بسافر الهند منو الشاطرة اللي بتساعد درابيلوو وبتعطيها معلومات خبيرات بومباي دشن 2024.

للسف انا بسافر الهند بس مناطق اخرى…ويالسة ادور معلومات من النت^^

للرفـــــــــــــــــــع

بمبي ..و ماااا ادرااااااااااااك ما بمبي .. لووول

والله تولهت عليها على وصاختها خخخخخخخخخخخخ …

شوفي احسن فنادق في كولابا طبعا فندق التاج بس ما انصحج لنه غالي و شي فنادق ثانيه احلى .. احنا نسكن في اسكوت و قودوين.. بس شفت اسكوت احلى .,, صح قودوين غرفه اوسع بس هاك انظف و فيه تلفزيونات بلازما .. شوفو جان بتحصلون جناح الامارات في الطابق الرابع يجنن ..

وو الاسواق من صوب فندق اسكوت شي صفة كشكات .. كله عندهم بلايز و توبات و قمصان و بجايم من ماركس سبنسر و من دابنهامز و ايسبرت و هالماركات البريطانية .. و بتحصلينهم برخص التراب .. البجامه اذا قال لج فوق 200 روبيه قوليله ماشي 150 ولا 100 بس … و بيلحقج عشان تاخذين ههههههههههههه ..

و شي عندهم الشيراتون و التاج هذيلا في عندهم ماركات .. و شفت محل بربري ارخص عن الي عندنا بوايد…

وو شي عندهم سوق اسمه فاشن ستريت .. الله والفاشن يعني هههههههه بس نفس سوالف البجايم و الجواتي و الجينزات بتحصلين عندهم و رخاص … يعني اصلي ترا مب تقولين لا تقليد .. لنه المصانع مال هالماركات البريطانية عندهم و الي يزيد من الستوك ياخذونه يبيعونه … على فكره تعرفين محل درهي الي مارينا مول و شي في الفستفال ستي .. نفس القمصان ماله عندهم .. دوري و بتلقين .. تخيلي القميص في المحل ينباع ب 500-700 .. تدرين بكم خذت 2 ؟؟ على 90 درهم تقريبا لوووووووووووول … يا بلااااااااااااش ..

عن المطاعم لا تاخذين من دومينوز لنه احنا انصدمنا يوم خذنا مره بيبروني و طلع خنزير عزج الله … كنا ناخذ مكدونالد وايد بس ناخذ الخضروات او السمج .. و شي عندهم سندويج حلو سبايسي اسمه Salsa Paneer يم يم يم .. جبن مالهم قالينه و حاطين عليه ملفوف و طماط و هالسوالف و سوس سبايسي .. و رخييييييييييييص .. كنا ناخذ حق 10 انفار و يعني مب كل واحد واحد .. الي يبا 2 و الي يبا زياده مادري شو .. و يطلع ب 100 مالنا ..

شي مطاعم تقدم اكل لذيذ ..واحد اسمها ميزبان و واحد ايديال .. هذيلا في هاك الشارع … اتصلي الريسبشن و قوليلهم ابا هالمطاعم و بيوصولنج بهم و اطلبي الي تبينه … حق الريوق عندهم الو باراتا … جي خبز داخله بطاط يم يم لذييذ بس لو ماتحبون الحار قولوله لا تحط فلفل وايد .. و عندهم البتر جيكين لذيذ .. و البرياني بعد .. بس طبعا كله دهن يعني اتحملو لو حد عندكم ما يقهر ..

و شي بعد قريب مطعم اسمه كلاس برباس .. هذا مال حلويات لذيييييييييييييييييييييذه حلوياته .. خذو غلاب جامون + و الحلاوة البيضا الي في الحليب .. نسيت اسمها ههههههههههههههه يوم بذكر بخبرج ..

شو بعد شو بعد .. هيه طبعا لازم تسيرين عند اجمل + محمد ايوب …. عندهم غير عن العطور جلابيات روعه … الخفاف و الثجال .. شوفي و اكيد بتخمييييييييين .. و القطع بعد خذي حق عيدين جدام هههههههه .. انا العام سرت و يبت يميع الخلاقين و خليت حق الزهبه و قبل 3 شهور بعد سرت و يبت و جسمت و احين بخيط حق العيد منهم و لا يخلصن ماشاء الله هههههه

خلاص تعبت .. و اي استفسار انا حاضره ………. هيه جان تبين دريول زين هناك بعطيج رقم دريولنا خااااااااااااان … بس طبعا بييبه من عنده امايه لنه مب عندي

تسلمين الغالية وان شاء الله تحصلين المعلومات اللي تبينها ^_^

فديييييييييييييييييييييييييييتج والله يا راعية الفزعات

والله اني استانست يوم شفت الرد جي طويل

وردج تبين الصراااحه برد خاطرية ولو انه مافي ردود ثانية بس كفيتي ووفيتي يالغالية

وبصرااااااااااااااحه وايد استانست على سالفة البجايم

انا اللي اعرفه انه الاندرير مال ماركس سبنسر عندهم بس ما توقعت البجايم بعد

انزين الغالية انا سمعت عن كم مكان هناك اللي هم

سوق باتدرا
بندي بازار
جباتي
ايس وورد
بنزر
ويست سايد

مادري ا>ا تعرفين عنهم شي الغلا خبريني ^_^

ادري اني طفرتج بس ترى انتي اللي جنيتي على نفسج *_^

هي صدق نسيت أسالج غناتي

شو ممكن اشتري من عندهم

يعني شي وايد مميز ومش موجود عندنا في الامارات

سمعت عن صيدلياتهم يقولون انه ادويتهم وايد زينة

وعن كريم التشقير مالهم ؟؟

مادري ا>ا عندج فكرة ؟؟

صدق الغلا

طرشيلي رقم الدريول على الخاص

لا خلاني الرب منج