يوم الخميس الياي عرس أختي ..
وكنت حاطة في بالي بسوي ميك أب في دبي .. بس الحين الوالدة قالت ماشي سيرة دبي ..
المهم بغيت أعرف أحسن صوالين تحط ميك أب في بوظبي ..
وياليت الأسعار ..
الشيء الثاني بييون عندنا معازيم من الفجيرة وهم ناس على قدهم وبناتهم يبون ميك أب وتسريحة بسعر معقول .. فيه وحدة قالت لي لابوبيه يسوي الميك أب العادي على 200 مع تسريحة .. والسبشل 250 .. فأنا قلت يمكن يكون زين للياهلات بناتهم ..
السؤال حد جرب ميك أب من لا بوبيه .؟
وإذا فيه صوالين أسعارهم في حدود 250 – 300 لأن هذا اللمت مالهم ..
قالوا لي عروسة الخليج ميك أب معقول ب 350 مع التسريحة ..
بنات دلوني افتر راسي
بالنسبة لي أنا وخواتي ثنتين فماعندي مشكلة بالدفع وأريد أحسن ميك أب .. بس الضيوف وايد .. يعني حول 10 بنات اللي من الفجيرة واللي من عجمان وحد من العين وماعندهم لمت ..
وفيه شيء بعد .. بغيت صالون للحنا .. العروس بتتحنى عند عوضية .. واحتمال أتحنى وياها أنا وخواتي بس أبا صالون ثاني ولا تقولون لافام .. لاعت جبدي من معاملتهم المتعجرفة …
ساعدوني دخيلكم
اما انتي واختج الصراحه انا مجربه صالون بيوتي بلاس واااااااااايد رهيب انا حطيت عادي ب 600 ويا التسريحه وهم في النادي السياحي وعندج صالون دولاااا في نفس المنطقه واظن السعر نفس الشي وانا مجربه الضبغ عندهم ووااااايد روعه
اما للحنه انا اشوف انه صالون الاخواات روعه حنتهم
وتحياتي لج
اول شي مبروك العرس..و الله يتمم على خير انشالله..
ثاني شي..انا جربت May & Mar في حفلة تخرجي..و بصراحه وايد حلو مكياجهم..اللي تسوي الميك اب لبنانيه ..عسل و من النوع اللي تتقبل اي شي بصدر رحب..مب مثل بعضهن اذا قلتي لها ان ميك ابج خفيف تزعل و تحرج ..المهم هذه كانت تسوي لممثلات مثل ميساء مغربي و غيرها..وبالنسبه للاسعار مناسبه..250 سبيشل على مااذكر..
الصالون مكانه في الخالديه…
و الله يوفقج حبيبتي..
الصبغه عند صالون لاروش في شارع السلام ضني عند قصر الهند اطلبي بوليت احسن وحده ……..
وعقبال الي ما عرسن إن شاء الله ……… تحياتي ………..
وصالون سناء يسوي مكياج ب 100 وحلو
هذيل الي جربتهم ……. و عندج وحدة اسمها مريم
بعد في بوظبي بتحصلين رقمها في الوسيط