..
موزه توها تبا تفصخ فستانها وتي بسرعه امها :لحظه لا تتفصخين
موزه:ليش؟
هزاع: يبا يسلم عليج
موزه حست قلبها تم يدق بقو:لا ما ابا
ام محمد:خلاص ملجتو هذا ريلج الحين
موزه الحين بهالوقت حست صدق باللي سوته وموافقتها وين ودتها..
هزاع كتب لها مسج(انا فالصاله تحت نزلي ابا اشوفج)
ام محمد:نزلي يالله
موزه خذت نفس وحطت الشيله على راسها وام محمد خوزتها:تراه ريلج وابوه وهله روحوا محد غريب بس ابوج هناك ومحمد سار عند ربعه شالهم عشى..يالله
موزه قوت نفسها حطت الشيله على الكرسي:سبقيني امايه بلحقج
ام محمد :يالله
وتنزل ام محمد…هزاع عينه على الدري يبا يشوف هالانسانه اللي بلا احساس..(هذي امها…وين زالت؟
طرش لها مسج(بتنزلين لو ارقا لج فوق؟)
موزه(تروم؟)
هزاع(اتحريني ما اروم اسويها؟)
موزه تكلم نفسها(والخيبه..شكله صدق بيسويها
وتضبط نفسها على المرايه وتتعطر وتنزل..
هزاع توه بيكتب مسج..
ام محمد:تعالي امايه قربي محد غريب
هزاع رفع راسه وانصدم من جمال موزه اللي يالسه تنزل من الدري بشوي شوي وماسكه طرف فستانها بيدها واليد الثانيه ماسكه قصتها اللي مغطيه على وجهها من طولها وجمالها..
يوقف هزاع وعيونه عليها وموزه طبعا تمشي بشوي شوي وتوقف جنب امها وعيونها على الارض لين الحين ما شافت هزاع…
هزاع انتبه لنفسه انه طالعها وايد ورد بعيونه على الطاوله اللي جدامه..
ام محمد:سلمي على ريلج
موزه رغم قوتها واصرارها بس استحت:السلام عليكم
هزاع :وعليكم السلام
ام محمد تمسك يد موزه وتيلسها على القنفه جنب هزاع:استريح ابويه استرح
موزه تمنت الارض تنشق وتبلعها
هزاع يلس مستحي من ام موزه
ام محمد:بسير ايب لكم العصير
موزه رفعت راسها على امها ما تباها تسير ..
ام محمد سارت..وموزه يالسه وعيونها على الطاوله بس قوت نفسها ولفت عليه..
هزاع بنفس الوقت لف عليها.ويت عينه في عيونها.
موزه لفت اليانب الثاني بسرعه
وهزاع طالع الطاوله ورد يشوفها:والحين؟
موزه قوت نفسها وطالعته:وشو الحين؟
هزاع:روحج جنيتي على نفسج
موزه كلماتها بثقه:جنيت على نفسي؟انت ما تسمع عمرك شو تقول؟
هزاع:.عشان انا خايف على اهلج واحتراما لامج عقب العرس بشهربطلقج
موزه متوقعه هالشي..بس ما شالله تفكيرها اعمق منه:وهذا اللي كنت ابا اطلبه منك….عشان اهليه واهلك شهر واحد بس وعقب طلقني
هزاع ما توقع انه يسمع منها هالحجي.:اوك زين..تمام وعقبها بعرس من اللي اباها
موزه صدق حست بالقهر على الاقل يحترمها:بس عندي شرط
هزاع:شو شرطج بعد؟
موزه:طلعاتي وين اسير ووين اروح ما لك دخل فيني..ولا انا لي شغل بك..يعني زواجنا على ورق وبس..
هزاع:يعني تحوطين وتلفين الشوارع وانا ما لي دخل؟
موزه:قبل ما ينربط اسميه وياك انا بنت عرب..وقبل ما اكون عرضك.انا بنت لها شرفها وعرضها اهم من روحها..لا تخاف على عمرك
توقف موزه
يوقف هزاع:دام زواجنا على ورق بس خلاص عيل..العرس الشهر الياي عشان افتك من المصيبه اللي فرها ابويه عليه
موزه:وارتاح انا بعد..
هزاع:مع السلامه
ويطلع هزاع ..
تيلس موزه وتحط يدها على صدرها:من وين يبت هالجرئة كلها؟
ام محمد:وين سار؟
موزه:اه؟روح
ام محمد:ما يلس..شفتيه؟وحليله ريال والنعم فيه
موزه حاست بوز:هيه صدق….
……………………
هزاع ركب السياره بعد ما سلم على بو محمد اللي كان واقف خاري..
فالسياره:…….
هزاع يتذكر كيف موزه كانت تنزل..صدق بهرته بجمالها..بس شل الفكره بسرعه من راسه ومسك سماعة التلفون وحطها باذنه وهو يسوق:ألو
حصه "هلا حبيبي
هزاع:شحالج؟
حصه:متكدره
هزاع:افا؟ليش؟
حصه:تعرف بعد شو؟
هزاع:هههههه
حصه:تضحك؟
هزاع:أه؟لا حبيبتي
حصه:شفتها؟
هزاع:هيه
حصه:وشوه؟
هزاع:مثل ما توقعت
حصه:وانت شو كنت متوقع؟
هزاع:ههههه اتلوع الجبد..بس هانت حبيبتي العرس قريب ان شالله وما بيقدر ابويه يرفض لي طلب عقب العرس
حصه:يا رب متى بس؟
هزاع:قريب ان شالله قريب
….
العصر ببيت بو حمود………………………….
فاطمه منسدحه على القنفه و ماسكه كتاب بس تفكيرها مب عندها…هيه عرفت احمد..عالموقف اللي صار بالمول..ومن يومها ما قادره تنام الليل..صار لها موقفين معه بس ما قالت فنفسها انها بتم تفكر فيه هالكثر.؟وهذا اللي وصل لين بيتهم؟.سكرت الكاتب ويلست .:حمود؟
حمود كان راجد على الارض بعد ما شاف التلفزيون تعب ورجد
حمود فاتح ثمه:هااااااااااااااااااا
فاطمه:حمود قم بياذن العصر
حمود يحك راسه:يالله يالله
بو حمود طلع من غرفته وشكله متوضي يبا للمسيد وهوه ماشي يضرب حمود بريله ما شافه ويتخرطف وتنقز فاطمه:بسم الله عليك ابويه
وينقز حمود ماسك ريله:اخخخخخخخخخخخخخخخخخخخخخ رييييليييي
بو حمود يلف عليه:شو سادحنك فنص الصاله وحاط كل المخاد حولك ما شفتك
حمود عافس الصاله الله يهديه
فاطمه وابوها يشوفون ريله بسرعه
حمود:لا لا ما يعور ما تعورني
بو حمود:الله يهديك شو مسوي بالصاله جذيه؟
حمود اوني برئ:مب انا
فاطمه تضربه على راسه:عن الجذب
حمود يحك راسه:اخخ زين زين برتبها
فاطمه:يالله قم توضاء وسر المسيد
بو حمود يمشي برا الصاله:يالله انقفض
حمود يسير حجرته يعرج شوي..
وفاطمه تشل المخاد من الارض وترتب الصاله..
عقب الصلاه…بو حمود و بو فيصل يتكلمون واحمد شاف حمود ومب عارف حمود شافه فالمول والا لا؟؟والا فاطمه خبرته بشي والا لا؟؟
احمد:حمود
حمود يتذكر موقف السامان والسياره :ها؟
احمد يسلم على بو حمود وابوه ويتوايه ويا حمود
حمود؟!
بو حمود:ماشالله بو فيصل هذا ولدك؟
بو فيصل:هيه هذا ولديه احمد
بو حمود:ماشالله كبرت احمد
احمد متبسم وما عرف كيف يرد عليه
حمود يطالع احمد بنص عين واحمد انتبه له وطارت الابتسامه من ويهه على باله ان فاطمه قالت لخوها شي
بو فيصل: قرب بو حمود قرب
بو حمود:قربوا بيتي اقرب عن بيتكم قربوا بنتقهوي
………….
فالميلس…
حمود يلس عدال احمد ما جنه احمد ريال عود واحمد يالس عداله مب عارف كيف يوايهه اكيد اخته قالت له..
حمود بنص عين:اقول احمد(بصوت واطي
احمد نزل براسه شوي وبنفس الموجه:هاه؟
حمود:شو يايبنك بيتنا؟
احمد راص بضروسه:مب ابوك بيقهوينا؟
حمود:مب معناتها تتبع ابوك وتي بيتنا
احمد:لم ثمك لامرغك
حمود البرء:وفبيتنا بعد؟
احمد :اوه صدق..دواك بعدين..اقول
حمود:ها؟
احمد:جني من كمن يوم شفتك فكارفور..سرت كارفورانته؟وياك ابوك ؟
حمود راص بضروسه وبعدهم يتكلمون على موجه هاديه:هيه سرنا..عندك مانع؟
احمد:لا ما عندي مانع
حمود:زين عيل والخُلاصه؟
احمد:لا تتفلسف بس سؤال واتأكد شو استوى يعني؟
حمود:ماشي
يقطع عليهم بو حمود:حمود سر هات القهوه وراك يلست؟
حمود يفز يقوم:انشالله ابويه
احمد على السايلنت:خخخخخ
حمود انتبه له وطلع ايب القهوه
……..فالمطبخ..فاطمه..يالسه تحط البطيخ فالصينيه وشوية عين جمل مسويتنها بيدها..
حمود يقول لفاطمه:فطوم وين القهوه
فاطمه:هذي زاهبه..بس من عندكم فالميلس؟
حمود:بو راشد ربيعي واحمد ولده
فاطمه ارتجف قلبها..
حمود يشل الصينيه ويوصلها الميلس ويرد يشل صينية عين الجمل والشاي ..ويرد الميلس
…………………………..
احمد ياكل من عين الجمل
حمود رد على موجة السايلنت:شوي شوي لا تغص
احمد بعد:من وين شارينه حلو
حمود:نحن ما نشتريه اختيه تعدله
احمد ياخذ وحده ثانيه وياكلها:وايد حلو
ويصب حمود له استكانت شاي:اندوك لا تغص
احمد بنص عين ياخذ الشاي ويشرب شوي وياكل
بو حمود و بو فيصل يتقهويون فطرف الميلس ويسولفون….
…………..
بعد نص ساعه تدخل فاطمه الميلس وتشوف الصينيه:؟؟؟؟؟؟؟؟؟؟؟
حمود:هههههه عيبه احمد عين الجمل اللي مسويتنه وكل نصه وشل كمن حبه وياه فيده
فاطمه ابتسمت:ههههه(بالعافيه)
بو فيصل يطالع احمد:اسميك ميت يوع
احمد:هههه لا ابويه بس حلو.. ذوق؟
بو فيصل:لا لا ما فيني يرتفع السكر ما بتخليني امك فحالي
احمد:وحليلها الوالده..والله تولهت عليها بسوي لها تلفون
بو فيصل يدخل من الباب سو لهم وشوفهم شو اخرهم ما يوا؟
احمد يتصل:ألو
فيصل:الو
احمد:مرحببببا ملايان
فيصل:هللااااا احمد يالسبال ما تتصل تتخبر عنا؟
احمد:امااااايه اماايه عطني عطني اكلمها شو اباك انته
فيصل:لا ما بعطيك
احمد صدق متوله على امه صار لهم اكثر من شهر مسافرين المانيا هيه وو ولدها فيصل وحرمته عشان يعالجونها فيها ورم ليفي فبطنها وشلوه عنها..
احمد:عن النذاله تولهت عليها الغاليه
فيصل ههههه امايه اندوج احمد يبا يرمسج
ام فيصل :هاته برمسه…(:الو احمد
احمد:يعلللني فداء هالصوت.
ام فيصل تمش دمعتها:…..
فيصل يتدارك الوضع:ها ه هاه امايه بلاج؟
احمد سمع امه وفيصل:فديييييييتج امااايه لا تصيحين اليوم بقص تذكره وبسير صوبج
ام فيصل تمش دمعتها:لا ابويه لا تي من بيقضي الوقت ويا ابوك وراشد انت اللي قايم بهم هناك
احمد:فديتج ياامايه شو صحتج الحين؟
ام فيصل:ابخير وسهاله عقب يومين بيطلعن النتايج..وانشالله انا بنرد الخميس
احمد:اللــــــــــــــــــــــه يعطيج الصحه والعافيه يا رب وتردين لنا بالسلامه ذبحنا ابويه حابسنا امايه مب مخلني اطلع كل يوم عيش شيلاني وروب قرحن ابطونا انا ورشود(يتشكى مسود الويه)
ام فيصل:ههههههههههههههههههههههههههه
احمد:هههههه هيه توج ضحكي مب مساعه بغيتي اتصيحين وياج
راشد يربع لاحمد:عطني عطني ارمس امايه
احمد:امايه اندوج راشد يبا يكلمج
راشد خلاص واصله الدمعه:امايه!!
ام فيصل صدق صاحت تولهت على الجعده…….
راشد يصيح :امااااااه…ردي البيتتتتت
احمد طفر بعيونه بس مبتسم @.@
فيصل يهدي امه ويمسك التلفون:الو
راشد : اهاااااااااااااااااااااااااااااااااه امايه رديييييي
فيصل:هههههه راشد..خههههه راشد لا تصيح صيحت امايه بنرد يوم الخميس ان شالله
راشد:اهااااااااااااا اااااااااااااااااا اااااااااااااااااههه امااييييااااااااه
احمد يمسك التلفون من يد راشد امبونه بيحطه احمد على اذنه بس شاف المخاط والدموع على التلفون وجز التلفون وحطه سبيكر:يا خوووك ما سكت خيس تلفوني
فيصل:ههههههههههههههههه امايه بسج صياح عنبوه تراج بتشوفينه ان شالله الخميس
احمد:فديتها صيحها هاللوح
راشد يصيح طاااااااااااااااااااااااااااااااااااااف
فيصل:برايك احمد سلم على ابويه
احمد:يوصل انشالله بيرمسكم خلاف هوه
فيصل:تمام برايك
احمد:مع السلامه
…راشد:ااااااااااااااااه ااااااااااااااااااااااه اااااااااااااااااااااه
احمد:ههههههههههههههههههههههههههههههههههههههههههههه ههههههههههههههههههههههههههههههههههخخ
بسك بسك بتي امك
راشد يمش دموعه_
……احمد وراشد يالسين على الارض وعيونهم مفتوحه على وسع وفاتحين اثاميهم:
احمد:صدق اللي اشوفه؟
راشد يتقرب وعيونه على الصحن..:لز لز خلني اذوق اتأكد
احمد يشوف راشد ياخذ شويه من العيش المجبوس ولحم وياكل لقمه ويشوف احمد:صدق!!!!!!!
احمد يطالع ابوه..
بو فيصل بنص عين:لا تتشكى مره ثانيه اذا فخاطرك شي قوله..خليت امك تحاتي وهيه تعبانه
احمد كشخ بضروسه: والله لو ادري انها بتقولك ان جاااان خبرتها من وصلوا..من متى ما شفت العيش مجبوس..
وياكل ويا راشد اللي مندمج ومتلذذ على الاخر
بو فيصل:/هههههه شوي شوي لا تغصون..انزين يوم تبا شي خبر البشكاره وبتسويه لك انا تحيدوني ما اكل غير العيش الشيلاني
احمد وراشد طااااااااااااااااااااف ياكلون ومندمجين حتى العظام ما سلمن راشد يمصص العظم واحمد عظم ثاني..(لا حول الله استووا جلاب الله يسامحك بو فيصل هد حيلهم بالعيش الشيلاني)
بو فيصل مبطل عيونه:شوي شوي لا تغصون
……………….لا حياة لمن تنادي…………
……………….
شيخه توايق من غرفتها وشكلها خايفه(يا ربي..)
بو جاسم يمشي صوب حجرة شيخه وشيخه تشوفه وتقفل الحجره ابسرعه..
بو جاسم يدق الباب بقو:فججججججججي..اقولج فجييييييي
شيخه خايفه وسانده الباب بجسمها..
ام جاسم تتقرب بشوي شوي:بو جاسم
بو جاسم يمسكها من شعرها ويفرها بقو واتطيح ام جاسم على يدها بغت تقوم ام جاسم بس ما قدرت من وجع يدها شكلها انكسرت:اااااااااه
شيخه سمعت امها وتفتح الباب بسرعه تربع لامها بس ابوها السكران يمسكها من شعرها ويسحبها
شيخه:ااااااااااااااااااااااااااااااه فجني…امايه امايه
ام جاسم توقف وماسكه يدها متألمه..شيخه تفتح نفسها من ابوها اللي بادي يتحرطم ويضربها ..وتربع لامها خايفه عليها:امايه شو يعورج؟
ام جاسم:ما ادري شكلها يدي انكسرت
شيخه ترد تربع حجرتها وتلبس عباتها وتحط شيلتها على راسها وتربع تيب عباة امها من حجرتها وتلبس امها بشوي شوي وتمشي بها لبرا..وبوجاسم رقد على الارض (والعثره تعثر السكارى)
شيخه تطالع شرق وغرب:امايه يلسي هنيه بشوف حد يوصلنا
ام جاسم :سيري لام سعيد شو فيها هناك خالد؟
شيخه خايفه:زين زين امايه
وتمشي شيخه بشكل سريع لبيت الجده..وتدق الباب..
وتوقف سياره وراها..وينزل محمد من السياره..
شيخه مب منتبهه انها بلا غشوه:انت خالد؟
محمد مستغرب:لا مب خالد..(يتلفت يشوف سيارة عمه بس ما يشوفها:شكله عمي محد هنيه ماشي سيارته.
شيخه:الله يخليك ساعدني
محمد:شو هناك؟
شيخه:امايه طاحت وانكسرت يدها
محمد:يالله يالله وين بيتكم؟
شيخه تمشي:هذاك اللي جدام اتشوفه؟
محمد:هيه يالله يالله
تركب شيخه ورا وعيونها تدمع..
وقف محمد وتنزل شيخه تربع لامها وتسندها:يالله امايه بشوي شوي
ام جاسم:اسمحلنا ابويه عثرناك.
محمد:افا عليج خالتيه ..الناس لبعضها
..ويشلهم المستشفى…………..
قسم الاشعه……….
شيخه يالسه على الكرسي وتمش عيونها
محمد واقف بعيد شوي عنها..
طلعوا ام جاسم ومحطوطه على الكرسي…..
ام جاسم:مشكور ابويه براك روح
محمد:لا خالتيه انا ما عندي شغل الحين وفاضي بيلس هنيه عندكم
ام جاسم:ما نبا نشغلك يا بويه برايك توكل
محمد:لا والــــــله مب ساير عنكم لين تخلصون
شيخه:شو الحين امايه؟تعورج ايدج؟
ام جاسم:ههه لا امايه شوي بس..كسر فيها
شيخه دموعها تنزل..ابوها يوم سكران يضربها بس ما قد صاحت..ما تتحمل امها تتالم..كله ولا امها عندها..
……..ويشلون ام جاسم لداخل غرفة العمليات..ومحمد يلس باخر الكراسي..
وشيخه يالسه باول الكراسي..امبينهم اربع كراسي فاضيه….
الوقت يمر بطئ……
شيخه ماسكه اصابعها من الخوف على امها..
محمد جنه لمح شي وقام من مكانه وسار شوي…
شيخه يالسه تقراء ايات بصوت مب مسموع وتدعا ربها …
محمد تقرب :تفضلي
شيخه ترفع عيونها ..وتي عينها بعين محمد..(توها عرفته..كل ذاك الوقت ما عرفته بس الحين يوم شافته عرفته..محمد اخو موزه)نزلت راسها ابسرعه ..
محمد(ما يعرفها طبعا بس شافها تصيح وسار ياب لها كوفي وكلينكس صغير ):تفضلي ..
شيخه تمسك الكلينكس
محمد:شربي مب زين لج من الصبح واقفه بيدوخ راسج
شيخه صدق كانت تحس بدوره وتمسك منه الكوفي :مشكور
محمد رد يلس مكانه وطلع تلفونه وكتب مسج ورد حط تلفونه فجيبه
شيخه ماسكه الكوفي بيدينها الثنتين وعيونها على الارض:ممكن تعيرني تلفونك؟نسيت التلفون فالبيت
محمد يطلعه ويقوم يعطيها:تفضلي
شيخه تحط الكوب على الكرسي اللي جنبها وتمسك التلفون وتتصل:الو.
خال شيخه علي:الو
شيخه:مرحبا خالي
علي:شيخه؟
شيخه:هيه خالي
علي:بدلتي رقمج؟
شيخه:لا خالي..امايه طاحت وانكسرت يدها
علي:لا حوووول متى؟
شيخه:من ساعه..
علي:وابوج؟
شيخه:فالبيت
علي:ع حاله؟
شيخه:هيه خالي
علي:والله ي بنتي انا الحين فبوظبي..
شيخه:صدق؟
علي:هيه والله والحين شو امج؟
شيخه:ما طلعوها من العمليات
علي:حسبي الله عليك يا صالح
شيخه:والحين شو خالي شو اسوي؟
علي:منوه يابج الدختر؟
شيخه:واحد
علي:بعده عندكم؟
شيخه:هيه
علي:جزاه الله خير..
شيخه:براك خالي
على :اول ما تطلع من العمليه خبريني ..والله ان عندي اجتماع مهم..
شيخه:عاذرتنك خالي مع السلامه
على:مع السلامه اول ما تطلع خبريني انزين؟
شيخه:انشالله مع السلامه
علي:مع السلامه
….تسكر شيخه وترد التلفون لمحمد:مشكور
محمد ياخذ التلفون:العفو
……………….
موزه منسدحه على شبريتها…………
ام محمد:قومي موزه
موزه تيلس:هاه اماه؟
ام محمد:قومي يا امايه عرسج بعد شهر وانتي ما تزهبتي لشي
موزه:مب لازم(تنسدح
ام محمد مستغربه:كيف مب لازم؟
موزه تنش تيلس:يالله زين يالله
وتسير موزه ويا امها للسوق وفالمول موزه تحط حي الله شي وامها تختار لها بعنايه اغراض وملابس والذي منه…
وتفتح تلفونها وتلقى فيه مسج(اقول ابويه حشرني يباني امر عليكم فلا تنزلين بيلس خمس دقايق وبروح ما اريد اشوفج)
موزه ترد تلفونها مطنشه مسج هزاع وبدت تختار شوية كريمات..ورن تلفونها مسج ردت فتحته(البيت فاضي وين انتو؟)
موزه(وانت شو دخلك؟روح محد فالبيت)
هزاع(وانتي وين؟)
هزاع يكلم نفسه:اوووووه الحين ليش طرشت لها مسج وان اشو لي خص فيها؟
موزه تركز فالمسج:هذا استخف شكله!
(ليش تبا تعرف؟)
هزاع(لا ما شي احسن بعد يوم انج محد فالبيت لا يحشرني ابويه)
موزه تحط تلفونها فالشنطه ………..
…………
هزاع ماسك تلفونه ..يقراء المسجات بينه وبين موزه:اسميني غبي..شو ابا اطرش لها؟احسن شي اسوي لها طاف وما اكلمها امره..واذا بويه قالي اسير صوبهم بقوله سرت..اخاف يتخبر بو محمد وينقص ويهي جدامه..بسير العصر العزبه عنده احسن..ما بتكون هيه هناك…هذا اخير شي…
………………………………………..
شيخه تلحف امها النايمه…وهيه مبتسمه:الحمد لله
طلعت من الغرفه ولقت محمد يتكلم ويا الدكتور فراحت صوبهم
محمد:انشالله
الدكتور:يالله معافايه انشالله
شيخه!!1
محمد:مشكور دكتور
شيخه:شو قال؟
محمد:بيخليها يومين
شيخه:اهاا..زين بعد احسن…تعبناك ويانا
محمد:ماشي تعب المهم الوالده تقوم بالسلامه
شيخه:.تقدر تروح ..من الصبح ويانا
محمد:حد بيي عندج هنيه؟
شيخه:اه؟
محمد:بتيلسين بروحج هنيه؟مستشفى حكومي ما بيخلونج تباتين عندها
شيخه:انا ما بسير عن امايه
محمد:انزين مب محتايه شي؟
شيخه:لا مشكور ما قصرت
محمد:ما تبيني اروح بج؟
شيخه:لالالا بيلس هنيه ما بخلي امايه بروحها
محمد يعطيها تلفونه:انزين خلي تلفوني عندج واذا بغيتي شي طلبي رقم 2 هذا بيت الاهل بترد عليج الوالده او اختيه..
شيخه ما تبا تاخذ تلفونه بس هيه نست تلفونها فالبيت وصدقه محمد يمكن تحتاج شي
شيخه تاخذ التلفون:مشكور
محمد:يالله مع السلامه والحمد لله على سلامة الوالده
شيخه:الله يسلمك جزاك الله خير
ويسير محمد وترد شيخه على داخل………
ام محمد تشوف التلفزيون….
محمد يدخل تعبان وحليله من اصبح لين العصر ويا شيخه وامها فالمستشفى…يفر بعمره على القنفه وينسدح :ااااااااااااااااااااااااااااااااااااااااااااااااا اااااااااااخ
ام محمد مستغريه:شو فيك؟وينك ما يت من اصبحت اليوم؟
محمد:سكتي يا امايه سكتي .
ام محمد:شو مستوي؟
محمد:ساير امبوني عند يدوه ..
ام محمد متنبهه:زين
محمد:وتي وحده تربع
ام محمد:بسم الله ليش؟
محمد:امها طاحت وانكسرت يدها وما عندها حد يوصلهم المستشفى
ام محمد:زين ..
محمد:ما شي..ما رمت اخليهم بروحهم ما عندهم حد وتوها طلعوها من العمليات.
ام محمد:سو لها عمليه؟
محمد:هيه ركبوا لها حديده حرمه عوده
ام محمد:يحليلها..جزاك الله خير..
…………
موزه حاطه تلفونها باذنها:هذي ليش ما ترد عليه؟
يا ربي مب من عوايد شيخه…هاي ثالث مره اتصل وما ترد…غريبه..
شيخه اتشوف امها نايمه…وتطلع برا الغرفه وتتصل بموزه,…
موزه يالسه فالصاله…محمد راجد على الكرسي..وامها فحجرتها تقراء قران….
موزه يرن تلفونها..وتشوف الاسم(محمد)وتشوف محمد راجد على القنفه..وتشوف الرقم مره.."محمد؟؟
وتمسك مخده وتفره بقو:تنكت حضرتك؟
محمد يقوم متروع:هاه هاه شوووه؟
موزه تهازب :ليش تتصل ؟
محمد مب فاهم:شو اتصل؟
موزه ترفع تلفونها فويهه:شوف
محمد فتح عيونه:هذي…هذي هذيج…ردي ردي اكيد تبا شي
موزه مب فاهمه:من هذيج؟منوووه؟
محمد يلس زين عدالها:ردي ردي بسرعه والا اقولج هاتي انا برد
موزه ما خلته يرد :الو
شيخه:الو موزه
موزه بلقت بعيونها:شوااااااااخ؟؟؟؟؟!!!!!!
شيخه:هيه شيخه بلاج؟
موزه:شوي يسوي تلفون اخويه عندج..محمد شو يسوي تلفونك عند شيخه؟؟؟
محمد انصدم :تعرفينها؟؟
موزه تكلم محمد:هيه اعرفها.
محمد وموزه نسوا شيخه…
موزه:كيف تعرفها؟
محمد:ترا اليوم شليتهم الدختر ويا امها
موزه:شفيها امها؟
محمد:طاحت وانكسرت يدها
موزه:هييييي لا حووووول…وانت كيف اصلا سرت عندهم؟
محمد:تراني كنت ساير عند يدوه
موزه:انزين؟
محمد:وماشي يتني ربيعتج هاي تقول وصلنا الدختر امايه انكسرت يدها عاد انا شليتها
شيخه (استغفر الله العظيم)
موزه:اهاااااااا..انزين ليش تلفونك عندها؟
محمد:ماشاله تلفون هيه وعطيتها تلفوني
موزه:هييييييييييييه توني فهمت…
محمد:زين يوم فهمتي
موزه:هلا شيخه
شيخه:تو الناس لا كملي سوالف وياه وسوي لي طاف
موزه:هههههههههههههههههه سوري سوري شواخي
محمد:شي تبا؟شي يعورها امها؟
موزه:اصبر خلني اتكلم
شيخه:موزه
موزه:هاه؟
شيخه:بصراحه مفتشله منه من الصبح ويانا
موزه تدحدح محمد:لا ما يطيع بو جاسم امبونه ازقرتي
محمد مبتسم..
شيخه:تلفوني نسيته
موزه:وشو امج الحين؟
شيخه:ابخير الحمد لله
موزه:الحمد لله
محمد:تخبريها شي تبا؟
موزه:شي قاصرنج شيخه؟
شيخه:لا موزه مشكوره ما قصر اخوج
موزه: لا ما تبا شي يالله لز عني
محمد يلز عنها…
موزه:شواخي حبيبتي اذا بغيتي شي اتصلي سيده زين؟
شيخه:انشاالله..اقول
موزه:هلا
شيخه:اخوج عدالج؟
موزه:هيه
شيخه:عيل قومي لزي عنه ابا ارمسج
موزه تقوم وتسير بسرعه على داخل المطبخ
محمد:وين تبا هذي؟….؟!؟!!؟!؟!؟!؟!!؟!!!!!!
موزه:هاه شيخه
شيخه:والله يا اختي مفتشله من اخوج
موزه:ليش؟
شيخه:يالسه اباغم وحالتيه حاله وما عرفته..بس يوم ياب لي الكلينكس عرفته..يا الفشله
موزه مستغربه هالحنان المفاااجأ:محمد؟
شيخه:هيه
موزه:ما اصدق
شيخه:انا الحين وين وانتي وين؟
موزه:انزين عادي
شيخه ترا مب هذي المصيبه المصيبه اني يالسه بلا غشوه نسيت عمري من الموقف
موزه:ههههه عادي عادي حمود مثل اخوج
شيخه:اتخلخلن اعظامج انشاللله
موزه:هههههههههههههههههههههههه
محمد:شو هناك؟
موزه تحط يدها على صدرها"بسم الله
شيخه:بو طبيع ما ايوز عن طبعه
موزه:هههههههههههههههههههههه يالله برايج شواخي
شيخه:مع السلامه
محمد:شو قالت؟شي قاصرنها؟
موزه تتضحك:لا ماشي…هههه ههه شلني باجر الصبح عندها فالدختر
محمد:زين…
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
……………………….
سالم وحمود وراشد يلسين تحت السدره …
سالم:عرفت له واجب الرياضيات
حمود يرسم بصبعه على الارض:لا
راشد:حتى انا ما عرفت له
سالم:اوووففففف ملل
راشد ينسدح على الارض:ياااااا ربي ملل
حمود:تلعبون سوني؟
راشد يقوم:يالله انسير
سالم:زين يالله
حمود:انسير بيتنا
راشد وسالم يقومون يسيرون صوب بيتهم…ويشوف منصور واقف بسيارته عند الباب..
سالم:من ذا؟
حمود:ما ادري تعالوا بنشوف
..يتقربون من منصور ..
حمود:منوا الريال؟
منصور انتبه لهم:اه؟؟….شحالكم؟
راشد:مب منصور انته؟
منصور:راشد؟شو تسوي هنيه؟
راشد:هذا بيت ربيعي..انت شو تسوي هنيه؟تعرفهم؟
حمود يكلم راشد:بس انا ما اعرفه
منصور:لا لا هههه ابا بيتكم بس غيبت الدرب
ويحرك منصور ويسير…
راشد:بس بيتنا يدله ليش واقف هنيه؟
حمود:ما ادري به؟
سالم:يالله يالله خلونا نسير نلعب..
………………………
فاطمه تدخل متحجبه عندهم وشاله صينية بسكوت واكلات وعصير..وهم مندمجين افللعبه…
فاطمه:شوي شوي لزو عن التلفزيون لاصقين فيه
راشد يلف على فاطمه مبتسم:انشالله
الحبيب متاثر..
ويلز شوي على ورا..
حمود يطالعه بنص عين…< ـ×
فاطمه مبتسمه(حركات يهال)
فاطمه:سالم راشد خلو حمود عنكم وكلو زين
راشد يفر رموت اللعبه على سالم ويقوم يالكل مسوي لهم طااااااااف
حمود:حووووووووو ضيغت اللعبه
راشد:ما بيستوي عليها شي
سالم يقوم ويا راشد ما شالله فاطمه ما مخليه شي ما حطتنه لهم..
راشد وسالم ياكلون مسوين طااف لحمود
يقوم حمود ويلس امبينهم ويطالعهم ورد يشوف فاطمه المبتسمه:مشكوره(الحبيب يغار على اخته بس هالثيران ما فيهم دم..
فاطمه فهمت عليه وابتسمت زياااده :يالله برايكم كملوا لعب
راشد متشقق يطالع فاطمه:شكرا فاطمه حلو البسكوت
حمود غص(××××××
سالم:هيه والله حلو شكرا
فاطمه :ههههه بالعافيه يالله برايكم بسير عنكم مع السلامه ولا تقطعونا تعالو كل يوم
راشد:@.@:انشالله
سالم:@.@:انشالله
وتطلع فاطمه عنهم…,
حمود يشرب عصير ويتحرطم:قووومو يالله نكمل اللعبه
راشد وسالم >.<
……………………….
هزاع وحصه يالسين فالكوفي…
حصه:انشالله ما يعقد الامور
هزاع:لا ما عليج..خلاص دامني وافقت على العرس ما بيعترض ان شالله
حصه:انشالله
هزاع يشوف ساعته:يالله بيبداء الفلم
حصه تقوم:يالله
ويقومون هيه وهزاع متوجهين على السينما
…موزه فاتحه ثمها..
(هذي اللي يبا ياخذها؟)
ام محمد:شو فيج تصنمتي هنيه؟
موزه:هاه؟لا ما شي
هزاع ما شاف موزه حتى لو شافها ما بيعرفها موزه متنقبه ..
ام محمد:يالله امايه تعالي خلينا نخلص ستميت شغله ورانا
موزه متملله:امايه تراني تعبت ما فيه
ام محمد:شقايل بعد هذا عرس لازم نخلص قبل ما ينقضي الشهر
موزه:انزين شو عايلنكم مره وحده ملجه وعرس فشهر؟؟عنبوه خلوني اراوح
ام محمد:هذا طلبهم وابوج ما اعترض وخير البر عاجله..يالله يالله خلينا ندخل هالمحل وننقفض
موزه:اووفففف يالله يالله زين
ويدخلن للمحل……………
……………..المستشفى صباحا……………………..
شيخه فاتحه ثمها:قولي والله
موزه تصب لشيخه كوب شاي:والله ما اجذب عليج..شفته ويا وحده فالمول
شيخه تمسك كوب الشاي:والحين؟شو بتسوين؟
موزه:ماشي طبعا..
شيخه تحط كوب الشاي:اخخخ يالقهر..عنبوه ما عندج قلب؟
موزه:خليه على راحته..لا انا اباه ولا هوه يباني فليش اتنرفز؟
شيخه:عيل ليش هالعرس من الاساس دام جذيه السالفه.لا اباه ولا يباني!
موزه:فتره وبتعدي..
شيخه ترد تمسك كوبها:كيف يعني؟
موزه:ماشي خلي موضوع العرس يانب..شو حال امج؟
شيخه:الحمد لله..شالينها يسون لها اشعه وبيردونها..
موزه:اها..محمد قال بيشوف الدكتور وبيرد
شيخه ×ـ×
موزه:ههههههههههه
شيخه:ضحكتي من سرج بلا
موزه:ههههههه والله شيخه اسميج سالفه
شيخه:ههه شو اسوي امايه هذي وطار عقلي يوم شفتا بذيج الحاله
موزه:خخخ ما تنلامين والله
محمد يدق باب الغرفه…
شيخه تتقرب:من؟
محمد:انا محمد
شيخه ترد تربع عند موزه وتدفرها:سيري شوفي اخوج
موزه:هههه زين زين
تمسكها شيخه من كندورتها:اندوج اندوج
موزه ترد على ورا:ها؟شوه؟
شيخه:اندوج تلفونه..ما سكت من امس قولي له مشكور
موزه تاخذ التلفون تتضحك
موزه تفتح الباب:هلا محمد
محمد×.×:مويز؟
موزه تعطيه تلفونه :اندوك تقولك مشكور
محمد^ـ^:العفو
موزه:بسويلك يوم بروح برايك سر
محمدOـ0:شو امها؟
موزه:ابخير بيرخصونها العصر
محمد:حد عندهم يشلهم؟
موزه ترد براسها على لغرفه
شيخه تسمعهم وتاشر براسها(نعم)
موزه ترد لمحمد:هيه
محمد:زين عيل بمر عليج عقب ساعه
موزه:ونص^ـ^
محمد:خخ اوكيه ساعه ونص
شيخه^ـ^
موزه:^ـ^تمام باي
محمد:شي فخاطركن؟
موزه:لا مشكور يايبه كل شي ويايه من البيت يالله فارج
محمد*ـ*:زين لا حوول مع السلامه
موزه تسكر الباب:مع السلامه
شيخه ترد تيلس مكانها وموزه تيلس بسرعه عدالها يكملن حجي وسوالف ××××××
……………………..
راشد يطالع التلفزيون الظهر فالبيت ومنسدح…
احمد طالع من حجرته ويشوفه..يشل مخده من القنفه بهدوء ويفره بالقو
راشد تروع:واااااااااااااااااااااااااااااااااااااااااااا اااااااااااه
احمد: هههههههههههههههههههههههههههه
راشد:يعلللللللللللللللللللللللللللللللللللللك انشالله بغيت اموت
احمد يالس يضحك على القنفه:ههههههههههههههههههه
راشد يلس زين ويمسك المخده ويفر بها احمد بس احمد متنبه ويتفاااادى الكره ويرد احمد ويشووووت على راشد وراشد يتلقى هجمات من يسار الملعب واحمد المهاجم يسجل قووووووووول وراشد بعد القوول يمسك المخده ووهجمه مرتده لصالح راشد ويسجل قوووول فالويه سيده …يااسلااااااااام قول قول قولللل..
