.
.
.
سـؤال صغيـر:
يـوم تظهرين لفنـدق او ظهـرة عاديـة ، شو تسوين عشـان النونـو ما يجلب الطلعه لجحيـم ؟؟؟؟
(خـاصة للي عيالهم صياحين بزيادة شرات بنتي )
.
.
.
شكـرا
واذا كنتي ما تطمنين ان بنتج بعيدة عن عينج خذي وياج اختج مثلا واجرو شقة بغرفتين وحده انتي وريلج والثانيه حق اختج والنونو
انا يوم يكمل اصغرر عيالي سنتين عادي عندي اخليهم ويا خواتي لاني اعودهم على بيت اهلي
ما بتصدقيني اذا قتلج ما طلعنا من الفندق غير مرة وحدة لاني مووووووول مقدرت من صياحها حتى اللي في المول يطالعوني ويقولولي بلاها بلاها من كثر ما تصرخ ..
وقررت ما اسير وياها مكان من دون الخدامة ومن يومها الخدامة جدامي …
والمرة الثانية سافرت وطبعا من غير الخدامة وندمت من اول ما وصلت اني ما خذت الخدامة … لان يومي كله يضيع وياها .. من الصبح الا اسبحها واريقها واسويلها غداء وابدللها .. ومن اطلع في السيارة ترقد ومن نوصل المكان اللي سايريله تصااااااارخ …
وقررت من اليوم وساير ريل الخداااامة قبل ريلي ….
فنصيحة مني اذا سايره تغيرين جو ولمدة كمن ساعه فخلي النونو ويا امج او حد من خواتج في البيت واطلعي بدونهم …
واليهال لو خليتيهم بتخترب الطلعه لان بتركهم عند حد تخترب الطلعه لن تفكيرج
بيكون كله عند الياهل
شلوها واتحملوا حرام 
وعيالي صارو كبار شوي الحمد لله
اخليهم بيت اختي مع شنطهم واغراضهم
يعني باجر بروح عرس
بخلي عيالي مع اختي واكيد برجع متأخرة وبيكونون رقود فخلهم يرقدون عندها لين الصبح بروح اييبهم..
ما قمت اخذ عيالي معاي كل مكان لانهم يموتون ويروحون عند خواتي
واريح لي تصدقون مع اني اتوله عليهم 
فديتهم الله يحفظهم
طبعا هالرمسة بس وقت الطلعة مب كل يوم مستحيل