احتاج خبرة الامهات يلي اطفالهم بيدخلو المدرسة ؟ ضروري 2024.

اخواتي الامهات
محتاجة مشورتكم … محتارة كثير
ابني عمره حاليا 5 سنوات مخلص الروضة وبعد شهر ونص بيدخل التمهيدي
الناس نصحوني اني اخذله استثناء من الوزارة وادخله اول ابتدائي و اعرف كم طفل في عمر ولدي بيدخل صف الاول على طول
الحين انا محتارة ، ابني ذكي وحتى معلماته في الروضة كانوا يقولولي نفس الكلام
لما السنة الدراسية راح تبدأ بيكون عمره خمس سنوات و ثلاثة أشهر
ها شو تنصحوني و ايش الاسباب
محتارة كثير واخاف اضيع عليه سنة كاملة و في نفس الوقت اخاف استعجل عليه

انا بنتي عمرها 5 سنوات بتروح kg2

الصراحه صارت المناهج ترهق الاطفال

حتى لو ذكي بس سنهم بعده الدروس اللي يعطونهم وايد كبيره عليهم

هذا رايي

مشكورة اختي على النصيحة
انا بعد كنت مترددة لهالسبب صراحة

اختي دامج دخلتيه الروضه متاخر خلاص خليه يمشي على كل المناهج طبيعي …

مرت عمي دخلت ولدها مدرسه خاصه وخلته يعيد صف الاول بحجه انها تباه يكون بيرفكت فالانجليزي ! واحينه الولد متاخر عن كل ربعه بسنه بسبه امه وللحين يقولها كله منج خليتيني اعيد السنه وانا ناجح

حرام اصل المناهج الخاصه
صعبه وايد
وهو بعده خمس سنوات لا اتكرهينه بالدراسه
المفروض انه يكون عمره 6 او 7 يوم يدخل grade 1