وبدخلت بو فيصل اللي شاف الصاله معفوسه واحمد وراشد يتفارون بالمخاد..
بو فيصل بصوت يخرع:شوووو هذااااا؟
احمد وراشد امبونهم يتضاحكون وإذ(حركه حركه ستوووب)
احمد يعدل وضع المخاد اللي حوله وكاشخ :لا لا ابويه سوالف الا
بو فيصل فهم ان احمد يبا يلاعب راشد من سارت امه وراشد ذبلان حليله,,
بو فيصل يسير داخل حجرته
احمد وراشد امبونهم يرتبون المخاد بس ما انتبه احمد توه بيفر المخده على راشد وإذ بالمخده عل الويه×ـ×
راشد:قووووووووووووووووووووولللللللل
……………………………………..
العصر…فبيت بو محمد…..فالحديقه الخاريه….
موزه يالسه تحت المظله…
بو محمد طالع من البيت ويشوف موزه سرحانه ..متلوم فيها..تقرب منها:موزه
موزه تنتبه وتقوم:هلا ابويه
بو محمد مبتسم:ما تبين تكملين تعليم؟
موزه:تعليم شوه؟
بو محمد:وابويه..التراي؟من متى ما سرتي العزبه وياياه تتعلمين على السواقه؟
موزه ابتسمت:هيه والله..ابا اسير وياك
بو محمد:يالله نسير بس شوفي عاد..مب راكب وياج بروحج بتسوقين
موزه فرحت من الخاطر وتربع لداخل:بيييب عبااااتي
…….موزه تشغل السياره….
بو محمد ربط حزام الامان(مب بالعاده)…
موزه بنص عين:لا تتروع كمن مره تراك معلمني
بو محمد:بالممارسه امايه الواحد يتعلم وانتي من شهر ما سقتي..يالله توكلنا على الله.
موزه :ههههههههه …بسم الله
موزه تبدا تسوق بس احسن سواقتها عن قبل بو محمد :ماشالله ..والله قلت ما بتسوقين جذيه..
موزه مبتسمه وتسوق صوب العزب
موزه:ما تحسنت الحين سواقتيه؟
بو محمد:هيه والله وايد..ما شالله عليج
موزه كاشخه….
……………………
هزاع ينزل من الكروزر ويسلم على عمه:السلام عليك عمي..
بو محمد انصدم:هزاع؟ ش ودراك إنا هنيه؟
هزاع ابتسم وتوايه ويا عمه:ياي من عزبتيه وقلت اكيد انك هنيه ..قلت بمر اسلم عليك
بو محمد:هاهاهاهاه يا مرحبا والله عاد شوف انته..انا قلت ياي تشوف موزه
هزاع(ويييييه عاد ما لقيت غير مويزوه اشوفها):اه؟موزه؟
بو محمد:هيه اكيييه وين
هزاع يلتفت يشوفها:وين؟
بو محمد:فالسياره
هزاع:هااااه
بو محمد:عاد انته ريلها.انا معلم موزه على السواقه..بس ما قصت الليسن..وهيه اللي يايبتني هنيه..
هزاااع منصدم…
موزه فالسياره وتتحرك شوي وتسوق بشوي شوي
هزاااع يطاااالع(غربالات العدو)
بو محمد ياشر لموزه :هااااااااااه حوووووووه
موزه ما شافت هزاع وترد بالسياره وتوقف عدال سيارة هزاع
موزه(يالفشله من ياي هنيه والخيبه جمب ريال عنده يالفشله)
يطلع بو محمد وهزاااع
موزه من السياره المغمجه بلقت عيونها..
بو محمد يفتح الباب الجدامي عدال موزه:هزاع هنيه
موزه تشوف هزاع وهزاع واقف عدال ابوها يشوفها ومستغرب..
موزه طااااف:ابويه انا بسوق شوي وبرد
بو محمد يبا يقرب امبينهم شايف ان موزه مب عاطيه هزاع ويه ما يدري ان هزاع بروحه فوادي..
بو محمد يمسك ذراع هزاع ويسحبه يباه يركب
هزاع منصدم ما يبا وموزه بعد بلقت بعيونها ما عرفت شو تقول
هزاع ركب ما عرف شو يقول وموزه طالعت سيده ومنصدمه
بو محمد :لا تبطون سيروا مناك البقعه زينه..هزاع ان شفتها ما عرفت تسوق زين علمها
موزه لا اراديا :بس انا اعرف اسوق ما اباه يعلمني
هزاع حاس بوز :ما يحتاي عمي
بو محمد يسكر الباب ويمد يده مع السلامه ويدخل داخل…
فالسياره…..الاجواء عواصف رعديه مع امطار كثيفه..
هزاع:يالله عاد سوقي
موزه تتحجب زين..هيه مب متغشيه لان السياره مغمجه وحاط ابوها لها عاكس على الجامه الجداميه..
موزه تحرك السياره ومرتبكه بنفس الوقت…
بو محمد من داخل العزبه رد طلع برا:الله يوفجكم يارب
…
هزاع يطالع حركات موزه ..مره تبدل قير وكيف تحرك السكان وتسوق..موزه لاحظت وضربت بريك بقو
هزااع حط يده بسرعه على الجامه الجداميه لا يصقع فيها ويلف بسرعه عليها معصب :شوو هالسواقه؟
موزه رفعت راسها تشوفه معصبه :وانت ليش يالس اتطالع ما عرفت اسوق كله منك
هزاع :انا؟انا اطالع؟متى عاد؟
موزه:هيه انته كله منك
هزاع يلس زين وربط حزام الامان:يالله يالله حركي.وبشوي شوي لا تجلبينا
موزه تدخل قصتها وتتحجب زين..
هزاع يطالع :الحين هذا سبب الحوادث..لو رابطه شي على شيلتج مب اخير(شو مثلا عقال؟ !)
موزه:اوفففف
هزاع:شو اوفه بعد ما عايبنج؟
موزه تسوق مسويه له طاف…
هزاع ماسك حزام الامان بيديه الثنتين :بسم الله بسم الله الله يسلم..
موزه معصبه منه….
هزاع يطالع الدرب. .:عرقوب عرقوب لفي منه
موزه (تتحراني ما اعرف اسوق..صبر وشوف..)
وتخطف موزه وعلى العرقوب وترقى عليه بالسياره وترد تنزل وتلف والامور طيبه ..
الامور طيبه بالنسبه لها بس هزاع قلبه طاح فبطنه:
هزااااع: حسبببببببببببببي الله وقفي وقفي..وقففففففي تبين تجلبينا انتيي وقفففففففففففففففففففففففففي
موزه توقف بهدوء..
هزاع حاط يده على صدره ومطفر عيونه ويتنفس بقو
هزاع:الله يغربل العدوووو. .شو هالسواقه؟..
موزه تمسك تلفونها..
هزاع يطالع كيف مسويه له طاااف وماسكه تلفونها…
موزه تفتح تلفونها وتفتح العاكس من جدامها
هزاع يطالع…الغرووووووووووووووووووووووب
هزاع تغير ويهه يوم شاف الشمس اللي بدت تغرب
موزه مبتسمه وتصور بتلفونها الغروب..
هزاع:موزه
موزه وعينها على تلفونها وتصور:همم؟
هزاع تذكر صورة الغروب اللي شافها فتلفونها ..
هزاع ما يبا يبن لها ان هوه يحب غروب الشمس وان عشقه هالاجواء..:يالله خلينا نرد
موزه اصلا كانت مخلصه تصوير:هات العاكس
يمسك هزاع العاكس من صوبه ويمده يبا يثبته وتقرب ويت عينه فعين موزه الله كانت تربط حزام الامان.
موزه انحرجت وهزاع لاح عينه بسرعه ثبت العاكس ورد مكانه ولف براسه الجهه الثانيه عن موزه..
موزه مسحت تعابير الكسوف من ويها وجمدت نفسها :لا اتم تصارخ يوم ننزل
هزاع بلق بعيونه ومسك حزام الامان بيدينه الثنتين وطالعها :اااااااااااااه؟
موزه تبتسم وتعطيه ريييييييييييييس ويالله يا عمي الحج ….
بو محمد طلع من العزبه بعد ما عشى البوش:وينهم؟
وتوها موزه توقف السياره وينزل هزاع بسرعه وحاط يده على صدره ونفسه متقطع :عمي..عمي دخيلك لا تخليها تسوق
موزه تنزل من السياره واونها عاد:ابويه نروح؟
بو محمد:ههههههههههههههه جيه هزاع احيدها تعرف اتسوق
موزه بتكبر :ولا زلت طال عمرك
هزاع يطالعها :ومن قال انج تعرفين اتسوقين؟
موزه ترد عليه ما منتبه لبوها:غصبن عنك اعرف
هزااع طااف لبو محمد:ما تعرفين بغيتي تجلبينا
موزه:لا حشى عليه الا روحك غيار من سواقتيه
هزاع:انـــــــــ ـــــــــا؟ انا اغار من سواقتج؟؟؟ازيد ما ركبت وياج مب راكب
موزه:الحمد لله رب العالمين ..الحمد لله والشكر
هزاع شرار من عيونه
بو محمد مستغرب واااايد منهم:شو فيكم؟
موزه وهزاع طماط..
هزاع:هها هاهها اهاهها ماشي عمي يالله من رخصتكم
موزه ترد تركب السياره(شوهالموقف البايخ جدام ابويه)
بو محمد يركب ويا موزه :يالله هزاع برايك
هزاع يركب سيارته:سلم عليكم
بو محمد من الدريشه:يا مرحبا سلم ع الوالد
هزاع:يوصل
وتحرك موزه السياره..
هزاع يشغل السياره ويطالع ويهز راسه:ما اقول عنج شي..
………………..
راشد يربع لباب البيت..
راشد:امااااااااااااااااااااياااااااااااااااااااااا اااه
ام فيصل تدخل ووراها فيصل وحرمته ..وعقبهم يدخل احمد شال شنطتين كبار
ام فيصل تلم راشد وتصيح وراشد يباغم زاخ فامه ..
فيصل وعائشه مبتسمين
فيصل/ههههههه عنبوه سلم علينا بعك
راشد زاخ فامه وطااااااااااااااااااااف
يحط احمد الشنط ويرد خاري ويب شنطتين ثانيات ويعاصر وياهن.:أوف.عنبوه كله خميتوه وياكم من المانيا سايرين بشنطتين ورديتوا باربع..متى تاومن؟
فيصل:ههههههه
عائشه:ههههه هذي الصوغه..
احمد:انا ادري فيصل ما بيب لي غير بوك..وامايه بتاخذ لراشد..عاد انا محد بتشرا لي شي غيرج ..خذتي لي اللي وصيتج به؟
فيصل :ثرك شو موصنها؟
عائشه:هههههههه هيه فالحفظ والصون
عاشه وفيصل معرسين من خمس سنين بس الله ما رزقهم ..هم مؤمنين ولله الحمد صح انهم ساروا دكاتره وايد وسافروا مرتين بس ما كتب لهم الله..فقرروا انهم يعيشون يومهم بيومه ولا يفكرون وايد..هيه بغته يعرس بس فيصل ما طاع قال اذا الله ما كتب لنا عيال خلاص انا راضي باللي قسمه لي ربي..(يا حافظ عليه ما تلقون حد مثله الحين كلهم الريايل يبون سبب للعرس الثاني)
عشان جذيه صايره علاقتهم وايد زينه وحتى احمد وايد تعود على وجودها فحياته ويعدها اخته وحتى عاشه تحسبه مثل اخوها بالضبط..
احمد كاشخ :والله قلت فخاطريه محد بيبها غيرج
عاشه:ههههههه
ام فيصل عقب ما خلصت صياح:دخلوا دخلو ريولي يعورني…
ويدخلون كلهم داخل البيت….
………………………………
بو جاسم هالمره صاحي:ام جاسم
ام جاسم يالسه على القنفه فالصاله ولا كلمته
بو جاسم يلس عدالها ومتلوم:سمحيلي ام جاسم
ام جاسم تلف عليه: هذي مب المره الاولى..عنبوه استح على ويهك..عيالك تمو ما يقربون صوبك متروعين منك..خاف الله فينا يا ريال
بو جاسم صدق متلوم:خلاص ام جاسم..مب شارب امره
ام جاسم:والمره الاخيره قلت نفس الشي..كل يوم نفس الكلام..
بو جاسم:خلاااص امره وعد..ان شفتيني دخلت البيت سكران فريني خاري وقفلي الباب..امره ما بششرب بودره..
ام جاسم تمسك على يدها المكسوره:هالمره يت فيني..بس والله العظيم..ان دخلت البيت سكران والله يفرك خاري البيت ولا تدش بيتي ابد
بو جاسم:خلاص تم ام جاسم ووعد مني ما اشرب امره
ام جاسم:بنصبر وبنشوف..
شيخه من ورا الباب مبتسمه…
………………………..
……………………………………..
ام محمد:يالله موزه
محمد يشوف امه متكشخه ولابسه عباتها
محمد:امايه شو هالزين كله؟وين تبين؟
ام محمد مستغربه:جيه انته ما سرت العرس؟
محمد:عرس من؟
ام محمد:اليوم جيه عرسهم انسابنا
محمد:هييييييييييييييييييه..اليوم ثره؟
ام محمد:وابويه عليك يالماصخ…هيه اليوم .سر تسبح وسر صوبهم
محمد يرقا لفوق:يالله يالله
ام محمد:بياذن العشى الحين وهذي ما نزلت
محمد يرقا الدري وموزه تنزل
محمد يطالع :شوووو هذاااا؟
موزه تشوف عمرها(|متكشخه وبتسير عرس ميثاء…)
موزه:شوو؟
محمد:جذيه لابسه؟
موزه تنزل:والله يا حبيبي انا سايره عرس
محمد يطالع من فوق الدري:اماااايه..ليش بنتج متلبسه جذيه؟
(موزه لابسه فستان مثل لون جسمها البني الفاتح اللي يميل للبطيخي.ولامه شعرها كله فوق وتسريييحه تخبل ومكياج قوي فالعيون بس ..وروج هادي,…وعباه شفافه وشيله شفافه..)
ام محمد:شو فيها تراها سايره عرس
موزه تفرد العباه الثانيه اللي كانت ماسكتنها وتحطها فوق راسها..:شوووووووووووووووف شاله عباه ثانيه شو هالتخلف؟ ..
محمد:لو شافج ريلج شو بيقول لابسه جذيه؟
موزه:والله انا سايره عرس كله حريم ومحد بيدش ريال غير المعرس ما تشوف شاله عباة غليظه ..اسكت اسكت تاخرنا سر انته اتسبح وسر العرس
محمد:والله وطلع لج لسان بعد
ام محمد:استغفر الله العظيم….يالله موزه يالله وانته سر اتسبح ويالله انقفض لا تبطي عليهم العرب
محمد يرقى معصب:انزين
…………………………….
فصالة الافراح………….
موزه وامها وشيخه وام شيخه يالسات فطاوله وحده..
شيخه لابسه فستان احمر وعليه شي من التور الاسود وعيونها سوووود وروج احمر غامق صايره قمر قمر قمر
..
موزه وشيخه ويصييح تلفون موزه
شيخه:من؟
موزه:هذي ميثاء…(الو.
ميثاء:موزه انتي وين؟
موزه:انا داخل
ميثاء:لحقي عليه
موزه:شو هناك؟
ميثاء:هذي الزفته خربت لي مكياجي..وسارت تعالي بسرعه
موزه يالله بييج
تقوم موزه:شواخي برد
شيخه مشغوله بالتبوله :اوكيه
…………
موزه تمشي وعيون الحريم عليها ما شالله قمر…
موزه وصلت لغرفة العروس وتدخل تلقى ميثاء واقفه بفستانها وماسكه الكلينكس وتصيح
موزه صدق انها ما اتدانيها بس كسرت خاطرها وتمسك عنها الكلينكس وتحاول تهديها:بس لا تصيحين بيتنفخ ويهج اليوم عرسج..صبري شوي انتي وبضبط لج مكياجج
ميثاء:سباله هاااااي قلت لها ما ابا اسود شوفي شو سوت لي وعقبها فتنت وروحت
موزه تمسك المكياج و تبدا تحط لميثاء وتعدل مكياجها الخربان..:ما عليه ما عليه صبري انتي بس وانشالله يعيبج..
عقب نص ساعه ..
موزه:زين جذيه؟
ميثاء تلف على المرايه وتشوف وحده ثانيه حطت لها مكياج هادي وجميل يلووق على الاميرات..
ميثاء مبتسمه:هيه والله وااااايد حلو ما اعرف شو بسوي بلاج يا موزه..
……..
تدخل ام هزاع…
ام هزاع:خلصتن؟
موزه:هيه عموه
ام هزاع:ماشالله ميثاء محلووه
ميثاء استحت..
ام هزاع تفتح الباب شوي:يالله ادخل
موزه تلف على الباب بسرعه
..يدخل هزاع..
لوووووووووووووووووووووووووووووول
موزه عطته ظهرها..وهزاع ما عرفها..ولف على ميثاء:يالله يالعروس
ميثاء:عنبوه سلم على حرمتك بعدك
هزاع مستغرب:ها؟
ميثاء تلف بموزه:موزه حرمتك
موزه خدودها ريييج استون ورديات…
هزاع شافها كيف غاديه حلوه بس لووح شو نسوي حصه ماكله مخه.. :السلام عليج(بلا ويهه
موزه تحط شيلتها الشيفون على راسها :وعليكم السلام
وتمشي وهيه لافه براسها على ميثاء :يالله ميثاء مبروك
ميثاء :الله يبارك فيج وعقبالكم انتي وهزاع
هزاع يعدل العقال وفيده العصى يحاول ما يشوف موزه بس ما انتبه للعصى وموزه تبا تمر من جنبه عشان تطلع لان هزاع واقف على الباب..يت طرف حد العصى من تحد على ذراع موزه وعورتها
موزه:اخخخخخخ
هزاع لف بعد ما حس انه ضرب شي بالعصى والصدمه العوده موزه ماسكه ذراعها عداله…
ميثاء تمسك ذراع موزه بسرعه:اشوف اشوف
ام هزاع تمسك موزه:اشوف امايه تعورتي
هزاااااااااااااااااااااااااااااااااااااااااااااااا اااااااااااااااااااااعععع
هزااع لو تعصرون ويهه ما بتطلع منه قطرة دم وحده.
هزاع مب قادر يتكلم..
موزه:لا لا شوي بس ما يعور
موزه مستحيه من ام هزاع اللي ماسكتها وميثاء العروس اللي ودرت عمرها وربعت لها..
ام هزااع بعد ما شلت يد موزه من مكان الضربه شافت خط احمر وفيه دم..
ام هززاع:دم؟؟؟
هزاع(لاااااااااااااااااااااااااااااااا انا شو سووووويت)
موزه:ما يعور ما يعور
ميثاء :هزاع هات ذاك الكلينكس
هزاع مب مستعوب اللي يستوي وياب الكلينكس ويحاول يشوف الجرح بس ميثاء وامها مغطيات عليه
موزه رفعت راسها وشاده على شفتها التحتيه.
هزاع عوره قلبه..
هزاع:اسف اسف مب قصدي
ام هزاع:انته شو حاط فيها عصاك؟
هزاع يطالع العصى ويذكر ان فيها حديده من تحت..:اووه!
موزه:ميثاء لزي لا يخيس فستانج
ميثاء ترد خطوه ورا وتكلم هزاع:شو موقفنك بعيد ؟
ام هزاع:بويه هزاع حط ماي فالكلينكسه
ههزاع ياخذ كلينكس ويصب فيه ماي ويتقرب من امه:اندوج
ام هزاع:امسك شوي
هزاع طالع موزه…موزه طالعت هزاع وحطت يدها على مكان الجرح:ما يحتاي عمتيه
ام هزاع تاخذ الكلينكس المبلول من يد هزاع وتمش بشوي شوي على جرح موزه
هزاع ياخذ كلينكس جاف ويعطيه امه وتاخذه ام هزاع وتحطه على يد موزه..موزه منحرجه من ام هزاع ومستحيه منها كيف تعاملها:مشكوره عمتيه
ام هزاع:ما تبينا انشلج المستشفى؟
موزه:ههههه لا ما يحتاي جرح براني..من رخصتج عمتيه انا بسير خاري عند امايه
ام هزاع: والله مفتشله منج يا امايه
موزه:افا عليج عمتيه..
هزاع:السموحه موزه مب قاصد
موزه عشان انها جدام امه مبتسمه:لا ما عليه..ادري مب قصدك
ميثاء: ما تبين تصورين ويايه صوره؟
موزه:لااا لااا مشكوره يالله مبروك
ميثاء:الله يبارك فيج
وتطلع موزه من الغرفه
ام هزاع تشوف هزاع:الله ستر ما يت فعينها
هزاع متلوم:انزين ما شفتها
ميثاء تلوم به زياده:يحليلج يا موزه هذي اولها؟
هزاع ما يبا يبين انه متلوم زياده:يالله يالله خليني ادخلج داخل بسير عند الريايل..
……………
ام محمد:بلاها ايدج؟
موزه: ماشي تعورت داخل..شوفن شوفن يت العروس..
…وعلى الزفه تدخل ميثاء وهزاع ماسك يدها يمشيها..
هزاع التفت على الحريم ورد التفت على ميثاء..
ميثاء بصوت واطي:الطاوله الثالثه على اليسار.
هزاع ما فهم بس لف براسه وشاف موزه يالسه مجبله يانب..
رد يشوف ميثاء:شو هالحجي؟
ميثاء مبتسمه وتطالع الكاميرا يصورونها..
……..
شيخه تنقبت بشيلتها:الحين هذا هزاع؟؟؟
موزه طبعا مب متغشيه ولفت على هزاع :هيه هوه
شيخه:غاوي
موزه:اقول..
شيخه:هاه
موزه:كلي تبن وسكتي
شيخه:ههههههههههههه والله وغدينا نكت..
موزه تبتسم:شوااخ..بس عاد
شيخه تدفرها بكتف:يالله يالله
موزه تضحك بصوت واطي:هههه سكتي انتي حركاتج اتضحك..
فهالحظه يلتلفت هزاع ويشوف موزه مبتسمه وحاطه يدها على فمها تضحك..حس بقلبه يدق..
ميثاء :هزاع
هزاع يطالعها:هاه
ميثاء :تقرب عشان الصوره
هزاع يتقرب..
شيخه تشوف ذراع موزه وتشهق بصوت واطي: هييييييييييييعع شو هذا؟
موزه تطالع ذراعها..
شيخه/من وين هالدم..؟؟؟؟
موزه:اوه..بروح الحمام اغسله
شيخه:اسير وياج؟
موزه توقف:لا لا شوفي العروس انتي .ما ببطي..
وتقوم موزه سايره صوب الحمامات..
هزاع بعد الصور والفلاشات تم يسكر عيونه ويفتحهن..ورد يشوف موزه بس ما لقاها..سكر عيونه ورد يشوف..نفس الشي ما لقاها..وتمن عيونه على طول وعرض الصاله يدور عليها..
ولمحها توها لافه ورا الستاير صوب الحمامات(اكيد ايدها تعورها.)
هزاع:ميثاء
ميثاء:نعم
هزاع ياشر بعيونه:شو هناك ورا الستاير؟
ميثاء تشوف:هناك الحمامات..بس للحريم..ليش؟
هززاع:لا ماشي..يالله انا ساير..(يوايها:مبروك
ميثاء:الله يبارك فيك عقبالك
هزاع:/آمين..
وينزل هزاع ويطلع التلفون من مخباه..ويطلع برا القاعه..طبعا البنات كلهن عيونه عليه يوم ينزل يطالعنه..
…موزه فالحمام لافه على جنب وتشوف ذراعها جنب كتفها مكان الجرح وتمشه بكلينكس..سمعت صوت مسج وفتحت تلفونها
هزاع(تعورج يدج؟)
موزه(لا)
هزاع(حد عندج؟)
موزه مستغربه(هيه..ليش؟)
هزاع(بتلقين بلاستر عند باب الحمام)
موزه تحط تلفونها ومستغربه مع ان محد عندها فالحمام بس جذبت عليه..تفتح باب الحمام وتلقى بلاستر كبيره تحت شلتها ورفعت راسها وتشوف هزاع من الباب الخارجي..طالعها وسكر الباب وراه..ردت موزه مصدومه فالحمام…
…………………….
يلست موزه مكانها وطالعتها شيخه:فاتج الرقص شووفي انتي..
موزه تبتسم .
شيخه تلاحظ البلاستر على ذراع شيخه:وين لقيتي هالبلاستر هنيه؟
موزه:أه؟..وحده عطتني اياها من اللي يشتغلن هنيه
شيخه:اهاا..وشو عورج انتي هنيه؟
موزه:ماشي ماشي..كنت خاطفه ما انتبهت للباب زجاجي ضربت فيه
شيخه:ما تعرفين تجذبين
موزه(طووووووووووووووو تنعرف يوم تجذب)
موزه:هاهاه هاهاهه
شيخه:يا خبر بفلوس باجر ايج ببلاش
موزه:ههههههههههههه
…………………..
خلص العرس متاخر….
………..
صباح اليوم الثاني فبيت بو حمود….
فاطمه يالسه تتريق بروحها..حمود سار المدرسه وابوها الدوام……جرس البيت دق………
فاطمه قامت من مكانها وراحت اتشوف من على الباب..
فاطمه:من؟
بشكارة الجيران عالي:ماما فاطمه هزا انا عالي
تفتح فاطمه الباب وتلقى عالي كاشخه وماسكه صحن مغطاي وتناولها لفاطمه وتمسك فاطمه الصحن:شو هذا؟
عالي:لقيمات
فاطمه:مشكور سلمي على ماما
عالي:انشالله هيه سوي سلام من هنيه
فاطمه:الله يسلمها سلمي عليها
عالي:انشالله(وتسير البشكاره وتشوف فاطمه منصور واقف بالسياره جنب الشجره الكبيره خافت فاطمه وسكرت الباب بسرعه:ياربي..هذا ما يستحس على ويهه؟؟شو موقفنه هنيه؟…الله يستر..
…………………………………….
احمد كافخ بالجاكيت الجلد ويشوف مقاسه مضبوط عليه..يرد يفصخه:مشكووووره حرمت اخويه
عاشه:العفو عاد ما عرفت قياسك خليت فيصل يقايس
فيصل:والله اتحراه حق اخوج
عاشه:انزين تراه لخويه..
احمد:جزاج الله خير..
راشد مستوي واحد غربي..كافخ ببنطلون الجينز والكاب والنظاره والجاكيت وحركات..
احمد:شوف شوف لا يفوتك..يبيييه(يمسك تلفونه ويصور راشد..عاد راشد مره حبتين ومره يرفع النظاره ومصدقين اعمارهم واحد عارض ازياء والثاني مصور..
ام فيصل تصب قهوه لبو فيصل…
احمد يرفع حواجب:امايه ما اقولج ذبحنا بالعيش الشيلاني؟
بو فيصل يشوفه بنص عين..
ام فيصل:هههههه تراني قلت له..الحين دامك ما تاكل غير العيش الشيلاني خل البشكاره اتسوي لهم مجبوس والا صالونه
بو فيصل/سوت لهم تراهم ..احمدوووووه
احمد يرفع حواجب يكمل تشكي:عاد هوه سوا مره وحده بس مجبوس لحم وثاني يوم رد للشيلاني
راشد يكمل ويمسك بطنه:بمووووت يوع اماايه
ام فيصل عورها قلبها على عيالها وتطالع بو فيصل..
بو فيصل يقوم:بسير العزبه انا بيب ذبايح بنجسم على الخلق عسب ييتكم
احمد وراشد كاشخين..
احمد(شارد عن المنازع)
راشد(يا سلام واخيرا بناكل لحم)
بو فيصل(مسودين الويه براويكم)
فيصل:شو فيكم تتطالعون؟
عاشه تناول فيصل شاي:اتفضل
بو فيصل يطلع واحمد كاشخ يطالع الجاكيت ورد راشد يلس عدال امه ويطالع ملابسه..
فيصل يمسك الشاي:شو فيهم؟
عاشه مستغربه:ما ادري!!!!
……………………..
العصر يدق حمود باب بيت راشد ربيعه ويفتح احمد الباب:حمود؟
حمود:السلام عليكم
احمد:وعليكم السلام
حمود يناول احمد سله كبيره مغطايه ويرمس البشكاره وراه.دخليه داخل..البشكاره شاله صينيه كبيره مغطايه..
احمد مستغرب:شو كل هذا؟
حمود:عشان ييت الوالده من السفر..
احمد:هييييه ليش متعبين عماركم؟ومسوين كل هذا؟
حمود:لا تعب ولا شي هذا واجب..يالله من رخصتك
احمد:فداعة الله حميدوه
حمود امبونه مستوي ريال وذرب بس من سمع حميدوه رد خطوه ولف على احمد:حميدوه؟؟اصغر عيالك انا؟
احمد يعطي السله للبشكاره ويرد يلف على حمود:خير طال عمرك؟
حمود:انا مب حميدوه..اسميه حمود
احمد يتنقم به:انشالله استاذ حمود ..قرب استاذ حمود
استاذ حمود يلف مروح:لا قريب مع السلامه
احمد شص بضروسه:لو هذا اخويه بجتله..
…………….
ام فيصل تكشف عن السله وعن الصينيه وتلقى فيها ما لذ وطااااب من الحلويات واكلات شعبيه مسويتها فاطمه لهم..
احمد يت عينه على عين الجمل ويلس بسرعه.:.هذا حلو..(وخذ حبه وفرها فثمه…
عاشه:فاطمه مسوتنها؟
ام فيصل:بكون..يحليلها..ما مخليه شي ما سوته
احمد ياكل..
راشد:امايه
ام فيصل :هاه ابويه
راشد:امايه تيوزيني؟
ام فيصل وعاشه بلقن بعيونهن
احمد غص وتم يدح عمره:كحححححححححح كحححح
ام فيصل:هههههههههههههه ومن تبا تاخذ؟
راشد الرومانسي:فاطمه.
احمد يطالع وعيونه حمر مسكين غاص..
ام فيصل:ماشالله من فاطمه؟
راشد:اخت حمود..هذي اللي مسويه هالاكل كله..
ام فيصل تسايره:وانت وين شفتها؟
راشد:فبيت حمود ربيعي..امايه عادي اخطبها؟
فيصل من الصبح ماسك عمره بس خلاص ما رام يتحمل:هههههههههههههههههههههههههههههههههههههههههههه هههههههههههههههههههههههههههههههههه
عاشه كاتمه ضحكتها:ه ه هه ه هه هه
احمد:طالع؟!؟؟!!؟
راشد:شو انا ارمس امايه..امايه شو رايج؟
ام فيصل:هههههههههههه انشالله
احمد بلق عيونه:شووووووووووووووووو
راشد يكلم امه:امايه واييييد حلوه فاطمه
ام فيصل:ههههه ادريبها ابويه انها حلوه بس هيه اكبر منك
راشد:عادي عادي مافيها شي..
احمد شرب ماي:انتو اشو تخرفتون؟
ام فيصل:يوم تكبر
راشد انصدممممممممممممم:دخيييييييييييييييييلج امايه ..اصلا حتى هيه يوم تشوفني تبتسم..
ام فيصل:امبونها فاطمه دوم مبتسمه.يت عليك انته؟
راشد الحنان:امايه امايه..حتى قبل امس يوم سرت عندهم يابت لي عصير وبسكوت وقال تعال كل يوم عندنا
عاشه :هههه
فيصل:هههههههههههههههه الحين هذا معناتها انها تباك تخطبها؟؟؟
راشد بو لابس:اماااايه الله يخليج..
احمد يضربه كف على راسه:انته ينيت؟
ام فيصل:خله خله شو تباه
راشد/هاه هاه امايه شو قلتي؟
ام فيصل:يوم تخلص ثانويه وتشتغل ذاك الوقت خير
احمد استراح ياه فضوول غريب تجاه فاطمه…
راشد المحبط.:واااايد
احمد:لم ثمك ما شي عرس لين اعرس انا
فيصل وعاشه وام فيصل:ههههههههههههههههههه
احمد×.×(رسمت فالدفتر رراشاااارة المرووورررر)
………………………………………….. .
محمد منسدح على القنفه مكانه المعتاد وسرحان..يفكر بشيخه اللي خذت تفكيره من يوم كانو بالمستشفى..
ام محمد تدخل وشاله اكياس وياها:محمد!
محمد:………………
ام محمد تحط الاكياس:محمد؟
محمد ينتبه:هاه اماه؟
ام محمد:بلاك ابويه سرحان
محمد يلس:لا ماشي..من وين يايه؟
ام محمد:يايبه كنادير موزه من الخياط..وين سارت؟
محمد:موزه؟
ام محمد:هيه
محمد:توهم طالعين هيه وابويه سايرين العزبه
ام محمد تيلس:لا حوووول هاذي عرسها باخر الشهر ومب ملحقه اسوي لها شي وهيه ما تسير تخلص اشغالها.
محمد:فيج الخير والله.منوه عندج غيرنا انا وموازي؟
ام محمد تبتسم:يعلني ما خلا منكم
…………………………..
بو محمد لاهي ويا البيدار..وموزه عند البوش تاكلهن بيدها وتمسح عليهن..عادي ما تخاف منهن رابيه وياهن ومتعوده عليهن ….
هزاع:السلام عليكم
بو محمد:وعليكم السلااااام والرحمه
موزه شافته من مكانها بس لبسته…(طااااف)
هزاع:شحالك عمي؟
بو محمد:ابخير وسهاله.قرب قرب بتقهوي
يلس بو محمد تحت الشيره ويلس هزاع وياه يتقهويون..
موزه تتكلم ويا مطيتها وتراوشها تعطيها الجت وتيره موزه والمطيه تسحبه وموزه تتضحك وياها(لاا..ما بعطيج…ههههه ماشي….هههههه
هزاع يشوف موزه وابتسم لا اراديا…
بو محمد طالع هزاع ورد يشوف موزه وابتسم…
موزه مبتسمه وتراوش مطيتها وتلاعبها …ويطلع فجأه هزاع من ورا:السلام عليج
موزه طارت الابتسامه من ويها:وعليكم السلام..
(والمطيه تمط الجت من يد موزه وموزه تقاوم وابتسمت موزه للمطيه..هزاع ابتسم بس غير ابتسامته بسرعه:ابوج روح
موزه تلف تشوف ابوها:وين؟
هزاع:توه روح..قالي اوصلج البيت
موزه منصدمه (تمسك المطيه الجت عن موزه بثمه وتلز عنهم تاكل..
هزاع:…
موزه(الله يسامحك يا بويه)
هزاع:شو حالها ايدج؟
موزه تضرب بيدينها الثنتين على بعض تخوز التراب مال الجت:ابخير
هزاع يشوف التانكي:اكوه الهوز سيري غسلي ايينج
موزه تسير تبا تغسل يدينها وهزاع مشى وراها..
موزه حست ان شيلتها بتطيح بس يدينها وصخه.ولا قادره تنزل تغسل ايدينها بتطيح شيلتها وهناك البيدار..
موزه:هزاع(قال شو حالك للمر قال اللي امر منه)
هزاع:هاه
موزه تلف عليها:رفع شيلتيه بتطيح
هزاع يطالع البيدار اللي لف يشوفهم..
هزاع دار بينه وبين موزه ومسك شيلتها وردها زين على راسها
موزه مستحيه بس اوني مب مستحيه منك:دخل قصتيه ما تشوف البيدار؟
هزاع مب عارف كيف ماسك الشيله يسحبها ويدخل القصه بيد وحالته حاله:انززين كيييف؟ما اعرف
نزلت خصله من قصت موزه على خشمها وتنفخها موزه لا اردايا
هزاع هنيه ضحك من الموقف وشكل موزه متلعوزه على يدينه
هزاع:ههههههههههههههههههههههههههههه
موزه مصدومه وحليلها شو سوت خلاه يضحك..والا شكلها هوه اللي يضحك؟؟
موزه:شو يضحك؟
هزاع يقطع الضحكه غصبن عنه ويرد يحجب موزه وموزه شرار يطلعن من عيونها..
هزاع يدخل شعر موزه بعنايه ويلف الشيله..
موزه تطالع رقبة هزااع..بس غضت البصر
هزااااااع الشاطر خلص:خلااااص..جيه زين؟
موزه المتنعفله:زين وامري لله
موزه تفتح الماي وتغسل يدينها
هزاع لف للبيدار يطالعه ويشوفه بسرعه يلف عنهم
هزاع:من متى عندكم هالبيدار؟
موزه خلصت غسيل يدها وتتحجب زين:من شهرين ياي
هزاع:شكله ما يطمن
موزه البراءه:حلييله ما يقول شي امره وخدوم يربع شرق وغرب
هزاع عصب شوي:وانتي شو دراج؟
موزه:حوو حووو شفيك يالله روح بي
هزاع اللوح:يالله زين اشفيج؟
موزه تمشي جدامه:والله..اوين شو دراج؟
هزاع يمشي وراها وعلامة استفهام فوق راسه
موزه ترد شوي:بلااااال بلااااال
هزاع:شو تبينه؟
موزه:بلاااااااااال
بلال:نعم موزه
هزاع يطالع بلال منصدم:موزه!!!!
