حبيت اليوم اعرض لكم سفرتي (الي الصراحه كانت احلى من رووووووووووووووووووووووعه)
مخطط الرحلة كان
من دبي الى لندن (طيران الإمارات البزنس كلاس)
لندن الى ديزني لاند (قطار الي يمر تحت الماي من لندن لفرنسا)
ديزني لاند الى جنيف (قطار)
جنيف الى زيورخ (قطار)
زيورخ الإمارات (طيران الإمارات البزنس كلاس)
الحجز كان عند رانتا (راس الخيمه للسفريات)
التكلفه كانت 60000 درهم و المصرف يعني تقدرون تقولووون 10000 درهم غير انه كانت عندي عمله جنيه 2000 و سويسري 2000 فخفف علنا شوي تكلفة المصرف
المسافرووون
طبعا انا و ريلي العزيز و بنوووتي الغاليه (كان عمرها 8 شهوور)
اولا
خططنا للرحله قبل السفر ب 4 شهووور بتقولوووون ليش؟؟؟؟
لانه الصيف زحمه و الناس كلها تسافر فلازم نضمن الحجوزات و بعد يكون ارخص شوي لانه تحجز قبلها بفتره
و بعد عشان ما تستوي لنا مشاكل الفيزا (تعرفووون عاد عقب الي استوا في لندن استوت الفيزا صعبه شوي )بس احنا الحمد الله ما استوت لنا مشاكل (بس كنا بناخذ الخدامه و ما طاعوا (احسن وفرنا علينا و ما احتجنا الخدامه)
يلا بيييييينا
يوم السفر كان بتاريخ 5-8-2007 يوم الأحد يعني ليله السبت (الساعه 11) بس وصلنا الأحد لندن
طبعا يتنا سياره خاصه بالبزنس كلاس من دبي الى راس الخيمه عشان تودينا المطااار
وصلنا الصبح الساعه 7 مطار هيثرو
نزلنا سوينا الإجراءات و خذنا الشنط و كان في سياره تتريانا (لانه احنا حاجزين بزنس كلاس فيكون موفر لنا سياره)
و انطلقنا الى فندق Millennium Hotel in Knightsbridge قريب من الهاردز حلو بس شوي ضيق المكااان
في لندن تمينا 7 ايام
و في هالأيام سرنا (حديقه الثورب بارك , مدام توسو , لندن أي , ملعب شيلسي (لانه ريلي يشجع هالفريق) , و سرنا عند عايله انجليزيه اعرفها , وووو طبعا الهاردز مب بس مره كم مره بعد , و ادجور رووود دوم نتعشا هناك في مطعم هندي )
رحلاتنا في لندن كانت عن طريق الأندر قرااوند وااااااااااااااااايد ارخص (خذا بطاقتييين مال القطار (50 لاوند كله بطاقه) حقي و ريلي (بنتي فري طبعا )
و هاي بعض الصور لرحلتنا الي لندن السموحه بعض الصور انا فيها هاي الي بس ريلي و بنتي و الباقين السي دي عند اختي اول ما تيبه بحط الصور الثانيه
هالصووره ريلي وااايد مكيف عليييها (اونه عاد صوره صوره صح)
هالصور كانت عند العايله الأنجليزيه
هني بو نوره و نوره مقابل الهاردز
هني نواري في مطعم في الهاردز
____________________________________
المهم في صووووووووووور واايد بس في السي دي اول ما اختي تيبه بحط لكم صور اكثر
هااااااا
شو رايكم اكمل و الا لا بس ؟؟؟؟؟؟؟؟؟؟؟؟؟؟؟؟
المشاركة الأصلية كتبت بواسطة شمااااااالعين 
ان شاء الله الغاليه
فالج طيب
اول ما توصل الصور بحطهم لج
المشاركة الأصلية كتبت بواسطة Roo7_AD و لا يهمج الغاليه
طبعا مثل ما قلت لكم خذا القطار لين ديزني (الأسعار كانت ضمن الباكج) يعني التذاكر حاجزينها قبل و كلها درجه اولى
في ديزني سرنا فندق نيويورك واااااايد روعه و يوم واحد سرنا باريس و رجعنا
المهم هناك طبعا بو الشباب الي كان يلعب الألعاب لانه نونه صغيروونه و انا ما يستوي ميودتنها (بس ركب كم من لعبه
و هاي بعض الصور
نواري و ويا ميني ماوس
فدييييتها ما شاء الله عليها (واااايد استانست عليها) الله يحفظها
مدخل ديزني بارك
قصر الأميره النائمه
في الليل روووعه
ويا بلووتو (نواري زاغت منه)
في باريس
و بعد الرحله الحلوه هاي
سرنا سويسرا
3 ايام في جينيف و هاي مقتطفات من جينيف
نافوره جينيف
نواري ويا لاعب العين و المنتخب حميد فاخر
في هاي الصوره الناس مسويين بك نك لانه كان اجازه
نواري في القارب (ابوها كان يسوق) يستوي تأجرهم بالساعه
بس عقب رقدت ككككككككككك
و المحطه الأخيره زيورخ (واااايد عيبتني)
و اخلييكم مع الصوور فهي خير دليييييل
في منطقه تتليز فوق الجبل (الثلج طوووووووووووول السنه)
ها نهر وااااايد حلو في مدينه انجلبرق
نواري و ابوها في الثلج
هني نواري تبا تشرب شاي ويا ابوها
دس عنها الشاي بس بعدها ادوووور كككك
نواري و الدريول ::ككك::
ها شو راااايكم
؟؟؟؟
راجعتلكم عقب حق الجزء الثاني من الصوووور