.{ الحمدلله} ————–: 2024.

شحالكن الغاليات وعساكن بخير…..؟

<<< بصراحه ماعرف وين ابدا بس ضاربتني ضيجه ع حالي اللي احسبه مايسر مرات احس اني ولا شي ومرات احس ان عدمي ووجودي واحد ومرات احس اني فقت الثقه بنفسي وبالكل ومرات احس الدنيا مسوده فويهي ومرات احس اني مكبره الموضوع ومرات او اغلب الاحيان اتشوق ارد سنتين او ثلاث لورا ارد البنت اللي تسولف وتضحك وماخذه الدنيا يوم بيومه …احس اني تغيريت 360 درجه وهل التغير اغلبه للاسوء غديت ماحب ارمس ماحب اسولف ونسيت كيف يسولفون ولو ابا اضحك اضحك بدون نفس ومالي خاطر ولو باكل اكل عشان اعيش مب لاني مشتهيه الاكل …مادري ليش احس انه حياتي تعيسه وكل يوم احس بضييج وافكر باللي مضى من مواقف تعرضت لها اثرت فيه بشكل فضييع جلبت حياتي فوق تحت ….

شو اسوي مرات اقول لو اضرب راسي بمطرقه يمكن ينجلب حالي ورد شرات قبل

فخاطري والله فخاطري اضحك جيه لين ماقول خلاص بطني عورني بس
فخاطري اخذ الدنيا ببساطه واكون كووووول
فخاطري اكون مبتسمه كل يوم شرات هل السمايلي

وراس المشكله بكبرها اني احط فخاطريه وايد ولو اتعرض لموقف يحز فخاطريه مستحيل انساه واذكره كل يوم

<<< انا كتبت الموضوع مب عشان اشتكي الحمدلله رب العالميين مليون الف مره

مابا غير الدعاء ان الله يفرج علي

{ لا إله إلا أنت الحليم الكريم، لا إله إلا أنت رب العرش
العظيم، الحمد لله رب العالمين. اللهم إني أسألك موجبات رحمتك وعزائم
مغفرتك والغنيمة من كل بر و السلام من كل إثم والفوز بالجنة والنجاة
من النار، لا تدع لي ذنباً إلا غفرته، ولا هماً إلا فرجته، ولا حاجة
من حوائج الدنيا والآخرة لك فيها رضا ولي فيها صلاح إلا قضيتها
ويسرتها برحمتك يا أرحم الراحمين