موزه:نفع ذيج المطيه عرقوب زين؟
بلال:انشالله موزه
هزاع حمر عيونه عليه
بلال طاااف:انتي ما يعطي؟
موزه:لا ما عطيتها..حط لها شويه سح
بلال كاشخ:انشالله انا الحيـــــــــــــــــــــــــن يعطي
موزه:زين عيل باجر بيي وبيب لك عيش
هزاع/:خير؟؟؟؟
بلال:مشكور زيااااااده موزه
موزه تمشي للسياره مخليه وراها هزاع اللي مب فاهم سبب غيرتة من بلال ؟!!!!!!!
تفتح موزه باب الكروزر وتركب وتريا..
موزه:وينه ذا؟ وتفتح الجامه:يالله ابا اروح
هزاع ينتبه:ها؟هيه يالله
ويركب هزاع,…
موزه متكبره :اسوق عنك؟!!
هزاع واخييييرن فرصه ينتقم منها (خخخخخ)
هزاع :الحين براويج كيف السواقه
موزه بلقت بعيونها وربطت حزام الامان بسرعه
………………………………………
على بالكم ما بقول شو سوا هزااع بموزه؟؟
يالله خلوني اكمل…
موزه تصارخ فالسياره ومغمضه عيونها…
موزه:هزاااااااااااااااااااااااااع وقف وقففففف
هزاع مسوي طاااااااف لموزه ويسوق السيااااره ويرقي فوق النكود ويحوس بسيارته ويعطيها عرووووض
موزه تصاااارخ:وقفففف حرااام عليكك وقففففففففففف
هزاع يطالع موزه ويضحك :عشان مره ثانيه ما تسوقين فاهمه
موزه حطت يدينها على ويها تصيييح …
هزاااع انصدم ووقف بالسياره بسرعه:موزه موزه والله اسف مب قصدي ..موزه
موزه ما شلت ايدينها من على ويها وتصيح…
هزاع متلوم فيها..مسك يدها يشلها عن ويها بس موزه مب طايعه وتلف عنه وتمسح دموعها..
هزاع وحلييييله قافط ومتلوم ومب عارف…
هزاع:موزه والله اسف
موزه بو لابس..
هزاع يعطيها كلينكس
موزه ما جبلت عليه تاخذ حبه من الكلينكس وتمسح عيونها
..هزاع:انزين رمسيني..شي عورج؟..
موزه شافت هزاع كيف خايف عليها بسم خلااااص ما قادرة تكتم الضحكه(ممثله بارعه)
موزه:هههههههههههههههههههههه
هزاع انصدم:شو؟؟؟
موزه تجذب عليه لا متروعه ولا شي بالعكس كانت وايد فرحانه بس ما تبا تبين له
هزاع كشفها:تجذبين؟
موزه خلاااص ماسكه بطنها وتضحك:هههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه
هزاع اخذ نفس وطلعه..(بيني وبينكم استراح انها ما صاحت شو بيقولون اهلها اذا وصلها للبيت وبنتهم اتصيح؟بس موزه طلعت اذكى من ما هو يتصور)
موزه تمسح دموع الضحك من عيونها.:يالله روح بي
هزاع يبا صدق يخوفها بس شكل موزه يوم تضحك غير خلاه يبتسم لا اراديا بس غير ابتسامته لوجه مرعب وتقرب منها موزه خافت وتم يدق قلبها:شو؟
هزاع تقرب!!موزه خايفه وترد على الجامه وتلصق فيها:بلاااك؟
هزاع شوي وبيوايها بخشم..بس وقف:ان عدتي هالحركه مره ثانيه ما تلومين الا نفسج
موزه وقف قلبها مره وحده..
ويرد هزاع مكانه و موزه اتحجبت زين ويلست زين بمحلها….
…………………………….
وقف هزاع جدام بيت هل موزه.
توه بيقول مع السلامه موزه نزلت وسكرت الباب وراها.
هزاع ما عرف كيف يتصرف بس نزل هوه وتبعها..
بو محمد فالحوش كان يالس يترياهم.
موزه شافت ابوها:مرحبا ابويه(تشوفه بنص عين)
بو محمد فهمها:ها الموز…بطيتوا وين سرتوا؟
هزاع :السلام عليك عمي
بو محمد:بطيتو وامها تحرس داخل
موزه تدخل…(طاف يا هزاع الزفت)
هزاع تلوم فموزه بس هوه الريال ليش تمثل عليه وتضحك بعد؟؟
بو محمد:شو فيها؟
هزاع:اه؟ماشي بس قلت بعلمها السواقه بس ما طاعت(ما يعرف يجذب هذا الثاني)
بو محمد:اهاااا..زين زين..قرب
هزاع :لا عمي قريب انا ساير تاخرت على الوالد
بو محمد:سلم عليه بويه موافق خير
هزاع:يالله مع السلامه
بو محمد:فداعة الله
…………………………….
فبيت بو جاسم..(بيت شواخي)
شيخه تطالع التلفزيون وماسكه تلفونها..تكتب شوي وترد اتشوف التلفزيون..(مناوبه)
شيخه(خخخخخ احسن)
موزه(عاد اقولج لعبت فيه لعبه ما خليت به عرقوب ما خطفت عليه)*اخخخ يالجذب***
شيخه(ما صارخ؟لوووول)
موزه(الا!!حشرني وقفي ووقفي)
شيخه(هههههههه خطيره فوووديييتج)
موزه؟(فووديتج تربيتج)
شيخه(ههه اسميني عرفت اربي لووول)
موزه(لوووول )
شيخه(يعت×ـ×)
موزه(هههه وهذا انتي حالج دوم يوعانه؟)
موزه(اكيد فيج دود)
موزه(هههههههههههههه)
موزه(وينج؟)
موزه(يعلج اكلم عمري انا؟)
شيخه(هاااااااااااه؟؟؟سرت المطبخ ايب لي صمون)
شيخه(بسمالله يالساحره)
موزه(ههههههههه بالعافيه)
شيخه(هيه تووج..الله يعافيشششش)
موزه(براايشششش بايوو)
شيخه(بايو)
الامور كانت هاديه من يومين ما استوى شي يديد…محمد بعده يفكر بشيخه..والظاهر حتى شيخه بدت تفكر فيه…وفاطمه صار لها كمن مره تشوف منصور قرب بيتهم بس خايفه تكلم ابوها بالموضوع…احمد من صوب..يبا يفاتح امه تخطب له فاطمه..بس مب عارف كل ما يبا يرمسها يكون راشد هناك والمغرم راشد يخافه يتعقد..(يامسكين)ومناك هزاع يومين ما مر لعزبة بو محمد مع انه يشوف بو محمد ايي بس ما لمح موزه وياه..وموزه ما تبا تزيد العلاقه بهزاع لان طلاقهم شي حتمي بالنسبه لها ..الامور بدت تطور شوي..عقب اتصال يا فبيت بو جاسم………….
شيخه:الو
محمد:الو مرحبا
شيخه:مرحبا
محمد(صدق غبي):كيف الحال؟
شيخه؟؟:ابخير الحمد لله منوه؟
محمد:انا..انا محمد
شيخه:من محمد؟
محمد:محمد اخو موزه
شيخه تسكر التلفون من الصدمه
شيخه:لاااااااااااااااااااا ليش سكرت؟؟؟؟؟؟؟؟؟؟؟؟
محمد يطالع تلفونه:بسم الله..ليش سكرت؟
محمد رد اتصل:الو
شيخه:امم الووو
محمد:اتصلت اتخبر عن الوالده
شيخه:اااااه؟هيه الوالده ابخير..ابخير الحمد لله
محمد:الحمد لله..المستشفى سوا لي تلفون
شيخه:ليش؟
محمد:يبون يسون لها اشعه
شيخه:زين بس ليش سوا لك ما سوو لنا؟
محمد:ترا ذاك الحين حطيت رقمي فالطواري..وسوولي تلفون يخبروني
شيخه:هاااه زين اخوي مشكور جزاك الله خير
محمد:باجر الساعه تسع ونص الصبح
شيخه:انزين ما عليه
محمد:عندكم حد يوصلكم؟
شيخه:اه؟هيه هيه عندنا ابويه موجود هوه بيوصلنا
محمد:زين عيل شي فالخاطر؟
شيخه:سلامتك مشكور
محمد:العفو يالله مع السلامه
شيخه:مع السلامه
…محمد يسكر التلفون ويركب سيارته وهوه مبتسم…
شيخه تسكر سماعة التلفون وتحط يدها على صدرها تحس بقلبها اللي يدق بالقو…..
………………….
فاطمه:وشو له؟
حمود:راشد وسالم فالميلس
فاطمه:انزين عادي شو فيها؟
حمود:لا لا لا..هاتيهن هنيه انا بشلهن داخل لا ادخلين عند رباعتيه
فاطمه مبتسمه:اوني عاد ترهم الا رشود وسلوم وانا بحط الصينيه وبطلع
حمود:اوووووووووف فطوووم
فاطمه :سر انت الحين مب زين تبطي عليهم انا بيب لكم الصينيه عقب شوي البسكوت بعده ما خلص
حمود:لا تيبينه زجريني انا بيي اشله
فاطمه:ههههه زين يخوك زين
…………………..
ام فيصل:وين سار؟الحين بيون قوم عمه وهوه يهوم فالشوارع والسكيك
احمد يتلفت:توه كان هنيه
ام فيصل:بويه سر شوفه بطا
احمد:انشالله امايه
ويطلع احمد يدور بين البيوت ..وخلاف تذكر راشد يوم يقول(امايه خطبيلي فاطمه)
احمد:ولل لا يكون عندهم؟
احمد سار صوب بيت بو حمود ودق الباب..
حمود سمع الباب وربع فتح الباب:هلا احمد
احمد:هنيه راشد؟
حمود:هيه داخل
احمد:خله ايي نباه فالبيت
حمود:خلاف بيي
احمد:بكيف ابوك هوه؟خله ايي الحين
حمود:انزييييييييين حشى كلني..صبر
ودخل حمود داخل الميلس:راشد احمد اخوك خاري
راشد ما يبا يروح:اووووووووووووف انا شارد عن عمي وعياله وهم لاحقيني باحمد لين هنيه..سر له وقله ما يبا يروح
حمود يطلع لاحمد ويوايج براسه:مايبا يروح
احمد:شوووووووووووووو؟خله ايي انته لا ايهه الحين وألعن خيره
حمود:انا مب مطراش عندكم تباه؟تعال هوه فالميلس
احمد يدخل:وينه؟
حمود:قرب هناك داخل
يدخل احمد الميلس:رشوووووووووووووود
راشد يوقف بسرعه:احمد؟؟؟؟؟؟؟؟؟؟
احمد:يالله جدامي انروح
راشد:عشر دقايق بس
احمد:عشر؟
راشد:هيه عشر دقايق وبيي
سالم لحمود:يالله حمود دورك تعال العب
حمود يلس بسرعه عدال سالم ويلعب وياه
احمد يطالع:الحين انتم ثلاثه كيف تقسمون اللعبه امبينكم(طااااااااااااااااااااااااااااااااااااااااا اااااااااععععع)
حمود:اللي يفوز يباري الثاني واذا فاز يباري مره ثانيه وجذيه..
احمد اندمج فاللعبه ويطالع…
راشد يلس عدال حمود :لفف لفف..لاتدعم
احمد لسالم:منه منه قوووم ويل ويل
(ياااربي عقل احمد ..!!! ….ما اقول شي ياهل وبس)
كلهم مندمجين فاللعبه..يمط احمد الجهاز عن سالم:قم قم
شوف اللعب كيف.
أحمـــــــــــــــــــــــــد vs حمــــــــــــــــــــــــــــود
…فاطمه تحط الصينيه جنب الباب:حمود..حمود..(احتراما لرغبة الرجال حمود)
احمد انتبه لصوتها وحمود وقف بسرعه وربع صوبها..
حمود يشل الصينيه وياشر براسه انها تسير
فاطمه^ـ^
وراحت فاطمه ..دخل حمود بالصينيه واحمد وقف:يالله راشد..
راشد :لحظه(يمسك بسكوت وياكل..
احمد يت عينه على عين الجمل يبا ياخذ بس يخاف حمود يفظحه..
احمد:يالله راشد..
حمود:انزين هبش
احمد:لا بس يالله راشد عاد بسك صريط قم(يباااا المسكين)
راشد يقوم..حمود ..يقوم…سالم ياكل..
سالم:عانبوه كلكم قمتوا؟
حمود:بوصلهم للباب
ويطلع احمد وراشد وحمود وراهم…
………………………………
اليوم الثالث بعد الحادثه بين هزاع وموزه……………
هزاع توه راكب الكروزر ويبا يحرك…يشوف سيارة بو محمد خاطفه في اخر العزب..قال فخاطره يسير يسلم عليه من يومين ما مره عليه..شو بيقول عنه؟…حرك هزاع وسار صوبه…
وقفت سيارة بو محمد ونزل بو محمد من الكرسي الثاني هزاع وقف بسيارته مجابل سيارة بو محمد..ويطالع مكان السايق بس العاكس موجود وما ينعرف من يسوق..
نزل هزاع من السياره :السلام عليكم
بو محمد وهزاع يتوايهون:وعليكم السلام والرحمه
هزاع:شو الحال؟
بو محمد:ابخير ونعمه شحالك من يومين ما شفتك؟
هزاع مبتسم:ابخير الحمد لله..والله الا هنيه بس انشغلت ويا الركاب.
بو محمد:قرب قرب بتقهوي
وتتحرك سيارة بو محمد ..وتريوس وتلف صوب العرقوب ..
هزاع:من فيها السياره
بو محمد:وابويه؟…ليش ما نزلت اتسلم عليك؟
هزاع:موزه؟
بو محمد:هيه.موزه اقول لها نزلي وراها سارت؟
هزاع…………….
بو محمد:قرب بتقهوي بويه
هزاع:لا عمي مشكور برايك انا ساير مشغول شوي
بو محمد:برايك موافج خير
ويركب هزاع سيارته ويسوق على مهل ورا موزه..
موزه وقفت بالسياره المكان اللي تحب توقف فيه كل يوم وتفتح العاكس..هزاع لف بسيارته وجابل موزه ياشر لها بيده ترد العاكس.لانه شاف سياره
موزه:لا والله ويتامر بعد؟(تكلم عمرها)
هزاع طرش لها مسج يتحراها ما فهمت(سكري العاكس)
موزه(ما ابا)
هزاع نزل من سيارته وسار صوبها
موزه حاست بوزها وتكلم نفسها(اووف شو يايبنه؟)
هزاع يدق الجامه وتفتح موزه قفل السياره
يدخل هزاع ويمسك العاكس ويسكره
موزه:ليش سكرته ابا اشوف الغروب؟
هزاع ياشر براسه صوب السياره
شافتها موزه وردت تشوف هزاع:انزين ما شفتها..رد سيارتك
هزاع:انتي شفيج؟
موزه تواجهه :الحين مب انت مغصوب على الزواج؟مثلي ؟ليش لاحقني؟ليش ياي لين هنيه؟ما اتفقنا ان كل واحد لحاله؟
هزاع ما عرف كيف يرد عليها..صح انه مغصوب بس بدا قلبه يلين لها..ويرن تلفون هزاع فجاه..هزاع طلع تلفونه وشاف الاسم ولمحته موزه..
موزه تلف براسها سيده:القلب؟هذي اللي تبا تاخذها؟
هزاع:………………..
موزه:لو سمحت انزل..ولك اللي تباه..عقب العرس باسبوع مب بشهر طلقني..بس لا تي مره ثانيه العزبه ولا تي بيتنا وإذا سألوك اهلك قل لهم انك مريت علينا..وإذا سألو اهليه بقول لهم انا اللي قلت له ما باقي غير اسبوعين للعرس..فلا تخاف على وضعك
هزاع ما عارف..:اوكيه زين بعد..اصلا كنت ابا اقولج نفس الشي..
ويرن تلفون هزاع مره ثانيه
موزه:رد
هزاع يطالع تلفونه ويرد يشوف موزه
موزه:عادي ترا رد مب مشكله
هزاع يطلع من السياره ويسكر الباب وراه ويرد على حصه وهوه يمشي للسياره
موزه متأثره وايد.(مب لي…ليش ان متضايقه؟..برايه..بكيفه..اوفففففف)
وتريوس موزه وترد للعزبه..
هزاع فالكروزر عينه على سيارة بو محمد:لا فالعزبه
حصه:ياا ربي..كل يوم هالعزب؟
هزاع:هيه كل يوم.الحلال فيها
حصه:حبيبي يوم نعرس مب كل يوم اتسير صوب العزب
هزاع:ليش.؟ومن بيجابل الحلال؟البيادير؟
حصه:هيه طبعا عيل شو خانتهم؟
هزاع:موزه(غلط بدل ما يقول حصه قال موزه ولا انتبه وكمل(موزه عن الينان هذا حلالنا ولازم نداريه
حصه:موزه؟؟؟؟ اشوفك تقول موزه بدل حصه؟
هزاع:ها؟ما قلت موزه
حصه:الا قلت
هزاع:اقولج ما قلت..
حص:لا والله؟اجذب انا؟
هزاع:اووووووووووووووفففففف موزه وبعدين؟
حصه:ها ها هااا؟؟؟؟سمعت نفسك شو قلت؟
هزاع توه انتبه انه قال موزه:اه؟تراج انتي حشرتيني موزه و موزه..
حصه:انــــــــــــا؟؟؟؟
هزاع:حصه برايج الحين بكلمج بعدين
حصصه:حبيبي لحظه
هزاع يسكر التلفون ويفره على الكرسي اللي جنبه:اوففففف (يكلم موزه اونها جدامه:اسميج..ما عرفت ارمس حصه بسبتج..
………………………
موزه منسدحه على شبريتها..وحاطه يدها تحت راسها ووحده على بطنها..مسترخيه..ومسكره عيونها…
شواخي(وينج؟غاطه ما سمعت لج حس؟)
موزه ترفع تلفونها (ماشي ..كنت فالعزبه)
شواخي(شفتيه؟)
موزه(هيه)
شواخي(هيه؟؟…انزين كملي)
موزه(شو اكمل؟)
شواخي(ما صار شي يديد بينج وبينه؟)
موزه(لا ما شي..شيخه راسي يعورني)
شواخي(سلامتج من ويع الراس خذي حبتين بندول)
موزه(توني ماخذه ابا ارقد شوي)
شواخي(المغرب؟؟؟…نوم العوافي)
موزه(zzzzzz)
شيخه تحط تلفونها على الطاوله:اقص يدي اذا ما مستوي شي بينها وبين هزاع
…………………………………….
هزاع سرحان..حصه تفرقع باصابعها جدام ويه علشان يصحصح/هووو
هزاع انتبه:اهه ههه هلا
حصه تيلس:وييين سرحان؟صار لي ساعه واقفه عدالك وانت مب معبرني
هزاع:افكر فيج
حصه الابتسامه شاقه الحلج:انا قلت ما بيفكر غير فيني..هاه حبيبي شو سويت ويا ابوك فاتحته؟
هزاع:تراني قلت لج عقب العرس
حصه:ايه صح..حبيبي شفت بلوزه حلوه فذاك المحل شو رايك تشتريها لي؟
هزاع يلتفت براسه:هناك؟
حصه:هيه يالله قوم ويايه نسيرناخذها اخاف حد يشتريها
هزاع متملل:انزين حتى لو حد شراها تراهن مكودات فالمحل
حصه:لا حبيبي هذا المحل ما ايب غير الاوروبي وبكميه محدوده..اخافها تعبر ..يالله قوم
هزاع:من يومين ماخذلج ساعه
حصه اوني زعلانه:يعني ما استاهل؟..وبعدين هذيج الساعه ما تسوى
هزاع:ما تسوى؟؟؟ماخذنها لج بثلاثة الاف ..ما تسوى؟
حصه:والحين شوه؟بتخلي البلوزه فاخطريه؟الله يسامحك
هزاع:لا ما بخليها فخاطرج بشتريها لج
حصه:يالله عيل قوم
وتقوم حصه ويقوم هزاع وصاير متملللللللل
……………..
محمد:شوووووووووووووووووووووووووووو؟؟؟
موزه رافعه الليسن فويهه ونافخه عمرها :شووووف
بو محمد:ههههههههه
محمد منصدممم ما يبا اخته تسوووق:من متى؟من متى؟من متى انتي تسوقين؟يا الفضيحه..ياااا فشلتك يا محمد..(يلس على القنفه وحاط ايدينه على راسه
موزه تنظف الليسن وتمسح عليه :باباتي علمني
محمد يطالعها وتعابير الصدمه والفشله فويه:باباتي؟ومنووووه مخربنج غير باباتج؟
بو محمد:محمد؟عانبوه شو مسويه هيه؟قاصه ليسن بتسد عمرها وامها يوم ما نتفيج لهن..والحريم الحين كلهن يسوقن
محمد مستسلم للامر وانسدح على القنفه:لااااا يا ربييي منووووه غيركم؟منوه غيركم مخربنها ومخليها ما تسمع كلامي..الله يسامحكم الله يسامحكم..
بو محمد:ههه بس عن هالتمثيل..وين امك؟
محمد ماد بيده على المطبخ:داخل..وحليلج يا امايه..محد فاهمني غيرج..
موزه تيلس بعد ما كانت مشغوله تنظف ليسنها وتمسح عليه وحالتها حاله مب مصدقه انها واخيرن قصت الليس ومن اول محاوله..
محمد يطالعها وزعلان:متى قدمتي على التراي؟
موزه:امس
محمد نقز منصدم :امس بس؟؟؟؟؟؟مره وحده بسسسسسسسسسسسس؟؟!!!!!!!!!!!!!!!!
موزه وحليلها مب فاهمه :هيه..ليش؟
محمد حط يده على صدره:وانا؟؟؟سبع مراااات!!سبـــــــــ ــــــــــــع مرااااااااااااااااااااااات
موزه:ههههههههههههههههههههههههههههههههههههههههههههه ههههههههههههههههههههههههههههههههههههه قول غيار.خخخخخخخخخخخخ
بو محمد:تفل عليها لا تحسدها موزه متنبه مب مثلك يوم انت فالتراي عوقك الويلات مب التعليم..موزه من اسبوع تدرس والبارحه قدمت واليوم سلموها ليسنها لانها ملتزمه
عاااااااااااد انتم لو تشوفون موزه كيف متشققه من الفرحه…وكاشخه ومحمد رد انسدح في كهفه وحط المخده على ويهه:ايييييييييييي
……………………
من بعد الحديث اللي صار بين موزه وهزاع ..هزاع ما سار لهم العزبه..وموزه كانت تروح كل يوم ..بس ولا مره شافته..هيه بنفسها مرتاحه..ما تبا تتعلق به او تتعود على وجوده بحياتها..بس هزاع كان يلمحها يوم يقوم يبا يروح..وكان يفكر انه يلحقها للمكان اللي توقف موزه فيه تشوف الغروب بس يكنسل..ما يبا هوه بعد يسير..
………..
شيخه (مبرووووووووووووووووووووووك)
موزه(هههههههههههههههههههه الله يبارك فيج)
شيخه(ابا اقص لييييسننننن)
موزه:هههههههههههههههههههه
ام محمد:شو فيج تضحكين؟
موزه:هذي شيخه غياره اوين تبا تقص ليسن
محمد يستيقظ من السبات اللي يلازمه كل ما ينسدح فكهفه: شوووووووه؟حتى شيخــــــــــــــه؟
موزه وامها انصدمن
موزه:وانته شو يخصك؟
ام محمد:!!!!!!!!!!!!!!!!!!!!!!!!!!!!!!!!!!!!!!!!!!!!
محمد:اها؟؟(وللللللللللللللل )
موزه(محمد طفرن عيونه يوم قلت له انج تبين تقصين ليسن)
محمد:شو تكتبين شو تكتبين؟
موزه:ماشي
شيخه(علمين على السواقه..ابا اسوق مب بس انتي هيهيهييييي)
موزه:حليييييييييييييييييلها تصيح
محمد:شو فيها؟
موزه وامها!!!!!!!!!!!!!!!!!!!!!!!!!
ام محمد:وابويه!!!وانته شو تباها؟
محمد بلا حيا ولا مستحا:ابا اعرس
موزه طاح تلفونها من يدينها..وام محمد كشخت
موزه:شو قلت؟؟شو قلت؟؟ما سمعت
محمد يقوم ويحب راس امه:امايه..خطبيلي شيخوه ربيعت مويزوه
موزه وبصدمتها:شيخوه؟!!1!!!!
ام محمد:شيخه البنت اسمها
محمد:انزين خطبيها لي
ام محمد:هذي الساعه المباركه
موزه صحصحت وتتناول تلفونها ابسرعه وقبل ما تكتب يمسكه محمد:مااشي..لا تخبرينها
موزه توقف تحاول تمسك تلفونها عنه:هاته هاته ما بقولها..هاته عطني
محمد رافع التلفون:حلفي
موزه:والله والـــــــــــــله حلفت خلاص ما بقولها
شيخه من صوبها كان قلبها يدق تفكر ليش محمد انصدم لما قالت له موزه انها تبا تقص ليسن؟وحليلج يا شيخوه.
محمد رافع التلفون:اندوج ادوج بطر كندورتيه.هاي من ايوزها؟؟خليها عندج هنيه
موزه:زين والله تصدق.امايه ما بتكنسلون العرس؟
ام محمد تقوم:غديتوا فارطين انتي وياه
وتسير عنهم.
محمد وموزه:ههههههههههه
محمد يربع وراها:امايه ..شو قلتي مشان العرس
ام محمد ومحمد يمشون للمطبخ ويتكلمن عن شيخوه العروس…
…………………………………………
………………………………………….. …………
اليوم عرس هزاع وموزه……………….
من ذاك اليوم ما شافوا بعض ..
موزه فغرفة العروس يالسه وماسكه الورد بيدها وسرحانه…
وهزاع من صوب يالس مكانه وسرحان ويقطع تلفونه الي صاح..:الو….
حصه:لا تعرس
هزاع:شو ؟
حصه:اقولك لا تعرس خلاص
هزاع:بكيفي والا بكيفج اهوه..ابويه حالف انتي ينيتي؟
حصه:وانا؟
هزاع:يا بنت الحلال مب كل يوم الحجي
حصه:وبتسيرون مكان بعد؟
هزاع:لا
حصه:اشوى..لا تسفرها
هزاع:لا مب مسافر
حصه:والحين انت وين؟
هزاع:وين بعد؟؟عند الريايل.
حصه:اشفيك ما تتحمل مني كلمه؟
هزاع:يااا حبيبتي الريايل دور ما داير بي ما تسمعين صوتي اكلمج بشوي شوي؟وبعدين تراج عارفه الموضوع..زواجنا على ورق وبس
حصه:ادري حبيبي بس اخاف تغير رايك
هزاع:لا ما بغير راي.برايج الحين ريايل ياين صوبي
حصه:كلمني بعدين
هزاع:انشالله ……..
ويقوم هزاع يسلم على الريايل…
غرفة العروس……………….
تقطع شيخه سرحان موزه:كولللولولولولولوششش
موزه ترفع راسها مبتسمه:هههه شواخ؟والله تعرفين تيببين.
شواخي:المسلسلات المصريه وما تسوي
موزه:ههههههههههههه
ميثاء:مرحبااااا
موزه:هلا ميثاء..متى يتي ؟
ميثاء:امس ينا من ماليزيا..قلنا بنحظر العرس وباجر بنروح لندن
شواخ بلقت بعيونها:لندن؟؟لندنننننن؟؟خافي الله فالريال لا تلعبين عليه واتطيرين فليساته
ميثاء:هههههههههههههههههههههههههه
موزه:هههههههههههههههههههههه
ميثاء:حبيبتي ما ينخاف عليه..خههههه
موزه:الله يهنيكم…
شواخي :خلونا نطلع
موزه:محمد بيدخل بعد شوي
ويطلعن ميثاء وشيخه من الغرفه……
…….شيخه وميثاء يلسن….
ميثاء:اقول شيخه
ميثاء:قولي
ميثاء:ما انخطبتي؟انا عرست..وموزه اليوم عرسها
وتقطعها شيخه:وخير يا طير..
ميثاء:لا ولا شي..بس اقول يعني
شيخه:شو يعني؟شو تقصدين؟
ميثاء:ما اقصد شي كلتيني
شيخه:هيه بكلج دام هذا حجيج..
ام محمد تتقرب من شيخه وشيخه تشوفها وتقوم مبتسمه تسلم عليه
ام محمد:هلاا هلاا بالغاليه هلاا
شيخه:!!!!!!!!!!!!!!!!!!!!!!!!!!!!!!!!!! هلا عمتيه
ام محمد مبتسمه:اشحالج امايه؟
شيخه:ابخير عموه شحالج انتي؟
ام محمد :يعلج الخير يا ربي وين امج عيل؟
شيخه تاشر على امها:اكيه يالسه ويا ياراتها
ام محمد:يلسي امايه يلسي (وبصوت واطي:يعلني اشوفكم معاريس انتي ومحمد فيوم واحد..
شيخه طماط طماط طماط طماط:استحت ويلست
وام محمد سارت عند الحريم تسلم وتهلي وام هزاع وياها مشغولات بالمعازيم..
………….
وانطفت انوار الصاله………….
وتبان العروس منوره بعد ما انفتحن الابواب عنها…
بيدها ورده بيضاء..وبيدها الثانيه يد اخوها عزوتها وسندها…يا لبى قلبي..احلى لحظه واجمل موقف..دخول العروس مع اخوها القاعه…
شي عجيب…وعلى ذيج الزفه الهاديه اللي تخلي قلوب العذارا تفرفش..يا لبى قلبي..تمشي موزه بخطوات ثابته وهاديه..كل الانظار كانت عليها..ماشالله عليها جسم روعه وبعدين فستانها حورية البحر مب منتفش.مخصر لين ركبها ومستويه حوريه من حلاتها..وفستاهنا بلا اكمام..وطرحتها طوييييله…يا ربييي تجنن تجنن..
ومحمد ماشالله بعد عليه كافخ بذاك العقال وغادي ماشالله عليه شيخ..ويمشي موزه بشوي شوي ومنتبه لخطواتها لا يطرحها الفستان..
كل البنات يطالعنه من حلاته..
…..تمشي موزه وترقى بشوي شوي والكاميرات طبعا شغاله..وتبتسم للكاميرا وتصور المصوره..وصلت للكوشه ويبوسها محمد على جبهتها:مبروك
موزه:عقبالك
محمد الشيطاااااان:امين وين شويخوه؟
موزه:ههههه وابويه..يالله سر عاد الحريم يطالعنك
محمد :هههه
شيخه مبققه عيونها على محمد نست ربيعتها..
محمد ينزل…ويطلع …وموزه تيلس بعد كمن صوره خذتها لها المصوره…
….هزاع:مب لازم
ام هزاع:تبا تفضحنا انته؟
هزاع:شو فضايحه بعد؟مب لازم ادخل
ام هزاع:لا لازم يالله مش لا تفضحنا
هزاع:امايه
ام هزاع:يالله تحرك..
ترقى ام محمد وتغطي موزه بالطرحه.
موزه:بيدخل؟
ام محمد:هيه بيدخل عيل شوه؟
موزه تكلم عمرها:اوفف
وتنطفي مره ثانيه انوار الصاله..ويحطون زفه للمعرس ويدخل هزاااااااااااااااااااااااع..
بس تعرفون للريايل الامور جافه شوي مشى لين وصل للكوشه فوق وامه وميثاء اخته وراه
وقف هزاع وموزه وقفت بعد غمزه من امها..
ام هزاع:يالله نزل الطرحه
هزاع ما ايروم يعاند جدام الحريم..تقرب منها ونزل الغشوه عنها وانصدم من الملاك اللي جدامه..
موزه رفعت عيونها..
المصوره:بوس جبهتها مشان الصور ولا تتحرك بليز
هزاع طالع امه ولف على موزه وباس جبهتها على السريع ووقف عدالها(جنه ياهل مرتكب جريمه)*خخ*
المصوره حاست بوز..وكملت اتصور..
المصوره تتقرب منهم وتقولهم بصوت واطي:لك هاي مرتاااك شو باااك امسك ايديها خلنا ناخوود صور
هزاع شاص بضروسه:خذي صور بلا حركات
موزه:يااختي ما نبا صور
المصوره منصدمه:في عروس ما بدا صور؟
هزاع حس ان موزه تبا تصور بس عشان موقفهم الغبي ما تبا تتصور..
هزاع بعيون مستحيه مسك يد موزه وموزه انصدمت
هزاع:صوره وحده بس يالله صوري
المصوره:اه.هيـــــــــــــك لاكن شووو وهلا بس ندخل جوا بدي اخد لكم كم صوره تجنن بس تكونوا لحالكم
هزاع:لا تكثرين حجي وصوري
المصوره كاشخه وحايسه بوز وتصور..
المصوره خلصت ويالسه تشيك على الصوره..وشافت ان هزاع لاف براسه جذا وموزه لافه الجانب الثاني..
المصور ترفع الكاميره مره:شوفوا هوون
موزه وهزاع التفتوا وترفع المصوره راسها بعد ما ثبتت الكاميراه وتحول بعيونها
هزاع وموزه:ههههههههههههههههههههه
المصوره تصور ببشكل سريع ..ما ينفع وياهم غير جذيه..
المصوره مبتسمه:خلصنا من هون وهلا بس نبقى لحالنا جوا بنصور كمان
هزاع:لا خلاص بس هالصور تكفي
موزه لاحظت ان هزاع بعده ماسك يدها..سحبت يدها منه وانتبه هزاع انه ماسكها وفتح يدها..ويلسوا على كرسي الكوشه..
ام محمد وام هزاع تقربوا يسلمون عليهم..وهزاع وموزه وقفو يسلمون عليهم وصوروا مع بعض كمن صوره..ونزلوا تحت..فجاه..هزاع انصدم وقطع النفس..
موزه ما لاحظت الحرمه اللي تتقرب منهم..هزاع بصوت واطي ومنصدم:حصه؟
موزه لفت براسها..وشافت هزاع كيف منصدم..بس مب عارفه السبب..
حصه تتقرب لموزه وتوقف موزه تسلم عليها..
موزه ما عيبها كيف هالحرمه مب متستره وويايه فوق هذا فوق تسلم عليها وهزاع عندها..حتى ولو!ترا هالشي عيب..
حصه عيونها مره لهزاع ومره لموزه وشايفه نفسها ومتكبره تبوس موزه على الطاير :مبروك
موزه:الله يبارك فيج
حصه تشوف هزاع اللي يطالع موزه مره وحصه مره..
حصه ترد اتطالع موزه الللي شكلها عرفت من هاي من عيون هزاع..
حصه:وعقبال الطلاق
موزه ما عجبها الحجي..بس المعازيم بكل مكان ويطالعون مب حلوه ايسون مشاكل هنيه
موزه باسلوب بارد:قريب انشالله..واحظر عرسج انتي وهزاع..
هزاع اللي مب عارف موزه زين كل مره تصدمه بشي.
حصه تنرفزت من موزه على اساس ان حصه تي وتنرفز موزه بس موزه بذكائها نرفزتها وكان شي مب صاير والامور طيبه وياها..
حصه تنزل من الكوشه وشكلها معصبه ومتنرفزه
موزه تيلس بهدوء مكانها ويطالعها هزاع ومب مصدق..
موزه تلف عليه ومبتسمه للناس اللي يطالعونهم:الناس تشوفنا على الاقل ابتسم وخل هالليله تعدي على خير
هزاع يشوف موزه وابتسم صدق بويهه مرتااح
موزه مبتسمه تلف براسها على الناس وتسوي باي باي لشيخه اللي تطالع حصه وهيه تمشي
شيخه :يعلها اتطيح
حصه تتخرطف بس ما طالحت وكملت مشي وطلعت من الصاله..
شيخه:ههههههههههه
…………………………….
ام محمد تصيح….
موزه تحظن امها :لا تصيحين امايه ..كل يوم بييج
ام محمد:الله يحفظج يا امايه..يعلللله مبروووك انشالله..
موزه تفتح امها,امايه ببدل فستاني..
ام محمد تساعد موزه تفتح عنها السحاب وتدخل موزه ورا الستاير تبدل فستانها
ام هزاع:خلصت؟
ام محمد:تبدل فستانها ورا
ام هزاع:سيري ميثاء ساعديها
موزه من ورا الستاير:ميثاء
ميثاء تدخل عندها…
تطلع موزه بعد عشر دقايق لابسه فستان ابيض خفيف وعليه شوي من الوردي الفاتح من الاطراف وتلبس عباتها…………
..فسيارة المعاريس..
موزه راكبه جدام ويا هزاع..
هزاع سايلنت..
موزه تمسك تلفونها واتطرش مسج
موزه(روحتي؟)
شيخه(واااااااااااااااااااااابويه انا؟؟ريلج عندج واتطرشين مسجااااااااااااااااات؟؟)
مووزه(جاوبيني)
شيخه(اساعد امج نرتب فستانج..شي تبين؟)
موزه(بتلقين الورده ورا الكرسي..هذي هديه مني لج)
شيخه(حبييييييييييبتي يعلني ما خلا منج)
موزه(ياينج الدور)
شيخه(شو قصدج؟)
موزه(بتعرفين قريب باي)
شيخه(نذله امبونج..مبروك)
موزه(الله يبارك فيج)
هزاع:ترانا ما بنسافر
موزه:ادري
هزاع:وبنسكن فبيت اهليه
موزه:ادري
………
دخلت موزه قسمهم…وشافتها تجنن..صدق انهم هوامير..ينعرف من الديكور
هزاع:تفضلي
موزه تدخل وعيونها تطالع الصاله كبيره وشرحه ووايد حلوه..تفتح الشيله من راسها وهيه تطالع..
هزاع يشوفها..بس:هذي الحجره..
يفتح هزاع باب الغرفه ويدخل يولع النور..
انا قلت الصاله حلوه وواسعه..لا سوري..اقصد ان الحجره صدق فخمه وراقيه..
تدخل موزه وراه…
يروح هزاع يفتح النور في الجانب الثاني من الغرفه وتبان غرفه الملابس..
