هلا خواتي
بغيت اسال شو احلى الاسواق الي بالكويت
انا رحتها قبل سنه بس احس ما لفيت وايد في البلاد
ما ابي سناتر لانه ما شاء الله السناتر على افا من يشيل في الامارات ^^
بغيت اسواق شعبيه وبغيت اعرف وين اماكنها بالظبط غير عن سوق المباركيه ^^
وفي البحرين بعد بغيت اعرف وين اسواقهم الشعبيه وشو ممكن اشتري غير الحلوى والرهش هع
عادي ايي وياج><
السمحة حبيبتي ماعرف^^
مجمع الراية
مجمع الاوقاف
الفنار
سوق العربيد الجلابيات
سوق السالمية
سوق شعبي وآيد حلو جنه السوق الجديم اللي فآلشآرجة
وفيه محلات للحلوى ويبيعون فيها حلوى بحرينية ومتاي وآتشآر وبهآرآت وحلاوة جديمة يعني وايد فيه أشيآ حلوة
وبعد تحصلين محلات للعطور مثل أصغر علي موجود عندنا فالإمآرآت بس فالبحرين حسيته مشهور ومعروف وايد لاني جفته فكذا مكان
وبعد فسوق المحرق في محلات للعبي السنة اللي طآفت خذنآ من عندهم عبي وبأسعار حلوة السنة هذي رحتلهم فشهر 6 عقب ما خلصنا مدراس ما حصلت عبي حلوة وتقريبا وايد عبي كنت جايفتنها السنة اللي قبلها يمكن الحين نزلوا أشياء حلوة ويديدة وعموما حسيت العبي اللي عندنا خاماتها أحلى والشغل اللي فيها أحلى بس إذا تبين عبي نايس يمكن فالمولات تكون شي بس شوو الأسعار ضوو يعني ما تفرق عنا
وفي سوق شعبي ثاني عندهم يمدحوونه بس نسيت اسمه
وفالبحرين اذا بغيتي مطاعم مالج الا شارع المعارض وبعد فمنطقة الجفير في مطاعم بس ما اذكر وين مكانها بالضبط عموما البحرين حلوووة وعفكرررررة فشهر 6 كان الجو عندهم وايد حلو ما عندهم حر نفسنا الحر يكون فالنهار وبسيط وبالليل يكون الجو طر عندهم وأنصحج تزورين كورنيش المحرق حلو للصغارية وبعد مولاتهم أحلى مول عندهم ستي سنتر البحرين وايد عيبني وبعد عندهم مولات ثانية مثل السيف والدانة وفي مول اسمه البحرين بس ما زرته وعموما نحن ما نتشرى من المولات ندور الاسواق الشعبية والاشياء اللي مب عندنا وشرا ما قلتلي مولاتنا شكثر ماشاء الله
وبالنسبة للفنادق منطقة الجفير متروووسة من الفنادق وايد فيها ونحن دوم نسكن هناك
والبحرين اذا سرتيها مرة ما تقدرين تصبرين عنها وبترديلها مرة ثانية
وهل البحرين ناس وايد طيبين وتحسين صدق فبلادج الثانية
وتروحين وتردين بالسلامة خيتوو وسفرة سعيدة إن شاء الله
ربي يحفظج