ضرس العقل 2024.

اول شي بحب اطمنك

انا قبل كم شهر كان عندي ضرس العقل مسوس ومكسر وحااااااااالته حاله وميته كنت من الخوووف قلت خلاص والله اموت ارحملي من خلعه بس صار بالاخير يجرح خدي من الداخل ويسبب التهاب قلت وجب خلعه

رحت لعيادة ملاك عند دكتور عراقي اسمو عدي قال اسنانك من النوع اللي تتكسر وهالشي ممكن يضطرنا لفتح اللثه حتى نقدر نخلعها لكن بحاااول اني ما اعمل هيك واخلعها بدون فتح

بنجني منيح وبلش يحركها من جميع الجوانب وباقل من عشر دقايق كان خالعها بدووون ما يفتح اللثه ولا يعمل شي

الحمد لله والشكر

وبعدين قال بدي أسكر مكانها بالخيط بلاش يدخل اكل ويلتهب المكان وخيط وقال بعد 5ايام تعالي حتى افك الخيط

واعطاني حبوب مسكنه اخدها عند الضروورة

المهم انا بمجرد ما بلش البنج يروح مفعوله اخدت حبه من المسكن

وكل يوم اخد حبه مو لانو في ألم بالعكس ماكنت اشعر بشي بس كنت اخاف يصير الم

بس والله ماااحسيت بشي واتندمت على الوقت اللي تركت نفسي اتعذب فيه من دون ما اخلعها

المهم بعد خمس ايام راحو لخيوط لحالهم بدون ما اروح للدكتور والحمد لله افتكيت من همها

ابس الشغله الوحيدة اللي عانيت منها هي الانتفاخ ،خدي انتفخ كتييير بس طبعا بدون ألم

بدي احكيلك كمان عن ضرس عقل تاني إلي كان في الفك الاسفل اجيت بدي اخلعه صوره الدكتور صورة اشعه قال قنوات العصب فيه منيحه والسوسه مو واصله خليني احشيه وفعلاً حشاه ومشي الحال وضلو الضرس موجود

يعني ضرسك ممكن ما يحتاج للخلع وممكن يحتاج حسب حالته