هزاع:منيه غرفة الملابس.وداخل فيها الحمام..
موزه تهز براسها مره وحده انها فاهمت
هزاع يدخل غرفة الملابس ويطلع منها ماسك بجامه ومخده ولحاف:انا برقد فالصاله..خذي راحتج
موزه حست براحه وهزت مره ثانيه راسها مره وحده..
يطلع هزاع من الغرفه ..وتمشي موزه كمن خطوه وابتسمت اتشوف الديكور ..دخلت غرفة الملابس اتسبحت وبدلت ملابسها ولبست بجامه عاديه بنطلون للركبه وقميص نص كم(اوففف ناقصين نحن؟)
ولافه شعرها بالفوده وتدور بكل الغرفه تدور على السشوار ما لقته..دخلت غرفة الملابس وتدور واتدور..
موزه اتدور على رمونت المكيف تبا تقصر عليه ما لقت السشوار ولا الرمونت وغاسله شعرها..فتحت الباب بشوي شوي ولفت شافت هزاع منسدح على الكنبه ويشوف التلفزيون..
موزه مستحيه بس طلعت براسها:هزاع
هزاع ما سمعها..
موزه:هزاع
هزاع بعده ما سمع..
موزه حست بالبرد وعطست(اااتشوووووووووووووو
هزاع نقز وشافها..(اتروع هههههه)
موزه امبين انها بدت تزكم من البرد:وين رموت المكيف؟
هزاع شافها كيف تنشق خشمها صدق بردانه
هزاع:غاسله شعرج؟
موزه تمش خشمها بالكلينكس:هيه
هزاع يتقرب:الحين فنص اليل؟
موزه :الحين وين الرموت بردانه
هزاع:ما تشوفينه على اليدار؟
موزه تلف براسها داخل:لا
هزاع يبا يفتح الباب يعطيها الرموت بس موزه ما فتحت الباب مطلعه بس راسها:وينه انا بيبه انت خبرني
هزاع فتح عيونه:بتلقينه فوق انا شايفنه توني
موزه:ادخل اشوف
يدخل هزاع ويمشي سيده لمكان الموت بس ليش ان اكسسوارات الغرفه مغطيه عليه ما شافته موزه ويقصر على المكيف:بس جذيه؟
موزه واقفه على الباب من ورا:هيه
يرد هزاع الرموت ويرد الصاله مع انه لمح موزه بس سوا عمره ما شافها(تفاديا للاحراج)
سكرت موزه الباب ولفت الفوده زين على شعرها وانسدحت على الشبريه وتلحفت بس ما قدرت تنام متغير المكان عليها..
وفالصاله هزاع يتجلب ما رايم يرقد على القفنه مب متعود(حسبي الله..انا لو ارقد جذيه اسبوع بموت من ظهريه)
:………………………….
صباحا………………………
…موزه تحط اللمسات الاخيره ..تركب الشغاب بذنها زين …ولابسه فستان ملون بالوان ناريه..
ويندق باب الغرفه بشكل سريع
موزه:تفضل
هزاع شال اللحاف والمخده ويربع بهن:امايه امايه
موزه تربع تمسك عنه اللحاف ويترابعون لغرفة الملابس
هزاع مرتبش:وين وين؟(يدور الكندوره
موزه:اتسبببببببببح قبل..
هزاع يمسك الفوده ويربع للحمام
..موزه تفتح كبت وتحط اللحاف فيه وتربع بخفه للصاله وتفتح باب الصاله مبتسمه..
ام هزاع:صباح الخير
موزه:صباح النور
ام هزاع:مبروك يا عروس
موزه:الله يبار فيج عمتيه قربي
ام هزاع:لا امايه الساعه الحين عشر..قلت بيب لكم فطوركم هنيه..وتدخل الخدامه شاله صينيه كبيره وتحطها فوق طاولة الصاله
موزه:بنفطر وياكم تحت
ام هزاع:هههه لا امايه انا وعمج نفطر من الصبح..يالله برايج
وتطلع ام هزاع وتسكر موزه وراها الباب وتحط يدها على صدرها:اوففففف يا رب.
هزاع يوايج من الغرفه:سارت؟
من شكله يبين انه خذ دوش سريع والماي يقطر من شعره
موزه :هيه سارت يايبه الفطور وحليلها لين هنيه..(تكلم عمرها:لو نزلت قبل بخمس دقايق ما خليتها تتعنى وتيبه لين فوق
هزاع يطلع من الغرفه ويمش راسه بالفوده وايلس
هزاع:تعالي تريجي
موزه تيلس مجابلتنه..وتحتار بشو بتبدا..خبز وسمن وعسل..او ثريد..او محلا..او لقيمات..
هزاع يطالع بعد بشو بيبدا.
وبنفس الوقت يمدون ايدينهم على نفس حبة اللقيمات..وبعد ما تلامست ايدينهم يااخذ هزاع حبه ثانيه بسرعه وموزه بعد وكلوا بهدوء..و(بلا مناقر من صباح الله خير|)
……………………….
شيخه منسدحه بكل ما فيها من ملل على بطنها فالصاله على القنفه..
تمسك تلفونها اتشوفه وترد تحطه تحت..وتنجلب مره شرق ومره غرب
ام جاسم:بلاج جنج ملدوغه
شيخه:امااااااااااااااااااااااااااااااااااااااااااا ااااه
ام جاسم:ذيـب(هذي ذيب مشهوره وايد يوم البنات يحنن فوق روس امهاتهن الام تقول لهن ذيب..مافي امل)
شيخه بالملل المجسم فوق راسها:تقولين لي ذيب؟الله يسامحج
بو جاسم يدخل عليهم:السلام عليكم
ام جاسم:وعليكم السلام
اعتدل بو جاسم من بعد ما كسر يد حرمته
شيخه تيلس(صح ان ابوها اعتدل ولا رد يشرب بس تخاف منه)
بو جاسم:بلاكن؟اسمع حسوسكن من خاري
ام جاسم:ماشي.من وين ياي؟
بو جاسم:طال عمرج ياي من البلديه
ام جاسم:البلديه؟شو عندك هناك؟
بو جاسم:ماشي ..بطاقتيه انتهت وسرت ايديها
ام جاسم:هييييييييه البطاقه.
شيخه:بسير داخل
بو جاسم:يلسي شيخه اباج فسالفه
شيخه:خير ابويه
بو جاسم ابتسم:في ريال يا وخطبج مني
شيخه انصدمت
ام جاسم:من هالريال؟
بو جاسم:عبيد ولد مصبح الـ******
ام جاسم:من ذيلا ما اعرفهم
بو جاسم:ورااج ما تعرفينهم؟ مصبح بن راشد اللي كان ساكن عدال هلج؟
ام جاسم تتذكر:هييييييييييه توني عرفتهم..وين لقاك هوه؟
بو جاسم:تلاقيت وياه البارحه وقالي يبا يخطب شيخه لولده عبيد
شيخه عايشه حالة صدمه قامت عنهم وسارت حجرتها وسكرت الباب وراها..يلست على الارض..:يا ربي..شو اسوي؟..
تمسك التفون تبا تكلم موزه بس موزه عروس ما تبا تزعجها..
شيخه:يا ربي شو هالمصيبه؟؟؟!!!
…………………………………
بو هزاع وهزا ع وام هزاع وموزه مجتمعين حول طاولة الطعام…غداء….
بو هزاع:ليش ما بتسافرون؟
هزاع:ما نبا نسير..وانا عندي اشغال وايد بالشركه
بو هزاع:حد شكالك لحال وقالك داوم؟الحين انته معرس,,اسبوعين ما ابا اشوف رقعت ويهك بالشركه
موزه مستحيه منهم وتاكل لقيمات صغار بالمغرفه..
ام هزاع تحط لها لحم..كلي امايه وايد مضعفه..
موزه مبتسمه:اكل عموه
بو هزاع:انا حجزت لكم تذاكر
هزاع وموزه:!!!!!!!!!!!!!!!!!!!!!!!!!!!
هزاع:بس ابويه
موزه:عمي ما يحتاي
بو هزاع:الا يحتاي ونص..عنبوه معاريس وما يسيرون يتحوطون؟ الطياره باجر الساعه 11 الصبح
هزاع:وين؟
بو هزاع:سنغافوره
موزه فخاطرها(يا ربييي..حرررر )
هزاع:اسمينا بنفطس من الحر
موزه(!!!!!)
بو هزاع ضحك:ههههههه عيل تقول ما تبا تسافر؟
هزاع مستسلم:تراك تقول حجزت
بو هزاع:هيه حجزت..مب سنغافوره..تركيا
موزه فخاطرها(فووديتك عمي..عندك ذوق بالاماكن)
هزاع ابتسم:بعد تركيا احسن عن سنغافوره..
بو هزاع:زهبوا غريضاتكم الليله باجر تراكم بتغبشون المطار..
هزاع :انشالله
………………..
موزه فرحانه بالغرفه..بغرفة الملابس فاتحه الكبت تشوف ملابسها ومبتسمه..
هزاع يدق الباب..
موزه تسكر باب الكبت وتشيل الابتسامه وتروح تفتح الباب:نعم
هزاع:الحين صدق بنسافر؟
موزه:وش ودراني انا؟
هزاع:شو رايج انتي؟
موزه(هيه ابا اسافر لو مره وحده بحياتي):عادي
هزاع:عيل برمسه يكنسل السفره
موزه(لاااااااااااااااااااااااااااااااااااااااااااا ااااااااااااا)
هزاع يروح وايلس فالصاله ويشغل التلفزيون…
موزه تسكر باب الغرفه والاحباط كابس عليها,,
موزه:اوففف.دافع شي من جيبك؟..عنبوه الا تركيا..يا ربي شحلات تركيا..اوففففف خاطريه اسيررررر
هزاع يشوف التلفزيون بس سرحان:الحين شو خسران انا؟تراها كشته..بتحوط هناك وبغير جو..يا عيني على الجبال هناك فتركيا..اسميها ما تتفوت..
هزاع:موزه..موزه
موزه تفتح باب الغرفه:هاه
هزاع:هاه؟قولي نعم
موزه محبطه وما لها نفس:شو تبا؟
هزاع :انزين تعالي يوم اكلمج مب توايجين مثل الدياي
موزه تطلع من الحجره وتيلس على القنفه الثانيه:يا اخي ليش انته جذيه؟
هزاع:كيف يعني جذيه؟
موزه:ماشي شو تبا خلصني
هزاع:غيرت رايي
موزه:على شوه؟
هزاع:على السفره..
موزه :يعني شو؟بنسافر؟
هزاع:هيه..من زمان ما سافرت ابا اغير جو..
موزه(يا يتنج يا تركيييااااااااااااااااا):يعني الحين شو اسوي ؟ازهب ملابسي؟
هزاع:هيه ..بنسير ان شالله باجر
موزه توقف:تمام..
وتروح الحجره
هزاع:ححوووو حوو
موزه:شوه؟
هزاع:وملابسي؟
موزه:قم رتبهن بنفسك انا مب مسئوله عنك
وتدخل موزه مسويه طااف لهزاع
هزاع فاتح عيونه وثمه:..يا من شرا له من حلاله عله
.موزه توايج من الغرفه:كم يوم بنتم هناك؟
هزاع:اسبوع
وترد تدخل وتسكر الباب…………………
هزاع ابتسم ورد يشوف التلفزيون…
..
موزه فاتحه الشنطه وترتب ملابسها بعنايه..يالسه على الارض
هزاع فالجهه الثانيه من غرفة الملابس واقف وفاتح شنطته ويحط ملابس..
هزاع لاحظ ان موزه مبتسمه وهيه تقطب ملابسها..
هزاع يحط الملابس:اشوووووفج فرحااااانه
موزه غيمة مطر وبرق فوق راسها
هزاع:على اساس عادي؟(وبنص عين..*اخ يا لأيم)
موزه ما تشوفه تحط عباه احتياط وشيله وخمار..(النقاب حار الخمار اخف فالرحلات)
هزاع يتضحك عليها تبا تسافر ثرها .ههههه
موزه تتذكر وتقوم تفتح الدرج ..هزاع من صوب يدور على دلاغاته ومب لاقنهن
موزه تكلم نفسها:وين سارن؟
هزاع يشـهق..ويسكر الدرج بسرعه ويرد خطوه ورا..
فتح الدرج اللي يحط فيه دليغلاته ولقى ×.×
ملابس موزه الداخليه مصففه…
موزه تلف عليه..
هزاع احمر ويه واوني ما شفت شي:وين دلاغاتي؟
موزه :هذن هنيه.
موزه فتحت درجه وهوه فتح درجها..×.×
هزاع وقف جنبها يختار دليغاته وموزه ردت عنه وحطت صبعها على شفتها تتذكر مكان ملابسها الداخليه اليوم الصبح مطلعه منه وين سار؟
هزاع :الظاهر ان الشغلات خربطن بادراجنا
حط دليغاته فالشنطه وطلع
موزه ما فهمت بس تقربت من الدرج اللي كان هزاع فاتحنه وفتحته..واحممرررررررررررر ويها|(واااافشلتــــــــــــــــــــــــــــاه)
هزاع فالصاله:شو هالحال؟
………………..
محمد:متى امايه بتخطبينها؟
ام محمد:اكوه ابوك تخبره.
محمد قام من كهفه ويلس عدال ابوه:هاه ابويه شو قلت؟
بو محمد:ما عليه ابويه انشالله بس اصبر شويه الناس ما تعطي خير..امس عرس اختك اصبر شويه
محمد فرح:انشالله بس لين اخر الاسبوع
ام محمد:ههه
بو محمد:هههه انا اقول اصبر..يعني شهر
محمد:خيـــــــــبـــــــــــه شهر؟؟؟؟!!!!!
ام محمد:بناغيهم نحن العرب ما عليه
محمد :الــــــــــلــــــه يطول بعمركم يا رب
…………………..
………………………………………
موزه وعمتها تحت………….
ام هزاع:رتبتي كل ملابسج؟
موزه:هيه عمتيه
ام هزاع:شيكي على ثياب هزاع تراه دوم ينسى يشل شي..مره فوده ومره معجون .كل مره ينسى شي يوم يبا يسافر
موزه:انشالله
ام هزاع:وينه عيل؟
موزه:يتسبح..الحين بينزل
هزاع:السلام عليكم
ام هزاع وموزه:وعليكم السلام.
هزاع:وين بويه عيل؟
ام هزاع:فغرفة المكتب داخل
هزاع يقوم ويسير صوب ابوه..
وموزه تنود..
ام هزاع:سيري امايه فوق ريحي شكلج تعبانه
موزه توقف:تصبحين على خير
ام هزاع:وانتي من اهله
ترقى موزه فوق…تتسبح وتلبس بيجامه وتنسدح فوق الشبريه وتمسك تلفونها
موزه(هلااااااااااااااااااا)
شيخه(هيهيهييييهيههيييييي)
موزه (شفيج اتصيحين؟)
شيخه(انخطبت!!)
موزه(ما خبرتني امايه)
شيخه(لاااااااااااااااااااااااااااااااااااااااااا)
موزه(شوو لاااااااا؟)
شيخه(بموت موزوووه بموووت)
موزه(ليش شو هناك؟)
شيخه(خطبني واحد اسمه عبييييييييييييييييد)
موزه يلست (شووووووووووووووووووووو؟؟)
شيخه(هييههيهيييييييييييي)
موزه(مب محمد؟)
شيخه(شو دخل محمد اقولج خطبني واحد اسمه عبيد هيهيهيييييهههيييييييهيهيهيهييي)
موزه(لاااااااااااااااااااااااااااااااااااااااااااا اااااااااااااا)
شيخه(هيهيهيههييييييييي)
موزه(وافقتيييييي؟؟؟؟؟؟؟؟؟؟؟؟؟؟؟)
شيخه(لااااااااااااااااااااا لاااااااااااااااااا ما ابااااااااااه)
موزه(والله يا ويلج مني..محمد..حرام عليج)
شيخه(انا وين وانتي وين..اقولج انخطبت وتقول لي محمد!!!)
موزه:بكفر عن الحلاف سامحني محمد استغفر الله العظيم (محمد اخويه يبا يخطبج)
شيخه(×.×)
موزه(والله العظيم كلم امايه من فتره بس التهوا بعرسي)
موزه(بخبر محمد)
شيخه(موزه…حبيبتي …انقذيــــــــــــــــــــــــــنيي)
موزه(انتي موافقه على محمد؟)
شيخه(^.^)
موزه(برمس امايه باجر.)
شيخه(*.*)
موزه(Z.Z)
شيخه(z.z)
………..
نامت موزه على الشبريه وتلفونها فيدها…..
……………………
يدخل هزاع الصاله ..ويطلع تلفونه ويتصل ويتكلم بصوت هادي:مرحبا
حصه:هلا وغلا
هزاع يلس على القنفه:شحالج؟
حصه:ابخير..زعلانه منك انا
هزاع:ليش؟
حصه:ما قلت بترمسني البارحه؟ليش ما اتصلت؟
هزاع:تلفوني فضى
حصه:تجذب عليه انته؟
هزاع:لا طبعا..صدق فضى..
حصه:وين انت الحين؟
هزاع:نودان ابا ارقد فالبيت
حصه:وموزه؟
هزاع:ما ادري..يمكن فالحجره اقولج
حصه:نعم
هزاع:باجر تراني بسافر
حصه:شووووه؟بتسافر؟؟انت قلت انك ما بتسافر
هزاع:هذا ابويه قص التذاكر وعطانا اياهن هديه..عاد ما رمنا نفشله..
حصه:وين بتسير؟
هزاع:سنغافوره
حصه:سنغافوره؟؟هيه احسن بعد حر هناك عشان ما ترتاح مويزوه
هزاع:اه؟هيه احسن ..يالله حصه تصبحين على خير
حصه:وانت من هله يا قلبي
..ويسكر التلفون.ما يعرف ليش جذب على حصه..ويروح يدق باب الغرفه بس محد يرد..ودق مره..ومحد رد..
فتح هزاع الباب بشوي شوي..ولقى موزه منكمشه على السرير ونايمه..رد باللحاف عليها ودخل غرفة الملابس…
وطلع بعد فتره لابس بجامته وشال لحافه والمخده..
وقبل ما يسكر الباب شاف موزه كيف نايمه مثل البيبي وماسكه تلفونها بيدها..تقرب هزاع وشل التلفون بهدوء من يدها وحطه على الكوميدينا ورد باللحاف زين عليها وطلع وسكر الباب وراه……
…………………
ام محمد:اسميه بيحتشر..
موزه واقفه عند التسريحه وبعدها ما لفت شعرها..:انزين انتي خبري ابويه خليه يتصرف
ام محمد:الله يعيني عليه اليوم
موزه:انشالله تكون شيخه من نصيبه
ام محمد:انشالله يا رب
موزه:امايه بعد شوي بنسافر تركيا شي توصيني من هناك.؟
ام محمد:تركيا؟ بتسيرون تركيا؟
موزه:هيه
ام محمد:اتسيرون وتردون بالسلامه
موزه:سلمي على بويه ومحمد
ام محمد:انشالله امايه الله يحفظكم سلمي على هزاع
موزه:يوصل مع السلامه
وتسكر موزه التلفون ويدخل هزاع الغرفه شال لحافه فيد ويحك شعره بيد..
موزه ابتسمت من شكله بس سوت عمرها مب منتبه له ويلست على كرسي التسريحه تسحي شعرها..
هزاع يمشي وشكله نودان ومتكسر من الرجاد على القنفه حط يده على ظهر ورفع بعمره ونقع ظهره:ااااااخخ
موزه التفتت عليه
هزاع يكمل مشي ويدخل غرفة الملابس…..
موزه(يا ربي..يمكن ظهره يعوره..هذا مب متعود يرجد على كراسي..)
بعد نص ساعه طلع هزاع لابس بنطلون وقميص وجوتي وحركات جيه ستايل اوروبي..
……………………………..
شيخه(فالمطار؟؟O.O)
فاطمه(وين بتسافرون؟)
موزه(تركيا)
فاطمه(تسيرين واتردين بالسلامه)
موزه(شي توصني من هناك؟)
شيخه(هاتي لي كل شي من هناك.ان ييتي تطلوحين ايدج بردج نكس تركيا فاهمه؟)
فاطمه(سلامتج حبيبتي.شيخه وابويه استحي )
شيخه(وليش استحي هذي موزوتي ..مويزه حبيبتي ما اوصيج..)
موزه تتضحك بصوت واطي على شيخوه:خخخ
هزاع يلتفت لها..يالسين بالكوفي ..
موزه مشغوله تسولف ويا شيخه وهزاع يطالع موزه!!
هزاع:من تكلمين؟اشوفج تتضحكين!
موزه:وانته شو يخصك؟(وترد تكتب مسجات..
هزاع:ادري انه ما يخصني (ويلف يانب..
…فالطياره موزه وهزاع راكبين درجه رجال الاعمال..
موزه قلبها يدق اول مره تركب طياره..وبعدين درجه اولى كل كرسي بروحه له خصوصيته..حط هزاع شنطه صغيره كان شالنها وياه فوق..ويلس مكانه وموزه يلست مكانها..دقايق وبدت المضيفه تخبرهم بطرق السلامه والمعلومات المتعلقه بالرحله..
موزه تجدم راسها تشوف هزاع..بس هزاع مب مبين لها لان الكراسي لها حواجز دائريه ما ينشاف الركاب..
وترد براسها..ويطلع هزاع راسه يشوف موزه بس ما شافها..
..وهم طايرن فالجو ….
هزاع بصوت واطي:موزه
موزه اللي عيونها شرق وغرب انتبهت وطلعت براسها:نعم
هزاع:فتحي النقاب ما تنشافين
موزه:افرق حد يشوفني
هزاع بطنازه:عدال..
بانت موزه من عيونها انها عصبت
هزاع يتدارك الوضع:لا محد بيخطف
ترد موزه مكانها زين وتفتح نقابها وتتحجب زين وشكلها يالسه تاكل علوج(ذنيها عورنها من طارت الطياره..)وتطلع كتاب من شنطتها الصغيره وتردها تحت الكرسي وتقراء..
هزاع قام وسار الحمام..وفردته شاف موزه مندمجه فالكتاب وتتعلج.حاطه ريل على ريل بشكل طبيعي.
شكلها حلوه..يلس هزاع مكانه وطلع براسه:موزه
موزه تجدم راسها تشوفه
هزاع:شو تسوين؟
موزه هزت راسها نفي(ماشي)
هزاع يفتح التلفزيون ويرفع الرموت لها
موزه هزت راسها انها تعرف
هزاع:شغليه
موزه هزات راسها انها ما تبا وترفع الكتاب شوي(ابا اقراء)
هزاع رفع كتوفه (كيفج)
…………….
…………وبنفس الوقت……
فاطمه فالحوش..ويالسه تشوف السماء..مغيمه وبدا الجو يحر..
بو حمود وقف جنبها ويطالع السماء:شكلها بتمطر
فاطمه:انشالله يا رب
بو حمود:فاطمه امايه انتبهي لحمود..
فاطمه:لا توصي حريص..هذي اول مره فيها تسير ليوا؟
بو حمود:باجر الظهر ان شالله بكون هنيه
فاطمه:تسير وترد بالسلامه..
بو حمود:شي فخاطركم شي تبون؟
حمود يطلع من الصاله:رطب
بو حمود:هههه رطب؟ماشي رطب بهالوقت
فاطمه:هههه بعده حمود الرطب
حمود:عيل سلم على يدوه..لو غايب باجر مب اخير اسير وياك اسلم على يدوه؟
بو حمود:يوم يخلصن امتحاناتك بشلك وياياه انت وفاطمه
حمود:يا هلالامتحانات.اسميهن ما يخلصن.
بو حمود:ههه يالله شي فخاطركم؟
فاطمه وحمود بكلمات متداخله:مع السلامه..تسير وترد بالسلامه..الله يحفظك ابويه
…………………………….
………….راشد:شوي سوي هنيه؟
منصور واقف بالسياره………….
راشد:كمن مره شفته واقف مجابل بيتم قوم حمود..غريبه؟..
راشد يكلم نفسه…
سالم من وراه:ترمس من؟
راشد:اتشوف ذاك الاستيشن؟
سالم:الابيض؟
راشد:هيه
سالم:شفيه؟
راشد:هذا ربيع احمد اخويه.بس شوي سوي هنيه؟هوه مب من هاي الحاره
سالم:يمكن ياي عند حد من ربعه؟
راشد:انزين ما ينزل من السياره..يوقف هناك كل يوم..
سالم:كل يوم؟
راشد:هيه كل يوم اشوفه هنيه..
سالم:ما خبرت حمود؟
راشد:لا ما قلت له
سالم:يمكن يقرب لهم
راشد:لو يقرب لهم ما بيدخل داخل؟ليش يوقف بسيارته هناك ويتم نص ساعه ويسير؟
سالم:ثرك مراقبنه؟
راشد:تعال تعال بنشوف شو عنده
راشد وسالم يمشون صوب منصور
منصور شافهم وحرك سيارته وروح..
راشد:ياخي غريبه
سالم:ما فيها شي عادي يمكن كان واقف يرمس تتلفون بس
راشد :لا ما ظنتي…………….
………………………………………….. …..
شيخه(هزرج وصلت؟)
فاطمه(اعتقد)
شيخه(هيييهييي مب حلوه البلاد بلا موزه)
فاطمه(عنبوه ما واحت توها سايره عنج)
شيخه(شو تسوين فطوم؟)
فاطمه(فالمطبخ اسوي كيك)
شيخه(حمااااااااااااااره..وما تطرشين لي؟)
فاطمه(ههههه انشالله بطرش لج..بس بعده ما خلص)
شيخه(يوعانه..تراني بترياج خخخخخ)
فاطمه(ههههه تمام..بسوي لج تلفون يوم اخلص)
شيخه(تمام..ثانكيو فطومي)
فاطمه(يور ويلكم سويت هارت)
………………………
تركيا………….
فالفندق….الرسبشن…
هزاع يرمسهن بالانجليزي عاد انا عليه الترجمه(لوووول)
هزاع:ماذا؟
الموظفه:انا اسفه ولاكن الجناح الخاص لم يجهز بعد لم نكن نتوقع وصولكم اليوم .الحجز يبدا هنا من الغد وليس اليوم
هزاع:وصلنا اليوم.ما العمل؟
الموظفه:يوجد لدينا غرفه واحده
هزاع:واحده؟؟اريد واحدة اخرى
الموظفه:اسفه لا يوجد سوا غرفه شاغره واحده فقط
هزاع يكلم موزه:والحين؟
موزه:انزين خذها انا تعبانه با ارتاح وخير لين باجر
هزاع يكلم الموظفه:حسنا سوف ناخذها
الموظفه :حسنا..
………..
يفتح موظف الفندق الغرفه ووتدخل موزه وهزاع وراها..
موزه تيلس على الكرسي وهزاع يعطي الموظف فلوس ويطلع ..
موزه تفتح النقاب والشيله وتمسح على ويها:تعب
هزاع يتفقد المكان ويروح للحمام يشوفه ويرد يفتح الستاره..
موزه سكرت عيونها ابسرعه وردت تفتحهن بشوي شوي..
هزاع فتح الدريشه وخذ نفس عميق..
موزه بعد من مكانها..
هزاع يلف عليها:بنزل تحت شوي..عقب ساعه برد
موزه(فرصه عشان اتسبح وابدل ثيابي):اوكيه
هزاع يبا يطلع متعمد عشان موزه تاخذ راحتها وعقب ساعه بيطلع هوه وبيتسبح ويبدل ملابسه..
………………………
امطار الخير ……..
فاطمه واقفه على باب الصاله تشوف المطر
حمود يربع مره شرق ومره غرب(ياهل)
فاطمه:هههههههههههههه تعال لا تمرض
حمود يصارخ فرحان:ما بيي من متى ما يانا السيل..
هااا هههههههههههههههههههههههه
فاطمه:هههههههه
……
احمد يركب سيارته ةيسير ويا الشباب اللي التمو يشوفون المطر ويفحطون تحت المطر…
راشد:ليش ما شلني وياه؟
ام فيصل توه طلع
عاشه:ههه حتى فيصل ركب سيارته وسار
راشد يتصل عليه:احمـــــــــــــد تعاااااال بسير وياااااااااك
احمد:هههه لا ما شي سيره
راشد:دخيلك تعال ابا اسير وياكم
احمد:ههه يالله لاف عليك
راشد:بسوي لحمود يسير ويانا
احمد:يالله انقفض.
راشد يتصل بحمود:حمود..يالله يالله بنخطف عليك انا واحمد بنسير نشوف الوادي
حمود:لحظه لحظه بتلبس تريوني
ويربع حمود داخل الصاله وفاطمه تلحقه:وين تبا؟
حمود:احمد وراشد بيخطفون عليه بنسير نشوف الوادي
فاطمه:لا تسير
حمو يتلبس كندورته:ما بنبطي..
فاطمه :لا تتقرب من الوادي اخاف عليك
حمود:انشالله انشالله
ويسمع هرن السياره ويربع بسرعه خاري..
فاطمه تطالعه وخايفه على اخوها الوحيد,,,
…………….
كل شباب الحاره واقفين بسيايرهم ويطالعون السيل والويان..وحد يسوي ويلاات وفرحه المطر غير..
……….
فاطمه:يا ربي اذن العشى ولا يو..الله يسلمهم..
……..
في تركيا………..
دخل هزاع الغرفه بعد ما يلس ساعتين تحت..
وشاف موزه نايمه على القنفه ومتلحفه بشال احمر عريض ..
هزاع(نامت بلا عشى..وعلى القنفه بعد..اوعيها؟..لا برايها..)
يتقرب هزاع من الشبريه وينسدح على عرض ويرجد حتى بملابسه من التعب…….
…….
فالامارات…
راشد وحمود مبسوطين..
احمد:تبونا نرد؟
حمود:هيه الدنيا ليل ..ابويه محد فالبيت خلونا نروح|(خايف على اخته)
احمد:وابوك وين؟
حمود:ساير ليوا باجر بيي
احمد(الله يهديك ما قلت من قبل مخلي فاطمه بروحها)
احمد :يالله رادين الحين
…………
فاطمه تشوف التلفزيون..وقامت تبا تشرب ماي من المطبخ..فتحت الثلاجه وطلعت غرشة ماي صغيره وفتحتها وشربت..وفجأه سمعت صوت..راحت للصاله:حمود؟…حمود انته ييت؟..
فاطمه ما شافت حد..وتوها بترد المطبخ ..واذا ريال واقف وراها ومتلثم بسفره..تروعت فاطمه وصرخت..
مسكها الريال وحط يده على ثمها..
فاطمه تقاومه بس هوه زاخنها بقو..
ويحاول يسحبها على داخل بس فاطمه لمحت بازل الورد ومسكته من جدام وضربته على راسه ..
داخ راسه وفتحها..وربعت فاطمه..يربع وراها ..ويحاول يمسكها بس فاطمه تربع باقصى حيل لباب البيت ما لحق غير شيلتها مسكها وفاطمه لافتها على رقبتها ومسكها بسرعه ودارت فاطمه وحررت نفسها من الشيله وتربع باقصى حيل..الدنيا برا مطر..وفاطمه تربع وخايفه..
فر الريال الشيله على الارض وطلع يدور عليها..
………..
وقف احمد بسيارته:يالله حمود وصلنا
حمود:ليش باب بيتنا مفتوح؟
احمد:هاه؟يمكن اختك فاتحتنه تترياك
حمود:حتى لو تترياني فطوم مستحيل تخلي باب البيت مفتوح
احمد:سر انحدر شوف
ينزل حمود من السياره ويدخل البيت..
راشد:احمد..
احمد:هاه؟
راشد:مب ذيج سيارة منصور؟
احمد يلف براسه:هيه..شو موقفنه تحت السدره؟
راشد:كل يوم يوقف هنيه.ويوم يشوفنا يسير ليش؟
احمد تذكر موقف المول…
حمود يربع لهم ويدق الجامه
احمد يفتح الجامه..
حمود بخوف والمطر ينزل عليه:ما لقيت اختيه..
احمد بلق بعيونه:شووووووووووووووووووه؟
حمود بصوت يبا يصيح ومتروع:حتى باب الصاله مفتوح ولقيت دم فالصاله وشي منكسر فالصاله ..الدنيا كلها غراش..
ينزل احمد يربع لداخل وحمود وراشد وراه
احمد يدخل الصاله وهوه في حالة ذعر ويشوف المكان منعفل والزجاج على ارضيه الصاله وقطرات دم جنبها..
احمد :شفتها فالحجر؟
حمود:هيه محد فالبيت كامل..
ويربعون يدورون بكل مكان..
راشد:حمود حمود
حمود واحمد يترابعون له فالحوش
راشد :مب شيلة فاطمه هاي؟
حمود يمسكها ويشههق
احمد يمسكها ابسرعه:ويننن اختك؟؟؟؟؟؟؟؟؟
حمود:ما ادري ما ادري فطووووووووووووووم فطوووووووووووووووم
احمد:فاااااااطمه فاااااطمه
راشد:فااااااااطمه فاااااااااطمه
بس ما سمعو لها صوت….
……..تتذرا ورا النخل وتيلس على الارض المبتله وتصيح وحاطه يدينها الثنتين على ثمها عشان ما يسمع صوتها..وبلا شيله ..وشعرها مبلول من المطر..
منصوربدوره دور عليها بكل مكان..وما لقاها ..ورد لسيارته بشكل سريع..احمد يدور خاري البيت..وحمود وراشد بكل مكان..
احمد شاف ريال متلثم يمشي بشكل سريع صوب سيارة منصور..
احمد طفر بعيونه وتاكد ان منصور سوا شي بفاطمه..ويربع احمد له..منصور توه بيفتح باب السياره ويلفه احمد والشرار ينطر من عيونه:وين فاطمه؟
منصور:من فاطمه؟
احمد يضربه بكس:اقولك وين فاطمه
منصور طاح عل الارض ويمسكه احمد مره وويوقفه على السياره ويزخه من حلجه:ويييييين فاطمه؟
منصور مخنوق:ما ادري ما ادري
احمد يشوف الدم على راس منصور:ويين وديتها يالنذل الخايس..
ويضربه احمد كمن بكس يبرد فواده شوي..
ويطيح منصور على الارض من قوة البكسات ..
احمد ركب فوق بطنه:بتقول لو اجتلك الحين؟
منصور يقاوم احمد:والله ما ادري والله العظيم
احمد:عيل وين سارت؟
منصور تردد يقوله بس نطقها:شردت
احمد فتح عيونه على وسع:.اخخ يا لحقير
منصور شاف احمد كيف غدا وحش
منصور:والله ما يتها ولا صكيتها..
احمد عطااااااه ذاك البكس اللي خلت الدم ينطر من ثم منصور..
ويقوم عنه يربع يدورها..
….فاطمه تشوف المكان اللي هيه فيه..وافكار تشلها وافكار تيبها..يا ربي شو هالفضيحه..يا ربي ما يلقاني هنيه يا رب..تمت فاطمه تدعي ربعها ودمعها ما وقفن من عيونها..والمطر ما وقف..والدنيا نص ليل..وحمود وراشد واحمد يدورون بكل مكان بالحاره..
…………..
احمد يمشي سريع على اطراف البيوت واماكن الزرع وينادي عليها بصوت واطي:فاطمه..فاطمه..
فاطمه منكمشه على نفسها..
احمد وقف عند بيت جدة موزه(الجده العوده)ووايق فالزراعه المظلمه:فاطمه..فاطمه انتي هنيه؟
فاطمه سمعت الصوت وتمت ترتجف مكانها تحسبه منصور الزفت..
احمد تلاقا براشد:ما لقيتها؟
راشد يناهي من الربعان:لا ما لقيناها..حمود ربع اليانب الثاني يدورها..
فاطمه مب مستوعبه من اللي يدور؟!!(من الصدمه)
راشد ربع:انا بسير منه..
احمد مب عارف كيف يبلع ريجه من الربعان:وينج يا فاطمه؟
…ومجبل احمد صوب الشارع يطالع يمكن يلمحها او شي..
وباصابع ترتجف وقطرات المطر اللي تنزل عليها تمسك فاطمه سفرة احمد من ورا وتنخش بسرعه تحت سور الزراعه
احمد تروع ورد خطوه ورا وحط يده على صدره وحده وعلى راسه وحده يتحسس مكان السفره..
احمد:بسم الله الرحمن الرحيم..
فاطمه بصوت صياح ومبحوح:وين حمود؟
احمد:فاطمه؟؟(واخيرن برد فواده)
يدخل احمد بسرعه فالزراعه ويلقاها حاطه السفره على راسها و متلثمه..ويالسه على الارض..
احمد ربع ونزل على ريوله ويتفحصها بعيونه:شي فيج شي يعورج سوا بج شي هالنذل
فاطمه رفعت عيونها اتطالعه والدموع اربع اربع
احمد:خلاص خلاص لا تصيحين..والــــــله لاذبحه
فاطمه تصيح:لا دخيلك..استر عليه الله يستر على خواتج
احمد يوقف:قومي تعالي بوصلج البيت..
وتنش فاطمه غصب وكندورتها خايسه تراب وماي وتحاول تمسح عيونها:الله ينتقم منه يا رب
احمد معصب على منصور ولو شافه جدامه الحين بيجتله..
احمد شاف فاطمه مب قادره تمشي وترتجف بقوه..
احمد يهديها:خلاص فاطمه لا تخافين..بوصلج لين باب بيتكم..وصدقيني ما راح يقدر يقرب من الحاره امره..يالله نسير دام ماشي سياير خاري
فاطمه تمشي بشوي شوي وتتلفت متروعه لا ايي منصور..يمشي احمد خطوه جدام بس فجاه مسكت فاطمه يده خايفه..:اصبر
احمد تم قلبه يدق:لا تخافين
فاطمه:يمكن بعده خاري
احمد:لا مب خاري..انا تاكدت محد هنيه
فاطمه تفتح يدها..بس احمد مسك يدها مره وقادها وطلعوا من الزراعه..ووصلها لين البيت فتح الباب ودخلت فاطمه واحمد وقف خاري.
