أنا صارلي 5 أيام بس والده
وما توقعت شكثر الأمومه بهالصعوبه
من طلعت من المستشفى وأنا مصدومه بوايد أشياء
أولا نوم البيبي ورضاعتها المتقطعه خبلت فيني ما ايلسها نشت وتبا ترضع ولا كأنها راضعه شيء
والغازات وحليلها دابحتنها
أما عن موضوع الخياطه فهذا بروحه معيشني بهم
أخاف أمشي واكره دشة الحمام عزكم الله و ما أقدر اقعد
هل هالاشياء طبيعية .. واذا طبيعية شكثر تأخذ لين تخوز عني
والله لو تشوفون عيونأتي كيف متورمه من السهر والبجي
ساعدوني في خبراتكم وتجاربكم
ربي يوفقج أختي ويجعلها ذرية صالحـة
والسموحـة أختي ما عندي خلفية
حتى لدرجه اني ما اكل مول ونزل وزني 15 كيلو .. هههههه
بس عقب الاربعين اتعودت ع الوضع واتاقلمت الحمدلله .. وارتحت واااااايد
لا اتحاتين فديتج .. لاربعين وايد متعبه .. ودوم حطي فبالج فتره وبتعدي وبترتاحين .. دايما ابتسمي وفكري كيف النونو بيكبر وبتييج ايام حلوه .. كم يسوا يوم ينشون ويطلعون اصوات حبيبايبي عسولين وكل شهر بتشوفي حركه يديده
اتحملي فديتج فتره وبتعدي وبتذكرين كلامي .. الله يحفظها لج ويبارك فيها 
توني ولدت شهر 12
وولدي مخبل فيني وااااااااااايد … كله يصيح وكل شوي موديتنه الطواري
وتوه مزجم وفيه كحه وايد وايد تلعوزت .. والجراحه عندي التهبت كنت بموت من الالم ومن صياح ولدي وصريخه ع طول الليل ،، واحيانا كنت اصيح مااقدراتحمل …
اهم شي تصبرين ع بنتج وتتحملين الآلام ،، ايام وبتروح ان شاءالله وبتشتاقين اتييبين الثاني ،،
شوتقولين عن حريمنا ماشاء الله عليهن كل وحدة يايبه 10 وفوق .. لامستشفيات ولاتخدير ولابطيخ
الله يعينج ويصبرج فديتج وشوي شوي ع عمرج وع الأنوته الحلوة .. ^^
انا اقولج كبدايه كل شي متعب والخياطه والالام من الرضاعه والرحم والخياطه لازم حد يساعدج بها الفتره ويخليج ترقدين شوي … والخياطه بروحها بتبرى يبالها وقت بس اخذي مسكنات مثل تحاميل فولتارين ما تأثر وتسكن …
فتره وتعدي بس تفائلي با الخير واستغفري طول الوقت واقري على البيبي قران بيهدا باذن الله …
ومبرووووووووك عليج ماياج والامومه مافي احلى منها بالدنيا
والاربعيييييين اه من الاربعين
معاناااه وسهر وتعب وارهاق ولوعه جبد
الله يعيينج الغاليه
واكيد هالشي صعب عليج لانه الوضع مول تغير عليج 180 در جه
بس صدقيني فتره وبتعدي بس انتي حاولي تاقلمين نفسج مع الوضع اليديد
وخلي حد يساعدج يشلها عنج شوي عشان تقدرين ترقدين عشان على الاقل تكون عندج طاقه تهتمين فيها فباقي الوقت
وترا هالشي كل حد يمر فيه حبيبتي
ولو تشتركين في تجمع الامهات الي ربوا معاج بترتاحين لانهم بيكونون نفس معاناتج وبتحسين حد معاج ,,