السلام عليكم خواني الفاضلات ……. أنا انسانه احس بضيقة في صدري وما اعرف حتى كيف اتعامل مع ريلي وعيالي احس اني مضايقة من كل شي دايما افكر واقول انا عمري الحين 31 سنه واحس اني ما كونت لي بيت يضمني انا وعيالي احس انه ريلي هو السبب لانه ما فكر فيينا من قبل وكلة ديووون وكل يوم افكر واقول احنا شو ذنبنا نعيش جييية وكل ما افكر ف هالتفكير اضايق اكثر وكل ما اشوف عيالي يكبرون اقول وين بحطهم بعدين وبنتي الحين كبيرة ما شاء الله وعمرها 11 سنه وتستحي انها تلبس ملابسها واخوها موجود وهو نفس الشي بعد يستحي وانا اللي من النوع ما اخليهم ينزلون تحت وااايد والله ما ادري احس ان ريلي المسؤل ونفس الوقت احس انه ما في إيدة ايسوي شي بس انا ما اعرف كيييف اكون معاه
اختي الله يفرج همك وغمك ان شاء الله ويرزقك من اوسع ابوابه…
اختي اذا ريلج غلط واكيد ما كان قصده الاذية فهذا لا يعني انك اتكوني انتي والزمن عليه..
اكثري من الاستغفار وذكر الله انتي وريلج وعيالج و الدعاء في القيام..
وتذكري اختي انج احسن من غيرج بكثيييير ..غيرج انحرم من العيال وانتي وريلج وعيالج بخير وصحة لا مرض ولا علة الحمد لله..
ومن يتوكل على الله فهو حسبه..
اتوكلي على ربج و اكثري من قول حسبي الله ونعم الوكيل..
وحاولي انج اتفكرين بالحل بدل ما اتهمي نفسك بالتفكير بالمشكلة وضيقي صدرج ..
حاولي تشتغلين من البيت او ادورين وظيفة او تساعدين ريلج انه يحصل شغل احسن دوري بالجرايد وبالنت وان شاء الله اذا توكلت على الله حق التوكل فسيكفيك باذنه تعالى
دعاء تفريج الكرب " حسبنا الله سيؤتينا الله من فضله ورسوله انا الى الله راغبون " امثري قوله في التشهد الاخير من الصلاه واكثري من الاستغفار حبيبتي
احمدي ربج على النعمه اختى غيرج يتمنى بس يتزوج واللي يتمنى يكون عنده ياهل وانتي الحمدلله عندج الاثنين وان شالله الله بيفتحها عليج اكثري من الاستغفار والدعاء واقري سوره البقره وشغليها في البيت لان هذا كله اللي تحسين فيه وساويس الشيطان يعني انا مثلا اخوي تزوج وعنده عيال وعاش على بيوت الايجار فتره طويله وما كان قادر يبني بيت بسبب الديون والحين الحمدلله ربه فتحها عليه وبنى بيت حقه بعد معاناه طويله عاشها بس كان دايما يقول الحمدلله …….
كلمي ريلج باسلوب طيب ولا تحسسينه انه مقصر معاكم وكلميه بموضوع البيت والله يسهل امرج يارب ويزيل همج
احمدي ربج على النعمه اختى غيرج يتمنى بس يتزوج واللي يتمنى يكون عنده ياهل وانتي الحمدلله عندج الاثنين وان شالله الله بيفتحها عليج اكثري من الاستغفار والدعاء واقري سوره البقره وشغليها في البيت لان هذا كله اللي تحسين فيه وساويس الشيطان يعني انا مثلا اخوي تزوج وعنده عيال وعاش على بيوت الايجار فتره طويله وما كان قادر يبني بيت بسبب الديون والحين الحمدلله ربه فتحها عليه وبنى بيت حقه بعد معاناه طويله عاشها بس كان دايما يقول الحمدلله …….
كلمي ريلج باسلوب طيب ولا تحسسينه انه مقصر معاكم وكلميه بموضوع البيت والله يسهل امرج يارب ويزيل همج
دعاء تفريج الكرب " حسبنا الله سيؤتينا الله من فضله انا الى الله راغبون "…
من دون ورسوله >> لان الاية لما نزلت كان رسول الله فيهم بس احنا الحين يعد وفاة الرسول ندعي بحسبنا الله سيؤتينا الله من فضله انا الى الله راغبون
من دون ورسوله >> لان الاية لما نزلت كان رسول الله فيهم بس احنا الحين يعد وفاة الرسول ندعي بحسبنا الله سيؤتينا الله من فضله انا الى الله راغبون
قلبي الله يفرج كربج استغفري وايد واقري سوره بقره وايد وقومي الليل واسجدي واطلبي من الله يفرجها عليج
الله يفرج همج وهمنا عاجلا غير اجل يارب