فاطمه ترددت تدخل..
فاطمه:احمد
احمد:نعم..شي يعورج؟
فاطمه:لا بس..
احمد:شو؟
فاطمه مسحيه منه ومفتشله:ممكن تدخل اتشوف اذا في حد داخل البيت؟
تخاف انها اذا دخلت تلاقي منصور داخل يترياها..
احمد دخل وسار يشوف فالصاله وفي الغرف..والمطبخ وما لقى حد..
ورد عندها عند الباب الخاري:محد داخل..ارقدي مطمنه..انا مب ساير مكان..بيلس فالميلس لين ايي حمود وراشد
فاطمه ارتاااحت:لولاك ما اعرف شو كان بيستوي لي
احمد:الحمد لله دامج ابخير..وهذا السبال دواه عندي
فاطمه:بس دخيلك لا تسوي به شي..اخاف يحبسونك الشرطه والا يسوي بك شي
احمد:لا تحاتين انتي دخلي داخل وارتاحي.
فاطمه:احمد لا تخبر ابويه
احمد:ليش؟
فاطمه:والله ان درا بيروح فيها..ابويه فيه القلب واخاف عليه…حتى حمود لا تيب له طاري..
احمد:بس حمود كان يدورج ويايه
فاطمه:بقوله اني كنت فبيت يارتنا..بدبري عمري وياه..بس استر عليه الله يخليك
احمد يبا يخبر ابوها عشان ما يخليهم بروحهم ويسير عنهم..بس مناك ان قاله واستوى شي عليه ما بيقدر يجابل فاطمه اللي ناخيتنه..
احمد:خلاص تم ما بقوله..بس انتي تفاهمي ويا حمود لانه ما بيقتنع عقب اللي شافه فالصاله..
فاطمه:جزاك الله خير والله يكثر من امثالك
احمد:ما سويت غير الواجب.
فاطمه تمشي لداخل الصاله..
واحمد عيونه تحولن لشرار احمر..وين بتسير مني يا منصور..
…………………….
حمود:داخل؟
احمد:هيه دخلت من شوي يت
حمود يربع داخل الصاله واحمد يطلع من بيتهم وراشد يلقاه خاري
راشد:وين كانت سايره؟
احمد معصب ولا تكلم
راشد:احمد..وين كانت فاطمه؟
احمد:عند يارتهم
ويحرك السياره يروحون البيت
…فاطمه طالعه متسبحه..
حمود فغرفتها:وين كنتي؟
فاطمه ما تبا تبين له..ومبتسمه:عند شواخي
حمود:ليش طلعتي وما قلتي لي؟
فاطمه:ابويه سامح لي اروح عندها.وانت سرت عند الوديان..سوت لي تلفون وسرت عندها
حمود:والصاله شو فيها معتفسه؟
فاطمه:كنت ارتب صاله وطلع لي فار وتروعت وتميت افره ومناك خطف على غرشة الورد وانكسرت
حمود المحقق كونان:والدم؟
فاطمه ترفع يدها ملفوفه بشاش ابيض:سرت بشله ويرحتني..
حمود مب مصدقنها بس فاطمه ما قد جذبت عليه..فمشى الامور..
………………………….
تركيا صباحا…………
……فتح عيونه بشوي شوي..وسكرهن وغصب يشوف من الشمس اللي دخلت عليهم.. رد فتح عيونه زين ويلس على الشبريه..وشاف شال احمر على ريوله..لف يشوف مكان موزه بس ما لقاها وسمع صوت رشاش الماي فالحمام..
قام هزاع من الشبريه وطلع روب الحمام من الكبت..ورد فتح الشنطه الصغيره وطلع الكاميرا والعدسه وركبها وتم يشوف من خلالها يفحصها زين ولف بالكاميرا على المزهريه اللي فيها ورد طبيعي بالغرفه وخذ لها صوره.ولف والكاميرا بعينه واذ بموزه لابسه روب الحمام والفوده على راسها ويفص لا اراديا على الكاميرا
موزه تروعت :شو تصورررررررررررر
هزاع قافط:لا لا ما صورت..بلا فلم..ما حاط لها..
موزه:اشوا..
وتسير تفتح شنطتها وتبا تيلس بس مب عارفه لابسه روب واصل لين تحت ركبتها وهذا بعده ما دخل الحمام يالس يشوف كيمرته ويعابل فيها..
موزه تطلع من الشنطه ملابس لها :ابا اتلبس
هزاع كان يطالع صورة موزه فالكاميرا كيف كان ويهها منور وشكلها بيبي فيس..
موزه:احمم احمم
هزاع انتبه:هاه
موزه ترد عليه:قول نعم مب هاه(مثل ما تقول انا بقول
هزاع عرفها تقلده:نعم
موزه:ابا اتلبس
هزاع:من قبظج؟
موزه حاست راسها على يانب(لا والله!!!)
هزاع عرف وحط الكاميرا ومسك الروب ودخل الحمام يتسبح..
.وحليلج يا موزه تلبست على السريع ولا طيران الخيلج
وحطت لها مكياج خفيف بس كحلت عيونها مخليه عيونها تقتل من وسعهن وحلاتهن..
ولبست شيله ورديه تناسب التنوره والقميص اللي لبستهن..ومطلعه قصتها من الشيله…
ووافقه على المرايه تلف يمين ويسار تشوف نفسها..هزاع طلع من الحمام..
موزه انتبهت ..
موزه:انا بنزل تحت
هزاع:انزين صبري لين اتلبس بنزل وياج
موزه(انا نازله عشان تتلبس حضرتك )
موزه تلبس عباتها وحطت شيلتها الورديه ولبست شيله سودا وخمار..وهزاع كان يطلع له ملابس من شنطته
وتوه هزاع بيلف ماسك ملابسه عشان يروح الحمام يتلبس موزه كانت ظاهره ومسكره الباب وراها
هزاع فتح عيونه:وين تبا هذي الحين؟؟
ويتلبس بشكل سريع موزه طيران الخليج وهزاع طيران الاتحااااد لوووووووووول
…………
وقف اللفت وطلع هزاع منه ومعلق الكاميرا على رقبته ويتلفت يشوف موزه وين..
موزه كانت يالسه وحاطه ريل على ريل وماسكه كتيب سياحي وتقراء…
هزاع لابس بنطلون جينز وقميص ابيض عليه خطوط زرقا وجاكيت اسود..ستااااايل
هزاع يلس عدالها :لا تطلعين بروحج لا تغيبين
موزه:تطالع الكتيب:ما بغيب انا نزلت من فوق لتحت وين بغيب مثلا بالدور الخامس؟
هزاع:انا اقصد اذا بغيتي تطلعين خبريني
موزه:تراني قلت لك اني بنزل
هزاع:حتى ولو نحن مب فالدار.
موزه تلف عليه:حد قال لك اني ياهل؟
هزاع يطالع عيون موزه..شكلها وااايد حلوه بالخمار..شكل حواجبها وعيونها ورسمت الكحل..صايره خيااااال
هزاع ما يبا يبين لها انها حلوه وقال لها:شو تبين تتريقين؟
موزه تطالع سيده وحطت يده تحت فكها تفكر:امممممممممممممممممممممممممممممممممم
هزاع يطالع شكلها وابتسم ورد يطالع سيده.
موزه:هيــــه ابا مناقيش
هزاع بدون تفكير:عاد المناقيش التركيه شي ثاني ..
موزه نفس الشي:هيه والله
هزاع وموزه ×.×
هزاع يوقف:يالله انسير..
موزه توقف ..
……………………………..
………
وفتح هزاع باب المطعم وتطلع موزه ويطلع وراها:والحين؟
موزه وهزاع يتمشون في شوارع استطنبول..
موزه تطالع الناس:وايد حلوه تركيا
هزاع:هيه جوها وايد حلو..بس في مكان فشمال اسطنبول فهالوقت يكون فيه ثلج
موزه:ثلج؟؟؟؟؟؟؟
هزاع هيه وهناك يتزلجون ومنطقه صدق انها بارده بس مزحومه من السياح
موزه:انت كم مره يت تركيا؟
هزاع:ياي العام بس يومين ورديت اشغال ويا الشركه..بس تمنيت اني ارد لها قريب
موزه تطالع المحلات والناس ومنبهره بالمكان..
هزاع يصور الاماكن والناس..
هزاع:ما تبيني اصورج؟
موزه:لا ما اريد اتصور ما اداني
هزاع:ذكريات تركيا
موزه ما تبا تنسى اول رحله لها:صورني هناك عند النافوره
هزاع ابتسم..
موزه يلست على الجدار الصغير للنافوره..
هزاع يشوفها من العدسه ورد يطالعها وياشر لها تسحب الخمار..
موزه تلتفت بعيونها..وهزاع شافها فرصه وخذ لها كمن صوره وهيه بالخمار مسوي زوم على عيونها..وفتحت موزه الخمار وطالعت هزاع..هزاع اصبوعه..
واحد…اثنين..
موزه ابتسمت ..
هزاع تم قلبه يدق ويدق ويدق ويدق…
واشر برقم ثلالثه وصورها..
موزه ردت الخمار وقامت تمشي بشكل سريع صوبه ورفعت راسها للكاميره:اشوف
هزاع ما خلاها تشوف"لا
موزه وعيونها برئيه: ابا اشوفها..
ذاب قلب هزاع…
وقرب الكاميرا لها وشافتها..موزه ابتسمت..صورتها طالعه حلوه ..يالسه مبتسمه والنافوره وراها تشتغل .
هزاع يطالع راس موزه من فوق لانها مب طويله وايد وياي راسها عند كتفه..
موزه ترد تلز عنه :اصورك؟
هزاع رجع للواقع:اها؟لا لا لا لا لا ما تعرفين اتصورين
موزه:ومن قال ما اعرف هات الكاميره
هزاع:ان طلعت مب حلوه بحذفها
موزه الخقاقه:انزين حذفها
هزاع ناولها الكاميرا وسار يلس بنفس المكان اللي يلست فيها موزه.وسوا حبتين….
سوت موزه زوم لين قرب ويهه والحبتين وصورت..وردت سوت زوم |أوت..وصورت وحده اوسع..
قام هزاع :اشوف
موزه تعطيه الكاميرا وعلامة النصر:ترااااااااا..ما اعرف اصور؟شوف
هزاع يطالع الصوره..:مش بطاله.
موزه:ويييييييييييييييييييييييييييي مش بطاله!!! طالع طالع الفن انته
هزاع:هههههه
موزه:ليش تضحك شوف التصوير
هزاع: هههه خلاص يا بوج زينه زينه هههههه
موزه تبتسم..بس تتذكر الطلاق اللي قرب..
ويلاحظ هزاع من عيونها نظرة حزن ..
هزاع:والحين وين تبين تسيرين؟
موزه:اها؟امم ما ادري..انا ما اعرف تركيا..
هزاع شاف اللي يعدلون اسكريم..
هزاع:شو هذا؟
موزه تلتفت:وين؟
هزاع ياشر:شوفي شوفي..شو يسوي هذا؟
موزه:هااااااااااااااااااااا..يسوي اسكريم
هزاع :شو دراج؟
موزه:قريته الصبح فالكتيب..يسون حركات غريبه وهم يعدلون الاسكريم
هزاع:انسير انسير نشوفهم
يمشي هزاع وموزه وراه..
هزاع وموزه يطالعون البياع كيف يسوي حركات وهو يقدم الاسكريم للناس..وتم يصور هزاع ..طلبت موزه اسكريم بالكراميل والفستق الحلبي..وعنده عصا طويله يوم مدت موزه تب تاخذ الاسكريم..مسكت المخروط ورفعه البياع عنها اسكريمها وتم فيد موزه مخروط الخبز فاضي.. وضحك هزاع…وصورهم هزاع بالحركات..
وطلب هزاع ومسوي عمره ما بتضحك عليه وتوه بياخذ اسكريم سوا عمره البايع ان اسكريم هزاع بيطيح ونزل هزاع بسرعه وماسك يدينه الثنتين لا يطيح الاسكريم وتفاجا هزاع ان الاسكريم بعده بالعصى ما طاح..
موزه تضحك من خاطر على شكل هزاع..وهزاع رد وقف:يلعن شكلك
موزه:ههههههههههههههه
هزاع عقد حواجب على البياع وعطاه البياع اسكريمه..وعربون اعتذار منه عطى موزه حلاوه تركيه مغلفه وعمز لها..(بياع تركي..لا تتخيلون مهند)
هزاع مسك يد موزه وسار بها بعيد..
موزه بذاك الوقت في حالة صدمه من تصرف هزاع
هزاع يتحرطم عليه..
وقف وفتح يد موزه.
موزه:هههه والله شكله طيب
هزاع:يعله زايل..
موزه:ههههههههههههههه
هزاع طالعها ومب عايبنه:انرد الفندق..يمكن خلص السويت..
موزه شافت في عيونه انه معصب صدق.:يالله زين ردينا..
………ردوا للفندق وكان السويت جاهز..غرفتين بصاله صغيره امبينهن…موزه فغرفتها وهزاع فغرفته.
…………………..
تطلع موزه من الغرفه وحاطه شيلتها على راسها وفاتحتنها ونازل شعر قصتها من الناحيتين..يلست وفتحت التلفزيون..
هزاع كان منسدح على بطنه ويطالع الصور..وموقف على صورة عيون موزه يوم لافه بعيونها وحاطه الخمار..واااايد حلوه الصوره..وفجاء سمع صوت التلفزيون..نش يلس وفتح الكبت وبدل القميص ولبس بلوزه بيضاء نص كم..وقبل ما يطلع شاف نفسهه فالمرايه وضبط شعره ورش عطر وطلع..
موزه شافته بطرف عينها بس كملت اتشوف البرنامج..
هزاع يحوس فالصاله..فتح الثلاجه ويلس على الارض(بدوي يالربع لازيم ايلسون على الارض)
هزاع عاطي موزه ظهره مجابل الثلاجه..وموزه تطالعه شو يسوي ياها فضول بس اوني مالي خص فيك..
هزاع يرفع غرشة خمر ع فوق:تبين؟
موزه :حسببببببببببببببي الله.
وتقوم واقفه وتضرب يدها على صدرها بقو حتى هزاع سمع الضربه
موزه:تشرررررررررررررررررب؟
هزاع انسدح بسرعه على ظهر يضحك وغرشه الخمر فيده..
موزه:حسبي الله ان جانك تشرب؟؟
هزاع مب قادر يكلمها من الضحك ويحاول انه اييلس بس مب رايم..
موزه فهمت ان هزاع يمزح..يلست بثقل على الكرسي وتتنهد:والله العظيم حسبتك تشرب
هزاع ياشر بيده لا ويضحك..
موزه تحط ريل على ريل وتمرر اصابعها بين قصتها تضبطها وهزاع يلس يمش عيونه من الضحك ولف على موزه:هااااااااااااااااا اسميج ضحكتيني
موزه ابتسمت:صدقتك تراني
هزاع:ههه ما تبينا نجرب؟
موزه:استفغر ربك شو هالكلام؟
هزاع يرد الغرشه وهوه يضحك ويستغفر بنفس اوقت
…ويرد يلف على الثلاجه ويطلع شوكولاه بانواعها ويشلهن لامنهن بحضنه ويمشي بهن ويفتح يدينه على الطاوله ويلس عدال موزه وفتح سنيكرز ويلس متربع على الكرسي:شو تشوفين؟
موزه تشوف التلفزيون:ماشي محدد ما فهمت عليهم
هزاع ياكل السنيكرز :هاتي الرمونت
موزه تعطيه..هزاع يبدل بالقنوات ويلقون قناة دبي
هزاع وموزه ابتسموا
هزاع:هييييييييه هاي القناة.سنعه..يعلني ما خلا من هالدار
موزه:طول شوي عجيب غريب
هزاع يطول وحط المخده بحضنه وياكل:ما تبين؟
موزه:لا ما اريد..
هزاع يتناول شوكلت ويعطيها:اندوج
موزه تمسكها.ما تحب هالنوع..بس فتحتها وخذت نتفه صغيره منها
هزاع من الصبح يسوي هالاجواء عشان يطري الجو وياها..بيني وبينكم بدا يحب موزه..
موزه:هزاع
هزاع يلف براسه عليها:هممم؟
موزه بويهه شبه مكسور وبتردد..:متى بتطلقني؟
هزاع انصدم(ليش تطري الطلاق الحين؟؟)
هزاع حط السنيكرز على الطاوله ومب عارف شو يقول:موزه
موزه:………….
هزاع:انا ادري انا متزوجين عشان اهلنا..بس…بس اأ..أ
موزه تقوم وشكلها مب مرتاحه من اليلسه:يوم نوصل البلاد..تقدر تطلقني يوم نوصل البلاد…واذا ردوا للسبب بنقول انا اختلفنا فتركيا وما تفاهمنا ..وخلاص..
هزاع:موزه
موزه تروح غرفتها…………
هزاع تنهد بصوت…..
………………………………..
بو حمود يدخل الصاله على عياله الظهر..
حمود راقد تحت التلفزيون كالعاده وفاطمه يالسه على القنفه وتفكيرها مب عندها..
بو حمود يتقر ب من فاطمه وبصوت واطي لا يسمعه حمود:السلام عليج
فاطمه انتبهت وقامت مبتسمه:وعليك السلام (تحب ابوها على راسه وارتااااااحت ان ابوها فالبيت من اصبحت مب قادره تيلس..ولا نامت طول اليل من اللي صار تحسبه حلم بس الواقع يقول مب حلم..
يلس بو حمود عدالها:شحالج امايه عساج ابخير
فاطمه:الحمد لله شو يدوه؟
بو حمود:ابخير وسهاله زعلت عليه ليش ما شليتكم ويايه قلت لها يوم يخلصن امتحانات حمود بنيج كلنا
فاطمه:هيه بويه من يخلص حمود خلنا نسير ليوا ونتم هناك
بو حمود استغرب ان فاطمه تبا تخلي العين اللي ربت فيها وتبا تسير تسكن فليوا:انتم هناك؟
فاطمه:اه.؟لا اقصد نصيف هناك
بو حمود:اذا تبون تصيفون فليوا ما عندي مانع بس انتم هناك؟لا اشغالنا ودواماتنا هنيه
فاطمه:لا ابويه بس نصيف هناك
بو حمود:انشالله..
………………………………………..
احمد يدق الباب..
تطلع بنت صغير:نعم؟
احمد:هنيه منصور؟
البنوته:لا مب هنيه
احمد:وين سار؟
:سافر
:سافر؟؟متى؟؟
:اليوم الصبح حط ثيابه فالشنطه وسافر
احمد(شارد يالجلب؟؟وين بتسير مني؟؟والله يتم حارسنك لين تي)
احمد يركب سيارته ويسير………….
……………………
العصر فتركيا:………………….
هزاع فغرفته وحاط تلفونه على اذنه:لا
حصه:كيف يعني؟
:شو بعد كيف يعني؟.تراه الحجز اسبوعين كيف تبيني اقطع الرحله وارد؟
:اقطعها مثل ما يقطون الناس رحلاتهم..ورد البلاد.سنقافوره حاره ..مب حاره؟يوم نتزوج بنسير شهر العسل لندن..تعال هزاع مب حلوه البلاد بلاك
هزاع:انا ما فيه على حشرة ابويه..بنيلس اسبوعين كاملات وبنرد..وانتي من شوه خايفه ويالسه تحنين فوق راسي؟
حصه:نعرف من شوه؟اخافها تلحس مخك
هزاع:لا لا تخافين عايشن مثل الاخوان هيه فحجره وانا فحجره
حصه:الحمممممد لله..شو بتيب لي من سنغافوره؟
هزاع:ما ادري
حصه:لا لا لا حبيبي..هات لي هديه حلوه مب حي الله شي؟
هزاع متملل من المشترا وياها كل مره تطلب منه شي ويشتريه لها:انشالله انشالله..يالله برايج الحين
حصه:مع السلامه حبيبي
هزاع يسكر التلفون وينفخ هوا بقو ……….
يطلع هزاع من غرفته ويسير يدق على موزه الغرفه..تطلع موزه:شو تبا؟
هزاع:دامنا فتركيا على الاقل خلينا نسير نتحوط..وعسالفة الطلاق..لا تتكلمين عنها هنيه..يوم نوصل البلاد لكل حادث حديث..
موزه عيبها تفكير هزاع..ليش تنكد على عمرها بالطلاق..دامها فتركيا بتنبسط وبتغير جوووووو
موزه:انشالله
هزاع ابتسم:يالله خلينا ننزل
موزه ابتسمت:انشالله بيب عباتي
………….
يتمشون….
هزاع:باجر بوديج مكان يجنن
موزه:وين؟
هزاع:باجر بتعرفين
موزه:..بنتاخر فيه؟
هزاع مبتسم:بنتم من الصبح لين فليل
موزه(يا سلام..وين بنسير):اوكيه
………….
محمد:شوووووووووووووووووووووووو
ام محمد:والله يا بويه شو تباني اسوي؟
محمد:امايه سيري خطبيها الحين..
ام محمد:وابوك؟
محمد:وينه هوه الحين بسوي له تلفون
ام محمد:سار العزبه
محمد يقوم:يالله امايه برايج انا ساير له..
………………………
شيخه(شو الجو عندكم؟)
موزه(مب ذاك الزود برد بس وايد حلو الجو.)
شيخه (@.@)
موزه(كلمت امايه..شو صار وياج؟)
شيخه(قلت لامايه اني مب موافقه..بس انتظر ابويه..ما ادري مب مرتاحه خايفه)
موزه(ما بيصير الا الخير ان شالله)
شيخه(انشالله..شو تسوين؟)
موزه(يالسين بمطعم نتعشى…تبين؟)
شيخه(يعلج يا ربي..يوعانه وما لي نفس اكل)
موزه(هههه اكلي وريحي عمرج وانشالله تعدي الامور على خير)
شيخه(يسمع من تمك ربنا)
موزه(بايووو)
شيخه(بايوو)
هزاع :من مالصبح تطرشين له مسجات ؟
موزه تحط تلفونها فشنطتها"ربعتيه
هزاع:كل ما يكون تلفونج فيدج تطرشين لها مسج؟
موزه:والله هاي ربعتي من ونحن فالروضه..وما اقدر استغني عنها..
هزاع:الله يهنيج
موزه:مشكور..
هزاع يتلفت:وين العشى هلكت يوع
موزه:ههه شو عايلنك؟مساعه ماكل خبز
هزاع:وتسمينها خبز؟هيه حبه وحده وكبر جفي حشى لو اكل عشر منهن ما شبعت
موزه(يا ربي مثل شواخي ياكل ولا يشبع..ولاب متين..شو يسون هذيلا ابا افهم؟)
موزه:هذا هوه وصل
هزاع يحسر بيدينه..ويكلم الجرسون عربي:ما ورا عليك..هلكت يوع
الجرسون مبتسم ومب فاهم ويهز براسه
موزه بصوت واطي :هه ههه ههه الحين هوه يتكلم عربي عشان ترمسه جذيه؟
هزاع:اوووه داخ راسي شكله شروات اللبانيه
ثانكيو فيري متشششششش
الجرسون:يور ويلكم انجوي يور ميل
هزاع:ثانكس..
ياكل هزاع بعد ما سما..
هزاع:نزلي خمارج كيف بتاكلين؟
موزه تنزل خمارها ومستحيه ما تبا حد يشوفها..
هزاع يطالعها وابتسم وهوه ياكل..
…..بعد ما خلصوا عشى..
هزاع واقف يصور المناظر فالليل شكلها يختلف تماما عن النهار..
موزه من وراه لمحت ساعات بالمحل ودخلت بدون ما تقول لهزاع..
………………هزاع يطالع الصور اللي التقطها..
هزاع:موزه شو رايج بهالصوره؟
يلتفت ..وما شاف موزه…وينها؟؟؟
هزاع يتلفت :وينها؟؟؟موزه؟؟
موزه بالمحل يالسه على الكرسي وتشوف الساعات اللي صفها لها البياع محتاره شو تختار…
هزاع يخطف بين الناس وعيونه وراسه يتلفت كل مره مكان..خايف على موزه..غابت عليه وهيه فدار غربه.
موزه طلعت من المحل وانصدمت:هزاع؟؟؟هزاعع.
وما لقت هزاع وين ما كان واقف..
تمت وافقه مكانها..قالت فخاطره الحين بيي..بترياه هنيه..
……….
هزاع يمشي ويتلفت يتمنى انه يشوفها…
موزه تعبت من الوقفه..طالعت ساعتها..:يا ربي صار لي ساعه اترياه..وين سار؟
هزاع :ياا ربي وين سارت هذا الحين..ما تدل هنيه..يا ربي بي اتكون ابخير..
تقرب ريال من موزه:السلام عليكم
موزه تلتفت وشكل الريال خليجي مع انه متلبس بنطلون وقميص..
موزه:وعليكم السلام..
الريال:سمحيلي اختيه بس انا دخلت المحل من نص ساعه.وطلعت وانتي على وقفتج..عسى ما شر؟
موزه مب عارفه تتريا هزاع هنيه لو تروح الفندق..
موزه.بعد تردد:ما ادل الفندق اللي نازله فيه هاي اول مره ايي تركيا..
الريال:شو اسمه؟
موزه:*******
الريال:نفس الفندق اللي نازل فيه..تبيني اوصلج؟
موزه:جزاك الله خير بتنول اجر
الريال وقف سيارة تكسي..ركبت موزه ورا وركب هوه جدام…
ويوم وصلوا الفندق..شكرته موزه وطلعت فوق..والريال اخذ اللفت الثاني وطلع بعد هوه غرفته..
هزاع دخل الفندق وبسرعه طلع على فوق وفتح جناحهم بسرعه:مووووووووووزه
موزه تطلع من حجرتها:هزاع؟
هزاع يسكر الباب بقو ومع خوفه عليها معصب وبصوت عالي :انتي وين سرتي؟؟صار لي ساعه ادور عليج..اه؟؟وين سرتييييي؟
موزه خافت منه..ودخلت غرفتها ابسرعه وسكرت الباب
هزاع والعرق يتصبب من ويهه يلس على الكرسي:استغفر الله العظيم يا ربي ..استغفر الله العظيم.
موزه تطلع من حجرتها وتحط كيس صغير على الطاوله:آسفه..
وترد لغرفتها وتسكر الباب وراها..
هزاع مع انه يتنفس بحرقان..اخذ الكيس وطلع صندوق صغير وفتحها ولقى فيها ساعه رجاليه..لون جلدها نيلي وحول الساعه كامل مرصعه بالالماس..شكلها وااايد حلو..
هزاع تلوم..بس بعده معصب لانه كان بيموت من الخوف عليها..
موزه فغرفتها…تمسح دموعها..تلومت ليش انها ما خبرت هزاع انها بتدخل المحل..شكل هزاع كان صدق خايف عليها..
هزاع يدق عليها الباب ويدخل..
موزه ما واحت تمسح دموعها زين وعطته ظهرها وتمسح عيونها
هزاع عرف انها تصيح تقرب منها وحط يه على كتفها ولفها..:خفت عليج..اسف مب قصدي اعلي صوتي عليج
موزه منزله راسها..
هزاع رفع راسها باصابعه ونزلت دمعه من عينها وهيه تطالعه..هزاع عوره قلبه عليها حس ان حد طعن قلبه بخنجر…مد اصبعه ومسح دمعتها..ابتسم:لا تسيرين مره ثانيه ابعيد عني..
موزه استحت وابتسمت ابتسامة رضا وهزت راسها(انشالله)
هزاع سار صوب الباب وما وده يطلع عنها..بس لف عليها:تصبحين على خير..
موزه ………….:..وانت من اهله..
………………….(شو هالاحباااااط)……
…………………………
المووووهييييييممممم….
الصبح يوم طلعت موزه من غرفتها لقت طاولة الفطووررررر ججاهزه…
هزاع:صباح الخير
موزه:صباح النور
هزاع:بنتريق هنيه ونطلع للمكان اللي قلت لج عنه البارح
موزه تيلس عداله :انزين وين بالضبط هالمكان؟
هزاع:اشششششش خلينا نتريق وبتشوفينه بعيونج بعدين
موزه وهزاع بدوا يتريقون…….
وفالفندق تحت
هزاع:اوووووووه نسيت الكاميرا بروح ايبها تريني هنيه
موزه انشالله
وتوه هزاع بيرد لللفت لف عليها وبأصبع التهديد:هنيييييه تريني هنيييييييييييه
موزه:ههه زين يا خوك فضحتني مب سايره مكان هههه
هزاع:ههههههه
يطلع هزاع لفوق..وتيلس موزه على الكرسي
ويتقرب منها الريال :السلام عليج
موزه عرفته ووقفت:وعليكم السلام
الريال اللي وصلها البارح..
عبدالله ناولها كتيبات:تفضلي
موزه:شو هذا؟
عبدالله:هذي كتيبات..وفيها خريطه للمنطقه كامله..
موزه صدق تبيهن تناولت الكتيبات عنه:مشكور..
عبدالله:ولو!! لازم نساعد بنت بلادنا فالغربه..
موزه حست بفخر :الله يكثر من امثالك وجزاك الله خير.
عبدالله:تامريني بشي؟
موزه:مشكور الله يطول عمرك
عبدالله:وعمرج انشالله يالله من رخصتج
موزه:مع السلامه…
ولفت موزه براسها وتشوف هزاع اللي شافهم يوم يتكلمون مع بعض..
موزه تتقرب منه:يبتها؟
هزاع:من هذا؟
موزه:هذا البارحه وصلني الفندق يوم ما دليت الدرب
هزاع:وليش وافقه وياه؟(غييار الحبيب)
موزه :عطاني هالكتيبات وفيهن خريطه..
هزاع ما عيبه الوضع ومشى:يالله انسير
موزه مب فاهمه وتمشي وراه وماسكه الكتيبات بيدينها الثنتين…
………………………………………….. …..
…………………
ام جاسم:خلااااااص يابوووووووج قومي عنيييي
شيخه راجده فوق امها:مشكوره مشكوره مشكوره
وتحبب امها وام جاسم فطسانه من شيخه تحاول تقومها عنها بس مب رايمتنها..
ام جاسم:قووومي قومي عني جتلتيني ..قوومي
شيخه:ما ابا..مشكوره امايه حبيييبيتي
ام جاسم تهدد:تراني الحين بقول لبوج انا موافقين رد زجر عليهم
شيخه تقوم ابسرعه:لالالالالالا خلاص خلاص..ما صدقت على الله ان ابويه ما قال شي وردهم..الحمــــــــــــــــــد لله يا ربي..
ام جاسم:بس الحين في مصيبه ثانيه..
شيخه:شو مصيبته؟
ام جاسم:سوت لي ام محمد تلفون..ام موزه ربيعتج.تخطبج لولدها محمد
شيخه مبتسمه ومستحيه..
وام جاسم تكمل:عاد انا قلت لها ان شيخه ما تبا تعرس الحين..
شيخه فرت المستحى ورا ظهرها:شووووووووووووووووووووووووووووووو؟؟
ام جاسم:بلااج بسم الله؟
شيخه ردت مستحيه وزعلانه:وابويه شو قال؟
ام جاسم ما تبا تقولها الصدق:ابوج بروحه اعترض ما يبا محمد لج..
شيخه بمستحاها وزعلها تمغط البوز شبر جدام…
ام جاسم توقف:ياااااااااالله..بسير اسوي القهوه..
شيخه~.~
ام جاسم:ما ادري الساعه كم بيون..اظني عقب صلاة المغرب..
شيخه:من بيي؟~.~
ام جاسم:محمد وهله يخطبونج
شيخه ترفع راسها على امها؟منوووووووووووووو؟
ام جاسم فرحانه:ههههه محمد
شيخه:ما تقولين انج قلتيلها ما ابا اعرس؟
ام جاسم:لا ..قلت لها نترياكم باي وقت تشرفونا
شيخه احتفال صغيرون فوق راسها..
…………………………..
موزه(كوولوولووششششش)
شيخه(^ـ^)
موزه(لا تسوون الخطوبه لين ايي)
شيخه(طبعا ما بنترياج وبنسويها قبل ما توصلون)
موزه(هيهيهييييي..شواااااخ)
شيخه(ههههه امزح طبعا..اكيد ما بيستوي شي وانتي مب فالبلاد)
موزه(فووووديتج)
شيخه(بايووو كوكيز تايم)
موزه(بالعافيه…بايوو)
…
تحط موزه تلفونها فالشنطه وتشوف هزاع اللي طووول الدرب ساكت ..
موزه تشوف الكتيبات اللي جدامها..وتشوف هزااع(لا يكون عصب يوم خذت الكتيبات؟لا اكيييد عصب..)
موزه تحط الكتيبات على السيت الجدامي وتكلم السايق بالانجليزي:هذه الكتيبات لك
السواق:لي انا؟؟لكنك تحتاجينها اكثر مني كونك سائحه هنا في تركيا..
هزاع متابع بصمت..
موزه:لا لا احتاجها..زوجي يعرف الاماكن هنا جيدا..
السايق:حقا؟.اذا فقد زار تركيا من قبل
موزه تشوف هزاع وتاشر له يرد عليه
هزاع يرد ويطالع موزه بنص عين..:نعم لقد زرتها مره واحده من قبل.
السايق:وهل اعجبتك؟
هزاع:كثير..
السايق:مرحبا بكم في تركيا..
موزه وهزاع:شكرا
؟؟هزاع فنفسه انبسط يوم موزه عطت الكتيبات للسايق بس بعده فيه شي من القبلي..ليش تكلم الريال وتوافق من الاساس تاخذ الكتيبااااات…ليـــــــــــــــــــششش؟؟؟!!
………………………………………….. ..
……………..
موزه مستغربه:شو ذا؟
هزاع:يالله دخلي
موزه تهز راسها(لا)
هزاع:امشي يالله ..دخلي دورنا
موزه بعدها تهز راسها (لالا لالا لالالا لالالا)
هزاع يطالع الناس مفتشل موزه مب طايعه تركب التلفريك..
هزاع يدخل وموزه خاري.
هزاع:بتدخلين والا اسير بروحي
موزه خايفه بس الناس تطالع وهزاع بيسير عنها..
فحطت ريلها وحده ويمسكها هزاع بيدها ويسحبها لداخل بقوه..
موزه لصقت فهزاع وغمضت عيونها ..
هزاع متبسم..
سكر التلفريك..وتحرك..
موزه مغمضه عيونها ومسكت فذراع هزاع بقو:بسم الله بسم الله..هزاع خلهم يردونه دخيلك والله بموت.
هزاع:ههههه انتي فتحي عيونج وشوفي المنظر..
موزه:ما ابا ما ابا خلهم يردوني وجن تبا تسير بروحك سر ردني ردني..
هزاع يمشي يبا ايلس بس موزه ماسكه فيه ومتصنمه مب طايعه تتحرك
هزاع:هههههههه تعالي ههههه تعالي يلسي انزين ههههه
موزه تبا تصيح وتضربه بيدها على ذراعه:لا تضحك والله احس ان روحي بتطلع
هزاع:ههههههه
يمسكها وهوه لاوي على كتفها ويمشيها بشوي شوي
هزاع:فتحي عيووونج
موزه تفتح عيونها بشوي شوي وتتفاجا بالمنظر الرهيييييييب..
هزاع:شو رايج؟
موزه ساااااكته واتطالع..
هزاع:يخوف؟
موزه تطالعه..والحبيب ناسي يده اللي لاوي بها على كتف موزه..
موزه تسحب نفسها عنه وتيلس…ويلس هوه عدالها,,طلع كاميرته وبدا يصور لقطات,,,
وخذ صوره لموزه سرحانه تشوف الجبال الخضراء..
ويلس عدالها ورفع كاميرته وقال لموزه:موزه
مووه تلف عليه
هزاع مبتسم ويطالع الكاميرا:ابتسمي
موزه تشوف كيف هزاع متقرب منها ومسوي حبتين وموزه ابتسمت بس سوت باصبها الابهام على تحت وسوت عمرها زعلانه ..
وصور هزاع ولما لف بالكاميرا يشوف الصور اندهش من هالتناقض..هزاع مبتسم ومسوي حبتين وموزه زعلانه ومسويه بابهامها على تحت.
هزاع فاتح ثمه ويطالعها منصدم..
موزه امبونها تشرد بعيونها بس من شافته ضحكت:هههههههه
هزاع ابتسم صدق وقالها: صوره ثانيه بس ابتسمي لا تبوزين
موزه:هههه لا بس خلاص تباني اصورك؟
هزاع ما يشاورها ويلصق فيها يميل براسها عليها ويرفع الكاميرا..
هزاع:ابتسمي
موزه استحت منه وابتسمت ومالت براسها شوي عليه
هزاع:واحد اثنين ثلاثه..
ياااااا ربي محلات الصوررررررررررره..معاريس..
هزاع يشوف الصور وكشخ:حلوه
موزه :اشوف
هزاع يراويها…
موزه:هات بصورك
هزاع عطاها الكاميرا ووقف وسار مجابلنها واتاجا على الزجاج وحط ايدينه فمخابيه ورفع رجله وحده على الزجاج ومال براسه شوي وابتسم حايس بوز (خطيــــر)
موزه تم يدق قلبها بقو…خذت له كمن صوره بس هزاع يمكن فيه شي كل مره يبدل وضعيه وموزه مبتسمه بمستحى وتصور..
هزاع ياخذ الكاميرا ويطالع الصور::لا حلو تصويرج اتعرفين اتصورين..
موزه:ادري
هزاع المغرور:بس لو مب انا فالصوره ان جان ما طلعت حلو..ثرني خطير..مستوي مثل عارضين الازياء.
موزه رفعت حواجبها:شو هالغروووور؟؟؟اصلا لو ما اعرف اصور ان جان ما طلعن الصور زينات
هزاع :قومي وريني شطارتج وبنقارن من تصويره احسن.
