ووين اسوي التدريب العملي؟؟ 2024.

بنات أنا طالبة جامعية وباقي شوي واتخرج اخذ الحين انترشب الي هو التدريب العملي ومحتارة وين اتدرب
أنا من الشارجة وشفت أكثر الاماكن ف دبي والصراحة ابا اشتغل اهناك بس ابوي مب راضي عسب المواصلات انزين قلنا مب مشكلة هالشي…

المشكلة يقول لازم ما يكون مختلط انا ابا اعرف وين مكان ماشي اختلاااط. الاتصالات الهوية الوزارات المستشفيات كل مكان فيه

ماشوف في مشكلة لو اشتغلت مكان مختلط خصوصا اني مب من النوع الي ارمس الشباب واسولف بلا حيا. اسوي شغلي واطلع اصلن طبعي هادية. حتى اشتغل كستمر سيرفس مايرضى عسب الزبائن بيكونون رياييل.. انا مابا مدارس ولا هيئات وين تنصحوني؟؟

اختي جربي المستشفيات الحكوميه مثلا يكون فيها اقسام خاصه بالحريم اعرف ربيعه لي تشتغل في مشتشفى حكومي وعندهم اقسام

ورجال في ناحيه والحريم في ناحيه بس كلام عادي وسلام عليكم وكل وحده وحشمتها!

لا تخالفين ابوج طيعي وليّ أمرج
ليش ماتبين مدارس او هيئات؟؟!!
شكلج بروحج تدورين مختلط
انتي تدربي عشان تتخرجين،، لاحقة تدورين وظيفة في المكان اللي يريّحج

ما اعتقد شي مكان ما فيه اختلاط الحين ما عدا المدارس !!

الهويه

فيه قسم حريم وفيه قسم رياييل وحتى بعض البنوك

يحليله
عموما قوليله ان حتى المدارس فيها اختلاط
يعني حتى الابتدائي صارت مكس معلمين و معلمات
كل مكان صار مختلط ، قوليله اذا شي مكان مش مختلط عادي بتدرب فيه بس خبرني وينه ؟؟
كل الشواب و اغلب الشباب ما يبون بناتهم وخواتهم يشتغلون في مكان مختلط و السبب هو الثقه
انتي حاولي تخلينه يثق فيج
لان حتى لو قال لج انه واثق فيج فهو بكل تأكيد ما يبا يجرحج
الاهل من شدة حبهم لعيالهم و حرصهم عليهم يخافون عليهم من كل شيء خاصه الحين من كثر ما يسمعون البلاوي لي تصير فما ينلام يا عزيزتي

لا والله ماادور ع اختلاط بس تعبت وانا ادور ع مكان عدل وانا مابا مدارس لنه ضغط وكراف وهو ماله علاقة بتخصصي