ارجو من الله ثم منكن للي عندها خليفة عن سوالف الفيزا
اتخبرني
اللي اعرفه انه مكان السفارة البريطانية في الخالدية ابوظبي
بس اللي اريد اعرفة
لازم اخذ موعد قبل ما اروح لهم ؟؟؟
لازم اعبي الفورم اللي في موقعهم ؟؟
بكم فيزا خمس سنين ؟؟؟
شو الاوراق المطلوبة ؟؟
ورقة الراتب و حجز الفندق ضروري ؟؟؟
اللي بترد اكووووووووووووون شااااااااااكره لها من كل قلبي
تحياتي
شروط الامارات العربية المتحدة
منطقة أبوظبي
الاوراق المطلوبة لاستخراج الفيزة البريطانية – الامارات
العنوان في ابوظبي – شارع الخالدية
العنوان في دبي – بناية عود ميثا عند مجمع وافي
المطلــــــــــــوب
صورة شخصية خلفيتها بيضاء+ جواز السفر+ تعبئة الطلب ( ممكن تحصل عليه من موقع شركة vfs global اللي هو
https://www.vfs-uk-ae.com/arabic/
ويوجد فيه الاسعار مع الحضور شخصيا للتبصيم واذا عندك مريض لايقدر ان يحضر للبصمة يجب تقرير من المستشفى وفيزة المريض فقط 6 شهور وممكن تاخذ فيزة الخادمه بشرط ان تكون الخادمة على فيزتك اكثر من سنة
وفيزة الشغالة اغلى لانها تعتبر فيزة عمل . تاخذ الفيزة من يومان الى 3 ويتم توصيلها لك عن طريق الامبوست
كما توجد خدمة VIP وهيه عبارة عن تعبئة الطلب لك والتبصيم في غرفة مستقلة بدون زحمه فقط 150 درهم
وبعد عندهم تذاكر ل لندن اي والبج باص وغيره لو تحب تشتري
بس من فترة غلت الـ VIP اظن كان 270 او شي تقريبا بها الحدود
الفيزا لخمس سنين 2500 قبل وحد يقول وصلت 5000 بس نحن كنا مسوينها من قبل ،،
تقدرين تاخذين موعد اذا بدشين عادي واذا VIP من دون موعد ،،
وملاحظه مهمه لازم تكون اطراف ايدج مب محنتنها لانه ما تظهر البصمه عدل اذا متحنيه فاضطرت وحده ويانا تشتري تشقير وتشقر الحنا وردت مره ثانيه تتريا في الدور لان طاف موعدها وما كانت تعرف عن الحنا
رحله ممتعه ان شاء الله
موفقه