موزه تقوم وناسيه انها فالجو..وترد تيلس ابسرعه:اخاف اطيح.
هزاع:هههههه قولي مب قد
موزه تعاند وتوقف مكان ما واقف هزاع وناسيه خوفها
يوقف هزاع من جهته :يالله
موزه:يالله..انت صور بس لا تتكلم
هزاع:ههه اوكيه اوكيه بنشوف كيف بتوقفين
موزه واقفه فتحت الشيله..لانهم بالسماء وما عندهم حد غيرهم..
وطلعت قصتها ومررت اصابعها ومالت راسها ويدها على خصرها
هزاع يشوفها ومب مصدق هالجمال اللي فموزه..ياخذ لها صورزوم على عيونها مره وعلى وجها مره..وبعدين خذ لها صور وموزه فاتحه الشيله ومبتسمه وكل مره موزه تبدل وضعيتها كان هزاع يزيد حبه لها..ووده يقولها بس …
موزه:هزاع.
هزاع ينتبه لها:نعم
موزه:سو زوم لين يبين ويهي
هزاع سوا زوم وعينه فالكاميرا..
موزه سوت حبتين وغامزه بعينها وصورها هزاع
موزه تقربت :اشوف الصور
هزاع يلس ويلست موزه عداله متقربين من بعض ويشوفون الصور..موزه:الحييين؟
هزاع: طالعي..بذمتج مب تصويري احسن؟
موزه:لا طبعا..الصور اللي مصورتنهن انا احسن
هزاع:اقولج وضعياتي انا هيه اللي محليه الصور بس زاويه الصور اللي صورتهن انا احلا
موزه وهزاع يتناقرون على الصور..(يا لبى قلبي*
موزه:عن الخقه عن الخقه..تصويري انا احلى شوف بذمتك والله تصويري احسن
هزاع:لحظه لحظه..شوفي هذي
موزه انصدمت من الصوره..كيف ان هزاع مسوي زوم على عيونها وشكلها مب هيه:من هذي؟
هزاع:هههههههههههههههههههههههههههههههههه
موزه ابتسمت:صدق والله..هذي انا؟هذيلا عيوني؟
هزاع:هيه هههههههه ما عرفتي عمرج؟؟؟
موزه:هههه لا والله اشوف..
تمسك الكاميرا وتطالع…
هزاع يطلع له غرشة ماي ويشرب..
موزه انصدمت يوم شافت صوره لها بروب الحمام
موزه شهقت:هيييييييييييييييييييييييي شو هذاااااااا؟؟؟؟؟؟؟
هزاع نطش بالماي لما شاف الصوره
موزه تطالعه وتهازب ومستحيه ليش مصورنها بروب الحمام ؟؟؟؟؟؟؟؟؟
موزه:ما قلت انها بلا فلم؟؟؟؟؟؟؟؟؟؟
هزاع يمسح الماي من شفايفه ومنصدم مب عارف شو يقول:ترا ..هذا….اا ااا
موزه تناوله الكاميرا:حذفها احذفها
هزاع يمسك الكاميرويودها عنها:بحذفها
موزه تمط الشنطه:لاااااااااااااااااااااا الحين الحين جدامي
هزاع:هههه بحذفها بعدين
موزه تسحب ذراعه:لا لا لاااا الحين يعني الحييين حذفهاااااااا شو هالفضايححح؟؟؟ يالله
هزاع:ههههههههههه خليها زينه
موزه:لاااااااااااا عشان اتذلني عليها؟؟؟احذفها احذفها
هزاع يستسلم ويطلع الكاميرا وموزه لصقت فالكاميرا تتأكد انه يحذفها..هزاع يطالع الصوره..:احذفها؟
موزه لا اراديا تدفره برقه ومعصبه:هييييه يالله اخذفها ولا اتم اتطالع
هزاع مبتسم:ههههه يالله زين يالله بس صبري شوي
موزه تتكلم من اسنانها:ليش شو بعده؟
هزاع ببرائه :خليني اشوفها
موزه تحط يدهاعلى عيونه تغطيهن وتشل الكاميرا عنه وتشيل يدها وتضرب على الازرار تبي تحذفها..هزاع تناول منها الكاميرا وقلبه ذايب على موزه…
هزاع لعب بالازرار شوي وبعدين مسحها وموزه ارتاحت..
موزه:اوووففف اشوا
هزاع يرد الكاميرا فالشنطه ويطلع لها ماي:اندوج شربي
موزه تفتح غرشتها وتشرب وترد لها روحها
هزاع انقلب جد/:موزه
موزه تلف عليه براسها وهيه تشرب
هزاع يطالع عيونها وكيف شكلها يوم تشرب الماي
موزه انصبغ ويها احمر ووقفت شرب وسكرت غرشة الماي ولمت شفايفها على بعض تمسح الماي اللي فيهن:نعم؟
هزاع يبا يقولها اني احبج..بس مب عارفه كيف يوصل لها الكلمه..
هزاع:.اااا ااا مممما مممم..اه؟شوفي ذاك الوادي
موزه تلف براسها:وين؟؟
هزاع ياشر بيده:هذاك الوادي
موزه شافته(شو فيه اتغير ويهه مره وحده؟):هيه اكوووه..الله محلات تركيا ..
هزاع يلس مكانه زين بس موزه قامت ويلست الكرسي اللي مجابلنه..
هزاع:ليش يلستي هناك؟ما تتروعين ايطيح بج؟(يروعها يباها ترد تيلس عداله)
موزه:اصلا من الصبح متروعه يوم هناك يالسه بس اهنيه اكثر مرتاحه..عشان التوازن..
هزاع(اوفففف ):بكيفج..بس يوم يوقف التلفريك ويهتز لا تيني تربعين وتمسكيني متروعه!!!
موزه تذكرت يوم كانت ماسكه فيه اول ما دخلو التلفيرك../عادي الحين صار لنا فوق الساعه يالسين فيه..خلاص تعودت
هزاع(اوففففففففففففففففففففففففففففف):انزين عيل برايج
موزه تشوف المناظر وهزاع جافت ايدينه ويالس متادب على الكرسي..ويطالع مره موزه ومره يطالع المناظر.
……………..
فبيت بو جاسم المغرب…………….
ام جاسم تهلي وترحب بام محمد..
ام جاسم:يا هلا ياهلا والله ومسهلا..قربي قربي البيت بيتج
ام محمد مبتسمه:لا خليت منج..يا ربي الله يسلمكم من الشر ويخليلج شيخه وجاسم يا ربي
ام جاسم:ويخليلج موزه ومحمد يا ربي يا كريم
ام محمد تيلس وتيلس ام جاسم عالها….
فالميلس بو محمد وابو جاسم والمعرس يالسين..طبعا ما يحتاي اقولكم ان المعرس كاشخ وشاق الحلج بعد..
بو جاسم يصب على بو محمد القهوه وبعدين على محمد
..وبعد ما تقهوي وخذو علوم بعض…………
محمد بدون ما ينتبه له بو جاسم حط كوعه على ابوه يباه يفاتحه بالموضوع..
بو محمد لمحمد بصوت واطي:لا اله الا الله اصبر
محمد:عيل ليش ياي؟يالله قول
بو محمد ضحك بصوت عالي:هههههههههههههههههه
بو جاسم يطالعه وابتسم:خير بو محمد اشوفك تضحك
بو محمد:هههههه عيال هالوقت كله مستعيلين
بو جاسم:فهاي صدقت..
محمد قافــــــــــــــــــــــــــــــــــــــــــــــط
بو محمد:بو جاسم ياينك اليوم وطالبين بنتك لوديه محمد
محمد مثل اليهال اللي ماخذين مصاصته يطالع بعيونه بس…
بو جاسم:والله يا بومحمد لو تباها الحين لفيتها فعباتها ويبتها لكم..بس الاصول انا نشاور البنت والا انا غلطان؟
بو محمد:عداك الغلط طال عمرك ونحن ما بنلقى من شيخه احسن لودنا محمد..انتوا شاورو البنت ومتى ما تردون علينا ..خذو راحتكم..واللي الله كاتبه بيصير
بو جاسم:الحمد لله..انشالله بشاورهم وبنرد عليكم قريب
محمد الرجل المؤدب اللي يالس على كرسيه ومتبسم طول القعده..يبا ينول الرضا(كاااااااااااااااااااااااااااااااك)
….
شيخه متكشخه تقدم العصير لام محمد
ام محمد تتناول العصير:يعلني ما خلا منج يا امايه تعالي يلسي عدلي تعالي
شيخه الخجوله(من وين؟)تيلس عدالها ومنزله راسها على الارض
ام محمد تحط العصير على الطاوله:ماشالله عليج يا شيخه كبرتي وغديتي عروس
شيخه(^ـ^)
ام محمد:ربي يهنيج ان شالله يا بنتي
شيخه:مشكوره خالتي
ام جاسم تغمز لشيخه وشيخه تقوم وتسير داخل وام محمد متبسمه طول اليلسه وعيونها على شيخه….
……………………
شيخه(قلبي قلبي قلبي)
موزه()
شيخه(طواري طواري طواري)
موزه()
شيخه(موزه الحماره اقولج قلبي وطواري عندي ما تردين؟؟؟؟؟؟؟؟؟)
موزه وهزاع يتعشون فالمطعم وموزه ناسيه تلفونها صامت….
شيخه ما قدرت تتحمل وتتصل…..
موزه عقب ما خلصت عشا..فتحت شنطتها تبا تاخذ كلينكس مبلول تمسح بها يدينها..وشافت تلفونها يولع..
موزه تطلع التلفون :اوه.نسيته صامت
هزاع:من يتصل عليج؟
موزه ترد:الو
هزاع(تم قصف الجبهه)
شيخه:ليييييييييييييييش ما تردين؟
موزه:هههه سوري كان صامت
هزاع:من؟
موزه تاشر له (اصبر)
شيخه:امج عندنـــــــــــــــــــــــــــــــــــــــــا
موزه:صدق؟
شيخه:والله والله والله
موزه:ههه يا قلبي.
هزاع(قلبي؟؟؟؟؟؟؟؟؟؟؟؟؟؟؟؟؟)
شيخه:وا فودي يعورني..احس عمري بموت
موزه:هههه بعيد الشر انشالله..
هزاع(من تكلم ومسويه لي طاف)
شيخه:مويز شكلي ما برقد الليله
موزه:ههههههههههه
هزاع(اوففففففف)
موزه: مو مشكله عادي ..صارت وياي
شيخه :هه تصبحين على خير وسوري على الازعاج
موزه:اتز اوكيه قود نايت
وتسكر موزه وترد تلفونها فالشنطه وتشوف هزاع اللي يطالعها وساكت
موزه:هاي شيخه ربعتيه..قوم امايه عندهم فالبيت يبون يخطبونها لمحمد اخويه
هزاع(على من ياماما هالكلام..):وربعتج هذي ما تتصل غير بانصاص اليالي؟
موزه تفتح عيونها وتشوف الساعه:الساعه توها حدعش
هزاع:شو فرقت يعني.؟
موزه:والمغزا؟
هزاع:ماشي مغزا..بس اقول يعني ربيعتج تدريبج مسافره شهر عسل ليش تتصل عليج فنص الليل ؟
موزه :ماشي فرق بيني وبينها حتى لو تتصل بي الساعه ثلاث الفير برد عليها
هزاع وسعن عيونه:ثلاث الفير؟؟؟؟ شو عندج وياها الساعه ثلاث الفير؟؟؟؟
موزه مب فاهمه :شو فيها يعني؟
هزاع:انتي جد تتكلمين؟
موزه:انا اقول مثلا مو صدق..وحتى لو صدق ما فهمت عليك شو تقصد؟
هزاع:اه؟؟ماشي..يالله نروح؟
موزه :يالله تعبانه ابا اوطي راسي
يروحون الفندق..ويوصلون على الساعه ثنعش ونص..
هزاع يفتح الباب ويدخل ومن وراه موزه حاطه يدها على ثمها وتتثاوب..هزاع يتثاوب
هزاع:هاووووههه تصبحين على خير
موزه تمشي لغرفتها :وانته من اهله..
……………………………………
هزاع يدق الباب……….
موزه راجده………….
هزاع يدق مره………..
موزه راجده………………..
هزاع يفتح الباب ويدخل راسه:موزه؟..موزه
موزه تتجلب فالسرير ومتلحفه كااااامله حتى راسها…:همممممممممممممممم
هاع:ما تبينا نطلع؟؟
موزه تحسب انها توها داشه ترجد ما تدري ان الشمس شرقت:وين نطلع توني راجده
هزاع :بس الحين الساعه عشر
موزه:عشر شوه؟
هزاع:عشر الصبح
موزه تيلس على الشبريه وتشل اللحاف عنها..وتمسح على عيونها بيدينها الثنتين وتفتح وتسكر عيونها مرتين..وتشوف مكان الضوء من الباب
هزاع واقف عند الباب وشكله متسبح ومتلبس وجاهز للطلعه.
موزه تحضن فراشها:وين تبا؟
هزاع من الصبح يطالعها وشكلها كيوت يوم تقوم من النوم ويامحلاتها كيف شكلها حاضنه لحافها وعيونها شبه مسكره…
هزاع:ما تبينا نروح الحديقه؟
موزه تبا تنام ومسكره عيونها وتكلمه:الحين؟؟
هزاع ذايب فيها ويتقرب وايلس على الشبريه بس من كثر مو موزه نودانه مب قادره تحس انه يالس جنبها
هزاع:تبين ترقدين؟
موزه تهز راسها راجده خلاص مب وياه
هزاع ابتسم وسدحها على مخدتها
وموزه في سابع نوم ومبتسمه
هزاع مبتسم تقرب منها وباسها على جبهتها وطلع وسكر الباب وراه….
…………..الساعه ثنعش الظهر..
قامت ويلست على الشبريه شبعااااااااااااااااااااانه رجاد
تتمغط(تتمطط)وتشوف الساعه وتشهق..
الساعه ثنعششششششششش؟!!!!!!!!
تقوم تربع للحمام…………..
وعلى الساعه ثنعش ونص طلعت موزه من غرفتها وتزرر قميصها زين وما تشوف هزاع فالصاله..تروح وتدق عليه الغرفه وما رد عليها..وفتحت غرفته وما لقت فيها حد…رجعت شغلت التلفويون..
موزه تتذكر:انا رمست هزاع الصبح؟؟ما ادري..حاسه اني كلمت حد…من يا ربي؟..هزاع؟…
هزاع يدخل الصاله وفيده كيس..شاف موزه وابتسم يتذكر الصبح شكلها..
هزاع:ظهر الخير
موزه:ليش ما وعيتني؟؟
هزاع يلس عدالها وفاتح عيونه:الا وعيتج بس ما طعتي تنشين
موزه قفطه من الخاطر:ما حسيت بك
هززاع يزيد شوي:واوعي واوعي موزه قومي قومي نششي وانتي ابد مب حولي..يا بنت الحلال قومي بتتريقين نشي بس انتي امره شخيرج واصل لجيرانا
موزه قافطه ومستحيه:بس انا ما اشاخر وبعدين ما وعيتني انت جذاب
هزاع:والله وعيتج بس ما طعتي تنشين
موزه:خلاص انزين شو صار يعني؟
هزاع:ههههههههه
موزه:ليش تضحك بعد؟
هزاع:ههه صح اني وعيتج بس انتي ما تشاخرين..نومج مثل اليهال..هاديه
موزه استحت هزاع طالعها يوم كانت راجده..يالفشله
هزاع يفتح الكيس ويطلع علبه صغيره ويعطيها موزه
موزه تمسكها":شو هذا؟
هزاع:فتحيها
موزه تفتحها وتلقى فيها سلسله ذهب وفيها ورده وبداخل الورده قلب. موزه طلعتها :الله..حلوه..لمن؟
هزاع:لج
موزه:لي انا؟؟
هزاع:هيه
يرفع يده يراويها الساعه وغمز لها:وحده بوحده
موزه سار دمها كله بويها..
هزاع يمسك القلب ويفتحه ويمد يدينه :خوزي شيلتج
موزه تنزل شيلتها ويلف يدينه ورا يلبسها القلب..
مووزه مستحيه وهزاع لبسها القلب………
موزه تحط يدها على القلب:مشكور
هزاع مبتسم وموزه مب قادره تشوف عيونه مسكت الرموت وتمت تبدل بالقنوات عشوائي تتفادء نظرات هزاع …بعدين قامت وسارت غرفتها بشكل سريع
وهزاع بعده يطالعها وطلعن اسنانه من الابتسامه..
هزاع بصوت عالي:ما تبين غداااااااااااااااااااااااء
موزه من غرفتها:لاااااااا
هزاع:بس انا يوعان حتى الريوق ما تريقت عشانج
موزه تفتح الباب ومطلعه راسها:ما تريقت؟
هزاع المسكين:لا والله يوعان..انتي كلتي شي؟
موزه تهز راسها:لا
هزاع يوقف:يالله ننزل نتغداء والا تبينا نطلب ايبون غدانا هنيه؟
موزه:شو رايك انته؟
هزاع:انا اقول نطلب الغداء هنيه ونرجد والعصر نسير نتحوط
موزه :زين
هزاع:تبين لحم؟
موزه:اي شي..
هزاع يلس ورفع السماعه وطلب من الفندق تحت ايبون لهم غداء لحم ودياي..
هزاع يفتح الباب للغداء ويعطيه بخشيش ويسكر الباب وراه..ويدق الباب على موزه:موزه الغداء وصل
فتح الباب شوي لان موزه تاخرت وشافها تصلي در الصاله..
موزه طلعت من الغرفه وما لابسه شيلتها ومسويه ربطة ذيل الحصان ولافه شعرها بشكل متنعفل ومستويه خبصه بس اتجنن عليها لان شعرها اواااايد طويل..وشكلها مثل التسريحه الكبيره ومنتفشه وااايد حلوه..يلست على القنفه شو طلبت لي
هزاع من الصبح فاتح ثمه يشوفها كيف صاير قمر
هزاع يقرب لها صحنها ويفتح الغطاء:دياي
موزه:مشكور
تاخذ المغرفه وتاكل بشوي شوي وتطالع التفزيون..
هزاع مره ياكل لقمه ومره يطالعها ومره يشوف التلفزيون..موزه لاحظته بس سوت عمرها ما تشوفه..
فتحت غرشة الماي اللي جدامها وصبت لها كوب وهزاع مد كوبه وصبت له..
هزاع يشرب الماي بعد ما كان شوي ويغص من كثر ما يشوفها..
موزه :متى بنروح
هزاع:ليش مليتي من تركيا؟
موزه:لا والله ما تنمل تركيا
هزاع:باجر الصبح بنروح المنطقه اللي قلت لج عنها اللي كلها ثلج
موزه تفتح عيونها وتشرق وتكح مغمضه عيونها بقو
هزاع يدحها ويعطيها الماي:شربي شربي بسم الله الرحمن الرحيم شربي لا تغصين
موزه تشرب الماي حتى عيونها امتلن دمع من الشرقه اللي يتها..
موزه تتنفس اخيرن:اوووهههه الحمد لله بغيت اموت
هزاع:شوي اج مره وحده شرقتي؟؟
موزه تمسح عينها اللي دمعت:كلت داياه وطلعت متروسه فلفل
هزاع خذ صحنها وحط لها صحنه:كلي من هذا ما فيه فلفل..انا ما ادريبهم بيحطون فلفل للدياي والا بقولهم ما نباه
موزه تشرب بعدها ماي /لا ماعليه بتغداء منه
هزاع:لا والله ..اوه..انا كلت منه..صبري بطلب لج واحد غيره وتوه يمسك صحنه يشله من جدامها مسكته موزه:لا خله انا ما عليه (تمسك المغرفه وتاخذ لقمه من صحن هزاع وتبتسم.
هزاع تلوم انه ما طلب لها لحم من قبل وانه عطاها الصحن اللي ماكل منه بس موزه كان عادي عندها وعيبها صحن اللحم وايد..وهزاع كل من صحن موزه وصدق كان حار وحليلج يا موزه كلت كمن لقمه منه ومتحمله ما تبي تحرج هزاع……….
……………………..
فاطمه:انتبه لنفسك
حمود:ما ببطي باي
فاطمه:مع السلامه
ويطلع حمود من البيت وتروح فاطمه تيلس تحت الظله..
فاطمه:يا ربي شو صار ويا احمد؟لقاه؟انشالله ما يستوي شي خطير امبينهم..يا رب..
…………………….
احمد يدق باب بيت منصور مره ثانيه ويطلع هالمره ولد من داخل عمره تقريبا خمستعشر سنه
احمد"السلام عليكم
الولد:وعليكم السلام
احمد:منصور هنيه؟
الولد:لا والله من يومين مسافر
احمد:وما قال متى بيرد؟
الولد:والله ما ادري
احمد:وين مسافر هوه؟
الولد:ما ادري والله ما يقول يوم يب يسير مكان
احمد:مشكور يزاك الله خير يالله برياك
الولد:مع السلامه
…………………
احمد يدق باب بيت بو حمود
فاطمه:من علباب؟
احمد:انا احمد
فاطمه تفتح الباب شوي:مرحبا اخوي
احمد:شحالج عساج ابخير؟
فاطمه:الحمد لله ..شو صار وياك؟
احمد:منصور مب هنيه مسافر
فاطمه:سافر؟
احمد:هيه.خطفت عليه البيت وقالوا انه مسافر
فاطمه:الله يهديه
احمد:والله لو سار لآخر الدنيا ما اخليه ما اخليه
فاطمه:ادع الله يهديه ولا تمشكل عمرك وياه
احمد:حالف يمين ما اخليه
فاطمه:احمد دخيلك لا تسوي مشاكل وياه..اخاف يسوي بيك شي.
احمد:شو بيسوي يعني؟بيذبحني؟؟
فاطمه:دخيلك احمد
احمد:ازهليه عنج انتي..فاطمه..
فاطمه:نعم؟
احمد :عطيني تلفونج
فاطمه:ليش؟
احمد:اذا صار ما صار بعيد الشر ومحد عندج اهنيه سوي لي تلفون..بصراحه مب مطمن من ناحيه منصور
ما اريد اروعج..بس الواحد ياخذ حذره..
فاطمه عطته تلفونها حتى هيه مب متطمنه من منصور وخايفه منه صار لها يومين مب رايمه تنام الليل وابوها مب قادره تقوله وحمود صغير شو بيسوي به؟
احمد سجل رقمه فتلون فاطمه وناولها:اندوج..اذا صار ما صار تصلي عليه
فاطمه:مشكور الله يطول بعمرك
احمد:وبعمرج انشالله تامريني بشي؟
فاطمه:الله يحفظك..
احمد:يالله من رخصتج
فاطمه:موافج خير
فاطمه حست بشي من الامان..بس تخاف احمد ياخذ فكره عنها..هيه بنت شريفه وخايفه ربها..بس هالمنصور الله لا يوفجك يا منصور حسبي الله عليك..
……………….
موزه تصور هزاع اللي لابس ملابس التزلج وواقف على زلاجه ويحاول يتوازن…
موزه فوق عباتها لابسه جاكيت غليظ وطاقيه صوف فوق شيلتها(صح ان الواحد اللي بيتخيل بيقول شي غلط شكلها بس طالعه حلوه لابسه جاكيت اسود وفيه خط احمر على طرف ووشاح احمر وطاقيه تابعه للوشاح حمرا وينشاف جوتيها شوي باين ان لونه احمرونظاره سوداااا هنيه ما لبست الخمار..حطت الوشاح على ويهها..هزاع من صوب لابس ملابس التزلج كامله فيها الابيض والازرق وشويه اصفر داخل عليهم بشكل خفيف ونظاره)
هزاع يحاول يتوازن على الجليد ويوقف زين عشان موزه تصوره..
موزه:لا تتحرك
هزاع يترقص مره يمين ومره شمال(ماشي توازن):ثره ابشوري هوه؟ما رايم اوقف يزحلج
موزه:ههههههه شكلك يالس ترقص هههههههههههههه
هزاع:هههه
وفقد توازنه وطاح يالس على ورا(أأأأأأأأأأأأأخخ)
موزه:هههههههههههههههههه
هزاع:هههه اخخخ اااخخخ ههههههه
يحاول يوقف بس مب رايم والزلاجه بريوله..
موزه تمد له يدها ويمسكها هزاع وتحاول وياه بس ما قدرت..انزلقت وطاحت عداله
هزاع:ههههههههههههههههههههههه
موزه انحرجت بس:ههههههههههههههههههههههه
ههههه كله منك..ههههههههههههههههههه
هزاع يحاول يوصل للزلاجه يفتحها بس مب رايم يوصها من الملابس اللي لابسها فيستسلم وينسدح كامل على الثلج:اوفففففففففففففف تعبت ما اروم
ويشوف هزاع شكل السحاب المتفرق…وحس ان في احد يفتح الزلاجه رفع براسه ولقى موزه شايله النظاره من عيونها ومتلثمه بالوشحاج وتحاول تفتح الزلاجه..يلس هزاع:عرفتي؟
موزه فتحت رجل وحده ويلس هزاع زين ويحاول ويا موزه يفتحونها بس شكلها عالقه..
موزه تشد وهزاع يشد ومب قادرين لها
موزه:يا ربي معصها(ما اقواها)
وتفتح القفازات من ايدينها وتحاول :اخخخخ قويه
هزاع يفتح قفازه ويحاول وياها..
ويت اصابعه على اصابع موزه..موزه رفعت راسها تشوف هزاع وبنفس الوقت هزاع كان رافع راسه يشوفها..موزه ما شافت فويه هزاع غير انعكاس لها في نظارته..بس هزاع من صوبه يشوف عيون موزه اللي جتلته من حلاتهن..
موزه توقف ابسرعه:رمت له؟
هزاع يرد للواقع:اها؟
فتحه هزاع ووقف..
موزه تشوف الناس اللي يتزلجون..
هزاع:ما تبين تجربين؟
موزه:ههه لالال رحَمَ الله امرء عرف قدر نفسه
انا مالي فالتزلج ولا ابا اخاطر بعد
هزاع:ههه صدقج والله نحن وين والتزلج وين؟
موزه ترد تلبس النظاره:اقول هزاع..شو هناك؟
هزاع يتقرب:وين؟
موزه تاشر بيدها:هناك؟اتشوف؟
هزاع شاف المكان اللي تاشر عليه موزه:هيه اشوفه..شو ذا؟
موزه:تراني اسالك
هزاع يشل ازليجه:انسير انشوف
ويمشون ..يوم وصلوا…
هزاع يقرا المكتوب على باب الكوخ الكبير..
موزه:شو مكتوب؟
هزاع:يقولج ان في داخل عين
موزه:عين؟..قصدك عين حاره؟
هزاع:هيه..تبينا نجربها؟
موزه:يالله بالستر..جدام الخلق.؟؟
هزاع: خلينا ندخل ونشوف..
…………………….
…هزاع:سمعتي..في قسم للحريم وقسم للريايل..شو رايج؟
موزه:لا لا استحي
هزاع:ترا وياج حريم
موزه:لا لا بعد استحي
ويكلم هزاع مع الاستقبال شوي ويرد يكلم موزه يبا يشوف ردت فعلها:انزين تقول في مكان مغلق للمعارس
شو رايج؟؟نجربه؟؟
موزه ولعت حمراء:شووه ؟؟؟؟يالله خلها تولي..طوف جدامي طوف بلا عيون بلا خرابيط ما تدله حمام الغرفه تتسبح فيه ؟لازم عيون؟؟؟
هزاع ضحك من خاطر:ههههههههههههههههههههههههههههههههههههههههههههه هههههههههههههههههههههههههههههههههه
حتى موظفه الاستقبال اللي مب فاهمه شي تبسمت وضحكت وياه شوي وموزه اشارة مرور تولع وتنطفي
………………..
هزاع فالحمام…….
بصوت واطي:الا بموت من الحر
حصه:عيل ليش يالس لين الحين ما تي
هزاع:تراني قايلج ابويه حاجز اسبوعين
حصه:يا ربي..
هزاع:حصه برياج الحين مع السلامه
حصه:وين وين وين
هزاع:شو وين؟ميت يوع ابا اتعشى
حصه:وينها؟.
هزاع:ما ادري بها يمكن فحجرتها
حصه:حبيبي..؟
هزاع:هاا؟
حصه:يا اخي مب مستوعبه انكم مع بعض وعايشين مثل الاخوان؟؟مب داشه مخي
هزاع(ولا انا الله يصبرني):بس هذا الواقع..تبين تكلمينها عشان اتصدقين؟
حصه:هيه ابا اكلمها عطني اياها
هزاع(خيبه):بس ما ادري هيه وين الحين
حصه:انزين ليش تتكلم بصوت واطي؟
هزاع:انا ما اتكلم بصوت واطي المكان ما فيه ارسال زين واخافه ينـ(سكر هزاع على اساس ان التلفون انقطع..واغلق تلفونه بالمره):اوفففف يا ربي ليش نظرتيه لها بدت تتغير؟ليش مب طايق اسمع صوتها؟
..ويطلع من الحمام ويلقى موزه نايمه على القنفه..
هزاع تقرب منها وحط يه على كتفها:موزه..موزه
موزه تفتح عيونها وتلقى هزاع بويها وتفز يالسه
هزاع:قومي رجدي على الشبريه انا برقد على القنفه
موزه تقوم للشنطه اللي مجهزتنها لانهم بيتمون يومين فهالمنطقه..
وتطلع بيجامتها وتروح الحمام..
وفالحمام………
موزه تشوف نفسها..شكلها كيوت..وبيبي…لابسه بيجامه لونها رصاصي ووردي..البنطلون لتحت الركبه..والفانيله ايديها من فوق يايه على حد كتفها وداخله على داخل ووحلقها عادي بس من ورا فتحت الكتف اوسع ومبين لين تحت كتوفها وواصله الفانيهه فوق الركبه بشوي ومحدده جسمها من فوق بس من تحت واسعه مثل القصه الفرنسيه .ومسكت شعرها ولفتها على فوق كااامل وحطت بكلات ورديه عليه ومسكت خصله من جدام وسحبتها ويت على عيونها ولفتها شوي عشان ايبين عيونها..بس قبل ما تطلع(اوه..الحين هزاع هناك؟؟يا ربي ما يبت ويايه بيجامات اطول من هذي؟؟..انا قلت فخاطريه كل واحد بيتم فغرفه..ما توقعت ان ماشي غير هالحجره..اسميني غبيه..شو بيقول عني الحين؟؟وانا شو اباه؟يقول اللي يقوله..)
تطلع موزه من الحمام…وما حطت عيونها بعيون هزاع اللي يطالعها..
موزه مشت على السريع صوب الشبريه فتحت اللحاف وويلست وحطته على ريولها
هزاع يالس بالكرسي اللي لاصق بالشبريه لان ما شي غيره والتفزيون مجابل الشبريه والتلفزيون معلق على الجدار…لاف براسه عليها وهوه يالس على القنفه:ما بتشوفين الفلم؟
موزه:امممم شو فلمه؟
هزاع الشرير : رعــــــــــــــــــــــــــــــــــــــــــــب
موزه:وي بسم الله( وتنخش فلحافها:لا ما اريد
هزاع:هههههههههههههههههههههه اضحك وياج مب رعب
موزه تيلس زين وتحط يدها على بطنها يوعانه:عيل شو فلمه؟
هزاع:ما ادري والله اول مره اشوفه
موزه تطالع الثلاجه تبا تروح اتشوف شو فيها تبا تاكل شي بس لو سارت بيكون هزاع وراها وبيتم يطالعها(تفكيرها..بس هذا الواقع الشباب معرس لو غيره من يشوف وحده جدامه لازم يتفحص..)
هزاع يلف يشوفها:بتشوفين؟
موزه تحط مخده على ريولها وهيه متلحفه طبعا:يمكن
هزاع يلف يشوف التلفزيون وحط ايدينه الثنتين على راسه من ورا متكي عليهن..
قامت موزه بعد تردد بس شو تسوي يوعانه..هزاع حس ان موزه قامت من الشبريه..بس سوا عمره مب منتبه..
موزه راحت للثلاجه ونزل على ريولها تشوف شو فيها..خذت لها غرشة ماي ما لقت بسكوت او كافي..وسكرت الثلاجه وشافت فستق فوق الثلاجه تناوطته وردت..وقبل ما توصل الشبريه مسكها هزاع من يدها وهوه يشوف التلفزيون..
موزه انصدمت
سحبها هزاع ويلست عداله وهيه مب مستوعبه..
هزاع يطالع التلفزيون:شوفي الفلم وياياه هنيه
موزه غرشة الماي فيد والفستق فيد وتطالع التفزيون ومب مستوعبه ان هزاع يلسها عداله ..حطت الغرشه والفستق على الطاوله اللي جدامهم وهزاع مد يده على كتف موزه الثاني..طبعا من الصبح مب متجرأ ان يسوي هالحركه وتردد وايد قبلها بس (قوٍي قلبك)
موزه وصل قلبها لحلجها..ومب قادره لين الحين تفهم..ليش هزاع سوا جذيه؟
هزاع وبعده عينه على التلفزيون:لا تروعين ما بكلج
موزه ابتسمت وتنفست باريحيه حتى هزاع ابتسم لانه الحين عرف ان موزه مرتاحه فيلستها…………..
…………………………………………..
الصبح……..هزاع الشيطان منسدح على الشبريه ويلعب بقصة موزه النايمه…
موزه تحس به وتفتح عيونها..
هزاع مبتسم:صباح الخير..
موزه ابتسمت ويلست مستحيه :صباح النور
وتقوم من الشبريه وتروح الحمام على طول..
هزاع مبتسم (وحليلها مستحيه العروس)
بعد خمس دقايق موزه توايج من الحمام وتشوف هزاع منسدح على بطنه على الشبريه يطالع التلفزيون تطلع موزه من الحمام ومب قادره تحط عينها بعين هزاع وتروح على طول للشنطه وتطلع لها ملابس بس مرتبكه لان هزاع يطالعها ..
هزاع:وين؟؟؟؟؟؟؟
موزه:امم ا ااا ابا ابدل ملابسي
هزاع:ما تبينا نتريق هنيه؟
موزه ما تبا تيلس وياه تحت سقف واحد تحس عمرها بتموت:لا لا خل نتريق برا حلو الجو برا
هزاع:أي حلو؟؟؟ثلج بكل مكان بنموت برد
موزه:اه؟حتى ولو ترانا ياين هنيه نتحوط مب نيلس داخل
هزاع قام من الشبريه حس انها مستحيه منه وايد :اللي تبينه..
موزه ارتاحت شلت ملابسها وراحت الحمام تبدل…
………………………………….
شوي شوي هزاع وموزه تقربوا من بعض اكثر..موزه عاشت احلى اسبوعين فتركيا..هزاع مدد الفتره من اسبوع لاسبوعين..وقضوا احلى شهر عسل.ومن صوب موزه متخوفه اذا ردو البلاد يطلقها هزاع..بس هزاع من ناحيته موزه قلبه وروحه كلهم ما يقدر يستغني عنها……
……….
ام هزاع لاويه على هزاع:يعلني فداك يالغالي
هزاع يفتحها والفرحه على طول وعرض ويهه:فديتك امايه تولهت عليج
ام هزاع تلوي على موزه اللي استحت مره وحده:الحمد لله على السلامه يا امايه
موزه:الله يسلمج عمتيه
يلست ام هزاع ويلس هزاع عدالها وموزه على كرسي بروحها..
ام هزاع:شو السفره ان شالله انبستطو واستانستوا هناك؟
موزه مستحيه
هزاع:هيه والله يا امايه شو الاجواء هناك؟..والله ودنا لو يلسنا بعدنا اسبوع زياده بس ما نصبر عنكم
ام هزاع:فديتك يا بويه يعلني ما خلا منك
هزاع:وين ابويه عيل؟
ام هزاع :الحين بينزل
هزاع يوقف:انا بطلع له
بو هزاع:لا تطلع ولا شي يتك بروحي
هزاع يمشي لأبوه يسلم عليه وموزه وراه…
بو هزاع:ها يالمعاريس؟عنبوه بطيتو؟
موزه مستحيه وما قالت شي ويلست عدال عمتها وهزاع يتضحك ويلس عدال ابوه
هزاع:وايد حلوه تركيا ابويه وبارده
بو هزاع يمازحهم:لو مطرشنكم سنغافوره بتقطعون الرحله وبتون
الكل يضحك.هههههههههههههههههههههه
…………………….
ام محمد لاويه على موزه وخانقتنها وتصيح
موزه رغم دمعتها اللي نزلت من عينها الا انها مخنوقه وتشوف هزاع ومحمد اخوها(واحد منكم ينقذني)
هزاع لاحظ وتقرب:عموه عموه بتجتلينها
ام محمد فتحتها وتمشش عويناتها..
ومحمد بلق بعيونه :يبـــــــــــــ ــــــــــيه ما بتاكلها تراها امها بعد شوه؟
موزه قفطت وهزاع بو لابس..
محمد يغايض هزاع ويسحب موزه بقو ويعصرها
هزاع المعرس خايف على عروسته ويحاول يفتحها منه وموزه رافعه راسها:كحححح فجني حسبي الله فجني
هزاع:قووووم…فجها يعللللك,,
محمد فتح موزه:ههههههههههههههههههههههههههه
موزه تتنفس وحليلها :وااااه ..ههه ووو حرام عليك
هزاع معصب من محمد:عنبوه لو فطستها؟؟؟
محمد اونه يبا يمسك موزه يعصرها مره بس هزاع مسكها من يدها ولفها وراه
موزه(تسلم لي يا بعلي)
هزاع(خليه يتقرب هوه جن يبا آخرته)
ام محمد عقب ما شبعت صياح:شحالكم ؟واييد بطيتوا
هزاع وموزه يلسوا
هزاع:يا عمتيه كلها اسبوعين..تولهتي على موزه؟
ام محمد:وعندي بنت غيرها ثرني؟
موزه:الله يخليج لي يا أمايه
محمد يلس فوق حاجز الكرسي عدال اخته ولف على رقبتها بذراعه يمازحها متوله عليها هوه بعد:شو يبتيلي من هناك؟؟؟؟
موزه:ههههه ما يبت لك شي
هزاع يطالع محمد وحس انه بيموت من الغيره بس يالثور هذا اخوها..بس شو تقول انت عاد؟غيار الحبيب ما يبا حد يمازح موزه قلبه جذيه….
