تتوقعون السالفه فيهاا خبصه وله عاادي؟ 2024.

السلام عليكم..شخبارك خواتي..
انا اليوم ابغي منكم تفسير لموضوع ربيعتي..الله يسلمكم اربيعتي اتسير المعهد تاخذ دبلوم ايتي..صارت لهاا مده تقريباا وبتخلص على تاريخ 17 6..المهم اربيعتي الحمدالله واايد حبوبه وطيبه..واجتماعيه,,وتساعد الكل..المهم من كثر ماهي اجتماعيه تحب تكون صداقات والحمدالله عندهاا..طبعاا اربيعتي هذي تروح المعهد وترد مع السايق كل يوم..بس اليوم السايق قال لربيعتي بتاخر شوي عشر دقايق عن الوقت الي دايم يجي لهااا..الرده اقصد البيت..ف اهي قاعده مع ربيعاتهاا في الكلاس..فجاة وحده من بنات الكلاس قالت امشي انا بوديج..اربيعتي قالت لا مشكوره فديتج..امي والسايق بيوني..قالت لا بوديج عاادي لا تخافين اختي العودة الي بتي..قلت لهاااا لا اسفه اهلي ما يرضون والمهم قعدت تصر على اني لازم اهي توديني..ولين اربيعتي اتصلت حق امهااا عسب تخبرهاا انهاا بترجع البيت مع اربيعتهاا,..وعلى فكره بيت اربيعتي في البديه وبيتهم هم في مربح..ف خلاص رمست الوالده وقررت انهاا ترجع ويااهاا..ف اول ما قعدت في السياره وشوي اختهااا العوده تسال ربيعتي انتي اي دفعه وم عمرج وانتي اكبر وحده والا لا..وشو تخصصج..وج يعني..واربيعتي مستغربه واايد عن هااي الاساله..والاستغراب الشديد انه ليش هاا البنت اصرت على ربيعتي انهاا لازم ترجع ويااهاا..ف وصلت اختي البيت وخلاص هم راحواا..ف الموضوع هو هذا بس الي ابغي منكم انكم تفسرون لي شو سالفه المووضوع وليش البنت شو تقصد من حركتهاا..والا شي عاادي ؟
بلييييييييز ردوا على لانه اربيعتي تفكر واايد بالمووضع..ادري انه سخيف بس فضول هعهع هع هع عه

شي عادي

لاتتخيل وايد وتحلم عن تنصدم

يمكن يبون يخطبونها لااحد من عيالهم ويبون يشوفونها يمكن ان بعض الظن اثم والله يستر عليها

صدق والله

سبحان الله يمكن هالبنت رشحت ربيعتج لاحد اخوانها

واختها العوده يات عسب تشوفها وتسولف معاها

وربي يحفظ ربيعتج من شر يارب

بالعكس السالفه عاديه و ما فيها شي و أتوقع الأخت يلست تتسألها يعني من باب انه يكون في حوار من بينهم ما يتمون ساكتين و يقصرون الدرب بالسوالف …