اشحالكم حبوباااااااااات 
اليوم يايبتلكم تقرير عن رحلتي الي جزيرة سيشل Seychelles
الرحله كانت في شهر 6
و يلسنا هناك اسبوع بس صدقوني اسبوووع وااااايد على جزيرة سيشل اللي تبا تسير انصحها ب 3 او 4 ايام بس لان ما فيها اماكن سياحيه تقريبا هي بنفس مساحة امارة عجمان و اصغر بعد
حجزنا في فندق 5 stars
اسمه Banyan Tree
الفندق رووووعه يتكون من فلل و كل فله لها ميزتها الخاصه
و نحن اخترنا الفله اللي تطل على البحر صدق خباااااااااااال
الرحله لمدة اسبوع كلفت تقريبا 75,000 درهم شامل تذاكر السفر بزنس على طيران الامارات
و يالله بنبتدي بالصور
اول ما وصلنا قلت في خاطري يالااااااااهوي شو هالمكان اللي يخوف 
و شوي شوي بدت تحلا المناظر
و صلنا الفندق
و طبعا ضيفونا و رحبو فينا و قدمولنا عصير و يا مدير الفندق يسلم علينا يعني المعااامله وااااااو
و هذي صور الفيلا اللي اخترناها فيها حوض سباحه و جاكوزي و اماكن خاصه للمساج و كراسي علشان نتشمس ههههه بروحنا شاردين من الشمس مع ان جوهم يخبل و مطله على البحر
واجهة الفيلا
و هذا الجاكوزي طبعا الفيلا تكون خاااصه يعني محد يقدر يشووفنا
و هذا مكان المساج و اللي يبا يتصل الرسبشن و اييبوله متخصصات في المساج خخخخخ بس انا اغاار ما سويتها هع هع
يتــبــــــــــــــــــــــع ……
سرت و رديت و ما يلست عليها خخخخخخخ
السويمنج بووووول و مبين البحر بعد
كل الصور اللي عندي للفيلا من داخل انا و ريلي طالعين فيهم
و اكرمتو في حمامين واحد فيه المرحاض
و الثاني للسبوح و فيه بعد سونا
بس هاذي الصورة صوب المغاسل
و هني اليلسه صغنطووطه على قدنا
و هذا بخور اونه علشان يسوي ريحة حلوه خخخخخ امحق ريحه خشومنا عورتنا و يلسنا نعاطس
يتبـــــــــــــــــــــــع ,,,
اكثر شي عيبني ان كل ما نطلع او كل ما ينظفون الحجره نرجع نلاقيهم مسوين ديزاين مختلف بمفرش السرير و حاطين هدية تذكاريه عليه اونه تغير
هاي الحركة وايد عيبتني اونهم مسوين بورق الشير كلمة هابي هاني مون
و هذي حركات ثانيه
اووه صح بعد نسيت اخبركم كل ما نطلع و نرجع نلاقيهم حاطيلنا سلو ميوزك في الاستيريو اللي في الفيلا – و عندهم بعد في الرسبشن مجمووعه كبيره من الافلام يعني تقدرون تاخذونها و فري يعني ببلاش و تشوفونها ع الدي في دي اللي في الغرفة
و الريوق بعد free
اممم بس استئجار السياره غالي شوي تقريبا ساعتين ب 200 دولار
يتبــــــــــــــــــــع ,,
يالله بنكمل
سوولنا ليله رومنسيه على حساب الفندق
بس اللي ما عيبني ان الويتر او الجارسون يووووقف على راسنا علشان كل شوي اييب شي
يعني اول المقبلات و بعدين المين كورس و عقب السويت و جيه يعني
بس نحن طردناااه خخخخخخ قلناله يوم نباك بنتصل فيك <<< ويوهناا لوووح هع هع
و كنا نقدر نختار الليلة الرومنسيه تكون على الشاطئ بس الجو هاك اليوم ما كان يساعد لان اخر 3 ايام امطاااااااار و هواااااااا
عااااااااااد الحين لا تضحكووووون خخخخخخخخ
عرسااااان و سايرين ســـــــــوق السمــــــــــــــج و الخضـــــــــــرة
شو نسوي ما عندهم اماكن سياحيه غير سوق السمج و حديقه
و سوبرماركت شوي بعيد عن الفندق يمتلكه واحد سعودي و هذا اكبر سوبرماركت عندهم
الحين المناظر الطبيعيه ,,
يتبــــــــــــــــــــــــــع ,,,,
هههههه لان موقع الفندق خباااااااااال
تشوفون الكرسي اللي على اليسار مكسور !!
ريلي كاسرنه خخخخخخخخ اسميني مت من الضحك عليه يوم طاح هع هع هع << شماااته نمبر ون
هذي الصورة خذتها في الدرب يوم كنت سايرين السوبرماركت
علم سيشل
الشرطه
يتبــــــــــــــع ,,,