محمد يحرك ذراعه ويحليلها موزه ماسكه ذراعه بيدينها اثنتين بس تضحك على محمد:هههههههه فجني ههههه
محمد:ما بفجج لي تقولين لي شو يبتيلي من هناك؟
هزاع يبا الفكه:يابت لك بوك وساعه من هناك يالله افتحها لا تخنقها
محمد شاف فهزاع غيره غريبه:مــــــــــا أبـــــــــــــا
هزاع:عمتيه شوفيه بيجتلها؟(يحليلك)
ام محمد فاهمه على هزاع:وابويه محمد قم عن اختك يايه من السفر وحليلها تعبانه
محمد فتحها ويمسك موزه من غزها:لا تبطين مره ثانيه
موزه تمسح على خدها:هههه انشالله..ثره مب حلو البيت بدوني
ام محمد تبا تصيح وتمش عيونها
موزه تقوم تيلس عدالها:امايه حبيبتي بسج صياح..خلاص مب سايره عنج ببات عندج اليوم
هزاع:شوووووووووووووووه؟؟؟
محمد يلس عدال هزاع وحط يده على ركبة هزاع:يالله يالنسيب عطنا أفاك(بالمصري)ما بتروح اختيه اليوم
هزاع يشل يد محمد:طالع؟؟؟؟
موزه تطالع هزاع وكأنها تترجاه بعيونها..
هزاع عاد من تطالعه موزه يذوب (لو اسكريم بعدك)وغصبن عنه مب طايعه تطلع الكلمه من ثمه:برايج..باتي..هنيه…اليوم
موزه ابتسمت..
ام محمد:لا والله ما بتي هنيه
هزاع رزفه صغيره فوق راسه(فديتج عموتي)
موزه:ليشششششششششش؟ما تبيني ابات عندج؟
ام محمد:لا والله الا روحي ويا ريلج
محمد:برايها تبات عندنا
هزاع(انطم يالثور)
ام محمد:حلفت انا
موزه بخاطرها كسر خاطرها هزاع انه تخليه بروحه بس امها وحليلها متوله عليها
موزه:خلاص مثل ما تبين بس الاسبوع الياي ببات عندج
ام محمد:انشالله خير..
هزاع :تبينا نروح موزه؟
موزه:الحين؟
ام محمد:روحوا امايه برايك ارتاحوا ياين من سفر
وتسلم موزه على امها وتوقف
ويطلعون وياهم لباب الصاله محمد مسك موزه وهزاع ما نتبه مشى خطوتين جدام
موزه:هههههههههه شو تبااااااااااااا؟
هزاع لف
محمد يرفع حواجب لهزاع:ماشي طلعه بخلي امايه تكفر عن حلفتها
هزاع ابسرعه يمسك يد موزه ويسحبها عنه:كل تبن
محمد :ههههههه يالله برايكم
هزاع فاهم عليه ومتبسم:حياك الله
موزه ليتات حمر هزاع ماسكنها بيدينه جدام اخوه يالفشله….
………………………………………….. .
حصه معصبه:ليش تلفونك من اكثر من اسبوع مغلق؟؟؟
هزاع فالحمام بصوت واطي:حصه..ابا اشوفج اتكلم وياج
حصه:تولهت عليك
هزاع يبا يقطع علاقته بها حس ان حصه انسانه فاضيه همها المولات والتسوق….
هزاع:باجر الساعه سبع فالليل فالكوفي
حصه فرحانه:لا تنسى تيب لي هديتي ويااك
هزاع:انشالله يالله مع السلامه
يفتح باب الحمام ويلاقي موزه بويهه
هزاع انصدم(لا يكون سمعت؟؟؟؟)
موزه(الله يسامحك قلت فخاطريه بتودرها..بس ثرك تحبها صدق..وانا حسبتك تحبني)
هزاع:موزه؟
موزه سوت عمرها ما سمعت شي:بسم الله من متى فالحمام انته؟؟؟
هزاع(اشوا انها ما سمعت):اه؟؟هههه يالله طالع
يطلع هزاع من الحمام وتدخل موزه بخطوات ثجيله..
…………………..
شيخه(نورت البلاد كوولوولللللووششش)
فاطمه(الحمد لله على السلامه(
موزه(الله يسلمكن يا رب)
شيخه(شو يبتي لي؟)
فاطمه(ياختي صبري خلينا نسولف وياها وتخبرن باجواء تركيا)
موزه(هههههههههههههههه يبت لج حلقوم تركي)
شيخه(حلقوووم؟؟؟؟؟؟؟؟بس؟؟؟؟؟؟؟؟؟؟؟؟؟)
موز(هههههههههههههههههههه لا طبعا ما بخبرج)
فاطمه(هههههههه اتحيدج تموتين على الصريط)
شيخه(لول)
موزه(ههههه يوم بيي بيت الجده العوده بسويلكن تلفون)
فاطمه(لا تغلبين عمرج)
شيخه(ترتيب
شيخه(شو تغلب عمرها ؟؟بخبر محمد تراني)
موزه(يبـــــــــــيه وطلع لها لسان ثالث بعد؟)
فاطمه(هههه حلوه ثالث )
موزه(تراها امبونها ام لسانين هيه)
شيخه(هيهيهيييي لله يسامحكن..)
فاطمه(شو اجواء تركيا ؟)
موزه(شي خيال..الثلج وااايد حلو)
شيخه(لاااااااااااااااا ابا اسيييييييييييير)
فاطمه(ماشالله)
موزه(بقول لمحمد ان شيخوه تبا تقضي شهر عسالها فتركيا)
شيخه|(لا تقولين له شو هالفضايح؟)
فاطمه(فضايح؟؟؟)
موزه(هههههههههههههههههههههههههههههههه)
شيخه(هههه ..الساعه حدعش قود نايت بنات)
فاطمه(تصبحن على خير)
موزه(وانتن من اهله)
…………………………………..
حصه وهزاع فالكوفي…
هزاع مب مرتاح من اليلسه ويا حصه..
حصه تتبزا:الحمد لله على السلامه
هزاع :الله يسلمج..
يحط كيس على الطاوله تشوف حصه فيه..وترد تيلس زين:مشكور حبيبي
هزاع :حصه..
حصه:عيونها
هزاع:خلينا نقطع علاقتنا
حصه انصدمت:شو قلت؟
هزاع:خلينا نقطع علاقتنا..
حصه:يا سلام..بكيفك هوه؟؟
هزاع:ما احس انا نلوق على بعض..
حصه:ووينه هالكلام من زمان عنك؟ليش ما قلته لي من قبل؟؟الحين ياي تقولي جذيه؟انا كم رفضت عرسان تقدمولي عشانك..وانت على البارد المسترح تقولي خل نقطع علاقتنا؟؟؟
هزاع متلوم فيها بس ما يحبها..يحب موزه حرمته وظفرها عنده بالدنيا..
هزاع لف براسه وشاف موزه واقفه باول الكوفي وتمشي صوبهم
هزاع بموقف لا يحسد عليه..ما يبا موزه وحصه يتلاقن..يوقف هزاع ابسرعه وفي حاله اندهاش:موزه؟؟؟؟؟
موزه تيلس على الكرسي:السلام عليكم
حصه تطالعها وشايفه نفسها..:وعليكم السلام
هزاع يلس بثقل:انتي شو يايبنج هنيه؟
موزه طبعا متنقبه ام حصه فلا
موزه:يايه اشوف حصه
حصه:انا؟؟؟؟؟؟؟؟
موزه:هيه انتي…
هزاع:قومي موزه خلينا نروح
حصه ابليس فوق راسها يوسس لها:انتي اللي فرقتي بيني وبينه
موزه:انا اسفه اهلنا هم اللي قرروا عنا..
هزاع:موزه قومي..بس ما له داعي هالكلام
موزه:ليش ما له داعي؟؟انت ما تبا تاخذ حصه؟؟مب من قبل مقرر انك تطلقني اول ما نوصل البلاد وتاخذها؟؟
هزاع:بس هذاك قبل
حصه:نعم نعم نعم…؟قبل؟؟؟
هزاع يواجه حصه وموزه حاضره والكلام لها بعد:هيه قبل..انا احب موزه..ما اقدر اطلقها..
موزه تم قلبها يدق بسرعه…اول مره يعترف بحبه لها
حصه:تحبها؟وانا؟؟؟انت ما تحبني انا؟؟انته واعدني بالزواج
هزاع يوقف ويمسك يد موزه وتوقف موزه:سمحيلي حصه..بس حركات اللعب قبل الزواج خلاص انتهت..انا احب حرمتيه وما اقدر استغني عنها..وانتي الله يوفقج فحياتج..وياخذج الريال اللي يستحقج.من رخصتج
يطالع موزه مبتسم وموزه من تحت النقاب بتموت من الفرحه وتشد على يد هزاع اللي ماسكنها بالقو..
هزاع موزه يمشون مخلين حصه اللي مب مستوعبه اللي صار جدامها..
حصه:انا؟؟تخليني انا عسب هالبدويه؟؟ما عليه يا هزاع..بنشوف من اللي بيضحك فالآخر..
توقف وتمسك الكيس وتطلع من الكوفي……..
……………….وبعد اسبوعين………………….
حمود:هههههههههههههههههههههههههههههههه
راشد:ههههههههههههههههههههههههههههههههه
سالم:ههههههههههههههههههههههههههههههه
فاطمه تبا تعرف ليش يضحكون..تتقرب من الميلس وتوايج براسها (يا ربي شو عندهم صار لهم فوق الساعه يتضاحكون؟؟)
فاطمه شافت انهم حاطين مسرحيه لطارق العلي (مسرحيه بو ساره )وابتسمت فاطمه وراحت المطبخ
حمود وراشد منسدحين يتضاحكون وسالم يالس ويضحك…
فاطمه تدق الباب عليهم..
حمود يوقف ويمش عيونه ويسير لها
فاطمه تناوله الصينيه:تفضل
راشد لف عليها ويوقف ويسوي هلا بيده
فاطمه ابتسمت:هلا راشد شحالك
سالم ينتبه ويوقف
راشد كاشخ:ابخير
حمود يرد بالصينه على داخل:مشكوره يالله برايج
فاطمه فاهمه على حمود وتسير عنهم …
داخل استوى هجوم على صينيه البسكوت والعصير..
فاطمه تشوف السماء وترد تشوف رقم احمد على تلفونها..(اتخبره شو سوا ويا هالجلب؟؟)
تسكر تلفونها لالالالاااا بيسوي مسج اذا تلاقا وياه اكيد..
احمد من ذاك اليوم كل يوم يوقف بسيارته يراقب بيت منصور..بس لين الحين ما شافه..صار له اكثر من اسبوعين ما بين فالبلاد…
………………….
محمد :وافقواااااااااااااااااااااااااااااااااااااا
ام محمد:ههههههههههههه هيه وافقوا مبروك
محمد يحب راس امه:الله يبارك فحياتج..
ام محمد:موزه عرست وسارت وانت بتعرس وبتخليني من بيتم ويايه؟
محمد:من قال بخليج؟؟؟لاصق فيج انا مب ساير بقعه عنج وبترس لج البيت كله يهال
ام محمد:هههه عسى يا ربي عسى اشوف عيالك وعيال موزه مازرين البيت عليه
محمد رفع بيدينه:يــــــــــــــــــــــــــــــــــــــارب
…..
موزه(دامج من اسبوع موافقه ليش ما قلتي لمحمد وحليله يتحرقص)
شيخه(هههههه امايه كانت سايره عند عمي علي فبوظبي تشاورهم وتمت عندهم يومين وعاد هيه اللي ماخره)
موزه(المهم حبيبتي الف مبروك انشالله)
شيخه(الله يبارك فيج)
فاطمه(انـــــــــــــا وصلت..مبروك شواخي)
شيخه(الله يبارك فيج وعقبالج)
فاطمه(×.×)
موزه(امين يا رب)
….
موزه تحط تلفونها على الطاوله وتشوف التلفزيون دخل عليها هزاع
:السلام عليج
:وعليكم السلام
يلس عدالها:انسير العزبه؟
فرحانه:صدق؟فخاطريه اسير
هزاع وقف:يالله عيل
موزه توقف:انا اللي بسوق
هزاع :لالالا دخيلج جربت سواقتج مره
موزه:اوووووووووووووووه ذاك اول..يالله
…………
فالعزبه هزاع يمسح على بوشه كل مره وحده توله عليهن وموزه عنده فنصفتهن تمسح على هذي وتعطي الثانيه جت..
…هزاع:موزه
موزه تلف عليه:هلا
هزاع:هذي لج
موزه تتقرب وتمسح على المطيه:لي انا؟
هزاع:هيه نعم.هذي لج..سميتها موزه
موزه:هههه عاد ما لقيت غير موزه؟؟
هزاع:ههه وشي احلى من هالاسم؟
موزه حدها مستحيه:مشكور
هزاع بحركه سريعه مر بصبعه على فك موزه من تحت ..كيف اوضحها؟هذي الحركه اللي يوم تسويها لياهل تباه يبتسم؟؟هيه هذي عرفتوا؟؟
موزه ما عرفت شو تسوي من كثر ما قلبها يدق..وهزاع يشل النظاره ويطالع موزه
اقول موزه؟
:همممم
:تعرفين انج حلوه؟
(يا ربي)..تكتفي موزه بهز كتفها(لا ما ادري يمكن؟!)
يتقرب:وقمر؟؟..
موزه(اجتل عمري احسن):…………………
هزاع يتقرب:وعسل؟
موزه تلف بعيونها العمال هنيه هذا مينون شوه؟؟؟
هزاع ما عليه من حد ويتجدم:واني أحبج
موزه اشتغلت طواري..:أأه؟
هزاع:اقولج أحبج
موزه مستحيه خلااااااااااااص مستويه طماطه من كثر ما هيه حمراء:حبتك العافيه
هزاع:بس؟
موزه:مممم ومشكور
هزاع:وبسسسسسس؟؟؟
موزه:لز عني العمال يطالعون
هزاع انتبه ولز خطوه على جنبها بدل ما يكون مقابلنها
هزااااع:وبسسسسسسسسسسسسسس؟؟؟
موزه:شو تباني اقول(مستحيه وحليلها)
هزاع:ما ادري والله مثلا أحبك؟!
موزه مب قادره تطلعها..صدق تحبه وتموت فيه بعد بس مب عارفه..
هزاع:ما تحبيني؟؟(اصبر يالمستعيل البنت شو دراها بهالمواضيع؟؟كل شي بالنسبه لها جديد وحليلها مستحيه منك وانت بلا احساس)
موزه تمشي للسياره:يالله يالله انروح
هزاع حاسب وزه:انزين ما قلتي لي؟؟
ويمشي وراها..
موزه تفتح باب الدريول بس هزاع يفتحه كامل :انا بسوق
موزه:ليش؟
هزاع:انتي يبتينا وانا بروح بج
موزه:زين
هزاع وموزه فالسياره وتحرك هزاع ومخطط لشي طبعا. .ينعرف من عيونه وابتسامته اللي على جانب
…هزاع بدا يسرع على العرقوب
موزه خافت ولبست حزام الامان:هزاع؟بشوي شوي
هزاع يزيد..مب مثل المره القبليه (تتذكرون؟)هالمره سار صوب العرقوب العود ورقا بالسياره وموزه صدق تروعت:هزاع…هزاع لا ترقى..هذا وايد عود
هزاع:بتقولين أحبك؟؟والا ارقى؟
موزه:هزاع الله يخليك لا ترقى
هزاع يعطيه ريس ويرقى بالسياره
موزه تصارخ..
هزاع يضحك:بتقولين والاااااااااااا؟؟
موزه مغمضه عيونها وصرخت:أحــــــــبــــــــــــك
هزاع فرفش قلبه ونزل بالسياره:هههههه لو قايلتنها من الصبح مب اخير لج؟
موزه تضربه على ذراعه:روعتني
هزاع مسك يدها وباسها:أحبج
بو هزاع يضرب بيده بقو على المكتب:شو تقولين؟
حصه تصيح وتمش عيونها:اهلي بيذبحوني..ولدك مب طايع يتزوجني
بو هزاع:انتي متأكد انج تتكلمين عن هزاع ولديه؟
حصه اونها تصيح:هيه هوه..قالي بيخطبني من اهليه بس ..بس عقب ما سوا سواته ما طاع ياخذني
بو هزاع وقف:انتي شو تقولين شو تخبصين؟
حصه بعدها اونها تصيح:ولدك وعدني بالزواج..شو اسوي الحين؟؟قالي انه ما يباني ..بجتل عمري ان ما خذني وعرس عليه..
بو هزاع شرار يطلع من عيونه ولده هزاع كان مصمم ان ياخذها بس وافق على زواجه من موزه ابسرعه..ايا مسود الويه يا هزاع تبا تشرد من اللي سويته؟؟ما عليه.
حصه الجذابه اونها اتصيح حسبي الله عليج..
………..
بو هزاع يصفع هزاع طراق وام هزاع وموزه وقفن منصدمات..
هزاع مب مصدق أول مره أبوه يمد يده عليه..وشو السبب؟؟مب عارف..واقف ويشوف أبوه منصدم..
بو هزاع متضيق:اسميني ما ربيت
ام هزاع تربع له:بو هزاع شفيك؟شفيك على الولد؟؟شو سوا هوه؟؟
هزاع واقف يطالع ابوه..
بو هزاع:عنبوه ما تستحي على ويهك؟؟تسوي سواتك وتودرها؟؟بنات الناس لعبه عندك؟؟؟
موزه واقف متصنمه تحاول تستوعب شو يقول عمها
ام هزاع:شو تقول انته؟؟
هزاع:أبويه شو تقول؟شو تقصد؟
بو هزاع:حصه
هزاع:حصه؟شفيها؟
بو هزاع:ياللي ما تستحي.بنات الناس لعبه؟
هزاع:ابويه شو تقول مب فاهم
بو هزاع:الخميس ملجتك على حصه مب يوم بسك منها تفرها؟ترضاها على اختك ؟
موزه حطت يدها على ثمها بشهقه
هزاع طفر بعيونه:ابويه شو تقول؟؟؟؟؟؟؟؟؟؟؟انا اخذ حصه؟؟؟؟
بو هزاع:هيه بتاخذها..تبا البنت تنفضح عقب اللي سويته بها؟؟
هزاع:بويه والله ما سويت شي شو هالحجي..؟؟؟؟؟؟
يطالع موزه المصدومه ..
موزه ويدها على ثمها نزلن دموعها من قوة الصدمه
وتربع على فوق
هزاع/:مـــــــــوزه…
بس موزه ما لفت عليه وكملت تربع على فوق..
هزاع مب مستوعب اللي يصير..:ابويه والله العظيم ما سويت شي والله العظيم
ام هزاع/:يمكن البنت تتبلى عليه
بو هزاع:تتبلا عليه؟؟يايتني المكتب تصيح ما تم موظف ما شافها..وتقول انها بتجتل عمرها ان ما خذها..
بو هزاع مب قادر يتحمل..الم قوي فصدر..
هزاع:ابويه اقــــــــــــــــسم لك والله العظيم جذب ما صار شي منه..
وتوه يبا يلف يسير فوق يتلاحق موزه طاح بو هزاع
ام هزاع تصارخ.
هزاع رد يركض لبوه ويمسكه:ابويه ..ابويه …تسمعني ابويه..
……………………….
ام محمد تفتح الباب وتنصدم …موزه واقفه ودموعها على خدها وشنطتها عدالها
ام محمد حطت يدها على صدرها:شفــــــــــــــــــيج؟؟؟
موزه تخلي شنطتها وتربع فوق غرفتها
ام محمد تربع وراها:شفيج؟؟موزه شفيج؟
موزه منسدحه على شبريتها وتصيح مب مصدقه..هزاع يسوي جذيه؟؟هزاع ؟؟وحصه؟؟حست ان الغرفه ما فيها هواء
ام محمد يلست عدالها وتيلس بنتها اللي صوت صياحها عالي وام محمد لمتها وخايفه على بنتها..
موزه بصياح :ما اباه…خلوه يطلقني ما اباااااه
ام محمد تمسح على ظهر بنتها ومب فاهمه ليش بنتها تصيح وتطلب الطلاق…
هزاع فالمستشفى واقف عند غرفة الطواري القصوى وستميت شغله فراسه..ويله ابوه..وويله موزه اللي فهمت الموضوع غلط..وياويل حصه منه..
خل ابويه يقوم بالسلامه وحسابي وياج بعدين يا حصه..
يطلع الدكتور
هزاع بخوف:هاه دكتور شو الوالد؟
الدكتور:ما اخبي عليك الوالد حالته صعبه شوي..ذبحه قلبيه
هزاع مصدوم من الخبر :شوووه؟ ذبحه قلبيه؟؟؟؟؟
الدكتور :لازم انسوي له عمليه الحين
هزاع:الله يخليك يا دكتور..ابويه هذا..الله يخليك اهتموا فيه زين
الدكتور:نحن بنسوي اللي الله يقدرنا عليه والباقي عند الله سبحانه
هزاع:والنعم بالله والنعم بالله
بو محمد:شووه؟شو تسوي هنيه؟
ام محمد:ما ادري والله مب طايعه تتكلم من يت اتصيح وتبا الطلاق اوين
بو محمد يسير لموزه فوق:موزه؟
موزه ترفع راسها بعد ما سمعت ابوها يدخل وتمسح دموعها
بو محمد يلس عدالها على الشبريه:شو هذا اللي سمعته من امج؟؟اوين تبين الطلاق
موزه ودموعها اربع اربع..
بو محمد عوره قلبه عليها:شو مستوي امبينكم؟؟
موزه…………………..
بو محمد يتصل بهزاع:الو
هزاع:مرحبا عمي
بو محمد:شوا مبينكم انت وموزه؟
هزاع :عمي…ابويه فالمستشفى
بو محمد يوقف:شفيه؟؟شو ياه؟
هزاع:عمي…ابويه حالته صعبه..يته ذبحه قلبيه
بو محمد:شوووووووووووو؟؟والحين؟؟
هزاع:فالعمليات..
بو محمد :يايك يايك
ويسكر عنه:تدرين ان عمج بو هزاع فالمستشفى؟
موزه تهز راسها وخايفه على عمها(لا)
بو محمد يطلع بسرعه:لا اله الا الله ..الله يقومه بالسلامه
موزه(شو ياك عمي؟؟شو صار عليك؟؟شو هزاع الحين؟)
تحاتي هزاع ..
………………
هزاع يالس وسرحان ما يدري بمن حوله…يفكر فابوه..
يا ربي…يا ربي يا حبيبي تقوم ابوي بالسلامه..
بو محمد يلس عداله:هاه هزاع شو ابوك؟
محمد يلس:شو الوالد؟
هزاع وشكله مهموم :والله ما ادري يا عمي..من دخلوا العمليات محد طلع يقولي شي..
بو محمد:ما عليه ماعليه انشالله بيطلعون الحين وبيطمنونا عليه..
هزاع:انشالله
………………………..
بعد ساعات من الانتظار..يطلع الدكتور ووراه كمن ممرضه ..
هزاع بو محمد ومحمد:هاه دكتور؟
هزاع:شو ابويه؟؟؟
الدكتور يشيل الكمامه:الحمد لله..العمليه نجحت
هزاع ارتااااح:الحممممممممد لله
بو محمد ومحمد:الحمد لله
هزاع:اقدر اشوفه؟
الدكتور:لا طبعا مو اليوم..لازم يتم فالعنايه تحسبا الأي طاري لمدة يومين وممنوع حد يدخل عليه
هزاع:لو من بعيد دكتور..ابا اشوفه
بو محمد:بتشوفه ان شالله باجر..روح البيت الحين..ماشي فايده
الدكتور:معاه حق..روح البيت وباجر تعال..بخليك اتشوفه
الدكتور وبو محمد ملاحظين كيف هزاع خايف على ابوه بس ماشي فاديه من يلسته فالمستشفى لازم يتم بو هزاع فالعنايه وممنوع الدخول عليه…
…………………………
هزاع يفتح غرفته:موزه؟موزه انتي وين؟؟
ويرد ينزل تحت لامه اللي تصيح من ياها الخبر..
هزاع ينزل بشكل سريع:وين موزه؟؟؟
ام هزاع:..من طلعت بابوك طلعت هيه بعد تباغم حليلها..
هزاع انصدم :شووووووووووووه؟وين سارت؟؟؟
ام هزاع:اكيد عند اهلها..شنطتها وياها
هزاع يربع خاري البيت ويسير لبيت بو محمد..
هزاع من ركب سيارته يتصل على موزه بس موزه ما ترد عليه……….
هزاع يدق جرس بيت بو محمد بقو
محمد يربع للباب:منوووووووووه ؟
هزاع:افتح محمد افتح الباب
محمد يفتح الباب:هزاع؟
هزاع:وين موزه؟؟
محمد:فوق فغرفتها
هزاع:خذلي طريق ابا ارمسها
محمد يدخل وهزاع وراه
بو محمد يشوف هزاع:هاه هزاع؟صاير شي علوالد؟
هزاع:لا…بس وين موزه؟
بومحمد:يا بويه ادري انه مب وقته…بس شو صاير امبينكم؟؟موزه من اصبحت تصيح فحجرتها ..
هزاع عوره قلبه:عمي مب صاير شي..فاهمه الموضوع غلط..اقدر اسير لها فوق؟
بو محمد يرمس محمد:وصله
محمد يصعد وهزاع وراه
…
موزه منسدحه على شبريتها على جانبها اليمين عاطيه الباب ظهرها..يندق الباب وينفتح..وبعد شوي اتسكر..
يتقرب هزاع منها وبصوت حزين ومتألم:موزه
موزه وسعت بعيونها ويلست بشوي شوي..مب قادره من الصبح ما ذاقت شي..كله اتصيح وبس..
والحين يوم شافت هزاع مب قادره تصدق اللي سواه..لاعت جبدها…
هزاع يلس عدالها وقامت موزه من الشبريه:اطلع برا
هزاع يوقف ابسرعه:موزه..لا تصدقين..انا اسوي جذيه؟
موزه مب قادره تشوفه ودموعها ينزلن:طلقني
هزاع انصدم:شو اطلقج؟؟موزه انا احبج..لا تطرين الطلاق على لسانج
هزاع يتقرب منها بس موزه لزت عنه:لا تتقرب مني..
هزاع:موزه
موزه:اقولك لا تتقرب مني…اطلع برا الحين
هزاع:موزه عن الينان..والله العظيم ما استوى شي بيني وبينها تتبلا عليه والله العظيم..
موزه تربع للحمام بعد ما حست بلوعه قويه..
هزاع:لهالدرجه ما تبين تشوفيني؟
ويطلع هزاع من الغرفه وينزل بشكل سريع من فوق
بو محمد ومحمد وامها يوقفون
هزاع شكله معصب:مع السلامه
ويطلع هزاع مب مخلي لهم فرصه حد يقوله شي
محمد:شفيه؟
ام محمد:ما ادري
وترقى ام محمد بسرعه
بو محمد يلس:الله يعينه..ابوه منا وموزه منا..
ام محمد:وينج؟
موزه تطلع من الحمام بعد ما زاعت الاولي والتالي وتمسح على ويها بالفوده
ام محمد:بلاه هزاع نزل معصب؟؟ياي يراضيج وانتي ما طعتي؟؟
موزه تلف اتشوفه وتيلس على الكرسي.
ام محمد:موزه؟
موزه ترد تربع للحمام…
ام محمد:وابويه ؟؟شو فيج؟؟
……………………………………
هزاع بصوت عالي:انتي وين؟؟؟؟؟؟؟
حصه:فالبيت
هزاع:طلعي الحين
حصه من صوت هزاع خافت..:ما بطلع..
هزاع:والـــــــــــله العظيم..والله..ان صار بابويه شي ..قسم بالله العظيم يجتلج ..يالـ***** انا متى لمستج والا صكيتج تتبلين عليه..؟؟؟؟؟؟؟؟؟؟
حصه خايفه منه شو استوى لابوه؟؟:لاني احبك
هزاع:تحبيني تتصرفين بهالطريقه الوصخه؟والا شو اقول؟تراد انتي بكبرج وصخه.
حصه:لا تغلط
هزاع:شو اغلط ؟الا وصخه وصايعه بعد..تتحرين بهالطريقه اني بتزوجج؟؟الا بالعكس الحين لو تموتين جدامي ما اباج وما ادانيج بعيشت الله
حصه:هزاع انا احبك وما لقيت غير هالطريقه عشان تتزوجني الله يخليك
هزاع:يعل العين ما تشوفج حسبي الله عليج.ان جان ابويه فالمستشفى بسبتج..والله يا ويلج مني يا حصه والله
ويسكر هزاع فويه حصه اللي تروعت وخافت على نفسها من هزاع
…………
هزاع منسدح على الشبريه يطالع الصور فالكاميرا اللي خذوها فتركيا..وكل مره يشوف صوره يتذكر الموقف اللي صورها فيه..وبين صوره وصوره..فتح قسم المحفوظات وتبان صوره موزه فروب الحمام اللي على اساس انه حذفها بس هوه سوالها نسخ وسيفها فالمحفوظات..ومره يشوف عيونها ومره يوم مبتسمه..(حسبي الله عليج يا حصوه النسره)..ويبتسم ويا الصور غصبن عنه..يحبها يا عالم..وما يستغني عنها.
………………
احمد مسكه من كندورته من ورا……..
منصور تروع واحمد لفه عليه وجابله
احمد ماسكنه من كندورته من حلجه:اتحراني ما بلقاك؟
منصور زاخ فأحمد:فجني
احمد:مب فاجنك شو بتسوي عيل؟اتحرا بنات الناس لعبه؟
منصور بعد مب سهل ماسك فاحمد:ياخي شو خصك انته
احمد:يخصني ونص (ويضرب منصور بكس
ويتضاربون احمد ومنصور وكل واحد يضرب باقوى ما عنده ..وبين الضرب والمعافر..يمسك حصاه ويضرب بها راسه بقو..وطاح على الارض مغمى عليه والدم يسيل من راسه…
……المغرب………………
فاطمه تشوف التلفزيون…دخل حمود:السلام عليكم
فاطمه:وعليك السلام..وينك؟ليش بطيت؟
حمود:اخو ربيعي فالمستشفى وكنت عندهم
فاطمه:من ربيعك؟
حمود:راشد
فاطمه فز قلبها شي استوى باحمد اكيد:شو فيه؟؟شو صار عليه؟
حمود:متضارب ويا واحد ويته ضربه على راسه
فاطمه بتموت من الخوف على احمد:شي ياه؟؟
حمود:من الظهر فالعنايه ما نش استوى عنده نزيف بس خارجي..
فاطمه توقف وشكلها بتصيح(يا رب يا رب تقومه بالسلامه قلت له لا تتعافروياه هذا شكله مب سهل)
فاطمه:انزين ويا من متضارب؟؟؟(يعني ما تعرفين؟)
حمود:يقولون واحد اسمه منصور.
فاطمه:حسبي الله عليه..
حمود:امين..مع اني ما اداني احمد..بس تبين الصدق احس انه مثل اخويه العود
فاطمه امره شوي وتصيح..كله بسبتها..تروح غرفتها وتفتح كبتها..وتطلع غترة احمد اللي كانت لابستنها..مغسوله ومكوايه..حضنتها بقو وصاحت..
……………………………..
فتح عيونه بشوي شوي..
فيصل:حمااااااااااااااااااااار
احمد ابتسم ابتسامه خفيفه
ام راشد :قم بشوفه..ابويه احمد..اتشوفني؟
احمد يشوف امه وابتسم
ام راشد صاحت..
بو فيصل:الحمد لله على السلامه..
احمد بصوت شبه مسموع:الله يسلمك
راشد الفضولي:كنت احسبك بتموت
ام راشد زاد صياحها وفيصل ضرب راشد بكس على راسه:شو هالحجي؟
بو فيصل:هه الحمد لله عل سلامته..بس مب اليوم دواك..يوم تطلع من المستشفى يصير خير
احمد طالع ابوه وحليله زعلان
ام راشد بصياحها:ناقص هوه؟؟يوم الله سلمه لنا
فيصل يرفع شوي الشبريه عشان احمد يشوفهم زين..
احمد بصوت تعبان:من متى انا هنيه؟
فيصل:كملت يومين
احمد انصدم:يومين؟؟
راشد:عشان جذيه اتحريتك بتموت
احمد يضحك بتعب..ويرد فيصل يضربه بكس
راشد يحك راسه:والله صدق أأأأأأأاححح يعور
احمد:وين تلفوني؟
فيصل يناوله تلفونه:هذا هوه
يمسكه احمد غصب جسمه متكسر من التعب..ويكتب مسج ويطرشه..
ام فيصل تسقيه شويه ماي وتمسح على يدينه..
………..
فاطمه مهمومه تفكر باحمد..ويرن تلفونها مسج وتفتحه بحالة اكتآب..ووسعت بعيونها يوم شافت ان المسج من احمد(انا ابخير ما فيني شي)
فاطمه جنا روحها ردت لها..ابتسمت ابتسامه عريضه:الحمد لله الحمد لله يا ربي
حمود:شفيج فرحانه؟من كم يوم وانتي مب فسعيج؟
فاطمه :وين بتسير؟
حمود:بسير عند راشد فالمستشفى
فاطمه توقف:لحظه لحظه
وتربع للمطبخ وتيب كيسه كبيره:اندوك
حمود:شو هذا؟هذا بسكوت وحلاوا انا مسويتها..
حمود:بسم الله متى سويتيهن
فاطمه:امبوني معدلتهن عشان اتشلهن وياك
حمود يشل الكيس ويسير..
فاطمه تشوف تلفونها وتقرا مره ثانيه مسج احمد وتبتسم..تطرش له مسج لو لا؟؟محتاره
محمد اخو موزه وربع احمد وفيصل وراشد..عند احمد فالمستشفى
محمد:هههه يقولون كاسر ايده..
فيصل:هههه ما ندريبه
احمد يطالع المغذي:فيصل خلهم ايون يشلونه ما اباه
محمد:طالع؟
فيصل:شو عايلنك عليه..؟؟خله
ويندق الباب
راشد يفتح الباب واذا بحمود …
احمد ابتسم..
فيصل:يا حيالله بالحامل والمحمول
حمود:السلام عليكم
الكل:وعليكم السلام
حمود يحط الكيس ويوايه احمد:شحالك؟
احمد"ابخير الحمد لله
حمود:الحمد لله على السلامه
احمد:الله يسلمك
راشد يفتح الكيس وفضول فيصل ومحمد وياه
يطلع راشد صينيه فيها بسكوت شكله من محلات الحلاوه..مغلف ومكتوب على الكرت الحمد لله على السلامه
فيصل:حمود؟ليش معبل على عمرك وشاري بسكوت؟
راشد عرف: انتو معدلينه؟
حمود:لا مب شارنه هذا عندنا من البيت
محمد عيونه على البسكوت وبصبوعه يسكه:"صدق هذا؟
حمود:ههههه
راشد يفتح الكيس عن البسكوت وياخذ حبه وياكل:اللــــــــــــــــــــــه..
احمد يطالعهم ونفسه حد يعبره ببسكوته وحده..محمد وفيصل وراشد ياكلون ووايد عايبنهم البسكوت..
احمد بعد طول انتظار:عنبوه..اعطوني..هالبسكوت لــــــــــــــــــــــــــــــــــــي..
طـــــــــــــــــــــــــــــــــــــــــاف..
احمد:عنبوكم خياس قومو عن بسكوتي..لا تعبرونه هذا ميوب لي
محمد يلف عليه وثمه بسكوت:والله انه احلى عن اللي نشتريه
احمد بيموت قهر محد عطاه وهم ياكلون بسكوته..يحاول يقوم من السيرير بس مسج طلع بتلفونه
(الحمد لله على السلامه.)
احمد ابتسم مب مصدق ان فاطمه سوت له مسج..
(الله يسلمج…مشكوره على البسكوت)
(العفو ..هذا اقل شي ممكن اسويه لك.)
احمد يشوف تلفونه ومبتسم…
محمد يرفع حواجب:هاه الحبيب..اشوفك كاشخ فتلفونك
احمد يحط التلفون على السرير ويحاول يقوم بس حس بدوره ويلس ابسرعه
نش له فيصل ومحمد ابسرعه
فيصل:انسدح انسدح لا تقوم الحين
احمد ينسدح بشوي شوي:اخخ
محمد:لا تقوم..نزفت وايد عبر دمك يا اخي تم منسدح ولا تنش
احمد بتعب:لا تاكلون بسكوتي
فيصل ومحمد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فيصل:ههههههههههههههههههههه
محمد:هههههههههههه قايم للبسكوت انته؟؟ههههه اقول بشله ويايه البيت
احمد:يا ويلك والله
محمد:ههههههههههههههه
فيصل يشرب ماي نشف حلجه من كثر ما اكل بسكوت
فيصل:الله يسلم ايدين اللي سواه..(تراه يعرف انها فاطمه)
محمد:امين
احمد:امين
……………………………
………….
هزاع ماسك يد ابوه ويبوسها:الحمد لله على السلامه ابويه
بو هزاع ما رد عليه زعلان من اللي سواه هزاع فاعتقاده
هزاع يبوس يد ابوه مره…
ام هزاع:الحمد لله على سلامتك يالغالي
بو هزاع:الله يسلمج..
