حبايبي الامهات .. العاملات بالاخص .. انا ام لطفلين بنت وولد مشكلتي تكمن في دوامي اللي يبدا الساعة 3 المساء .. وزوجي بعد يداوم المساء بعد الساعه 6 .. في نفس مجال شغلي 
… لكن احساس بالذنب والقصور على عيالي واني مخلتنهم مع الخدامة واهل زوجي ذابحني خاصة يوم يصيحون علي وانا طالعه أو يوم ما يرضون يرجدون ، بس يبون يلعبون وياي .. شو اسوي ؟ تصدقون بنتي اللي عمرها سنتين و8شهور قالتلي اليوم انتي تروحين وبابا يروح …والله زعلانه
الله يعينج ,, بس انتي وريلج تسعون لراحتهم ان كانت الحين والا في المستقبل
وانا من رايي ,,
تكلمينهم والا تفهمينهم ,, انج اتسيرين الشغل ويوم بتين بتيبين لهم حلاوة عشان ما يصيحون
تبين الصدق مب زين الياهل يتعود ان كل ما تدخل الام تييب لهم شي بس انا عودتهم – واشوف الحين من كبروا قطعوا هالعاده – صاروا يفهمون
ولا اتخلينهم يصيحون وانتي طالعه
والله يصبرج ان شاء الله
وانا من رايي ,,
تكلمينهم والا تفهمينهم ,, انج اتسيرين الشغل ويوم بتين بتيبين لهم حلاوة عشان ما يصيحون
تبين الصدق مب زين الياهل يتعود ان كل ما تدخل الام تييب لهم شي بس انا عودتهم – واشوف الحين من كبروا قطعوا هالعاده – صاروا يفهمون
ولا اتخلينهم يصيحون وانتي طالعه
والله يصبرج ان شاء الله
يمكن تحسين بالذنب لانهم صغار من يكبرون بتتعودين وهم بعد بيتعودون
الله يعينك اختي
هذا اكل العيش ولازم تفهميهم هالكلام باسلوبك
وخصصيلهم وقتك كامل في الاجازه اخر الاسبوع اطلعي معاهم والعبي معهم
والله يوفقك
انا من راايي انش تقعدين في البيت لانه لافات الفوت ماينفع الصوت عقب بتتلومين على نفسش لو الخدامه لاسمح الله سوت فيهم شي الله لايقول والله يحفظهم ترا مهما كانت هذي خداامه حتى لو كانت عندش من 10سنين انا اقولش اقعدي في البيت احسن وقابلييهم وعقب من يكبرون او يروحون المدرسه داااومي
الله يعينج والله انا من راي تقعدين ف البيت والله هذي احلى اللحظات اقضيها مع اعيالج ولا ضيعي من وقتج اكثر
الله يعينج
ظروف الحياه صارت صعبه وكل شي غااالي صاار ..بس انتي حاولي تكلمينهم وتفهمونهم انا بطلع بس يوم بي بنلعب وبجيب لكم حلويااات وقت الاجازه حاولي تكوني معاهم وااايد