و حبيت اعرف منكم شو الاماكن الترفيهيه و المطاعم و الاماكن الحلوه الي نقدر انسيرلها …..
و اي فندق تقترحون علينا انسيرله ….
اختي العضوه عيون ماقصرت بالسألتي عنه وهي كفت ووفت
ولا تنسين تصورين الاماكن اللي بتزورينها …نترياا الصور ^-^
ابغي الاماكن الترفيهيه بعد حق العيال …
اتريا ردودكم ….
= المدينه الترفيهيه وهي أكبر مدينه للالعاب وفيها المطاعم
=حديقة الشعب
=حديقة مرح لاند
=حديقة كويت ماجك وهي بجانب سوق كويت ماجك ومطله علي البحر
=صالة التزلج
=والمركز العلمي وأنا أنصحج انج تودين عيالج وصدقيني راح يستانسون كثير فيه والمكان كأنج بأعماق البحر والاسماك من حواليج طبعا الفاصل زجاج وهوالمكان الوحيد في الشرق الاوسط وفيه سينما ثلاثية الابعاد
=وألعاب قرية الطفل اللي تلقينها بالمجمعات التسويقيه
واسمحيلي أختي هالاماكن هذي اللي أعرفها فقط…
واتمني لكم طيب الاقامه وهلا فيج