هزاع:ابويه
بو هزاع يطالعه..
هزاع شكله وايد حزين على ابوه :ابويه
بو هزاع:انا اللي مستغرب منه انك تربيتي..وما قد غلطت على احد
هزاع:ابويه لا ترمس لا تتعب نفسك..اللي تباه بيصير..بس تراني مظلوم
ام هزاع:يوم يطلع ابوك بالسلامه يصير خير الحين خلونا من هالحجي
بو هزاع:وان اشو ممرضني غير هالموضوع؟سر وهاتها..
هزاع بطل عيوونه:ابويه الله يخليك مب وقته ارتاااح الحين الله يخليك..وانا قلت لك ما بيصير غير اللي انت تبيه
تدخل ميثاء عليهم تربع لبوها:ابويه
بو هزاع ابتسم:هلا امايه
ميثاء:الحمد لله على سلمتك ابويه
هزاع يطلع من الغرفه وحالته حاله..ماشاف موزه من يومين..وابوه تعبان..مب عارف شو يسوي؟كله من حصه..هيه ساس البلا
هزاع(الحين انتي مصدقه الكلام اللي قاله ابويه على لسان حصه؟؟..انا صدق اني كنت ابا اتزوجها قبل ما اعرفج واتزوجج..بس صدقيني يا موزه اني ما قد لمستها .اقسم بالله انها تتبلى عليه..انا احبج انتي.انتي وبس..وأحلف لج مره ثانيه انها تتبلا عليه..والله العظيم)
موزه تقرا مسج هزاع وتمسح عيونها…
(شو حال عمي؟)
هزاع صار له يومين يطرش لها مسجات بس موزه ما عبرته..بس من صاح تلفونه مسج من موزه فتح عيونه زين وابتسم:الحمد لله يوم ردت..حت لو بمسج
(الحمد لله ابخير..مصدقتني؟)
موزه(الامر مشكوك به)
هزاع(شو تبيني اسوي لج عشان اثبت لج انها تتبلى علي؟)
موزه(ابا عنوان بيتهم.)
هزاع(تبين تروحين لها؟..اخافها تسوي بج شي .هذا مب سهله ان جانها وصلت للشركه وقابلت ابويه)
موزه(عطني العنوان)
هزاع(انشالله بس عندي شرط)
موزه(؟)
هزاع(اروح وياج)
موزه(لا)
هزاع(ابا اسير وياج عشان اواجهها جدامج وتتاكدين)
موزه(لا)
هزاع(شو لا لا لا؟؟؟عيل ما بعطيج العنوان)
موزه(لا تتدخل وعطني العنوان اذا تبا ابوك يهون عن العرس..والا تبا تعرس؟؟)
هزاع(لا حشى عليه لا اباها ولا ادانيها.انا اباج انتي)
موزه(هات العنوان)
هزاع(منطقه *** رقم البيت *** )
موزه(باجر بييك الخبر)
هزاع(شو ناويه تسوين؟)
موزه(باجر بتعرف)
هزاع(ما بتردين البيت؟اشتقت لج..محتاجج)
موزه(مب قبل لا يهون ابوك عن العرس وتظهر الحقيقه جدامي وأتأكد)
هزاع(بيظهر الصدق وبتتأكدين اني برئ)
……………………..
حصه تتعلج وتشوف التلفزيون صالة بيتهم..يندق الجرس وتطلع الخدامه..
موزه:حصه موجوده؟
الخدامه:هيه موجود
موزه:سيري خبريها قولي لها حرمه تباج برا
تروح الخدامه وترد لها بعد فتره:دخلي داخل
تدخل موزه فالصاله وتلقى حصه واقفه فنص الصاله وتتعلج ولابسه بنطلون وقميص:من انتي؟
موزه ترفع النقاب
حصه بلقت عيونها:انتي شو يايبنج هنيه؟
حصه:يايه اخطبج
حصه:هههه تخطبيني؟؟لمن؟
موزه:لريلي..هزاع
حصه شبه مبتسمه:صدق؟
موزه:هيه صدق طبعا..ما بتيلسيني؟
حصه:تفضلي تفضلي استريحي
موزه تيلس وتحط تلفونها اللي كان بيدها على الكرسي جنبها.
حصه تيلس مجابلتنها
موزه:بس يا حصه انا عتبانه عليج
حصه:ليش؟
موزه:الحين الطريقه اللي سويتها اتشوفينها صحيحه؟
حصه :تبين الصدق لا..بس انا احب هزاع وايد.وهوه تغير من خذج
موزه:طبيعي الريال يوم يعرس بيميل لحرمته بس الحين تعرفين ان ابوه فالمستشفى؟
حصه:سمعت من هزاع بس ما فهمت عليه من كثر ما تم يهازب
موزه:شفتي؟لو الحين تصرفتي بطريقه صحيحه ما بتخلينه يهازب..هزاع خايف على ابوه..
حصه:شو تبيني اسوي؟مب طايع ياخذني
موزه:الحين هزاع ما لمسج صح؟
حصه بتردد:هيه صح..ما قد لمسني.
موزه توقف:لا تتعذرين بالحب عشان مصلحتج واهدافج
حصه توقف
موزه تشل تلفونها وتفتحه سبيكر:الو
هزاع حاط تلفونه سبيكر في غرفة ابوه ..ابوه يسمع وامه وهزاع.
هزاع مبتسم:هلا موزه
موزه:سمع عمي؟
بو هزاع مبتسم مرتاح ومتلوم فهزاع:هيه امايه سمعت
موزه:الحمد لله يوم انك سمعتها بلسانها ..
حصه منصدمه كيف موزه خدعتها.:انتي شو سويتي؟؟
موزه:عشان تبان الحقيقه لعمي المريض
حصه:تقومين تخربين بيتي انا؟؟
حصه تتقرب من موزه والشرار بعيونها:اصلا كله منج انتي..انتي السبب..لو مب انتي الحين انا وهزاع متزوجين وعايشين بسعاده بس انتي السبب انتي السبب
وتدفر موزه بقو وتطيح موزه على الطاوله الزجاجيه اللي انكسرت بسرعه
هزاع/مووووووووووووووزه موزه الوووو
حصه تروعت وربعت لموزه
موزه؟؟؟؟موزه
موزه مغمى عليها والدم يغطيها…
تمسك حصه تلفون موزه وهيه ترتجف:اسفه هزاع اسفه
هزاع بيموت من الخوف ويربع باقصى قوه..موووووووزه الووو
حصه تصيح:هزاااااااااااااع..والله مب قصدي هزاااااااااااع
……………………
فغرفة العمليات بعد طول انتظار…
هزاع كندورته كلها دم..لانه شل موزه بين ايديه ربع بها المستشفى..
ام محمد وابو محمد ومحمد وام هزاع كلهم يالسين يتريون الطبيب..هزاع يشوف اصابعه اللي فيها دم موزه ويرتجفن اصابعه من الخوف على موزه:ياا رب…يا رب
ام محمد تصيح وام هزاع عدالها تصيح شوي وتواسي ام محمد شوي
محمد وافق ويا هزاع ومسكه من جتفه
هزاع نزلت دمعه من عينه ومسحها بسرعه
ابو محمد:يا ربي يا كريم..
يطلع الدكتور ويترابعون كلهم صوبه
هزاع:هااه دكتور..شو موزه
محمد:شو موزه دكتور؟
بو محمد:طمنا!
الدكتور:الطيحه كانت قويه وايد.وصار عندها جروح كثيره في يدها اليمين . طلعنا الزجاج اللي كان بيدينها بس.
هزاع:بس شو دكتور لا تروعني دخيلك
الدكتور:الجنين نزل..الله يعوض عليكم
الكل انصـــــــــــــــــــــــــــــــــدم…
محد كان يعرف ان موزه حامل…
هزاع واقف متصنم وفاتح عيونه اخر وسع ..
بو محمد يكلم هزاع:الله يعوض عليكم انشالله
هزاع لا حياة لمن تنادي…
محمد يهز هزاع من جتفه:اذكر الله شفيك يبست؟
هزاع:لا اله الا الله..لا اله الا الله..دكتور ابا اشوف موزه
الدكتور:انت من؟
هزاع:انا زوجها
الكتور:تفظل انت بس..رجاء لو سمحتوا لا تدخلون..لازم ترتاح المريضه..وبوجودكم كلكم ما بتقدر ترتاح
بو محمد:يالله ام محمد ..مشينا
ام محمد:ابا اشوف بنتي
بو محمد:ذكري الله وقومي..بنتج ابخير يالله قومي
محمد:عمتيه بوصلج
ام هزاع توقف وتمش عيونها:الله يعوض عليهم يا رب
الكل أمين……………
هزاع يدخل عند موزه..شاف يدها اليمين ملفوفه..وعلى جبهتها شاش..وجرح صغير قرب شفتها..تقدم منها وحط كفه على كف موزه اليسار..نزلت دمعه من عينه..
موزه كانت مغمضه عيونها حست بوجود هزاع جنبها وفتحت عيونها..
هزاع شافها مسح دمعتها ابسرعه وابتسم:الحمد لله على السلامه
موزه شافت هزاع يوم مسح دمعته:الله يسلمك
هزاع يلس وماسك يدها..
موزه تطالعه…
هزاع باس يدها…
موزه تطالعه..وبعدين..نزلت دمعه من عين موزه
هزاع ما قدر يشوف دمعة موزه ونزلت دمعته تسابق دمعتها..
موزه:الله يعوض علينا
هزاع ابتسم بدمعته..وما قدرت تطلع منه كلمه خانقتنه العبره.
موزه تمد اصابع يدها اليسار وتمسح دمعته..
هزاع مسح دموعه ابسرعه وابتسم وتنشق من خشمه زين:الحمد لله على كل حال..المهم سلامتج
موزه:ربي يسلمك..وانا اسفه ..شكيت فيك
هزاع:لا تتاسفين..المهم بانت الحقيقه..(بحزن:بس ثمنها كان غالي
موزه:الله كريم
هزاع:والنعم بالله..
……………………….
وبعد مرور اسبوع…………………
…………………………
احمد فالصاله ويالس مع امه ……..
احمد:امايه بغيتج بموضوع
ام فيصل:قول ابويه شو فخاطرك؟
احمد:امايه انا ابا اعرس
ام فيصل:انشاله وحاظر ومن عيوني من باجر بدور لك بنت الحلال
احمد:أه؟؟لا..اقصد…لا ماابا
ام فيصل:ما تبا تعرس؟
احمد:لاااااااااا اقصد ان
ام فيصل:حاط عينك على وحده؟
احمد:ااااه؟انا؟؟لا لا لا
ام فيصل:عيل شوه تبا ما فهمت عليك..تبا تعرس وما تباني ادور لك..عيل شو تبا.؟
احمد:اه؟اا ااا ا ا ا اانتي من وين بتدورين لي؟
ام فيصل تفكر ببنات…:اممم هيه شما بنت عمك
احمد:شووووووووووووو؟شما؟؟شموه صف ثالث اعدادي امايه تبين تيوزيني ياهل؟؟
ام فيصل:لا صدق شما صغيره…انزييييين
احمد:من الحاره من الحاره(يا خبيث)
ام فيصل:هييييييييييييه يارتنا عندها بنت فالجامعه
احمد:يارنا من؟
ام فيصل:بخيت
احمد:لالالالالا ما ادانيه انا هذا..لفي شوي جنوب
ام فيصل:جنوب؟؟هيييييييييييييييه شو رايك نخطب لك بنت بو سالم؟؟اسميــها
احمد:لااااااااااااااااااااااااااااااااا اقولج جنوب اتسيرين غرب؟؟؟؟
ام فيصل:من هناك فالجنوب؟؟محد..
احمد:جيه محد؟؟تاكدي تاكدي زين
ام فيصل تفكر…
احمد يهيأ الجو بالتلميحات…
احمد:عند سدره عوده..
ام فيصل تفكر….
احمد:وباب بيتهم ازرق..(ههههه يحليلك)
ام فيصل:من هذيلا؟؟عند سدره عوده وباب بيتهم ازرق؟؟
احمد:امااااااااااااااااااااااه
ام فيصل:والله كل البيوت هنيه بيبانهم زرق والسدر بكل مكان فالحاره
احمد:اماااااااااااااه..جارهم اسمه بو راشد..وبيتهم ثالث واحد من الجنوب..وابوها يقولون له بو حمود..وعندها اخو واحد اللي هوه حمود..
ام سلوم سورري اقصد ام فيصل:منوووه ذيلا؟؟؟؟
تدخل عاشه :فاطمه عمتيه فاطمه ما غيرها
احمد ارتاااااااااااااح:واخيـــــــــــــــــــــــرن
عاشه تضحك:هههههههههههههههه
ام فيصل:هيييييييييييييييييييه قل فاطمه من الصبح دوخت بي راسي قلت لي جنوب وسرت انا غرب..
احمد:يا ربييييييييي
عاشه:ونعم الاختيار
احمد ابتسم:صدق؟
ام فيصل:والنعم والله فيها..الله يرحم امها اسميها ربت
احمد وعاشه:الله يرحمها
احمد:متى بتخطبينها لي؟
ام فيصل:عنبوه اصبر بشاور ابوك..
احمد: وينه ابويه؟
ام فيصل:راجد تحت الشيره احيده خاري
وينش احمد :بسير صوبه.
ويطلع من الصاله ..
..عاشه مسكت بطنها بسرعه:ااااااااااااااااااخ
ام فيصل:بلاج امايه شو يعورج؟
عاشه:من كمن يوم بطني يعورني
ام فيصل:ما سرتي الدختر؟
عاشه :شلني فيصل امس العصر بس بعده يعورني
ام فيصل:وينه فيصل؟
عاشه:ساير ويا ربعه الفجيره
ام فيصل:قومي قومي بنسير العياده هذي مب بعيده..
………….
عاشه تصيح..واو فيصل تصيح…
احمد واقف بعيد..:شو فيكن؟؟؟بسم الله الرحمن الرحيم..شو هناك؟؟ليش اتصيحن؟؟؟
ام فيصل بصياحها:..الحمد لله يا رب الحمد لله
عاشه تمسح عيونها والابتسامه على طول ويها
احمد مستغرب:الحين انتن على شو تصيحن روعتني تراكن؟
ام فيصل:اتصل اتصل على فيصل وبشره
احمد:ابشره؟؟
طالع عاشه..وشهق..فهم..:حامل؟؟؟؟صدق؟؟؟؟
عاشه سارت حجرتها والفرحه موسايعتها..
احمد يتصل على فيصل وفاتح ثمه وعيونه مب مصدق:الحين انا بروحي مب مصدق الله يعينك يا فيصل
فيصل:هلا احمد
احمد:وينك؟
فيصل:توني داش الحاره ياي البيت
احمد:البشاره
فيصل:على شوه؟
احمد:اول البشاره
فيصل:شو تبا؟
احمد:إذا ولد اتسميه سعيد على ابويه
فيصل وقف السياره:شوووووووووووووو؟
احمد:ههه اقولك تراني ..مبرووووك بو سعيد مبروك
فيصل :شوو؟؟شو تقول انته؟؟
احمد:ههه اندوك امايه
ام فيصل:الو فيصل..كلللولولولوللللولشش
احمد نقز :عااشت ام فيصل يباب اماراتي عجيب
ام فيصل:مبروك ابويه عاشه حامل
فيصل مب مصدق:صدق والله؟؟؟
ام فيصل:هيه ابويه تونا ياين من العياده وبشرونا..الحمد لله يا ربي الحمد لله
فيصل مب قادر يصدق..خمس سنين يتريا يشم ريحة ياهل..:الحمـــــــــــــــــــــد لله الحمد لله
….فغرفة فيصل وعاشه….
فيصل يبوس راس عاشه:الـــــــــف مبروك
عاشه مستحيه:الله يبارك فيك ومبروك لك بو سعيد
فيصل/والله العظيم مب مصدق
عاشه:ههههه شو تقول عني انا احس اني بحلم
فيصل:الله يخليج لي يا رب ولا يحرمني منج
عاشه:ويخليك لي يا رب..
…فالصاله…
بو فيصل يعطي عاشه ظرف..
عاشه وفيصل مستغربين ويشوفون الظرف
عاشه:عمي شو هذا؟
بو فيصل:نذرت وهذا هوه
عاشه تفتح الظرف وفيصل وام فيصل واحمد وراشد كلهم يطالعون…
عاشه شهقت وفيصل اللي لاصق فيها يطالع الظرف شهق..
احمد وراشد وام فيصل فيهم فضول…
راشد:شو فيه؟؟؟؟؟؟
احمد يدفره:شو يخصك؟
راشد حاس بوز ويلس مكانه زين
عاشه:عمي شو هذا؟؟؟؟
فيصل:ابويه شو كل هذا؟؟؟
احمد:انزين شو هوه؟؟؟شو فالظرف(ويدفر راشد بعد؟)
عاشه تطلع فلوس كميه كبيره وكلها نوط بو ألف..
بو فيصل:نذرت يان حملتي هالسنه اني اعطيج مية الف من حلالي
عاشه منصدمه:بس عمي هذا وايد
بو فيصل:ما يغلا عليج
عاشه استحت من عمها
فيصل:تستاهل الغاليه
احمد:عادي نتجاسم؟
عاشه:ههه ما طلبت
بو فيصل يطالع احمد
احمد:اسولف اسولف..
الكل:ههههههههههههههههه
احمد:بس خشي شويه لعرسي
الكل:هههههههههههههههههههههههههههههههه
راشد:ههه متى بتعرس ثرك؟
احمد:قريب رشود..
راشد:صدق؟؟صدق بتعرس؟
ام فيصل:هيه بيعرس..بنخطب له فاطمه
راشد:من فاطمه؟
احمد"اخت حمود ربيعك
راشد وقف:شوووووووو؟؟امايه انتي مب قاليه بتخطبينها لي؟؟؟؟
احمد:هاه؟؟صدقت انته.؟جيه انته ياهل
راشد:انا مب ياهل..
ام فيصل:بس انا خاشه لك وحده احسن عن فاطمه بمية مره
راشد يلس عدال امه ابسرعه:من؟؟
راشد|:شما بنت عمك
راشد:شموووه؟؟ما لقيتي غير شمووه؟
ام فيصل مسغربه والكل يضحك عل راشد..
ام فيصل:وشو فيها بنت عمك؟
راشد: ذاك اليوم قلت لها عطيني واجب الرياضيات ما طاعت..ما اباها نازعني الاستاذ بسبتها..
بو فيصل:الا من كسلك .عيل تاخذ واجبها على البارد المستريح وحليلها هيه تقيل تحل وتراجع فكتبها ومعثره عمرها؟؟
فيصل:صدق راشد شما وايد تناسبك خل فاطمه لأحمد وانت بنيوزك يوم تخلص ثانويه..انت بعدك ما طلعت من الاعداديه
راشد يكلم عمره:عيل ما تعطيني واجب الرياضيات؟؟
احمد:بلاك تتحرطم..؟؟؟؟؟؟؟؟؟
راشد:ماشي ..
ام فيصل:رضيت خلاص؟؟
راشد مب مقتنع:بس امايه شموه اطول مني
الكل:ههههههههههههههههههههههههههههههه
ام فيصل:هههه عنبوه اصبر حتى انته بتطول وبتغذي اكبر عنها..
راشد معصب:شموه الزفته ما اداانيهاااااااا
…………………………..
………………………………………….. ….
يفتح هزاع باب الغرفه ويمشي للشبريه وين موزه منسدحه:شو صحتج؟
موزه يلست:الحمد لله وين سرت؟
هزاع:عند ابويه تحت
موزه:وشعريه؟
هزاع يحسر عن ايديه :يالله
موزه مبتسمه تقوم من الشبريه
وتيلس على كرسي التسريحه..والكوافير هزاع مسك المشط وبدا يسحي لها شعرها بشوي شوي
من يوم ما تعورت موزه وهزاع كل يوم يسحي شعرها ويلقمها الاكل بيدينه وحتى ويها هزاع يغسله لها ما يبها تصك شي..
هزاع يسحي شعرها و موزه مبسوطه على الكرسي..العلامه اللي على جبهتها بدت تخوز..وتصغر..واللي جنب شفتها اختفت لانها كانت صغيره..
هزاع يحاول يلف شعرها ويضبطه ويحط البكلات عليه..مركز وحالته حاله..
وعقب ما خلص :تراااااااااااااااااااااااااااااااااااااااا
موزه تلف براسها يمين وشمال اتشوفه من الجهتين(راح شعري يا ويلي): مشكور هزاع..حلو
هزاع يحط اللمسه الاخير..لف بموزه على جدام ومسك خصلت قصتها وحطها على يانب وحط شباصه صغيره على شكل تاج اميره
موزه تلف اتشوف:اللـــــــــــــــــــه حلوه
هزاع:اليوم خذتها لج..اشوفج ما ترومين كل شوي تلفين قصتج هذي احسن ما بتعبج
موزه:مشكور..الله يخليك لي يا رب
هزاع:انسير تحت؟
موزه توقف:يالله
يشل هزاع شيلة موزه من فوق الكرسي ويحطها على راسها وعدلها لها ونزلو تحت……………..
……………….
اليوم ملجه محمد وشيخه:………………….
موزه وفاطمه يالسات وياها فغرفتها..شيخه لابسه فستان نيلي وفيه شوية فضي..ومسويه تسريحه على فوق ومكياج سموكي نيلي على اسود…..
موزه اللفه فيدها شكلها اصغر حجمها ولابسه فستان احمر بعد مناقر ويا هزاع ما يباها تلبسه طالعه تخبل باللون الاحمرويخاف عليها من العين..بس هيه اقنعته ولبسته ..اما فاطمه فلابسه فستان عيناوي مخصر وفاتحه شعرها اللي واصل اخر ظهرها ماشالله غليظ وايد ..ومكياجها خفيف ومستويه تجنن….
موزه:ما جنهم بطو؟
شيخه:لا عادي توها الساعه تسع
فاطمه:اتصدقن عطشت
موزه:حتى انا والله
شيخه:خس الله البشكاره قايله لها تيب العصير والماي هنيه بس سوت لي طاف
فاطمه:حليلها شغل وايد عندها ما تشوفين الخلق مااكثرهم؟
موزه:بسير ايب ماي
فاطمه توقف عنها:وكيف بتشلينه بيدج؟يلسي انا بيبه
موزه:تدلين المطبخ
شيخه:وابويه هيه تدله اول مره تيني هيه؟
فاطمه:هههه يالله بسير ايب الماي
وتطلع فاطمه من غرفة شيخه وتلف من باب الصاله الثاني الحريم وايد تستحي تخطف امبينهم..
حطت كوبين فالصينيه وجيك الماي البارد وتوها لافه واذ بأحمد فويها..
احمد ما عرفها لف بسرعه على ورا وطلع
فاطمه حطت الصينيه على الطاوله وتحجبت زين وتغشت وقلبها يدق ابسرعه لانها عرفته انه احمد..
..طلعت فاطمه بشكل سريع..
بو جاسم لأحمد:لقيته؟؟؟
احمد انتبه توه كان يفكر من هالقمر اللي كانت فالمطبخ..بس لا عيب هوه بياخذ فاطمه انشالله :هاه عمي؟
بو جاسم:حاطنه على الطاوله سوات المطبخ لقيته ؟
احمد:لا الحين ساير
يدخل احمد المطبخ بعد ما تنحنح مشى للطاوله ولقى تلفونين
احمد:اي واحد ماله.؟
يمسك التلفونين ويطالع :اي واحد تلفونه؟
يشلهن كلهن لبو جاسم…
فاطمه دشت المطبخ:وين حطيته؟؟
تطالع عند الكيبان وعند الصياني :يا ربي وين سار تلفوني؟
…..
احمد راد للمطبخ بيحط التلفون الثاني مكانه وشاف فاطمه ورد برا المطبخ بدون ما تحس فيه فاطمه..
فاطمه فالمطبخ:يا ربي وينه هالتلفون؟؟؟
احمد تنحنح برا المطبخ
فاطمه انتبهت وتتغشى وتستر ايدينها
احمد يمد بالتلفون وهوه مب باين:لقيت هالتلفون داخل شليته بالغلط
فاطمه تقرب وتشل التلفون من يده:هيه تلفوني هذا مشكور كنت ادوره
احمد(هالصوت مب غريب عليه|)
فاطمه(يا ربي هذا احمد..انشالله ما يعرفني)
احمد:السموحه شليته بالغلط
فاطمه:لا ما عليه يوم انك يبته
احمد:فاطمه؟
فاطمه بلعت ريجها:…
احمد:مب انتي فاطمه؟؟
فاطمه بعد تردد:كيف عرفتني؟
احمد ابتسم هوه شافها اقصد انه شاف ويها وهذي اول مره..قد شاف عيونها هوه بس اول مره يشوف ويها
احمد:من صوتج
فاطمه لا تعليق
احمد:شي فخاطرج؟
فاطمه:شو راسك؟
احمد:ابخير الحمد لله
فاطمه:الحمد لله على سلامتك كله بسبتي انا اسفه
احمد:لا تتاسفين ولا شي انا ما سويت الا الواجب ولو واحد غيري ان جان ذبحه فأرضه
فاطمه:ما تقصر
احم:يالله انسلم عليج
فاطمه:فداعة الرحمن
ويسير احمد عند اريال وتفتح فاطمه الغشوه عن ويها ومبتسمه..
تدخل غرفة شيخه
شيخه:شو اخرج؟سايره الا تيبين تلفونج
فاطمه:اه؟؟بطيت تراني ادوره
موزه:ملجت الحبيبه وصارت مرت اخوي رسمي
فاطمه:صدق؟؟مبرووك شواخي
شيخه مستحيه :الله يبارك فيج..عقبالج
فاطمه ابتسمت
…………………………..
محمد :السلام عليكم
شيخه:وعليكم السلام…
محمد و شيخه يالسين فالصاله ..وطبعا جاسم اخو شيخه يالس وياهم بنظاراته..
محمد:مبروك
شيخه مستحيه:الله يبارك فيك
محمد يطالعها ومبتسم هذي حرمتيه الحين.؟؟؟اسميني محظوظ..
محمد:شحالج؟
شيخه:ابخير
جاسم يرفع النظاره زين لعيونه :شفت؟
محمد :اه؟
شيخه تشوف جاسم!!!!
جاسم:يالله توكل على الله
محمد:ترها حرمتيه خلاص
شيخه(يعلج يا جسوم)
جاسم:حتى ولو.شوف الساعه ككم؟؟انا عليه دوام باجر
محمد:من قبضك؟؟سر رجد
شيخه(يا قلبي )
جاسم:وانته؟
محمد:انا شوه؟؟
جاسم يجفت ايدينه:بتبات عندنا؟؟؟
محمد(يا ريت) ويقوم حايس بوز:عنبوه توني داخل اسلم عليها كلني
شيخه توقف وتبا تضحك
محمد يرمس شيخه بصوت واطي:لا ترجدين بكلمج بعدين
شيخه استحت ونزلت راسها
محمد:يالله جاسم انا ساير شي فالخاطر؟؟
جاسم:موافق خير..مع السلامه
ويطلع محمد من الصاله وجاسم لف براسه يشوف شيخه..وبالمخده على ويهه..وطارت الجبهه
شيخه عاقده حواجبها..ودخلت غرفتها..
جاسم يعدل نظارته ومستغرب :شفيها هاي؟؟؟؟؟؟؟
…………………………………..
موزه وهزاع يالسين على العرقوب ومجبلين غرب..المنظر خيالي…الشمس بدت تغرب ..وهزاع متسفر بشال..ولابس نظاره شمسيه..وموزه حاطه الشيله على راسها ولابسه نظاره شمسيه هيه بعد والنسيم يحرك قصتها …
هزاع مسك يد موزه…
موزه تلف عليه..
هزاع:أحبج
موزه:أحبك
………………
وبعد مرور ست سنوات……………….
…………………………..
محمد منسدح فكهفه…(تعرفونها اعتقد القنفه)ويضربه ولد بقو على ظهر..محمد يلف ويمسكه مبتسم:شو تبا؟
يشله محمد وايلسه على بطنه
عبدالله:وين ماماه؟؟
محمد:ما ادلها..شيخوووووووووووووووووووووه
شيخه تطلع من المطبخ وتقود بنت عمرها سنتين وبطنها منتفخ..تقريبا لها السادس..
شيخه:هاااه اشعندك اتصارخ
محمد:عبدالله يدورج
محمد يلس ولام على على عبدالله بو خمس السنين..
ويمد يدينه يبا نوره ..وتربع له نوره وايلسها جدامه
شيخه تيلس:وين سارت عموه؟
محمد يلاعب نوره:سارت عند يدوه..حرمت عمي خالد يابت ولد سايره صوبهم
شيخه:هيييه بركه بركه..|ما يت موزه؟
محمد:لو يتب تسمعين عيالها ضابين البقعه
شيخه:هههههه والله حتى عياك مب سهلين
محمد:فديييييييييييييييتهم ما يقولون شي..صح باباه؟
عبدالله:صح هذي علياء وعلي هم اللي يضاربوني..
محمد:أفا…وتسكت لهم؟؟
عبدالله بو لسان مثل ابوه..اقصد و امه:حشى والله الا بدج فوق ابطونهم ان ضاربوني
مححمد:كفوو كفوووو والله
شيخه:ههههه علمه على العوافه انته
.
هزاع يقود علياء وعلي..توأم..عمرهم خمس سنين
ويمشون للبيت
ام هزاع فحديقة البيت:يعلني ما خلا منكم
هزاع مبتسم:السلام عليج امايه
ام هزاع:وعليكم السلام تعالوا حبايبي تعالو ..وين سرتوا؟؟
علياء وعلي:الحديقه
علياء:وين ماماه؟
علي:بخبرها على ابويه
هزاع بلق بعيونه ويعطيه على جتفه:على شووه؟على شوه.؟؟
ام هزاع:وابويه هزاع تضرب ولدك؟
موزه تتقرب:شو عندك على الصبي؟
موزه حامل فشهرها…
علي يربع لامه يواشي:ابويه
هزاع يربع له ويشله يدحدحه:هههه ههههه ماشي ماشي يبا اسكريم بس ما طعت اخذ له
موزه اشتغلت عندها انذارت المطافي :فجه فجه..
علي ينزل عن ابوه:ابويه اليووووووم
هزاع يحط يده على ثم علي:ماشي والله
وجان تبطها علياء:شفته يكلم حرمه يوم حطنا نلعب
موزه طالعت هزاع وشكلها بتجتله
هزاع بيدينه:لالالالا لا والله لالا والله ما كلمت حد
ام هزاع :يالــــــــــــــــــله بالستر
موزه عورها بطنها..
هزاع:اقسم بالله..والله العظيم..هاي سوريه تتخبرني عن مكان الحمامات لودلدها..والله والله
موزه حطت يدها على بطنها.:هزاع تراك بتينني
هزاع:هههه حبيبتي ي قلبي والله العظيم عاد تحيدينهم عيالج وخاصه هاي هاي عليوه هاي ام لسان..
علياء بثقة مثل امها :انا مب ام لسان..انا قلت الصدق
علي :والله انا شفتك تكلمها بس ما شفت ولدها
هزاع:شووووووووووووووووووووووووووووووه؟؟
علي انخش ورا امه وهزاع يربع وراه يبا يمسه يضربه عشان الجذب..
موزه :هههه خلاص خلاص مصدقتنكم هههه ااااااااااااااااااخ خخ اخخخ
هزاع وقف عن مراوغ علي:شوه شوه فيج؟
موزه غصب مبتسمه:عموه العيال عندج..
ام هزاع فهمت:الله يقومج بالسلامه
هزاع يتحرقص:الحين الحين؟؟
موزه تمسكه من كندورته:طوف جدامي
هزاع:صدق؟؟لحين؟؟؟
………………….
فالمستشفى هزاع يبوس البيبي:مبروك غناتي
موزه:الله يبارك فيك تربا فعزك انشالله
هزاع:الله يطول بعمرج يا رب
موزه تتذكر وتظربه على كتفه ومعصبه:من كنت تكلم فالحديقه؟؟؟
هزاع يحك كتفه:اححح والله قلت لج الصدق.هاي سوريه..احححح موزوه والله يعور..
كسر خاطرها وابتسمت:صدق؟
هزاع ابتسم:طبعا يعلني ما خلا منج
موزه:ومنك يا الغالي…..
فاطمه يالسه تحت الشجره فبيت اهل زوجها أحمد…
احمد من وراها متخيتل :هووووووووووو
فاطمه حطت يدها على قلبها:بسم الله الرحمن الرحيم
احمد يلس عدالها:هههههههههههههههههههههه
فاطمه:هههه يعلني دوم اشوفك تضحك
احمد:ربي يسلمج من الشر.
فاطمه تتلفت:وين سعيد؟
احمد:عند يدته ياين ورايه.
تطلع اليده ام فيصل وشاله سعيد بو سنتين ونص وتقود سعيد بو الست سنين وبنت ام اربع سنين ماسكه اخوها سعيد بن فيصل
فاطمه تمسط تلفونها وتاخذ صوره
الجده ام فيصل يلست وحولها احفادها..
احمد يلاعب ولده :سعودييييي
سعيد بن فيصل:هاه عمي
احمد:ما اناغيك اناغي حبيييبي سعودي الصغير
ام فيصل:هههه فيصل سما سعيد ليش انتا غيار
احمد:انا لاب غيار ولا شي ابا اسمي على ابويه زد فيصلوه يسمي سعيد؟؟
سعيد:ابويه مب اسمه فيصلوه
الجده:هههه صدقه..اسمه فيصل مب فيصلوه
فاطمه:هههههه اقول ما شفت راشد اليوم؟ ما يا من الجامعه؟
احمد:والله ما ادري
الجده:ما ادريبه احمد اتصل عليه
احمد يتصل على راشد…
راشد ماشالله مستوي ريال مملوح..
راشد:هلا احمد
احمد:وينك ما ييت من الجماعه بعدك؟
راشد:ياي فالدرب بس بخطف على الحلاق وبي
احمد يكلم امه:بيخطف على الحلاق وبيي
ام فيصل:زين ابويه هلا هلا بعمرك بس لا تنسى تيب الجت للبوش من بيت عمك
راشد:ههه اسمعج اسمعج …انشالله …يالله برايك
احمد:مع السلامه
راشد يوقف بسيارته:وينك يا ريال؟؟
حمود الوسيم المملوح الجميل اللي صاير احلى واحد بالحاره:توني ياي من ليوا
راشد:كل اسبوع ليوا؟؟
حمود ينزل من سيارته وراشد بعد
حمود:وين سالم ما سوا لك تلفون؟
راشد:لا من امس ماشفته صبر خل اتصل عليه
راشد"الو
سالم:حيالـــــــــــــــله براشد
راشد:يحيـــك.ويبجيك.وينك يا ريال؟؟
سالم:هنيه واقف عند الدكان الغربي
راشد:شو اتسوي؟؟
حمود:تعال تعال
سالم:اوووه حمود فالدار اليوم؟
راشد:هيه تعال عند السدره العوده
…يالسين الشباب الثلاثه تحت السدره..ماشالله كبروا واستووا ريايل..
حمود:تذكرون يوم نيلس تحت هالسدره نلعب؟
راشد رفع راسه يشوفها..:اااااااه ذكريات
سالم:اقول شاب
راشد وحمود يلتفتون
سالم يكمل:انا بسافر
راشد وحمود:وين بها؟؟
سالم:امريكا
حمود وراشد انصدموا:امريكا؟؟؟
سالم:بكمل دراستيه فامريكا
راشد:متى بتسير؟
سالم:أول الشهر
حمود وراشد تاثرو ما قد تفرقوا عن بعض والحين سالم بيسير عنهم….
حمود:الله يوفجك فدراستك
راشد"امين
سالم:امين ان شالله
راشد:انزين بتسافر بس شو فيك جذيه منعفس ويهك؟
سالم:والله يا خوووووي..شو اقولك؟امايه تبا تيوزني عشان اشل الحرمه ويايه امريكا
حمود"وشو المشكله مب اخير عن تيلس بروحك هناك؟
سالم:يا خي ما اختفت وياها..بس المعصيبه انها تبا تيوزني بنت خالتيه..وانا وياها من يوم صغار رابين سوا.ما كد شفتها غير انها اخت لي وبس.
راشد:ما بيستوي غير الخير انشالله..)يقوم راشد:برمسكم خلاص بنتاقى عند الدكان الغربي الحين بسير اودي الجت للعزبه يالله برايكم
حمود وسالم:حيالك الله…برايك بو سنيده
حمود وسالم يتكلمون فموضوع سفر سالم..
راشد يوقف ببيت عمه ويدق الجرس…
تفتح الباب بنت مغطيه على خشمها..عرفته…
شما..:راشد؟مرحبا
راشد ما عرفها..صار له اكثر من خمس سنين ما شاف شما..
راشد:مرحبا بنت عمي..شحالج؟
شما:ابخير وسهاله..قرب
راشد يدخل من الباب وتنزل شما طرف شيلتها من ويها
راشد لف عليها وانبهر بجمالها
شما:قرب ولد عمي احدر الميلس
راشد:والله ما عرفتج يا شما
شما:هه اكيد ما بتعرفني محد يشوف حد فهالدنيا
راشد:صدقتي والله..امايه مطرشتني عشان الجت
شما:هيه الجت..اكوه وين..بزجر لك البيدار يشلهن فالسياره لك
راشد:وينه انا بزجره
شما:فاني..فانيي
ويطلع فاني"هاهم اماه
شما:سر شل الجت فالسياره
راشد يفر عليه السويج:اندوك حطه فالدبه
ويربع فاني يشل الجت ويدخل راشد الميلس يتقهوي .وقبل ما يدخل يعطي شما ذيج الابتسامه..اللي خلت شما تستحي ..وابتسمت وسارت داخل الصاله..
………………………………………….. …………
ألقاكم فالجزء الثاني …
تحياتي:راعية الفتاكي